Read full review
2011-02-27
125 views
同女朋友慶祝生日,先上黎open rice睇下有邊間好食。見到Favaca有咁多好既食評,於是就揀左呢間。不過試完之後我只可以話,食物好普通,完全唔值呢個價錢。與其話佢係一間餐廳,我會話佢似一間酒吧比較多,仲要係一間細既酒吧。地方細同狹窄不在話下,枱同枱之間好近,無乜私隱可言。枱面面積好細,真係放多一碟餸都唔得。Salad︰三文魚同露筍都唔錯,只係三文魚略為少左D,如果可以多番少少既話會更好,話晒都成百蚊吖嘛。Rice︰之前有好多人都話好正,所以order左。但唔知係咪期望太大,最後只有失望二字。個飯係香噴噴既,不過原來只有好少既鵝肝同少少菇類。鵝肝的確係幾香幾好味既,但真係得好少,食完之後就只有飯,真係無咩特別可言,呢個價錢接受唔到。Steak︰亦係有唔少人讚話好食而order左,十分後悔!唔識講佢D牛係咪高級,但碰巧今次有好多筋,多筋多到根本都食唔到,好差好差,直頭差過快餐店既牛扒,但佢竟然要200幾蚊。Dessert︰點左流芯朱古力心太軟 ($68),算係全餐最好食既,不過就甜左D。到埋單時,我用左Open Rice既$100優惠券,佢地竟然對我黑面。你一係就同我講話唔俾用,唔好
與其話佢係一間餐廳,我會話佢似一間酒吧比較多,仲要係一間細既酒吧。地方細同狹窄不在話下,枱同枱之間好近,無乜私隱可言。枱面面積好細,真係放多一碟餸都唔得。
Salad︰三文魚同露筍都唔錯,只係三文魚略為少左D,如果可以多番少少既話會更好,話晒都成百蚊吖嘛。 Rice︰之前有好多人都話好正,所以order左。但唔知係咪期望太大,最後只有失望二字。個飯係香噴噴既,不過原來只有好少既鵝肝同少少菇類。鵝肝的確係幾香幾好味既,但真係得好少,食完之後就只有飯,真係無咩特別可言,呢個價錢接受唔到。 Steak︰亦係有唔少人讚話好食而order左,十分後悔!唔識講佢D牛係咪高級,但碰巧今次有好多筋,多筋多到根本都食唔到,好差好差,直頭差過快餐店既牛扒,但佢竟然要200幾蚊。 Dessert︰點左流芯朱古力心太軟 ($68),算係全餐最好食既,不過就甜左D。
到埋單時,我用左Open Rice既$100優惠券,佢地竟然對我黑面。你一係就同我講話唔俾用,唔好對我黑面吖唔該。用左優惠券之後都仲要600幾蚊,但係換來咁既環境、食物質素同服務態度,never come back again~~
Post