freshtea by happylemon (Millennium City 5 (apm)) (Renamed) View

忘記把水瓶帶出門了就是說今天要在外買飲料..去7-11買依雲嗎…還是烏龍茶好那不如喝好一點走著走著就看到這家店有選擇困難症的在下看了好久之後點了杯岩鹽芝士黑烏龍茶 M $28+$5 布甸淡淡的岩鹽咸味清新涼涼的解渴黑烏龍茶滑嘟嘟的布甸正想說芝士味不出眾之時就吸入了一口濃濃香甜的芝士因為自己飲前沒有攪拌啊幸好還有1/3杯能飲得到攪勻後的味道而且芝士還放不少的整杯味道多元複雜又能有解渴的效果如果有熱飲會更開心呢

難得lunch time咁得閒去到觀塘，又有happy lemon,即刻搵返兒時旺中回憶🤣🤣🤣叫左乳酪芝士芒芒莓莓鮮奶，冇得揀甜度，不過都ok，唔會太甜，岩岩好，幾好味，不過應該好肥😖😖

Menu上寫乳酪芝士芒果鮮奶落單時跟店員說要乳酪芝士芒果鮮奶店員並沒有提及此飲品內含有草莓😅取飲品才見到整杯飲品是紅色的而貼紙更寫住乳酪芝士莓莓芒果鮮奶詢問店員後才知道飲品是有草莓的😅😅😅根本貨不對版而店員態度惡劣 沒有任何歉意因為我討厭草莓所以最後整杯飲品只好讓給身邊的朋友很差的購買體驗😅😅😅😅😅😅😅😅😅😅😅😅😅😅😅😅😅😅😅😅😅😅😅😅😅😅😅

等到花兒也謝了,用app叫咗一杯嘢飲已經係過咗嗰十分鐘先去㗎啦,企喺嗰度仲要再等多十五分鐘,空間又小，等的人又多， 然後店員係話冇呀冇呀，你再等下啦咁樣，真係唔知講乜好，又唔整個牌叫number，大家都不知道個杯是不是自己的叫咗一個菠蘿晶鑽爆粒檸檬茶，雖不至於難飲，但係完全說不上好飲， 完全係冇爆珠，個底淨係得啲好似蒟蒻咁嘅條，咁點可以說得上係爆粒？實在等到呆呆滯滯，唔記得咗影低自己嗰杯嘢淨係記得影低咗個餐牌

行行下好口渴 睇下apm有咩手搖飲先🥵咁岩經過happylemon 唔想搵黎搵去 就停低睇下menu 先唔係好想飲太heavy 就隨便叫左杯四季春茶飲同我飲開既手搖鋪 佢茶味好淡 唔知係咪當日多人 店員沖得無咁好定本身係咁🤧 都無咩想再幫襯既念頭😅

去到Apm 同層有老虎堂同fresh tea 就諗住試下飲fresh tea 買左兩杯野飲 一杯比朋友 一杯自己飲一杯乳酪芝士莓莓鮮奶 一杯蜜桃紅茶朋友果杯 蜜桃紅茶少甜左都幾甜下 至於我果杯莓莓鮮奶 酸酸甜甜 還好但 員工禮貌極差 問佢唔該可唔可以比果袋我 佢無回應 望都無望過我咁我以為佢聽唔到 就再問多次 唔該 可唔可以比個袋我佢都係無望過我咁 好大聲咁話 攞！緊！呀！做咩姐 你就咁點個頭都得呀 唔洗咁燥底既其實依家個個人戴晒口罩 得番對眼 眼神都好緊要 點頭都好緊要 唔洗一黎就嬲豬既

芝士水蜜桃果茶Happy lemon嘅芝士奶蓋真係好好味，今日就配搭埋水果茶一齊飲～因為係水果茶嘅關係，飲品整體都唔會太膩。店員俾足三份一杯奶蓋我，好豪爽！😂奶蓋好creamy，質地好濃厚，帶少少鹹味，好正！水果茶就偏甜，水蜜桃味都唔錯。因為一直有個茶包喺度，啲冰融化咗茶味都冇減弱，俾埋茶包呢一點做得幾好👍🏻。佢哋個奶蓋真係好高質，次次叫！

很久之前，我好記得在APM店試過這杯OREO脆脆深焙奶茶，當時個男經理見原本OREO脆脆奶茶冇哂，就詢問可否用深焙奶茶代替，當時一試就難忘了，OREO＋奶茶本身都好夾，意想不到加埋深焙是更夾，更加好飲。但可惜之後我再來時，就沒有得購買了，還以為以後都不能再飲呢杯飲品了。今日路經此地，望一望個餐牌，發現不同了，他們今次加入了新產品Ｍojito同薄荷，望真D ，期望以久的OREO脆脆深焙奶茶出現了。飲品內有好多OREO，但吾會偏甜，用埋深焙奶茶茶味更香。服務員態度非常好，落單清晰同方便。

意想不到的飲品☺️今日同朋友行街，見個面找個方便的地方買飲料，就見到間HAPPY LEMON。一直諗了好耐都未諗到想飲什麼，他們都有很多選擇，又有咖啡、又有新鮮水果茶、又有珍珠奶茶、又芝士類、等等。。。太多選擇了，最後個職員見我猶豫左好耐，就向我推介乳酸芝士莓莓鮮奶。有意外驚喜，乳酸＋芝士原來同士多啤梨係咁幾夾的（我個人口味），唔錯唔錯，但有小小偏甜同可以加返Ｄ生果。推介走甜會更好，健康之餘感覺都清新d。

喺觀塘工廈食完飯之後，就行返去APM行街，本身想搵間有得坐嘅飲品舖涼冷氣，但並無相關搜尋結果😂。於是我哋就去咗飲近電梯位嘅「Happylemon」。可能地理位置有優勢嘅關係，佢都算幾旺場、幾多人幫襯。不過當我想落單嘅時候，無店員喺收銀櫃；我嗌唔該，後面本身坐喺度玩電話、唔係著制服嘅女仔(有圖為證)就上前收錢，點知佢塊面黑到🌚...，全程亦無出過聲。好在我呢日心情好，所以無嬲到，平日可能已經爆咗佢...。等嘅期間，前面個客唔知問另一位店員啲咩，結果又係俾人呼喝番轉頭😵。金桔檸鑽雪冰斯($32/L)，🍋檸檬特飲算係佢嘅招牌吧！其他飲料店未必有呢款賣。大杯裝份量真係幾多，兩個人都夠飲。雪冰斯即係沙冰咁解，呢到嘅沙冰口感啱啱好，唔會太過冰，好易入口。檸檬味酸酸的😳，好鬼正加超醒神，仲好消暑解渴添！檸鑽雪冰斯系列有幾款揀，我要咗金桔🍊，不過味道一啲都唔出，被檸味遮哂。估唔到嘅係呢款檸檬沙冰仲加咗幾片蘋果肉🍎，連埋少少冰食超爽的。另外，杯嘢飲亦有少少椰果啫喱。總括嚟講，杯嘢飲係正嘅，透心涼😋。後來我先發現原來Happylemon得番三間分店，要飲都唔係咁易。但除咗飲品外，店員們一臉謝絕幫襯嘅態度更

讀書時候最常去的茶飲店原來已經得番三間分別在觀塘APM旺角九龍灣,見今日行經買番兩杯外賣飲吓,不過今次唔係叫珍珠奶茶或台式飲品,而係叫咖啡😀檸檬晶鑽咖啡(M) $27焦香中帶點微酸的淺焙咖啡,配上酸酸的檸檬片,豐富的層次,讓味蕾大大享受,再加上有椰果肉,配搭新鮮岩鹽芝士咖啡(M) $24芝士奶蓋超級厚身,口感綿密,鹹甜味道十足,奶蓋絕對是不錯而且咖啡味香濃,撈埋一齊飲味道好夾。招牌讓人有清新感覺茶飲多選擇,價錢又唔貴,好抵飲

行過見到happy lemon 琳住懷念飲下.點知menu完全唔同哂。..我企左係到猶豫左一陣就有個黑色衫女仔黎推介我試左杯oreo脆脆奶茶.好好飲個脆脆底好特别値得一讚係服務態度幾好！果然冇推介錯

好耐無經過APM，之前經過好多次都好想試下，見今日好熱又唔係好多人排隊，所以頂唔順快速買咗杯黑糖珍珠仙草奶茶🥤飲，唔知係咪我病左太耐，我覺得甜左少少🥺，但重點係個珍珠都硬左少少😣。

好耐無去apm 經過呢間野 見到有個金桔爆珠檸檬茶 老公想飲 打算買一杯試下 點知個長頭髮既收銀阿姐好大聲咁問 要中杯定大杯 我地講要大杯 但佢駛唔駛咁大聲呀 我地又唔係聾 單又無比我地 就咁放係枱面 到囉時又無叫31號 要我地自己睇既 我老公問無叫號？ 我話唔知 我係聾既 聽唔到唔出奇 咁既服務態度 真係無下次 佢唔想做生意就唔好做囉 唔係要買杯野都咁受氣 真係唔知點解可以咁差 嬲到連相都唔影呀 仲要杯野得個酸字 一粒爆珠都無 咁既野都收$30 受氣之餘 仲完全唔值

因為我近排經常都係彩輝，即係彩虹上而彩雲既再上面😂。尼個區域就係八方雲*（最近）先有得飲珍奶🥵，明明珍奶係現代人既血黎，竟然得一間。所以搞到如果想飲返專賣台灣茶飲既店就要行返落九龍灣淘大戈邊先有貢茶同尼間happy lemon。咁每次去都會簡尼杯培茶，戈者奢侈d加埋奶蓋。幾乎好多次都會突登為咗佢山長水遠行落去🤗。培茶係我既印象中就係煎過既綠茶（我都唔係好識），我鍾意佢既原因就係佢茶味夠突顯同埋上網彩就係佢無咁傷胃（要養生啦😭）。對比佢同一間既普通奶茶佢會真係俾你有種飲到茶香同奶味既感覺，而唔係普通奶茶戈種得個甜字。 同時都建議如果大家有額外經費都可以加埋奶蓋，係濃厚既質感，咸咸地。我都有試過其他茶飲店既培茶，但係就試過一飲落口係好多一粒粒，類似沖粉未溶曬或者有茶葉碎既感覺🤢。所以到而家為止我都係覺得fresh tea好飲好多。不過要講就係佢唔同人沖係有唔同味道。今次去咗觀塘apm到買，覺得好似加多咗糖同埋無搞勻，一用飲筒吸落去係一大啖糖水😱。最後係尼間茶飲其實所有既飲品都品差，希望佢可以開多間分店係屯門，咁我就唔洗山長水遠搭車出黎飲。🥵