E Delicious Cafe Restaurant (Closed)

要40分鐘先出餐，速度極慢，有貓但沒處理好，有異味，有任食薯條但凍，結果主餐要打包返去食，欠飯欠薯菜，總體體驗決定永遠不會再去食，我很少會出食評，但今次真的忍不到一定要出，肉眼牛扒可以煎到實到死，呢份野賣100蚊！？你好唔好意思…不論速度，味度都唔得，當日比餐湯我地時，同佢講個匙羹污糟，佢比第二隻匙羹我都係污糟…大佬呀基本衛生做都做唔好，唔夠人唔好開禁多台啦，愈做愈差，唯一一樣好係佢黑胡椒個樽係自動…

呢間餐廳由開業已經食左好多次，環境同性價比係深水步區來說算是不錯，食物質素都OK，但一直冇寫介紹係因為試過幾次都等得超耐，結果要打包拎走,所以亦無特別上黎寫，亦一段時間無黎。因為有睇開我寫既食評都知我好少BAD COMMENT,因為知道營商不易。但上星期日再去食的時候發生一件我覺得一定要上黎寫既事。當天如常入內點餐,點左餐後一陣有位侍應同我地講有1.2米以上最低消費每位$38,我地一行6人,有2位1.3米的小孩子加1位婆婆。首先門口呂裙唔見有任何張貼說明，帶位到點餐前都冇人講。之後侍應指一指menu 封面，我地先見到。其實已經叫左5個餐，如果平均計一定人均最低消費夠每位$38。咁侍應唔知點回應，就揾另一位侍應同我地講當然話唔係人均計，又話MENU已經寫左，不過可能唔清楚。我覺得如果有呢個POLICY門口要有寫，或最低限度帶位入來既侍應要講,甚至落單前講，唔係落完單再轉頭先講，有D欺騙成份。咁佢話係公司POLICY，都冇必要難為人，但又真係食唔晒，只好多叫一個打包。你一早講清楚冇問題，但咁樣就永久blacklist。忌廉湯飲左一啖冇飲到，杰撻撻好似漿糊，冇咩味道紅湯正常牛扒方面較多肥膏，

之前初初開業（2022年）嘅時候幫襯過兩次，都叫做大件夾抵食，點知第三次去就出事。百物騰貴，價錢貴咗30%可以理解。叫咗兩份安格斯0-2+肉眼牛扒($128)，味道過得去，但有1/3塊係脂肪，金髮女待應話呢隻0-2+肉眼牛扒就係咁，話唔想吃呢一大舊脂肪就應該叫貴啲嘅內眼心，重話有啲客喜歡吃呢啲肥膏，真係厚顏，不吐不快，忍唔住要將呢個不愉快經歷公諸於世，大家如果真係好想食脂肪，就不妨一試，保證不會失望！

響深水埗北河街, 請左一日假陪老婆, 佢話想食西餐就黎左門口布置幾特別, 旁邊仲有地方養貓仔, 氣氛幾好, 夜晚應該幾好FEEL收費真係唔算貴, 我叫左個豬扒拼漢堡, 老婆點左個安格斯牛柳, 女人怕肥喎多士配果醬: 跟餐, 無乜特別餐湯: 老婆要白湯, 我要紅湯, 個紅湯得喎, 事關大部份紅湯都係菜味重, 但佢就好平衡, 清清楚楚飲到湯中肉味, 配合得好適中豬扒: 唔厚, 但爽, 輕微烤味漢堡: 口感堅實, 肉汁差D, 同平時食開既差唔多, 合格以上意粉: 好幼下, 靭到係煮到當好, 但真係幼左D唔習慣老婆個牛柳食左少少, 都好有牛扒味, 唔係行貨咖啡: 佢地有賣咖啡, 啡味濃得黎帶少少酸, 整體係唔錯既雪糕: 細細杯朱古力, 唔識乜牌子, 朱古力味一般, 無混朱古力粒, 普普但好過亞波羅順帶一提, 雪糕係隨便派既, 老婆果個係海鹽味, 真係無試過, 味道唔甜唔醎幾得意

平日的下午，經過見到門外餐牌，選擇不少，以西餐廳的格調來說，呢個價錢算便宜了，再加上是一個完整的套餐，即是有湯、餐包、主菜、甜品同飲品，十分抵啦！我一個人，店員都肯讓我坐在寬敞的座位（當然不是繁忙時間，但都坐滿的）。叫了最平的$65西冷牛扒飯，要另加一。先來紅湯及三角多士，紅湯質地較稀，但味道不淡，我覺得有不少肉煮出來的，不只是菜蔬味。多士送上果占，自己塗上，食慣牛油多士轉下果占都不錯。主菜到，size不少的西冷牛扒哩！不過味道就一般，呢個價錢不能高要求。反而要彈的是飯質，太軟，甚至有點淋喎。伴碟的椰菜又煮過火，太淋了。咖啡都不錯，但西餐廳來說，啡味淡了點。還有杯雪糕，若不是食慣高質的雪糕，這杯送的應該都收貨。唔。。。店員服務殷勤，態度不錯，或許下次試一次高價的食品，再給評價，會唔會可以列入飯堂名單😅

今日寒冷天氣警告，原本諗住去深水埗食返個羊腩煲。但係離遠見到呢間西餐廳好似幾別緻, 見到門口menu好多唔同嘅扒類, 有黑毛豬西冷扒和牛.我同阿仔呢一人叫咗一個牛扒，一個係安格斯0-2肉眼扒12安士，另一個係牛板腱配黑松露白汁。套餐都幾豐富鮮呢個餐湯正常紅白湯我哋兩個 弓都飲忌廉湯所以就是兩個羅宋湯。再嚟煮菜就精彩啦，一放入口就知道有料到！絕對冇可能係百零蚊食得到都係貨色。呢個level 嘅扒應該自己買都要100蚊塊。個安格斯仲要有啲炭燒feel，脂肪分佈均勻，入口即溶。牛板腱亦相當出色下次要試下配番杯紅酒，應該後尾會更加出。甜品個朱古力雪糕都好濃嘅朱古力味算交到功課有突。呢間算係近期最有驚喜嘅餐廳沒有之一最後值得一提嘅，就係佢有啲抗疫飯盒，只係19蚊。咁我相信附近有需要人都會好大嘅幫助

午市套餐：包，湯，主菜，茶，甜品紅酒燴和牛牛邊肉，黑醋沙律,$78煎紐西蘭肉眼扒，焗薯，$88食評：紅湯：夠濃，多料，有肉，正！黑醋沙律：清甜，正常。厚多士：配士多啤梨果醬，OK。和牛牛邊肉：似牛腩，唔係好稔，但夠多。抵食但口感一般。汁好濃，但由於我唔係撈飯/意，所以本人覺得咸味同甜味都過左。肉眼：應該俾鬆肉粉“拿”過，連筋都好鬆，好易撕開。黑松露白汁，唔錯。焗薯有牛油，都甜。賣相方面可以改進，其實簡單灑少少蕃茜已經得。至於抹唔抹碟就見人見志啦。同埋落單啊姐無問過塊扒要幾成熟，所以切開見到已經係7成+熟。不過而家都已經絕對對得住個價錢。汪啊姐：偏酸，我落埋d果醬當糖漿，依然被咖啡酸味蓋過，但加埋奶中和左陣酸味,士多啤梨味出晒黎，好正（個人意見，我係會亂沖咖啡既人）雪糕：港產焦糖脆餅雪糕，食得入口。唔似“大阪牛乳”。（ps. XoXoberry / Xojimaya喺雪糕關注組係被唾棄既牌子，詳情請搜尋“律師信味雪糕”）環境：乾淨企理，但後欄去廁所就好大陣怪味。

今日去到深水埗做嘢，本來諗住去附近嘅餐廳下午茶，咁啱經過呢一間餐廳，見到出邊寫住$19一個飯盒，真係好平喎，而且仲有幾款選擇，良心價錢。即刻買咗一盒咖喱牛筋腩飯嚟支持吓，味道都唔錯，但份量就比上中少啲，牛筋腩加埋都係得四件。不過$19仲包埋飲品，又的確唔應該計較太多。當然如果要食得飽啲，去附近食雙餸飯都係加多幾蚊。餐廳：E Delicious Cafe Restaurant (深水埗)地址：深水埗北河街185-187號地舖

佢唯一一樣嘢好係：價錢幾平、好多款送？😂😂😂有餐包、湯、主食、飲品、雪糕！蒜蓉包：偏硬，真係唔多好味雪糕：佢係送coco berry 呢個雪糕真係好難食……..🤢化學雪糕又好甜。聽到隔離臺話啲菜有餿味。三位朋友都嗌薯仔，有個成個壞咗。啲嘢飲有種膠味，或者好奇怪既味。我個煎雞都係不過不失。ok既～朋友啲牛扒都好麻麻._.我呢個好鍾意性價比高既人😹（即係多但平）都十分真心、可以堅決地講「真係唔會有下次啦！！！！」🫣🥴😨🫠

深水埗比人的印象.人多車多.基層人士眾多.所以係呢區開設的食店.好難上高堂大雅.估唔到深水埗區亦都有品味嘅咖啡扒房餐廳.今天推介係一間酒店扒房.佢哋嘅扒平均每人一百元左右.親民價.所以今日會同太太來試吓佢哋扒餐。佢哋扒房餐廳位置係北河街.唔講你唔知.你哋行過門前好容易忽略.扒房座位都舒服.佢哋雖然係扒房.佢哋有好多咖啡品牌及品種介紹.似乎係咖啡專家.呢家疫情關係所以改變為扒房。今日點餐如下： 1. 香煎紐西蘭肉眼扒餐. 配意大利粉黑椒汁X1 $88元 套餐包括（餐飽.餐湯.雪糕.餐飲） 餐湯：我哋選擇咗羅宋湯. 餐飲：凍檸檬茶.凍飲要加 $3元 2. 豬胺扒餐. 配意大利粉黑椒汁 X1 $65元 套餐包括（餐飽.餐湯.雪糕.餐飲） 餐湯：我哋選擇咗忌廉湯. 餐飲： 凍咖啡.凍飲要加$3元

𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝒾𝓂 𝒮𝒽𝒶 𝒯𝓈𝓊𝒾裝修係舊式既港式扒房，四人卡位都幾闊落，坐得舒服。不過就比較重煙味好耐冇食鐵板餐啦！見到有個晚餐係🌟鐵板牛柳配芝士焗龍蝦🦞仲要有晒餐包、湯、飲品同甜品先$148！ 即刻叫黎試下😍餐包係有少少似黑糖包果種，咬落幾有口感。主菜係鐵板上夠晒熱辣辣，牛柳有兩大塊，咬落d肉比較實同普通，牛味還可以。龍蝦有半隻，鋪滿芝士望落幾正，有大大隻蟹鉗，而且已經敲碎左方便食。不過實際既肉唔多😅除左扒之外仲有大量既菜！少少薯條同勁多意粉🍝粗薯條點埋洋蔥汁好好味😋甜品就係雪糕，雖然唔係咩大牌子，但我果杯椰子🥥菠蘿又幾清爽😍飲品叫左凍檸茶🍹呢道絕對係以量取勝，性價比勁高！大食既男仔都實食得飽😂📍𝐄-𝐃𝐞𝐥𝐢𝐜𝐢𝐨𝐮𝐬 𝐂𝐚𝐟𝐞 𝐑𝐞𝐬𝐭𝐚𝐮𝐫𝐚𝐧𝐭九龍深水埗北河街185號

雖然疫情已經開始好轉，但仍有食店提供疫情價的飯餐。此店位於平民聚集的深水埗區。19元的抗疫餐由中午至晚上提供。論味道，一定對得住19元這個價錢。論份量，size都算合理，塊吉列吉排大大塊，而且不是日式的急凍即食吉列豬扒，而是廚房自己上麵包糠的自家出品。另外，之前食過它的黑椒牛排意粉，牛排很諗，黑椒汁亦很美味，比吉列豬排更好食。可惜收錢的是一位靚女，態度就真真的很一般，若不是價錢吸引，一定不會常常有人願意排隊買。Anyway,希望此店可繼續為大眾服務。

無意間睇到介紹深水埗有間$19蚊抗疫西餐。呢日甘岩去到買左一份試下，支持下。餐廳於深水埗的屬於平民西餐廳，坐落係北河街新型酒店Hotel E旁邊，唔知佢地係咪有咩關聯架呢，連名都甘似餐廳寫明每日12:20分開賣，售完即止。佢預先裝好一份份飯盒，擺門口售賣處。當日公眾假期大概晚上6點幾左右去到，都仲見到有數十個飯盒。每日都有幾款唔同飯，當日無我想叫既吉列豬扒同龍脷利柳。但有個厚切豬豚肉，以為會好似豬扒甘。就決定一試！返到屋企一開都真係有d驚喜，佢係一大條好似豬腩肉/扣肉甘，好大條味道又唔錯架！好入味～以為佢個飯無汁好似白飯甘咩，又唔係喎～佢吸左豬豚肉既汁，撈一撈佢都夠晒送飯～總括講，呢個價錢呢個質素，我比10分，十分滿意架啦～深水埗老人家多基層多，餐廳唔一定要幫助佢地，但佢有呢個心，已經好值得支持！希望多d呢d良心餐廳同香港人同行～

行過深水埗北河街見到好多人排隊，以為係搶快速檢測套裝，原來係間西餐廳推出抗疫優惠，外賣飯盒竟然只係$19，可謂糧尾恩物。唔好以為$20都唔使就一定好頹呀，每日有兩至三款快餐俾客人揀。今次我試咗咖哩吉列豬扒天使麵，吉列豬扒係新鮮炸起外面好香脆但入面仲好Juicy，咖喱汁就偏向甜甜唔辣，小朋友都食到，天使麵就煮得比較淋。除左吉列豬扒，另外仲可以揀白汁雞皇、葡汁雞配飯或者意粉。跟餐配一杯熱薑茶，熱辣辣好暖胃，仲可以驅寒保暖。其實之前都有食過佢嘅堂食食物係好高質㗎，疫情關係先至出甘抵既優惠，行開有興趣快啲去支持下啦！

12月22號中午1点半一行四人入到依間餐廳不太多人，目測只有三分一客，坐低後每人叫到一個主菜，每一個主菜包湯麵包飲品同甜品，主菜叫咗咖哩薯仔牛脷加沙律菜，煎豬扒意粉，炸豬扒意粉，豬扒拼牛柳意粉，麵包上枱時都熱，不過再熱啲仲好味，主菜分量比較多，四個人都食唔曬，味道都係正正常常唔係想像之中咁好，冇乜驚喜，甜品係椰汁糕味道一般，飲品叫咗杯咖啡，熱檸茶同兩杯凍檸茶都係一般茶餐廳味道，整體嚟講餐廳環境唔錯，環境乾淨但係食物一般同無驚喜。