晶瑩鮮蝦餃（2粒）（$15）、原隻蝦燒賣（2粒）（$15）見到兩款點心都有2粒呢個選項真係覺得好窩心，因為有時真係淨係想食一粒同想食多啲其他點心。個人覺得燒賣比蝦餃出色，蝦餃內餡好彈牙較淡。
濃湯鮮竹卷（$19）全素既鮮竹卷，內餡係蘿蔔同其他素茶，豆味香濃，湯底仲有杞子味，感覺好養生！
黑金流沙包（$25）小小既黑色蒸包一搣開就會流出奶黃餡，非常邪惡又惹味，又唔會太甜太油，食三個都唔覺得膩！
金沙脆皮銀蘿腸（$26）好難得見到羅漢齋同白腸粉以外嘅全素腸粉，內餡係蘿蔔絲外包香口脆皮，最外面係香軟腸粉皮，食落感覺幾清新！
沙薑汁燴鮮淮山（$22）有西芹同木耳加鮮淮山，口感偏軟，好香沙薑味但唔會過鹹。
籠仔鳳爪排骨飯（$34）用荷葉飯墊底，鋪上靚金鳯米同鳳爪排骨再蒸，入口有陣陣荷葉香氣，飯煮得好好，加埋甜豉油，真係一個人食晒成籠都得！
總括嚟講，呢度既點心性價比好高，選擇都多，唔洗加一，所以都見到好多附近既街坊黎幫襯，同店員有傾有講，好家常既感覺！
