大勝丼 (Closed)

朋友又帶我食好西 第一次食 氣氛同環境都好好 因為疫情 兩個人可以坐四人卡位 相對闊落好多朋友大概6:30打去book 7:00 位 居然仲book到 上到去等都唔洗等 一入座已經有兩碗味噌湯 效率非常高 味噌湯入邊都有好多配料 有油揚白羅白紅羅白 但就無常見嘅豆腐同海帶 但估唔到呢個配搭一樣咁好味 至於丼飯 可以揀自選 亦可以嗌menu set好嘅 個日我就嗌咗自選 飯底有白醋飯同赤醋飯可以揀 而自選配料亦十分多 朋友仔嗌咗 甘蝦 帆立貝 左口魚 而我就嗌咗三文魚腩 吞拿魚蓉 蟹籽朋友分左舊左口魚俾我 一入口 好香魚油味 雖然唔算大片 但口感好新鮮 三文魚腩好厚切 完全無筋 勁香三文魚味 唔會好漏 蟹籽同吞拿魚蓉就較普通 吞拿魚蓉有某幾啖都有筋 吞拿魚味亦唔突出飯後仲有雪米糍做Ending 唔錯唔錯總括嚟講 呢間CP值算高 如果三文魚腩多多幾件就好啦

[ #caloriefoodie旺角 ]• 大 勝 丼 •🐿一間人氣良心日式丼飯店 今次算係重遊舊地好耐以前食過一次 個陣連晚市都唔洗排隊🤣今次好彩係午市早小小既時間黎 埋單既時候已經大排長龍-🍣自選丼飯 💰$118可以自行選擇配料 配料多達30款 最少要揀三款當日無哂魚腩部位 落單時先知道 有小小失望🥺三文魚(二切) 💰$20油甘魚(二切) 💰$28劍魚腩(二切) 💰$22碎蔥呑拿魚腩(一份) 💰$38白醋飯 💰$10每款魚生都係新鮮厚切 劍魚腩略微解凍未夠 口感偏硬而碎蔥呑拿魚腩會有紫菜陪襯 但紫菜係淋架最敗筆既位係個飯落得太多醋 好酸 食慾大減🤒-🐂火炙狂牛丼 💰$105牛肉一粒粒 方便易食 牛味充足 偏熟但唔韌有大量洋蔥同蒜做配料 呢個丼飯夠哂惹味仲有隻溫泉蛋 蛋汁可以撈飯食 好好味呢(˶‾᷄ ⁻̫ ‾᷅˵)今次係熟食比魚生好食 或者係我唔好彩啦-📍旺角彌敦道594-596號旺角新城5樓-#caloriefoodie #caloriefoodie💛

之前睇Yellowland HK YouTube見到👀介紹旺角有間自選日本🇯🇵魚生丼飯🍚的餐廳好特別，成碗飯都係自選一款一款計錢🍣，所以就特登同朋友去試下💁🏻‍♀️👉 大勝自選丼🍚～三文魚🍣+劍魚腩+碎蔥吞拿魚腩🐟+白醋飯($90) 魚生🐟整體新鮮又好食😋，特別推薦小編最鐘意食的碎蔥吞拿魚腩，超級肥美之餘撈埋餐廳🥢酸度啱啱好的白醋飯🍚同自製(應該係🤔)的Wasabi一流👍🏻👉 大勝自選丼🍚～辣味三文魚🍣+帆立貝+蟹籽魷魚🦑+白醋飯($112)餐廳當日賣曬赤醋飯所以試唔到，兩碗都叫左白醋😮‍💨帆立貝刺身雖然唔貴，但有足足4塊架🤤，而且味道真係好鮮甜有海水🌊味，下次必叫之選🙆🏻‍♀️👉 炸芝士🧀年糕兩件($38) I不過不失，芝士唔係拉絲個種似cream cheese🙈P.S: ▪️堂食限時一個鐘⏱▪️多人排長龍，建議可以早d 打電話☎️去book定位😉▪️飯的份量唔算多，男仔👦🏻可能會唔係好夠食😌

1️⃣大勝自選丼每個丼飯要揀最少三款刺身，我就揀咗炙燒左口魚、三文魚同帆立貝；飯底就揀咗白醋飯。成個飯正正常常，刺身食落都冇雪味或者霉霉爛爛。2️⃣火炙狂牛丼 $108呢個真係超推薦！！蒜香味好出，帶少少辣，調味啱啱好，中間仲有隻溫泉蛋，撈埋啲飯同蒜片一齊食真係超滿足。而火炙牛一啲都唔柴，食落口感啱啱好又嫩，份量都幾多👍🏻呢個水準我會覺得係對得住個價錢，以後去食都一定會再嗌！✴️整體而言，個人真係好推薦火炙狂牛丼。但當然～去兩次都見到大部分人係食緊刺生丼，刺生丼有得隨意配搭，而且厚切大大塊。不過講緊有時唔想食生嘢，都可以去食熟食丼飯。另外補充返，每個丼飯都有跟麵豉湯同甜品，而店舖全日都係免加一。不過想食嘅朋友記得要預時間，因為平日晚市7點開始都好多人等位。

🍽 大勝丼 (旺角)旺角彌敦道594-596號旺角新城5樓🐽今日介紹黃店大勝丼，今次食嘅所有食物都好唔錯。呢度出名海鮮丼，料足味美，飯同味噌湯仲可以任添㗎～而家外賣仲有八折好抵食㗎！大勝角切魚生便當 $118 (🧡🧡🧡🧡)​便當配料好豐富，除咗有角切魚生外，仲有一片片嘅刺身，切得好厚啖啖肉😋 另外炸蠔香脆多汁，蟹子沙律同單點嘅份量差唔多🤣照燒鯖魚丼 $85（🧡🧡🧡🤍）鯖魚煎得香脆，肉質嫩滑，配合埋照燒汁以及蔥花同食，好送飯🥴底下仲有醃蘿蔔，好開胃。桂花烏龍冷泡茶、白桃烏龍冷泡茶 $10（🧡🧡🧡🤍）桂花味同白桃味好香濃清新🥴推介推介炸芝士年糕 $38 （🧡🧡🧡🤍）外皮香脆，年糕煙韌甜甜地，芝士香濃😋蟹籽沙律 $42 （🧡🧡🧡🤍）入面有蟹柳、沙律醬、蟹子同埋好多青瓜絲。唔知道有冇人同我一樣都好鍾意沙律醬，呢度俾咗滿滿嘅沙律醬，唔使驚食到最尾冇哂醬🤣（5分滿分，🤍=0.5分）⁣⁣​環境：🧡🧡🧡價錢：🧡🧡🧡🤍味道：🧡🧡🧡🤍抵食指數：🧡🧡🧡🤍⁣⁣​

旺角區有好多丼飯店，呢間用料比較對得住價錢，而且新鮮，所以食嚟食去都係佢💛💛最鍾意係自選丼飯，呢度買單折完70幾蚊左右，好合理。刺身份量俾得好均真，佢唔係用量取勝，係用質素取勝。個碗麵豉湯，飲得出唔係溝咗好多水，係真係有麵豉味嘅湯。油甘魚同埋三文魚都係厚切，辣味三文魚唔算好突出，但係都唔錯，調味可以再濃少少，整體CP值好高！而家午市每張單都有折，星期六日勁多人排隊，如果想食優質丼飯就去試吓，淨係睇色澤都知道唔係用下欄貨

又黎介紹一間💛店日本丼飯，由內到外都係貼滿文宣同連豬。食飯時間必定大排長龍，今日難得6點幾早左黎到完全唔洗等就有位十分幸運，坐低左野食都未黎門口已經企滿等位嘅人🤭🍛火灸狂牛丼 $➊⓿➑縱觀大部分食客都係叫剌身丼，眼見三文魚帶子大大件都的確係好吸引，但我更鍾情佢地嘅牛肉丼，尤其係呢一款火灸狂牛丼。呢碗丼選用嘅係牛柳粒，一口size 岩哂一啖一粒，牛肉舖滿成個飯碗面。每粒牛肉經火灸燒過有微微熏香，加上七味粉同埋芝麻嘅調味食落口更加惹味。輕輕篤穿蓋面嘅溫泉蛋，蛋黃漿慢慢滲落中層炒香嘅洋葱同野菌片，再滲落下層嘅日式珍珠米。牛肉汁份量適中，唔會太過汁多搞到下層變左湯飯咁(曾幾何時仲會食卜野家果時最憎😵‍💫)，一啖有哂飯同所有食材放入口係最滋味，有少少尋回日本家鄉嘅感覺，絕對會再encore 嘅一間丼飯店！📍大勝丼 旺角彌敦道594-596號旺角新城5樓

閒日晚上都超級繁忙嘅大勝丼，所長一律建議打電話訂座先呀，𨋢口細細比較難喺上面等位。油甘魚帆立貝海膽白飯 $158刺身飯一律配湯，個湯幾好飲，上丼飯前已經飲晒👍🏻個飯比想像中細碗，刺身份量唔係話太少嘅，不過如果早食晚飯可能需要食宵夜🤣所長揀嘅海膽同帆立貝都算係偏豪華嘅選擇，刺身都算新鮮嘅，但唔係入口有驚喜鮮到想尖叫嗰種，下次再嚟就未必咁揼本喇。三文魚三文魚籽碎蔥吞拿魚腩赤醋飯 $112（加$20配前菜沙律飲品）友人嘅選擇，本身想要三文魚腩但當日賣晒。另外，個赤醋飯其實係我叫嘅，但上菜時發現調轉咗就照食，我都有食到幾啖，竟然同白飯嘅分別唔係咁大，下次可以慳返$8🤣（題外話：之前喺第二度食過赤醋飯好濃味，唔需要再點任何嘢就咁食都好好味）刺身都係唔差但冇咩驚喜啦，友人話強烈不推薦叫套餐，因為實在太普通，用啲錢嚟叫其他小食會抵啲，畀大家參考🙏🏻

天氣咁翳焗又咁熱，無咩胃口，都係選擇食日本野。呢度可以好似車仔麵咁自選材料食丼飯，新鮮好味又彈性，性價比高。12點開門前雖然門口黑麻麻，已經有幾個人係度等位 😳😳全部都卡座，座位間有足夠空間，都夠寬敞，坐得舒服，而且侍應友善有禮貌。第一個丼飯選咗白醋飯，油甘魚，左口魚及吞拿魚蓉。另一個丼揀了赤醋飯，海膽，北寄貝，八爪魚。油甘魚同海膽都好鮮甜唔腥! 仲好滑嫩。北寄貝夠爽口，左口魚都唔錯，只有八爪魚有些許失色。值得一提，前菜味噌湯足料，味道唔會死咸有絲絲甜味。 食完丼飯仲會提供甜品 維記抹茶mochi 一粒整體份量啱啱好， 啱曬 有選擇困難症的朋友去食 😂😂😂

旺角有唔少良心日本店，大勝丼提供平價既自選魚生丼飯，又抵食又吸引。另外都有唔少熱丼飯，人人都可以有唔同選擇😋—————————————————📍溫泉蛋辛香炸雞爆丼 (7/10)炸雞熱辣辣、新鮮炸好🔥炸雞炸漿好薄，炸到金黃色，但係裏面依然嫩滑多汁🍗溫泉蛋做到流心效果🥚配合炸雞送飯非常惹味。有少少wasabi平衡左炸雞油膩感，個飯食極都唔厭。不過扣分位就係上菜等好耐，朋友魚生飯都食曬，炸雞丼都仲未到🙈

［旺角 自選新鮮魚生丼飯 大勝丼］💛人氣自選丼飯💛👍 全部餐都包味噌湯同沙律😎👏🚩三文魚腩 油甘魚 劍魚腩蟹膏 白醋飯 $124全部魚生都大大嚿超厚身😍😍油甘魚同劍魚腩油脂一流😜👍加咗個蟹膏撈飯成個飯超級好食😉😉必須推介大家一定要加蟹膏唔好睇佢細細碗 食起上嚟超級大份同飽肚👍💛💛🚩 三文魚腩 炙燒左口魚 三文魚籽白醋飯 $114三文魚腩同炙燒左口魚都好新鮮😎三文魚籽反而水準有少少失色😢🚩三文魚腩 碎蒽吞拿魚腩 蟹膏白醋飯 $112蟹膏本身撈飯已經一流再加碎蒽說吞拿魚腩呢個飯簡直冇得頂😜😜😜😜🚩炸蒜香雞軟骨 $42熱辣辣脆卜卜👍份量都好多可以同朋友一齊share食總結時間🥰全部魚生都好新鮮而且好大嚿嗌咗四款魚生都係$120左右好抵食必須推介俾大家💛😉值得一讚服務員態度超好同埋最後埋單嘅時候有抽獎竟然全單減$50真係好鬼開心😉🥳🥳🥳

人氣丼飯黃店💛 最特別係佢既丼飯有得自選配料 各種各樣嘅魚生刺身都有提供 午市仲有88折添 當日我就試左佢本身自定既丼飯✾ 碎葱吞拿魚腩角切魚生丼🍣唔好睇佢好似好細碗 份量都好足 吞拿魚腩細滑無咩筋位 配上三文魚籽既鹹鮮 仲有三文魚、鯛魚、帶子等角切 食到好滿足(۶•̀ᴗ•́)۶✾ 角切魚生便當🍱包括三式刺身、蟹籽沙律、炸蠔、角切魚生飯 非常豐富👍🏻刺身感覺都好新鮮 炸蠔外脆內軟 岩哂貪心想食多啲唔同配料既你✨

由於疫情關係，基本上去唔到日本🇯🇵旅行，已經有一兩年無食過黑門或者豐州市場食新鮮魚生啦😭，唯有係香港搵吓啲魚生飯😩。今次揀咗呢間係📍旺角都幾出名嘅「大勝丼」。呢到嘅特色係可以自己配搭唔同嘅魚生。最普通嘅食材先最考到一間餐廳嘅功夫，所以小編呢次叫咗三文魚，帆立貝同埋蛋，三文魚腩好肥美，切得唔厚唔薄，魚嘅油脂分布適中，帆立貝大粒又新鮮，甜蛋都唔差。佢跟飯會送埋麵豉湯，加多$20蚊會包埋前菜，沙律，同埋飲品😝，而醋飯可以選擇白醋飯或者紅醋飯，而刺身種類有超過20款，都可以滿足一下大家想食刺身嘅慾望嘅～🥳🥳其實除咗自選之外，佢仲有一啲餐廳推介嘅組合係Menu入邊，方便一啲有選擇困難症嘅朋友😛😛。人均消費：100-150/ head

厚切自選丼💛😍🤤​有30款刺身任君選擇（至少揀3款）唔同刺身唔同價錢😋 ​仲跟味噌湯同甜品​味噌湯同飯都可以免費追加！😍​刺身幾大件，幾新鮮👍​味道👅👅👅​抵食🤑🤑🤑​環璄⭐️⭐️⭐️​服務👍🏻👍🏻👍🏻​番兜🍉🍉🍉​(最高分x5）​​​

去大勝丼食嘢需要有啲耐性，除咗等位耐之外，即使有幸坐低咗，由於店員實在太忙，要有心理準備想要杯水都可能要等到地老天荒😆，證明佢哋有幾受歡迎。受歡迎嘅原因係性價比高，例如我叫呢個自選丼飯，有大大 pat 蟹膏，甜蝦，北寄貝同三文魚腩，隨餐仲附送味噌湯同雪米糍，夾埋都係百鬆啲蚊，認真大件夾抵食👍。味道方面，魚生都幾新鮮，特別係蟹膏，好鮮甜，絕對對得住呢個價錢。另外想讚一下碗味噌湯，非常好飲😋，唔似一般舖頭咁用湯粉沖出嚟。對面位叫咗個角切魚生便當，包括三色刺身，沙律，炸蠔同角切魚生飯，又係大大份，我試咗嚿炸蠔，炸得外脆內軟，熱辣辣，好食。最後仲叫多兩個小食，炸蟹肉奶油薯餅好 creamy，有啲膩，日式清酒煮蜆雖然份量比較少，但係隻隻肉質鮮甜入味，好正🤤。總括嚟講，就係好滿意嘅一餐😌。