元気寿司 (Closed)

本滿心歡喜諗住放假去食壽司，見有午食諗住試下，開頭覺得應該唔會差點知野食來到，炸蝦球同吉列炸蝦卷的都係凍。連包住炸蝦卷的飯都硬，未食過咁難食的壽司。。。其他壽司都普普通通，唔怪得之冇咩人，成間店10 個人都冇~應該d lunch set好多係一早整定晒。。。但蒸蛋就係熱lala的，最好味係個多~食物質素差左好多~希望日後可以改進下炸物唔好一早炸定，放凍晒因為凍左的炸物真係好難食，本來想叫薯條但薯條賣晒~

是日係藍田食個下午茶 發覺元氣都幾多野食雖然近排元氣有d小風沒 但都無影響到人流 仍然有唔小人黎食咁我就叫左 細烏冬+多春魚（因炸南瓜薯餅賣曬）+ 1D 個壽司 做1 set咁 講講野食先 烏冬就無咩特別 有少少生蔥做topping同埋一個少少濃味既湯底想一讚既就係個多春魚炸得幾好食 唔會太厚粉 香口得黎又唔太熱氣 同埋壽司既話就無話有太大既驚喜 呢個set既壽司用左沙津醬去主導 所以有少少蓋過左食材既味道 食材唔算太新鮮 所以都叫做不過不失 總括黎講係一次幾好既用餐經驗 座位都闊 坐得幾舒服

定期都會去買元氣，有鋪癮去試吓佢啲新野🍣，今期出呢幾款去到17/7炸😆。.📍池魚（$14)池魚肥美肉厚，估唔到幾高質.📍特大帆立貝（$19 ):帶子厚身柔軟，檸檬汁有提鮮之用🍋.📍極辛三文魚卷($22)小卷內包住撈咗辣醬嘅三文魚同青瓜絲🥒，上面再鋪上炙燒三文魚同三文魚籽，食落真係激辣🌶，食得辣先好叫😂。.📍胡麻冷麵($22)老實講賣相一般，但估唔到冷麵好有驚喜🍜，麵質非常煙韌！配料有蛋絲、青瓜絲、雞肉同烚蛋，當然胡麻醬絕對係重點❤️！加咗個醬幾乎上沒有唔好食嘅可能😋。.📍芒果卷蛋伴雲尼嗱雪米糍($21)雪米糍外皮煙韌，中間包住雲呢拿雪糕🍨，旁邊嘅芒果蛋卷雖然唔夠鬆軟🥭，但中間嘅忌廉口感似雪糕，再加上2粒冰凍草莓🍓，整體上草根好鍾意呢🥰。.📍牛油果軟殼蟹卷（$22 ）軟殼蟹唔夠脆口，不過中間夾有牛油果🥑、松子，口感幾豐富。.📍炙燒明太子三文魚($14 )三文魚肥美，不過就食唔到明太子醬嘅味道，失望呀😔。

又食元氣啦，點解食極都唔悶？因為佢地成日都岀新野啊！今次嘅新野叫做夏之味覺，期間限定由6月27日做到7月17日。試咗極辛三文魚卷同胡麻冷麵。三文魚卷新鮮，加上辛味，幾特別！胡麻冷麵嘅醬汁香濃，麵條爽口，唔會過淋痴埋哂，爽！另外仲叫左食開一直保持水準嘅野食。元氣嘅蟹膏幾重蟹味，所以叫左蟹肉蟹膏唔夠，仲叫左甜蝦蟹膏。另外叫左炙燒牛油熟帶子，個人鐘意食熟帶子多啲，味道更岀。小食方面叫左麵豉湯，日式海鮮燉蛋同帆立貝裙邊，味道永無失準，正！

五月元氣又有新登場草根一次嗌晒嚟試🍣最正係今次去藍田分店完全唔使等直入就食得😆🤘🏻珍寶赤海蝦迷你飯（$22）海蝦大隻又新鮮，好唔錯🦐。辛辣芝味海鮮卷（$22）上面嗰辣醬辣到真係冇朋友🌶，味道其實OK，不過食完條脷赤赤痛😂👅。汁燒特大沙甸魚（$17）魚味好濃🐟，燒過後好油潤。炙燒龍蝦芝士醬白蝦（$17）個芝士醬堅係唔錯嘅，食落都有鮮味😋。最後叫多咗個燒明太子三文魚（$14），估唔到呢個先最正😍！三文魚油潤，再加上明太子嘅鹹香，一流啊❤️。

今日去元氣食佢既lunch set，80幾蚊有海鮮丼飯，麵豉湯，同茶碗蒸😋都幾抵食茶碗蒸熱辣辣，好滑溜，而且仲好足料，入面有帶子，蟹柳同菇😋丼飯就麻麻地😓😓刺身唔太新鮮

今日又食元氣啦，不過藍田分店就未試過。平時夜晚食開其他分店，都要排一個鐘，今次就等50張飛左右，大概等左半個鐘啦！希望快啲可以儲夠分做會員，之後就可以遙距攞飛！藍田分店及其他分店咁乾淨，入到去坐低仲發現，佢竟然冇手機點菜呢個程式！平時係習慣喺手機下單，今次就要記住自己想食咩，叫店員埋來下單。眼見得2個waiter負責落單，因為分店唔大，其實都叫夠人嘅，係幾台客一齊入去，同時落單，就要等一陣。藍田分店食物質素同其他分店比，感覺上差DD，不過都係好食嘅

《成日口痕就想食壽司🥺》元氣分店總有一間喺你附近🤓今日自己一個去搵食。。藍田間分店無得scan qr code 落單，唔夠某啲分店方便，可以直接用手機order 。—————————————————————#辣味三文魚（軍艦）🍣💰17呢款真係我既至愛🧡辣得黎係放左洋蔥做調味，超正，好滿足，唔需要點wasabi 都好好食。#三文魚腩🍣💰10$10一件好抵食，三文魚切得好厚身🤓，而且落好新鮮，值得再encore 👍#炙燒明太子三文魚🍣💰14呢款都係至愛之選，所有炙燒壽司都好吸引。今次呢舊燒到岩岩好，個面係溶化緊😂，超中意。#玉子🍣💰12一夾啲飯就散左，玉子甜甜地同埋好大舊🤭，$6一舊都幾抵食#蟹柳卷🍣💰14雖然算係飽肚之選，但呢個價錢寧願叫多款炙燒壽司會更滿足😏食完餐元氣搞到我今日都想食壽司。。。仲想壽食放題！😋—————————————————————📍元気寿司 (藍田)藍田匯景道8號匯景廣場4樓2N號舖

元氣壽司一直都係我嘅飯堂，一唔知食咩就會去食！首先分享吓我每次必點嘅元氣三寶：以上三款每次都必點，炙燒完好香口，小柱亦都好肥美鮮甜🤤今次去到，除咗平時叫開嘅之外，仲想同大家分享吓左邊新登場出嘅香辣吞拿魚卷 $22，同埋大滿足必點嘅三文魚腩 $10！左面嘅反卷，卷裏面嘅餡料雖然普通，但係頭頂上嘅香辣吞拿魚茸，份量真係不容忽視，有一大團，而且係好多人都鍾意食嘅元氣招牌香辣味，$22嚟講都好抵食🤤右邊嘅大滿足，係我每次都會叫嘅，大滿足碟碟10蚊，又平又好食，呢款三文魚腩，比起平時一客兩件嘅三文魚壽司，更加肥美厚肉。同場加映新嘅壽司碟，每款碟上面都有雄一嘅金句，勁搞笑！有一句係：吃飽才有力氣去減肥。 <—惡魔😫圖入面嗰句：這件壽司你會讓他吃嗎？這是友情的考驗喔。我就唔會讓喇🤗需加一服務費，埋單1人約$100。如果你鍾意睇我嘅食評，不妨關注我，支持吓我，謝謝你☺️💕

星期五準時放工，#小秘書 一心諗住仲趕得切去 #元氣 食個 #下午茶餐，點知店員話而家仲係新年假期，要2月18號（下星期一）先回覆正常😌 我心諗「初七都過埋啦，搞咩仲要啲客比正價，唔怪得無咩生意全場得幾個客啦」。不過一場嚟到又費事走來走去，正價都要幫襯啦😓 其實都預咗呢餐要比貴少少，但係 #元氣 應該要比返應有質素囉👀 喺回轉帶拎落嚟嘅壽司，個碟似翻用再翻用咁，一個個壽司飯印倒模咁圍住個碟，似上手客食完唔洗又拎嚟再用咁😓 好在個 #炸蠔 都幾新鮮仲幾juicy，#蒸蛋 保持一貫水準👍🏻 呢百幾蚊就當豪咗去啦😚

元氣壽司 又有新款式，今次係豊洲直送鰆魚同平目（$14）、#凱撒風乾火腿（$14）、帆立貝迷你飯帆立貝迷你飯（$22）同北海道蜜瓜梳打 🍹（$20）最特色係Parma ham 壽司❤️🐖上面加咗巴馬臣芝士碎同凱薩沙律醬🥗有鹹香好惹味，keep住有新意都唔錯呀😆🙌🏻

新年流流食野，四圍都多人，都係食連鎖店比較好同埋易有位。不過話曬開年，都要食鐘意既野。一向係元氣粉絲既我，有得食元氣都好開心。帆立貝迷你飯 （$22）幾抵食，一件帆立貝壽司都十零廿蚊啦。細細杯，有兩件壽司既分量。三文魚腩壽司——其實真係性價比好高，幾肥美鰻魚壽司 & 炙燒左口魚——稍微燒過，幾好味炙燒黑椒蠔壽司——凍凍的，真係幾腥下海膽八爪魚軍艦——幾清甜，去親都點炙燒牛油海蝦——牛油味好重，蝦半熟，唔係全熟，都幾好味。

肥雞鍾意嘅連鎖壽司店就係元氣壽司 咁今日肥雞就是咗匯景商場嘅元氣壽司店 咁啱撞正冇乜人所以唔洗等位就可以入到去 今次坐咗喺吧枱度 雖然唔係坐得好舒服 但係得一個人就是但啦 咁肥雞就嗌咗個三文魚魚頭湯 加咗三文魚魚頭入去有少少聲 但係都可以接受壽司方面就嗌咗灼燒三文魚 芝士熟蝦壽司 炸軟殼蟹壽司 等熟嘅壽司 因為肥雞係唔食生嘢嘅 不嬲佢啲壽司水準都有一定嘅保障

呢排元氣壽司🍣又有得抽獎❤️ 小秘書為咗隻🐻一收工就拉埋個同事去食壽司，務求食滿$150🙈入到元氣壽司門口剛好係17:25🤩 Yeah 仲有下午茶餐✌🏻 兩個人又唔係太肚餓，所以寒寒酸酸咁只係叫咗一個下午茶餐+手卷、汽水，追加咗碟炸廣島蠔、螺肉小食+榮螺壽司🍣 不過叫吓叫吓原來都唔少嘢🥢 唔理咁多食咗先講✌🏻下午茶餐包咗5件壽司、蒸蛋、同我今日覺得最有驚喜嘅 #周打魚湯薯餅❤️ 周打魚湯薯餅一啲都唔油膩，咬落去真係有杰身嘅周打魚湯喺裏面，口感好豐富😋值得推介！至於散叫嘅炸廣島生蠔，廚師用火啱啱好，蠔身上枱嘅時候仲保留着肉汁，唔錯唔錯👍🏻食到呢度剛好達標喇✌🏻✌🏻 興高采烈咁走去埋單，心諗一陣就可以帶隻熊🐻返屋企... 點知原來係蝦壽司一見😭😭😭我唔制呀！

食壽司通常我哋都去元氣，因為老公唔食生嘢，而元氣嘅熟食都算多選擇。星期日晚食元氣一向多人，所以用app攞定位，落到去等咗5分鐘就入得。推介包括三文魚湯、次次必食嘅日式燉蛋、日式炸芝士年糕、炸雞軟骨、蒲燒鰻魚、炙燒牛油赤海蝦、炙燒左口魚裙邊同埋玉米軍艦，唔食生嘢又想食壽司嘅話可以考慮吓～