First Stage Cafe

Open Now

Now Closed

最近小新放緊大假，每一日都盡情地食玩瞓，所以近排少咗update，趁住係cafe hea緊既時候，終於的起心肝出返個post(๑¯∀¯๑)┈✨Latte $42✨Flat White $42- 咖啡口感順滑，奶味香，不錯不錯☕️特別想讚下依度既環境👍🏻有時候去cafe就係想輕鬆下，所以會好怕環境好多人，坐多陣都唔好意思，但依到唔會！佢座位又多又唔迫，環境好舒服，人流唔算好多，唔會飲杯咖啡都大壓力🤣景觀開揚，採光又好好，整體感覺好好☺️如果我住依區既話，真係會變成常客🤣

今日去屯門食早餐，咖啡店旁邊就係輕鐵路軌，朝早感覺幾寫意。咖啡店有提供虹吸咖啡同手沖咖啡，不過我叫咗一杯凍拿鐵試試，咖啡水平幾唔錯。我點咗咖啡店嘅主打食物——鹹牛肉芝士墨西哥卷。墨西哥卷嘅餅皮好煙韌，而且即叫即包。咬落口啖啖拉絲芝士同鹹牛肉，材料多到跌返落隻碟，真係幾好食。凍拿鐵 $44鹹牛肉芝士墨西哥卷 $68#TuenMun #屯門 #Latte #cafehopping #coffeetime #coffeetimehk #hkcoffeetime

cafe裝修白色為主，簡單舒適🤍戶外座位都唔少，但天氣太熱秋冬涼啲坐出面應該幾chill~~芥末味噌蜜糖三文魚貝果 $78份量都唔少！bagel入面夾住三文魚、蕃茄絲、洋蔥絲，都預先均勻地撈好咗個醬汁，清新得來有蜜糖甜甜地側邊再有啲沙律菜同小蕃茄如果bagel可以薄薄抺多層cream cheese就perfect😄Iced Hazelnut Latte $50夠滑，咖啡味都香，榛子味唔會太甜，啱啱好Virgin Mojito $58薄荷味濃，都唔錯，但個人鍾意再酸啲🍋本身想試埋個18+ Tiramisu 但4點左右就賣晒了😭😭下次再嚟試啦

今次係期待已久嘅..甜品檸檬撻好味 玫瑰花形狀嘅檸檬味道夠濃，cream 忌廉位置香滑酸酸，入口即溶唔痴喉嚨香蕉果仁loaf cake 外脆內軟，雖然出面焗燶咗少少，但係入面都依然非常濕潤，食落口夠份量重。果仁有切碎， 賣相精緻。 不過依然都覺得細份咗少少， 食下午茶都會覺得唔夠。 已經食過兩次，服務都係滿意。餐廳地方明亮， 地方乾淨。 可惜嘅（1）menu真係冇轉，感覺食嚟食去都係呢個款（2） 輕食為主，真係唔夠飽。分量又細。 唔去計較價錢，食個下午茶都唔會夠

Came here for a coffee after lunch. Not so busy when we got here which was nice. Lots of natural light and if the weather is not too unbearable, you can sit outside too! Only tried the coffee today. Not too bad might try their homemade cakes next time. A nice little hiding place on a hot day!

First stage cafe 環境係屯門區咁多間cafe入面感覺最chill 最可以hea既一間。唔怕曬 室外區域應該都唔錯，因為對出既輕鐵路軌旁邊唔算多人行。唔會好嘈。 鋪頭係自行到櫃檯order既方法既～餅櫃見到既cake都幾吸引！不過lunch都未食所以就冇試到喇！今次分別試左牛油果sourdough滑蛋沙律同鹹牛肉芝士墨西哥卷飲品就blue Monday 同抹茶latte 個sourdough 係真心有驚喜！好食好鬆軟！不過兩塊既size太細，牛油果配佢上面既醬都好食！炒蛋就不過不失，配包食係ok既！唔會搶左個包本身既味道！Blue Monday梳打好岩而家熱到暈低既天氣！另外朋友叫既兩個item都係正常 冇好特別既驚喜～整體來講係滿意 份量可以有調正就好喇！

星期日傍晚六點，推住bb車見到呢間新cafe。當時黃昏氣溫稍下降，陣陣吹風什為清涼，於是我哋同埋bb就坐咗室外座位。三文魚酸麵包加碎蛋salad咸牛肉捲兩份味道清新，都好好味。分量下午茶啱啱好，如果係午餐或者晚餐就少咗dd。最重要地方乾淨，店員nice，下次一定會再過嚟接佢哋嘅甜品同飲品

屯門區近期多了很多Cafe, 今次來到在輕鐵旁邊，有落地玻璃採光度十足的First Stage Cafe。Cafe有室外和室內座位，最近天氣太熱，我們都選室內位。Menu都有不少的特色咖啡和甜品，但咸點例如墨西哥卷和Bagel 好似更吸引呢！推薦：咸牛肉芝士墨西哥卷$68有超多鹹牛肉和芝士，出乎意料地原來有很多蔬菜，旁邊又有不少沙律菜，算是健康之選。熱朱古力$45朱古力不算太濃，但配有兩條朱古力脆卷很意外。Blue Monday $50藍色很夢幻，有少少酸酸地，但整體多很解渴。看着輕鐵偶然駛過，感覺很休閒，下次會來再試蛋糕之類。

我無諗過呢度竟然我會放咗呢d野食入口入到去其實幾舒服幾chill店員服務幾好我order左心太軟同埋Cappuccino(fruity)咁呢度就係杯野同野食一齊黎咁就影相都方便d，呢樣要讚。但大家睇下杯野同碟野杯野，我覺得奶過熱，個拉花唔洗10分鐘，已經散同沉，我唔係拉花同飲啡好叻但係我明明叫fruity，點解杯野係nutty味一頭問號。之後心太軟，呢舖真係太軟一上枱舊野成唔到型，散晒都可以放低比個客？我以為我食梗舊濕晒嘅曲奇咁舊野應該油過多，粉太少，以致到不成型真係好難食，我食到7成真係盡啦D油係晒碟度，我明明睇display都唔錯因乜解究焗到咁款？隔離舊即打的cream都係打過龍所以唔成型。一樣水晒。唉😭Display only個個好靚，我個個係乜？真心好失望我真係未必會再黎，就算同區，我都係去返P字頭算數好失望而呢個post我直頭坐左係間cafe度即出因為真係好差。😑

身為屯門牛，早已聽聞依間又文青又好坐又打卡able嘅cafe， 今次經過附近終於試到☁️星期六上午嚟到，人唔多可以坐到窗邊位，遠望窗外景色好relax。偶爾有輕鐵經過更有「屯元天味」，相信都會人嚟到屯門會對依個景色感到新鮮。🥗牛角包滑蛋沙律加牛油果🍵小山園抹茶拿鐵平時比較少飲凍嘅抹茶拿鐵，但依杯抹茶味唔錯，唔會飲到有一粒粒粉。夏日炎炎，飲返杯真係透心涼🎐沙律另加$10有牛油果，好新鮮好好食！牛角包亦十分脆，大家要趁熱食啊🥐(p.s. 個沙律食左一半先記得影，所以份量會再多啲）想要遠離繁忙嘅都會，不如試下嚟屯門享受一下？

•之前去食JEP嘅時候先發現原來附近有呢間Cafe，嗰陣仲以為係新開嘅，但後來睇返佢哋ig先發現原來都開咗就快一年🙈～ 屯門嘅cafe其實唔多，但呢間”First Stage Cafe”好似就相對比較少人介紹🤔 呢間cafe嘅位置唔算好起眼，舖位呈扁長形，所以入面嘅座位全部都可以望住落地大玻璃窗，望到出面嘅輕鐵路軌同埋好多樹，加埋cafe嘅白色x淺木色裝修，真係可以望住呢個景chill返一個下晝😌🌿 佢哋仲有啲空外嘅位置，我哋去嘅當日仲見到有客人帶埋佢哋嘅狗仔嚟食lunch𠻹～•🥢 鹹牛肉芝士墨西哥卷 $68墨西哥餅皮烘到脆脆哋幾香口，餡料除咗有鹹牛肉，仲有紫洋蔥、番茄、青瓜、生菜，整體配搭幾好食，但略嫌沙律醬嘅比例太多，有啲蓋過咗鹹牛肉嘅味道～ 而隔離嘅沙律用咗黑醋，咁就無膩～•🥢 伯爵茶戚風蛋糕 $66無論係戚風蛋糕定上面嘅醬，都有幾香濃嘅伯爵茶味～ 戚風蛋糕嘅質地唔錯，夠濕潤但又充滿空氣感☁️•🥢 泰式奶茶芝士蛋糕 $56泰式奶茶嘅味道主要係由2部分組成——茶底同埋煉奶。雖然蛋糕嘅表面見到好多明顯嘅茶葉顆粒，但食落就唔太食到泰茶嘅味道😢 不過就明顯食到煉奶嘅香味，但又唔會太甜👍🏻

今日下午氣溫有成33℃🥵 好彩Cafe shops室溫都有足夠冷氣令我感覺涼快🥶落地玻璃有風景都幾寫意🫠空間都算大地方整潔都算乾淨感覺良好職員友善 如果執抬快一點就好la⋯⋯叫咗個伯爵蛋糕🍰唔甜味道好好👍🏻👍🏻👍🏻另外叫咗個酸包🥖配牛油果🥑炒蛋沙律酸包非常之好食😋炒蛋就非常之失望🤦🏻‍♀️一尾掛住相機食先 搞到杯咖啡☕️都凍哂唔算好飲如果寧靜點就好～户外都幾好不過要等秋天就啱feel🍁不過現階段都係留喺室內好🤣下次都會再chill 過😘

生活中的每個小細節🌸❤️A cup of hot Americano $15.00手機需要電，本人需要咖啡。Crazy cheese sourdough $38.00 有一種霸道總裁叫做「酸種」。透過長時間發酵麵糰而焗製出來的麵包。無添加，無需使用任何商業酵母和人造添加物，僅用麵粉、鹽和水三種材料，亦能焗製出味道濃郁、營養豐富、風味獨特的麵包。炫富級數的芝士，熱量crazy 爆錶，照嚥可也。除了食物以外還有環境，讓人沉思生活中的點滴。最重要的是還是早晨的滿腹之需。溫馨提示咖啡$36.00早餐優惠減$15.00抓緊優惠的尾巴

未試過批評個蛋糕咁難食，蛋糕要$88，但真係好難食。入邊係冇蛋糕，靠嗰幾舊餅，因為中間有酒，朔晒啲酒林晒，真係得個樣好難食！酒嘅份量比較重，所以非常有苦澀味，而且面頭太多粉。影相打卡係幾開心，但都要好食架！係一個好靚既裝修，地方都闊落，坐既話係好舒服。如果只飲咖啡都可以既，食嘢就算啦，又貴又難食。杯咖啡係正常既，雖然價錢都有少少貴，但起碼係飲得落口，認真整嘅。希望佢地可以改善，不過我都唔會再去囉。

一個舒適的咖啡室，座位空間廣闊，落地玻璃開揚透光，門外有露天坐位，舒適藤椅…，不小打卡位置。咖啡方面，細緻厚實的虹吸咖啡，咖啡師耐心解說，優雅的咖啡器具，眼睛也在品嚐～漫活的一個早晨。早餐賣相不錯，味道及配搭有待加強，個人口味比較喜歡較煙韌的Bagel，下次會再試甜點。