Green Thai

Open Now

Now Closed

在大本型商場找吃的 看見有泰國餐廳便想一試平常吃的泰國餐館 環境黑暗也很狹窄 但卻是很地道第一眼看見這間餐廳很寬敝 裝修也很西式 很華麗同時認為應該價錢不菲 味道也許不像其他的正宗但還是可以試試 看看餐牌 發覺午餐款式也頗多 價錢OK還可以追加小食或甜品點餐後不足五分鐘 飲品及食物已陸續到 效率真好呢湯河的湯底很清 適合不愛濃味的人牛肉有很多片 很足料海南雞賣相不錯 白白滑滑的 還配上蘿蔔湯唯一美中不足的是配白飯卻不是我每次吃海南雞飯最期待的油飯黃咖喱甜而不辣 卻甚為惹味鬆油餅比其他食物遲上 端來時熱呼呼的雞排和薯仔份量足 即使配油餅也不會覺得不夠馬來拉啡跟餐要+$8 因此我們叫一杯拉啡, 一杯普通咖啡拉啡味道偏甜 奶味重 正合我口味 好想一口氣喝完整杯普通咖啡也不錯所有食物和飲品的質素平均地高 環境及效率佳午市價錢合理 是一間能令人留下好印象的餐廳!

朋友生日，大家想食泰國菜又吾想去九龍城，咁岩有人推介位於油塘嘅green thai，好似吾錯，所以嚟食！間外裝修已經好令，有印度人表演整薄餅，拉到上天好厲害，小朋友愉快地在玻璃窗外圍著觀看！入到餐廳內，環境很好，大sofa很舒適，環境乾淨，有大映x播放電視和mv，裝修有泰國色彩，大象等等，也有酒吧，環境不錯。服務員態度良好，客氣的，送食物速度也快，點菜不久就有得食。我地三人嗌左六碟，有咖哩蟹，生菜包，通菜，炒河粉，花生薄餅，同泰式拼盤！咖哩蟹好正！咖哩醬加上蟹膏好好味，配上其他洋蔥西芹等更是惹味！蟹也很新鮮！肉有鮮味同肉質實淨，蟹應該係先炸過的，因為殼上痴有炸過的皮，然後再加上咖哩煮的，的確好味！餐廳也很細心，有不少手套和開蟹器提供，食得吾會咁麻煩！一贊！花生薄餅原打算跟咖哩一齊食，但原來是甜的，朋友話甜味加上咖哩味很奇怪，但我可接受，因為花生薄餅係我嗌點的，哈哈！另外通菜和炒河粉也不過不失，跟上辣椒同不少香葉炒，很香又戴點少辣，炒河粉內另加上花生碎？食落也有咬口，好食！生菜包份量看似吾多，但原來食很包，我諗都包到十個，肉碎吾豬吾瘦，如果只係試肉碎就有點咸，不過生菜包著食就岩岩好，很正

成日行過見唔洗等位又裝修得幾靚，想試好耐！原來仲好抵食添！3個人點左生菜包(豬肉),奶油蝦，蝦醬炒飯同花生薄餅，呢度唔似好多泰菜館咁樣樣野都細細碟~3個女仔呢幾樣都食到好飽生菜包，超中意佢辣得黎加左青檸汁既酸味。而且豬肉一點都唔油，又唔乾，岩岩好。有機會一定再食！奶油蝦，甜膩左點....唔好食蝦醬炒飯，試得太多得個咸字.所以雖然呢度對我黎講已經好驚喜。餸相對地多，飯炒得都幾香花生薄餅，印度薄餅夾花生砂糖。當甜品幾好食仲有好幾款薄餅想試，下次會再黎。

幫人慶祝生日，主角點左幾間，於是就lee 間la, 由於有人要keep fit, 我地點左相對唔係太多野食。素春卷: 咬落脆口，點左醬食更加好，同埋有生菜包住黎食翡翠苗: 其實係炒豆苗，味道唔錯蟹肉炒粉絲: 唔係辣得緊要，入面有紅椒，黃椒，芽菜，就算扒走蟹肉都唔錯雜菜海鮮焗飯: 上面有好菜ga, 同埋個飯幾好食炸尤魚鬚: 我覺得稍為熱氣左d, 同埋味道太重不過都真係好飽，同埋價錢唔太貴

Oct, 2014 朋友仔揀左哩間食晚飯. 我係人生暫時第二次去到油塘咁遠食晚飯. 朋友仔話哩個泰餐掂. 我話"有幾掂? 掂得過九龍城嗎?"朋友仔答: "你食完先再講野喇."ok, ok!1) 一坐底, 朋友仔就先叫左"泰式鳳爪".都ok呀, 夠晒凍. 味道適中, 但唔會有繼續想食o既感覺.嘻2) 之後都唔知點解o黎左個湯先, 碟蝦都未o黎. 唔緊要喇, 照飲左先. 以, 又ok喎. d 酸味又唔會搶左d 辣味.隻蝦又夠大隻, 又夠膏. 熱騰騰咁飲, 爽.3) 嘻嘻, 由於朋友仔同我都係勁愛"生蝦".所以, 我地每人各自叫左一碟. 終於o黎左喇, 真係好好好味.點解咁正? 因為d 蝦肉夠晒厚身, 咬落去唔會"淋吱吱", 又夠大隻. 再加埋佢地個汁, 掂呀!!之後, 忍唔住, 再叫左多一碟生蝦. (即係前後3碟)4) 哩樣唔得. 又係辣味還辣味, 螺肉還螺肉. 唔好食. 5) 哩個薄餅ok鬆軟好食喎, 都唔會成手都係油o既. 咖哩一般般.6) 哩個超唔得, 食落去有酸味. 特別係d 栗米仔, 味道怪怪. (唔知係咪壞左? 定係真係咁o既味)

今次與家人來了試這間泰國菜，由於是中秋當晚去，所以多人得很，沒有book位，足足等了一個鐘才有位。我們6人叫了也有很多東西，第一樣是波蘿炒飯味道不錯，炒得乾身，有波蘿的甜味，但媽不太喜歡，因為覺得飯帶點甜有點怪，我側覺得剛好，而且是夠熱的。第二樣是金邊粉，上面有炸過的蝦，也是普通的金邊粉味道，有香濃的醬汁在內。接著有一個泰式拼盤，有炸軟殼蟹，本人覺得油了一點，有炸芋頭，炸得外皮很香脆，不覺得油。扎肉不會太鹹，炸蝦肉也夠香。叫了兩個薄餅，一個是花生味的薄餅，一個是蔥油餅，雖然油了一點點，但味道很香，花生味的有花生醬和煉奶沙糖在內，甜甜的，奶醬多的味道。因為叫了薄餅，所以叫了一個咖哩雞來送，又叫了白飯，青咖哩不太辣，很香濃的。又叫了很想試的糯米雞翼，焗得很香，糯米也很香，雖然只有2隻，但也足夠了。叫了一杯拉咖啡，但味道像奶茶，沒有叫它換，因為已經喝了一半了。本身叫了來到必點的甜品雪山，但因為已經吃得太飽，所以最後取消了，最初也怕不夠吃，但是最後卻有吃淨的。

星期六晚7點前到即有位。門外馬拉哥哥即做油鬆餅，吸引很多食客，真聰明。內裏裝修不錯，座位舒服，服務親切，價錢合理。因3點才吃下午茶，所以只叫3個小菜，加一個甜品，合共$380/3人。

泰菜一向是我喜愛的菜式之一，只因口味夠重，而且大多菜式都集香、辣、酸、甜和咸於一身，味道複雜而醒胃刺激。今次是頭一趟在油塘區吃泰菜，一向認為大本營的食肆價錢相對平民化，可是翻開餐牌才發現此店食物價目頗高，以此區來說屬高價位之選。若論裝潢，餐廳確實予人典雅時尚之感，同時突顯其大自然氣息。以巨型投影器播放電視節目也成功擺脫傳統電視機的累贅感，貫徹餐廳的簡約風格。食物方面，也揉合了星馬菜的特色，例如門前櫥窗就找來馬拉師傅即席表演招牌甜品馬來脆雪山Roti Tissue。看到師傅不消數分鐘便把手中的薄餅捲成有如尖塔的"雪山"，極有觀賞價值。其他泰式食品選擇也頗齊全，先點了頭盤生蝦刺身，份量不多只得6隻，但每隻蝦也肉厚肥大，新鮮彈牙，比一般泰國餐廳吃到的口感更豐腴，相信是特別選取蝦身較大的草蝦來製作。青檸酸辣汁的指天椒切得細碎，辣度十分厲害，吃罷要馬上以冰水降火。晩市不設海南雞飯套餐，唯有分別order半隻海南雞和一碗雞油飯。雞的味道和肉質較普通，未能做到黃油滿溢而嫩滑的效果，只能說是跟吃白切雞沒多大分別的感覺，令人有點失望。三式醬汁同樣無甚驚喜，薑蓉和辣汁都是十分港式的味道。反而雞油飯則做得比

第一次來大本型，就試下泰國菜，叫左海南雞飯。外觀睇係幾靚，例湯很淡不過好熱，比一般茶餐廳好，雞肉好滑，雞皮爽，點一點醬油，好味道，雞油飯比雞更好食，點解？因為好香雞油而飯係一粒粒好分明，飯熱，所以真係好好食。熱檸茶都可以，冇特別。這裡環境很舒服，如果可以坐近窗果邊更好

聽好多人講呢間食市好好味, 星期日就一家人同外家去試下(8個人). 外面睇環境都幾好. 我地叫左好多唔同食品, 包括油鬆餅 (都幾好), 炒聖子(有沙), 豬頸肉(幾好,不過份量少), 串燒 (比較乾), 泰式炒菜 (份量少), 釀雞翼 (淡味, 又貴), 波羅炒飯 (算OK) 等等.總括梨講唔多值.

今日百無聊賴去左油塘行下商場，跟著去鯉魚門睇日落，本來諗住返屋企煮晚飯，但肚子餓，冇計，兜返入商場試下尼間泰國菜先！六点幾，已見有人等位！等左一陣，有位！裝修不俗，有thai feel! 食物質素ok! 味道好好！服務都幾好！can encore soon!

這天來了油塘吃午餐，選了在大本型一樓的green thai~環境看來不錯，午餐的款式也蠻多的，我點了一碗冬陰海鮮河粉。但等等等，朋友都快吃完，我的還沒來，催單也沒有人理會。最後，等了二十分鐘才來......未吃，已經一肚氣!說說這碗冬陰海鮮河粉，湯底味道ok，海鮮量也很多，整體來講質素不錯。不說服務，只論食物，我是會再來的~~

去"大本型"行下~順便係"Green Thai"食埋飯因為特登想去試個~好壯觀既"Roti Tissue"呢(超興奮)~ ~ ~ ~ ~ ~ ~ ~ ~ ~食店都ok幾大~格局好印泰feel~廚子都係由當地人煮理安坐後..order完食物~聽到隔離檯落order叫"Roti Tissue"個服務員話"無"~我即刻好緊張捉其中一個服務員再問佢都係好淡淡地答"無"~OH..NO!! 攪到心情即刻勁失落我地點左個"冬蔭功大蝦湯"湯底好酸..唔夠辣~但冬蔭功味道好足~大蝦肉質爽彈實在心有不甘!! 再問另一個女服務員..佢都係答"無"我再追問佢"點解無"? 佢竟然唔答我走開左(吼!!)另外點左個"泰式鹵水豬手"豬手好正好入味..燜得腍身而肉質依然有彈性皮層口感軟腍..完全感受到豐富膠質感伴菜有"酸菜"..豬手下層仲有"芥蘭苗"酸菜爽口帶好淡淡酸味~芥蘭苗好爽脆"馬莎拉咖喱雞"及印度烤餅有咖喱香味..醬汁好濃郁~雞肉好多..口感嫩滑如果多一點伴菜較好~因為太多肉..感覺比較膩烤餅係即叫即整..外脆內軟當知道無Roti Tissue~整頓飯我都不停咦咦哦哦問點解無架講真..出去食飯未必會/咁快再en

朋友生日聚會，油糖大本型中，呢間都幾啱一家大細或朋友聚會，又可以B00k定位，環境舒適，座位又好，多人的話有張大怡，可以自成一角。食物方面，大致滿意，而且好快便到。價錢都算平，平均每人＄100至$150。最方便就係有甜品食呀😝😁😁😁😝

我朋友話佢成日食大本型嘅泰國菜覺得幾好味 門口仲有個印度人響度整餅架...呢個都係一個吸引人嘅賣點黎嘅......於是就約我去試下啦~ 環境都唔錯...燈光柔和 氣氛很好..打開menu 價錢唔貴呀..合理..d侍應有禮貌...都會有介紹同埋會話俾我地聽...我地點嘅..有邊樣係辣嘅...夠細心...食飽仲可以坐下傾下計...唔會有人趕你走咁介紹下d野食先食泰國菜...冬陰公海鮮湯 絕對係唔少得架.....呢個湯不得了呀...甜..味濃..又夠辣..我本身個人都食得幾辣架...愈湯愈覺得佢辣...湯料夠...連蕃茄仔都有落晒....真係回味..豬肉生菜包...生菜大小一致..好整齊..齋講上枱都已經俾好高分啦..肉碎同洋蔥..食落少少辣...一流...呢個馬拉盞炒通菜..我反而有d失望...d菜本身唔知係咪因為唔係咁嫰定係炒得太耐...入口唔爽..口感唔係咁好...食完一啖..冇衝動再食第2啖...味道唔爭氣...對懶人黎講..呢個糯米釀雞翼係一流架..因為冇骨..雞翼皮脆卜卜...就連d糯米入口都好香好脆口...呢個真係必食...青咖哩雞....咖喱味好夠...唔算好辣...勝在味夠