84
12
5
Exit B2, Prince Edward MTR Station/ Exit B3, Mong Kok MTR Station/ Exit D, Mong Kok East MTR Station continue reading
Telephone
26226161
Introduction
佈置堂煌的帝京軒馳名粵菜,成功演繹出中華美食的精髓。每天供應新鮮海產,午餐時段更有多款精緻點心。帝京軒除巧手研製粵菜外,並附設經典上海佳餚及北方各省名饌,為客人提供更多選擇。雅緻華麗的帝京軒,是宴會廳以外,另一舉行婚宴及社交宴會之理想場地。除美食佳餚外,這裡的顯赫裝潢及殷勤的服務,必會令客人有賓至如歸的感覺。 continue reading
Opening Hours
Today
07:30 - 16:00
18:00 - 21:30
Mon - Sun
07:30 - 16:00
18:00 - 21:30
Payment Methods
Visa Master Cash AE UnionPay JCB Diners
Number of Seats
480
Other Info
Online Reservation
Alcoholic Drinks
Parking
Phone Reservation
Reward Dining Points
10% Service Charge
TV Broadcast
About Reward Scheme
Review (173)
Level4 2020-04-11
949 views
都應該一段時間沒有來過帝京軒晚飯,還記得農曆新年前剛剛疫情突襲,完全沒有預警下,那個時候還未有什麼1.5米,還未有四人飯局,還未有膠板,大家雖然戴咗口罩,但係感覺冇而家咁末日。剛剛開始外賣風氣,那時候偶然都會出街食飯,當時和F先生同K小姐二月份約食飯,可惜碰巧因疫情關係,帝京軒關門,結果為安全起見,我們都取消咗飯局。一個月多了,飯局時間改了又改,大家都少咗好多出街食飯,帝景軒外賣都食咗一次。三月尾的時候,大家都覺得不如見下,搵日大家都要番工嘅時間,約個時間一聚。選址當然依舊是帝京軒,幸好今次沒有什麼意外,我們推遲了的約會終於成行,終有一天見到你。晚飯時分,人流都算唔錯,喺疫情期間,就睇得到餐廳嘅強勢,就好似啲跌市中都總有股票升。前菜來個油甘魚伴山葵醬油.黑松露田螺酥盒.梅酒鮑魚寒天凍 。梅酒鮑魚寒天凍整得好靚,成粒龍珠咁樣,上個月我哋仲笑緊龍珠抗疫,大家仲有冇印象?講返呢粒龍珠,當然精彩,具有濃烈的梅酒同鮑魚香,食呢個同樣抗疫。黑松露田螺酥盒小巧但有強烈黑松露香,食田螺不一定要成盤食。油甘魚點上一枝山葵醬油,食得非常方便,而且造型好型,令我想起川流那個小籠包。然後飲個靚湯,霸王花雪梨螺頭煲豬展,料足湯甜,法官大人,我冇嘢好補充。食咖喱會抗疫,我們當然延續這個主題,娘惹咖喱水庫大魚頭,對愛魚人士來講,吃魚頭一定可以吃到津津有味,朋友F先生食指大動,我自己魚頭就麻麻,不過嗰個娘惹咖喱嘅香就好特別。點了鮮嚐.酒宴的其中一個好吃的item十五年花雕金湯鱈魚球,鱈魚鮮味非常強烈,花雕香一流,飲啖湯,更甘甜,最重要鱈魚好大份,可惜老婆不在,如果唔係呢兩個食魚嘅菜式佢一定食得好高興。我愛吃東南亞嘅咖喱,呢個泰式椰香紅咖喱豚肉及雞肉串燒好惹味,基本上食唔停口,吃了兩個主類菜式之後食呢啲串燒令我更加特別開胃,原本一人一串,我自己食左兩串。我話你知,呢個港式原味道咖喱海參牛筋腩可以話係我喺帝京軒食過最好食嘅一樣野,你諗唔到港式咖喱會同海參咁夾,牛筋腩非常腍,平時港式咖喱都是比較普通嘅嘢,喺呢度加咗比較名貴嘅海參之後成個感覺就升level,我自己忍唔住即刻叫咗一碗白飯來送。足足食咗一碗,食完一碗都唔夠。同B小姐都贊同如果呢個菜式加上炒飯底更完美,如果可以a la carte咁外賣,我一個禮拜起碼會食一次。食咗咁多隻咖喱,我突然間諗,如果有埋日式咖喱應該會更加完美,餐廳可以諗吓。太多肉就簡單加點菜啦,唔係乜嘢特別菜式,但係都要幫助下消化。主食叫了海膽蟹肉焗夢美人飯,又係大件夾抵食之選。 海膽之香,蟹肉之多,就算頭先我食咗一碗飯我都可以成個蟹蓋KO,你就知有幾好。尾聲加上呢度精彩嘅甜品,滿足。學F先生話齋,朋友係要來見嘅,雖然科技發達,但冇可能用Zoon或者WhatsApp call一齊食飯㗎嘛,希望下次可以快點再見啦。京軒  旺角太子道西193號帝京酒店3樓 continue reading
(The above review is the personal opinion of a user which does not represent OpenRice's point of view.)
雖則疫情影響到很多酒店自助餐都暫時關閉,不過帝京除了自助餐有名外,朋友說帝京軒中菜亦是一個好選擇。友人提議點了一枝法國紅酒淺嚐,呢枝順口香氣夠,很好飲。前菜:琥珀合桃、海鹽腰果沒想到合桃可以甘香甜酥脆,真的一口接一口。是日老火湯:霸王花雪梨螺頭煲豬𦟌味道清甜,養顏滋潤。油甘魚伴山葵醬油、梅酒鮑魚寒天凍、黑松露田螺酥盒油甘魚刺身肥美,山葵及醬油都已藏在吸管方便食用。梅酒啫喱像一個金色閃粉水晶球,微醺梅酒香氣,配鮑魚一啖有種很清爽感覺。酥盒很酥脆,有黑松露的香氣很加分。呢晚先後食左3道不同的咖喱, 第一道娘惹咖喱水庫大魚頭。魚頭煎過做到外皮香脆、魚肉嫩滑,非常惹味。娘惹咖喱香料味十足,香而不辛。十五年花雕金湯鱈魚球上碟已飄出陣陣花雕香氣,鱈魚魚皮Q彈肉質非常嫩滑。泰式椰香紅咖喱豚肉及鷄肉串燒串燒可自選紅咖喱汁或沙嗲汁,紅咖喱的辣都算有點後勁。豬肉比雞肉更香口。薑汁炒芥蘭吃左幾道較重口味菜式之外,薑汁芥蘭係唔錯的選擇。港式原味道咖喱海參牛筋腩港式地道惹味咖喱口味,還附上邪惡拉絲芝士,很下飯的感覺。這個做法令海參也能入味!海膽蟹肉焗夢美人飯全晚最愛的一道菜式,賣相非常精緻。滿滿海膽食落creamy,內裏全是足料蟹肉絲焗飯。飯後再點了懷舊中式甜品作結尾。情懷:蛋白杏仁茶伴蜜脆黃金卷 蛋散炸得金黃酥脆,配上口感順滑的杏仁茶係蠻加分的組合。新疆棗皇糕口感煙韌、甜度剛好。久違的朋友聚餐真的沒令大家失望。 continue reading
(The above review is the personal opinion of a user which does not represent OpenRice's point of view.)
Level3 2020-04-27
264 views
疫情下high tea,原來要在茶樓朋友有優惠,可以$300/2人價錢喺Lion Rock Cafe享用Kit Kat high tea 由於疫情期間,Lion Rock Cafe重門深鎖問Lion Rock Cafe隔離嘅帝京軒,先知原來個Kit Kat high tea 係喺帝京軒內享用哈哈~~中式酒樓去high tea係幾特別由於我地Book咗位,一入去,酒樓侍應就帶我們入座座位一早放有Kit Kat攬枕係呢個下午茶嘅禮物欖枕約36cm長輕身,食完攞住走,都唔覺重侍應見我們2人到齊會自動上個set比你先上飲品我同朋友都揀咗玫瑰花茶其實可以揀玫瑰奶昔,但因為含酒精vodka所以我地都係揀茶仲有杯玫瑰花糖漿糖漿味道其實OK,唔係假玫瑰味但我地覺得齋玫瑰花茶都幾清香,所以冇乜點加糖漿茶來了,侍應會細心提我地要焗一陣先飲每杯有3粒玫瑰唔苦,好有玫瑰香味唔加糖漿都已經好飲可以不斷refill熱水沖茶Kit Kat high tea set亦好快上有scone但冇影到侍應好好,會幫手打卡話明Kit Kat 主題,真係有好多款嘅Kit Kat朱古力包括黑朱古力味嘅成排黑朱古力Kit Kat 一向好吃手袋形狀嘅係紅桑子呍哩嗱蛋糕個蛋糕底係朱古力甜餅底,配酸酸紅桑子mosse一淋一脆,一甜一酸幾得意右邊的是草莓朱古力慕絲杯個慕絲我覺得有啲榛子味但係比較甜要夾埋草莓一齊吃先得成個set我地最後食剩幾件始終大部分係甜品都漏漏地(雖然已經冇食lunch)同埋掛住食又唔係款款都影相環境尚可,始終冇Lion Rock Cafe 個景咁正但服務員態度一流每人$150high tea 抵食 continue reading
(The above review is the personal opinion of a user which does not represent OpenRice's point of view.)
Level3 2020-04-22
155 views
兩星期前經老前輩介紹帝京軒下午茶, 這兩個星期已帶不同老友記光顧了三次, 當然是滿意啦⋯⋯不論食物質素, 餐廳環境, 及服務態度都係👍🏻👍🏻再加上二點後有七折, 都真係好值🉐️試試😃 continue reading
(The above review is the personal opinion of a user which does not represent OpenRice's point of view.)
Level3 2020-04-02
356 views
今日黎到帝景軒,第一次黎到,覺得好好味。檯數量唔多、地方唔大,環境非常舒適,非常適合食個休閑既lunch,,意想不到既係d野都好好味,特別佢嘅花膠湯同埋炸蝦,同埋量都算多,一定足夠飽, continue reading
(The above review is the personal opinion of a user which does not represent OpenRice's point of view.)