混亂拉麵 (Closed)

這個混亂來自於上菜的一刻，份量實在是太大，什麼也可以加倍或減去。但是一般人食量應該沒有那麼大，好像吃極也吃不完，造成神經混亂。由於麵比較淋，沒有精緻賣相，極之混亂……如果大食人士，可以挑戰一下。

和友人相約在深水埗，呢間混亂拉麵都算聞名已久，但一直都冇機會入去試下，今次終於比我試到地方唔大，入到去咁啱唔需要等位，可惜係坐最近門口又靠邊嘅位置。一如一般拉麵店，廚房係開放式嘅，但係通風唔太好，一入去就有陣油煙味，唔多開胃我地坐嘅係吧枱位，都叫可以睇下師傅準備食物，但係一抬眼就係一個大黑膠袋，見師傅行近，原來係用嚟蓋住啲未煮嘅拉麵我嗌咗玉子拉麵，會有兩塊日式叉燒，可惜叉燒竟然唔係熱嘅，連少少暖都冇...成碗麵都係熱嘅，得塊叉燒係咁，唔洗講都知點解嚟之前睇過幾篇食評，見到有人話叉燒係凍嘅，我心諗應該冇咁好彩，點知真係中咗lol 最衰嘅係塊叉燒本身亦唔太好味知道呢間嘅拉麵出名重口味，我又鍾意食芽菜，就叫咗兩倍野菜（即係芽菜），另外大蒜就叫咁普通。加咗芽菜後，個湯飲落的確冇想像中咁咸，但相信再濃味少少都接受到環境重油煙味，食物賣物亦相當求其，味道一般，而肉竟然係凍嘅真係一試難忘，極度混亂

經過見到門口個牌寫住話呢間餐廳唔啱胃口細既人，就入去睇下拉麵食得我有幾飽叫左個混亂全部拉麵, 有糖心蛋, 荀, 豚肉, 份量就一般啦, 個湯算幾夠味不過蒜, 芽菜可以自由揀份量, 我算大食加多左都食得飽既衛生睇落就麻麻, 大熱天時入到去冷氣唔夠涼, 裝修都十分一般. 食完之後超級口渴 可能落重左味精整體10分滿分我比6分

由佢落地深水埗個陣我已經幫襯佢，我仲好記得佢個湯除左咸之外仲有一種香濃的豬骨味但系今日去返食混亂拉麵，門口除左已經少左人排隊之外，入口既格局無咩點變，反而就系多左好多香港味。講返湯底，予其話佢咸左，不如話佢無左個種濃郁的香，得返咸字，有2倍芽菜的確可以幫你中和一下，，但系考慮到有人未必食得曬，其實系吾系可以有其他食法系可以中和下個咸味? 即使一邊食我都系要系禁飲水先可以中和到。。。其實無變最多既，可能系杯水。。。流心蛋同麵都keep到以前質素，豚肉就真系有啲跌watt。。可能真系香港拉麵鋪百家爭鳴的關系，連我地食拉麵的要求同享受都高左，但系整體上仍然系對得住個價既

不少朋友覺得湯底很咸， 但是只要 加多點芽菜便可以了，2至3倍都不錯， 滲出的水份可以把湯底溝淡。近來吃過，水準不變，值得鼓勵。播放的歌曲也選得好。只是豚肉就不要期望太高，肥瘦未必每次一樣。 個人特別喜歡他的麵底正！

位於西九龍中心對面一間小店，不起眼。但入到去，有d似日本拉麵店感覺。都係吧台圍住廚師煮。每人一張紙去選擇拉麵。有五款麵，仲可以無料增量（即係免費加量）配料，分別有野菜（芽菜、椰菜）、蒜粒、背脂。最後仲可以揀麵條闊度，有粗麵或中粗麵。配料可以揀唔要、正常、二倍或三倍。以下圖就顯示份量。野菜入面，芽菜係佔大量。如果中意嘅朋友，一定好滿足。而我點左混亂玉子拉麵，中粗麵，二倍野菜同大蒜，正常背脂。圖中見到蒜真係好多，肉下面就係滿滿的芽菜。湯底真係偏咸，如果食就淨係食麵比較好，唔好飲湯。兩舊肉就係凍嘅，亦冇咩味道。而蛋就真係日本蛋，係成碗野入面唯一好食嘅！我地叫左兩碗，粗麵、中粗麵各一碗。以下呢碗就係中粗麵。以下呢碗係粗麵。粗麵好食d!如果大家揀，記得要揀粗麵呀！而頭先meun到可以無料增量的背脂就係呢舊，真係一夠脂肪，如果怕怕嘅都可以唔駛叫。除左一般拉麵店都有嘅凍水、味粉。枱面上仲有呢樽，好特別，有兩條魚係入面。個汁味道有d酸酸地，似醋。兩碗麵，埋單$176

中午入嚟試吓，配料很足，仲可以免費增量。麵不錯，量很足，可能太足料，所湯略嫌過鹹，味道還是可以的。原本怕豬油膏太肥膩，但入口很香，令人想再食多一嚿，好彩增量了，考慮到芽菜增量咗湯會變淡，所以湯先會偏鹹。總體嚟講，呢度啱重口味人士多啲，其實佢都開宗名義喺門口寫咗

呢排都非常凍，又係時候食多啲好西儲存脂肪保暖，食拉麵啱曬，熱辣辣既湯麵非常保暖，又唔洗諗太多食咩好。混亂拉麵位於西九龍中心對面，對於九龍既朋友實在非常就腳，又係鴨記附近，平價美食之選。混亂拉麵屬於二郎系拉麵，用豬骨味噌湯底，非常濃厚既麻甩口味。貪心的人嗌左混亂玉子拉麵，加上三倍背脂同蒜蓉，兩倍野菜 (因為三倍真係食唔曬)，一上檯就見到堆到小山咁既拉麵，果然名乎其實既混亂拉麵，滿滿既芝士粉鋪面，底下係野菜小山丘，配上叉燒同玉子，大滿足湯底係豬骨味噌，加上三倍背脂，一個字，月巴。但係真係忍唔到口，湯底非常Rich 同creamy, 厚既程度好似飲緊忌廉湯咁，有少少漿口，而背脂就係肥膏粒，切到小小既方型，好好咬。而麵就選擇咗幼麵，比較掛湯，可以邊食麵邊吸啜啲湯入口。而野菜就係芽菜同椰菜洋蔥咁，師傅係鐵板炒過，充滿鐵板既焦香味。玉子就夠曬溏心，不過我鐘意再生少少，如果啲蛋汁會流出嚟更好。叉燒就厚薄適中，大大塊有兩件，滿足到食肉獸既胃口。

聽朋友講推出咗期間限定日式炒麺，每日限量供應，lunch time 本來唸住幫襯姊妹店食蠔拉麵都行多10分鐘去混亂拉麵。12點左右去到，因為間舖座位算多，唔使等位，一坐低即刻點個炒麵$78，等咗5分鐘就送上，首先係炒麵連溫泉蛋，侍應建議將温泉蛋撈落炒麵食，但温泉蛋偏熟，倒落去撈唔勻，炒麵配料包括椰菜同日式叉燒絲，一食落口覺得麵唔夠熱，叉燒同椰菜亦幾淡，成碟麵無乜味，好彩有紅薑絲，幫碟麵畫龍點睛，另外附送嘅菜湯幾鮮甜。下次會食番拉麵

事源友人有關注Meter Chan關係，今次到混亂拉麵同樣地店面沒大字標榜，門口貼出以下字句：留意這並不是阻嚇作用...晚上約8時到達，和友人大概等了10分鐘便可進入，下單時看到"無料增量"興奮得忘記了眼闊肚窄這道理事後留意眼前，原來一早已提醒...偷看到廚房寫了 200g/400g/800g, 對的我是填了3倍份量即是4倍。用平面角度給大家看看...當下心怯一怯，內心想著淨係芽菜都飽左回正題，雖然眼看好像有點肥，但湯不膩是重點，不會很快就會有滯感，桌上有提示字句說3倍芽菜湯會比較淡可以加醬汁，但我覺得還可，我吃了5分鐘還沒吃到麵，喜歡香口的我選擇了3倍蒜我選擇了普通幼麵，待在湯裡一段時間才能吃到，但也不會太軟，半熟蛋好吃因爲太飽背脂我讓給了友人，下次一定要試一下，友人說有肥肉脂肪的香味。友人在旁不斷的說吃不了很沒禮貌，我該是開啟了胃的所有空間，但還是吃不完🤦🏻‍♀️。我這次吃拉麵吃到有！覺！悟！請大家一定要想清楚是否真的能吃得完才下單！不要被"無料"所影響

因為細妹快要去exchange 偶然同佢加埋男友到深水埗買電話卡！ 行過依間鋪面勁和風既鋪頭 就去試下由於點餐紙係日文，基本上無乜懸念，只能隨便揀不過不失揀左88蚊既麵。 個湯底好厚好濃，而且味道好好！只可惜偏油。注意，麵入面既背脂先生及野菜係可以唔洗錢添加一倍至三倍。如果無咁大個胃 就唔好嗌三倍，一個女子好難食得哂。 除非你有個大食男友助陣

終於等到粗麵復活， 今天經過深水埗， 再來這間拉麵店試吓水平是否保持得到。我吃了混亂玉子拉麵， 麵質口感不錯，叉燒好味， 最喜歡半熟味蛋， 充滿蛋香的日本蛋， 店外貼出， 胃口細人仕不適合， 所以我與朋友一起吃， 再加美味的味蛋!

生平中食過最難食嘅拉麵Order紙日文黎...心諗應該唔差得去邊掛而且深水埗區賣成舊水一碗 唔算平我要$98 果個有5-6塊肉 都ok 幾嫩口 但凍ga...湯底超咸 , 重口味得黎係難食果隻 不喜歡粗拉麵 ! 點解無得揀幼? 口感似食緊車仔麵(油麵)....友人要$88 芝士混亂拉麵 賣相睇到都唔開胃 芝士粉變到一舊舊，本身個所謂湯底已經好難頂 , 加埋芝士粉 成陣味又酸又臭用嘔吐物味(胃酸)黎形容成件事係好貼切！佢食左幾啖就投降 ，啃唔落食呢碗拉麵算是活受罪...我們一致共識 十分滿分, 這間只值一分僅是給那幾塊肉的。混亂拉麵 可改為混帳拉麵更為適合成間野嘅湯底+材料配搭也是亂來一通！！

經常坐車經過 今日終於有機會去試一下。拉麵啲家野真係好講個湯底。今日去試一下。店舖很表明立場 在門外已寫明不適合人士如下列的 不要進入，我覺得幾好 這明表明立場。第一次食不知道面很大唷 還幫我媽的加陪野菜 上菜時笑暈自己，因為沒有睇清楚枱上指示。可我媽很喜歡 野菜很好味 雞蛋讚好食。我叫了有芝士的 很喜歡 配上差燒味道很特別 個人喜歡芝士呀。我先生一人食光一碗大叫很滿足。還可以另外加配料，自製醬油試左 橫開胃的味道 適合我這種重口味的人。會回頭吃！

lunch....撞下撞下入左呢間店， 見個舖頭名幾特別， 就入去混亂一下。 Lunch少人，唔滿， 唔使等位。 服務就冇乜㗎啦，自己對住張紙仔tick下tick下。 比較特別有得加牙菜份量。 落咗單，麵好快上枱。 芽菜成個山咁滿。成個湯底冇咩特別，可能預先落咗生蒜頭，有辣口哋嘅味道， 兩片肉都比較薄， 除咗芽菜仲有啲洋蔥 食拉麵有洋蔥鬼鬼地……麵質本身唔夠煙韌，蛋就滑嫩流心嘅，不過唔係特別印象深刻。其實呢個價錢我覺得貴咗啲……