農場鮮奶有限公司

Open Now

Now Closed

距離元朗15分鐘車程的雷公田, 於石崗軍營附近, 以綠色大自然作背景的農場鮮奶, 是連續三年取得元朗區最優秀開飯熱點之一, 亦是週末短程好去處, 讓人在城市化中, 感受一下郊野氣息。雖則農場鮮奶那兒提供了免費泊車的地方, 因為進出的一節都是單程路, 遇上對頭車會較麻煩。 星期六特意早點到來, 為避開人潮, 亦要避開泊車問題, 穿過林蔭綠樹, 彎彎曲曲的一小段郊野公園燒烤場便到達。 門前一個小山坡, 黑白乳牛圖案的大石和牆身, 還有那石屋, 就是小農場最易認的標記。 從前星期一至日都會營業的農場鮮奶, 最喜歡平日放假時去食個燉奶同飲盒鮮奶, 貪其寧靜又舒服。 但近年因人手問題, 改而只在星期六日才開放。稱上小農場當然還有牛和羊。 於圍欄內綠油油的草地上自由活動的它們, 到來的顧客和遊人都可以購買店方的飼料來餵飼, 所以不少家長都帶同小朋友們到來, 一嘗近距離接觸。黑白乳牛圖案的牆身, 是拍照作背景的好題才。到來的除了駕車人仕外, 便是行山愛好者, 還有踩越野單車的。 前者當然是為了食美而來, 還有帶上小朋友, 讓他們一嘗餵飼山羊, 親親大自然。 而後者則是行完大山踩完大山歇腳地, 然而大

🐓話明農場就緊係喱得好埋咖啦，係元朗搭72號綠色小巴總站落車，穿過幾個燒烤場就到啦。遠處已經見到乳牛既圖案🐮😋食既基本上都係奶製品，必飲自家製農場鮮奶🍼仲有燉奶、牛奶芒果布甸同餐蛋出前一丁🍜🍳🚩行到熱辣辣飲包冰凍鮮奶好爽😍燉奶唔太甜，有淡淡既奶香，比較健康既甜品👍牛奶芒果布甸入面有切粒既芒果肉，同樣唔太甜好味道。🍜咸食方面叫左餐肉蛋出前一丁$27，麵煮得岩岩好👍唔淋咁先係食公仔麵咖ma😋餐肉係厚切的，煎到兩邊微脆🐷再吉穿隻蛋，用蛋黃黎撈埋個麵一齊食🍳另外叫左燒賣，燒賣就平平無奇，比較淋身d，不過食咁多甜野食番d咸野就👍👍👍食完野仲可以去睇羊或者喂羊，原來羊食草都幾喉琴同大力架😳🚩農場開放時間只有星期六、日啊😛🚩元朗石崗甲龍村雷公田78號

今日有事去元朗，去之前就順路去左呢間隱世餐廳啦渣車黎呢度實在好考禮貌同技術，每部車都泊到貼一貼，真係少d技巧都唔掂呢度既環境真係完全擺脫市區既感覺，大大力吸淡清新空氣真係人都爽d，窗口就係買野食既地方啦，買完有個牌仔俾你，之後就會有人拎碗麵去你張枱啦100%農場牛奶飲落比起平時既大牌子淡味，但感覺好無添加好正茶葉蛋完全入晒味，個蛋殼都浸到變左深啡色，蛋殻好易剝，食落淡淡茶葉香餐肉煎蛋麵唔好睇少呢碗餐蛋麵，真係誠意之作！即煎既半熟蛋同午餐肉，個邊岩岩好煎到脆，而個蛋黃就仲係生既，麵底用上出前一丁，唔係誇張，真係我食過最好味既餐蛋麵！呢度仲有得餵羊羊，岩晒放假一家大細離開繁囂，叉一叉電

前幾日去左元朗呢個農場士多，呢到出名新鮮自家製牛奶，其實想黎試好耐，今次有得跟旅遊車黎就方便！第一時間梗係試佢個奶（全脂是常識）飲落真係幾香滑,重點係無添加夠哂健康佢有大盒有細盒，咁難得黎到梗係叫大盒抵啲。試左佢個芒果布甸同薑汁撞奶，芒果布甸多芒果粒，而且真係滑過出面！感覺上應該係用少左魚膠粉，唔似茶樓果啲好似啫哩感，有啲入口即溶既感覺，買多幾個食都得，可惜無花奶😭撞奶反而覺得薑汁唔夠辣，有啲苦澀既味道，只係香滑挽回分數。兩樣都係$19一個，抵食就唔抵食架喇，一場黎到就試下👌仲有少量熱食例如公仔面等等，佢個餐蛋面試左塊午餐肉，都幾厚切同煎得香

•牛奶 (大) HKD30/ (小)16 薑汁撞奶 HKD19 每次嚟牛奶質素仍然超高👍🏻今次試左薑汁撞奶，新鮮即撞，等2分鐘凝固就食得。小妹其實好怕太辣🙈但呢度薑汁同奶味平衡得好好，入口超滑😋屬超高水準！農場仲有d小動物🐑🐢有得食又有得親親大自然地點比較難找要注意啊，蚊拍水是必備😝

難得星期日，緊係楂車周圍去啦。睇openrice 搵到呢間山上既餐廳，即係黎試下。呢度其實除佐楂車，或者行山人仕之外，其實都幾難黎。由荃灣經大帽山過黎其實都幾快，約10分鐘便來到。由於入到村係單線行車既關係，所以大家都要好禮讓，同埋要有一定既駕駛技術。車位都算多，可以泊到10多架車。呢度主要係飲鮮奶，餐蛋面，茶葉蛋，「登」奶既，價錢都好合理，約$40一個人啦我就叫佐兩枝奶，茶葉蛋，同埋2碗餐蛋面野食係用自己購票形式既，買完自己拿去位農場牛奶 - 算幾淡，冇心目中好騷既感覺，好好味，好新鮮茶葉蛋 - 茶葉味好香濃，完全浸透佐入隻蛋裡面，絕對值得一試餐蛋面 - 絕對唸唔到可以咁好味！ 餐肉煎得好香，邊位香，肉味濃；蛋都煎得岩岩好，包住d蛋槳，好正：面係要出前丁丁面，湯夠熱，行完山食一碗真係爽到暈下次叫一班friend行山再去過

早兩個月平日去過，去到門口貼住人手不足，只於假日開放。今日星期天，天氣唔太凍，有風，一家人再去逛逛十二點幾去到都幾多人，剛剛有人走，就有枱叫左一個1公升全脂奶，$30，剛好4杯，飲落係覺得幾新鮮，幾滑，不過就唔係好香濃嘅奶味。另外我地每人叫左個餐旦面,$27@，上返open rice 睇返以前的post，原來2014年個面同而家都係一模一樣樣！keep到一樣樣個面係出前一丁，雖然多人又唔咁夠人手，都冇整到林晒，適中。午餐肉係煎得好好，有些厚度，煎得外脆內軟，可惜用的是較低檔的午餐肉吧，冇肉香，仲酸酸地。個旦煎得幾香口，但旦黃冇熟晒，仲有旦汁的，很不錯。因為我地先係食早餐，上到去又大風又幾凍，就冇食甜品！下次再去過吧周圍見到貼左好多話係被open rice好評的標記

情人節同男朋友仔去完嘉道理農場，見又有渣車就諗住睇下附近有冇咩特別地方去，發現農場鮮奶有限公司只係十多分鐘車程就決定去試下佢回想起上次去都係幾年前既事了，還是渣車比較方便！但入去的車路不易行，因為係單程路，有對頭車就要係避車處避避。但好在去到係有免費車位既上次都黎過真係一試難忘！今日再黎試試 先黎一個薑汁撞奶同鮮奶- 可惜細盒裝鮮奶賣晒，大盒裝一公升又飲唔晒所以叫左一杯鮮奶share. 鮮奶非常香滑但又冇奶羶味，飲得出係全脂奶！薑汁撞奶熱辣辣，非常重的薑味！係即叫即撞既果然新鮮滾熱辣，而且非常滑，texture剛好望落似豆花 芒果布甸一望就望到好足料，粒粒鮮芒果，唔係用布甸粉整既布甸，加上花奶更滋味 到我既飛佛雪菜肉絲撈烏冬！雪菜肉絲非常多而且雪菜唔會太鹹，配上肉碎及蝦米好惹味，蝦米有畫龍點睛之用,出面茶餐廳食唔到呢個配搭！烏冬也非等閒普通貨，好彈牙有咬勁，份量都唔少，食完一碗夠晒飽喇雖然遠但keep住咁多人黎總有原因！食完仲可以餵下山羊添，有得玩又有得食，正！

難得星期六放假,有朋友話好掛住元朗有間既牛奶， 所以就一於再黎喇。十點度到, 都已經好多人喇，好彩仲有位。黎到見到咁多人叫餐蛋麵($26)，就一於試下啦， 當然仲有必叫既牛奶，牛奶有大有細, 我地叫左大既 1公升($29) 牛奶滑滑的，奶味超濃，飲完一啖後，奶香仍留在口腔中，慢慢滲出超正!!餐肉煎到兩面脆脆的, 餐肉+蛋+麵=絕配 有好多野食揀，燉奶、 芒果布甸、 茶葉蛋…見到隔離人食芒果布甸，芒果大大粒咁，好想試, 下次一定要再黎試下!

周日諗5到有乜新奇的地方去，我們就決定去呢到，我們系住9龍，揸車入去，好遠，差不多個幾鐘車程，因為入到去仲會有塞車等問題，可能是因為呢到只是開六，日，去到系門口架車都要排隊等泊！我就拖著兒子去排隊買野食，勁長勁多人，有人行山來，有人團體來，又要自己搵位，我又要排隊，都有點吃力，幸好最後排隊旁邊的位置有人走，即刻叫小孩去坐下等我，嗌野食一定要諗好食乜，因為他們好講求速度haha呢到仲有得3元餵羊，帶小孩來其實是個很好選擇，但我來講，有點太遠了，大家要自己評估下值5值

平時工作咁大壓力 當然要親親大自然啦 所以星期日放假日 約埋一班朋友一齊去親親大自然美食團 其實仲有羊仔可以喂佢地 不過羊味太勁啦 我地只係遠眺下d羊仔咋 入到之前會有個牌仔話你知已經到達 好啦 介紹返野食先1公升牛奶（$29） 感覺好新鮮 牛奶味可能會重左少少 不過出面飲唔到嫁 自己都再買多左2枝返屋企姜汁撞奶（$18）姜汁味唔太重 適合唔鐘意食辣既朋友燉奶（$18）好滑好正 好想食多碗tim 燒賣（$12）仲熱辣辣嫁 好味餐蛋麵（$26）好平 平時出去食一碗都唔只呢個價錢 加上呢到咁遠水路 隻蛋仲要係流心嫁!!!其實樣樣都好好味 其實仲想食埋芒果布甸 只可惜賣晒啦 要食要早少少去呀留意返 農場鮮奶有限公司只係星期六及日及公眾假期先開嫁,閒日唔好去呀

今日天氣涼左知呢到只開星期六日一見到呢舊石 就知到了燒賣 $12/8粒入黎食燒賣特別有風味XD凍薑汁撞奶 $18第一啖食落好薑味但食唔到奶味薑味太重了凍芒果布甸 $18有粒粒芒果粒用新鮮牛奶所以好滑0.5L鮮奶 $19只有全脂奶選飲落唔甜 同外間的牛奶味差好遠Total：$673元草可以餵羊羊最老個隻蝦其他羊仔有d羊好瘦假日黎玩下都幾好都有唔少人黎臨走前買左盒奶返屋企老闆好細心提我1 hour要放雪櫃但今日天氣涼1.5 hour內都得

趁著假期及好天氣 當然跟男朋友出外遊玩決定到嘉道理農場遊玩 但玩樂前 決定再度探訪一家在附近而我只會在週末及公眾假期營業的店..中午時分來到 要先點一點咸點醫肚先叫了農場鮮奶 ($15 500ml)豆丁每天都會在喝牛奶 但因為怕胖平常都只是跟脫脂奶但農場鮮奶以前有來過也有喝過所以就算是全脂都一定要點來喝當然很重奶味很新鮮!.茶葉蛋 ($10/2粒)及魚肉燒賣 ($12/8粒)茶葉蛋很入味 每次來我都會順道要兩隻魚肉燒賣 其實是普通的魚肉燒賣 但那個時候竟是想吃啊 哈哈.餐蛋麵 ($26)雖然小店以奶類甜點聞名 但其實餐蛋麵也做得不錯午餐肉煎的外面很脆 而荷包蛋煎得有流心的狀態 很好吃!.最後是重點! 薑汁撞奶($18) 及 燉奶 ($18)因為太熱的關係 點了凍燉奶 跟熱一樣很重奶味 很滑薑汁撞奶 就覺得應該要熱撞才好吃是即叫即撞 來到時還要等2-3分鐘讓它凝固不過這次薑汁味太多 蓋過了奶味 不過都很好吃.雖然夏天在戶外用餐真的有點辛苦但各位可以坐在有風扇的位子 或是帶一把小風扇~我再去嘉道里農場的話宦會再去~

最近同同事參加左個行山既面書團, 因為近近地係元朗所以夏天我都去啦, 聽講仲可以食到豆花喎! 卒之行到黎呢間餐廳, 餐廳環境都算唔錯, 唔似羅湖果間咁簡陋, 仲見到有羊同龜, 好可愛只係叫左少少野食, 就係薑汁撞奶, 非常滑而且薑味適中, 辣得黎又有甜味中和, 係唔錯既一餐, 仲可以買農場鮮奶, 佢地既鮮奶唔知點解香好多, 又有少少奶既甜香, 好好飲

在openrice看到這間食店，一直計劃到這裏，今天終於成行了。因是無車一族，不想坐公車左轉右轉，又想省時，選擇搭的士由粉嶺直達，約$80，20分鐘到達。 大約9時到達，已有幾枱遊人在吃早餐，大多是自駕到來，電單車和單車友，我們是的士友，算是另類吧。用餐地方設計成黑白牛牛牆，小朋友很喜歡，有桌子，馬上坐下，然後點東西，餐牌貼在食店前，點餐後有個號碼牌，店員會送上食物。三個人點了:餐蛋出前一丁三碗($26X3)--餐肉煎得均勻，煎荷包蛋，蛋邊香脆，麵是出前一丁，是我吃過最用心做的餐蛋麵。牛奶500ml($15)--牛奶味濃，值得推介。薑汁撞奶($18)--撞奶入口有苦味，不知為何，也許是薑壞了，失敗之作。芒果布甸($18)--奶味香濃，芒果份量不少，芒果鮮甜。埋單$129。農場地方不大，養了一群山羊給遊客餵飼，另一邊還有一隻陸龜，一家大細假日到此一遊和品嚐美食，算是一個遊玩的好地方。逗留了約一小時多，離開時，想電召的士，但電召的士也不容易，最後步行約15分鐘到大路口，原本想坐巴士到川龍，幸運地有的士，大約車費$90到達下一站川龍飲茶。