混亂拉麵 (Closed)

屋企今日無煮飯，見屋企咁齊人就落街試下新野，咁就走去試下附近既混亂拉麵。平時見到好多人排隊，可能今日早D食飯，6點幾就去就唔使排隊就可以入去。咁我就叫左最普通既豚肉拉麵，要幼麵同埋3倍芽菜，碗拉麵一黎到真係好似成座山咁高，不過主要係芽菜多。麵量方面感覺上唔係好夠，但麵質都軟硬適中既。豚肉我就覺得份量都係少左D，本身已經唔係咁大塊，都係得2塊。個湯底都算幾油，都唔係好敢飲，呢餐俾我既感覺係有D失望，可能平時見到大排長龍，以為會好好味，但都係十分普通，同埋我覺得唔多值8,90蚊一碗，下次應該唔會再去食

好耐無去四圍食食食。今次試左個limited edition 拉麵，勁好彩地我個碗係當日嘅last one. 個拉麵有好多豬肉，大概有6-8塊，未見過拉麵係有咁多豬肉嫁！豬肉肥肥地有邊瘦瘦地，balance 返，瘦位都好lum~ 然後豬肉上面舖塊芝士同洋蔥粒，配埋個咸咸地嘅鼓油湯底，good ah! 食到好飽。我朋友就叫左73蚊個個，要3倍菜，大家再share 食。一開始不知道豬油係點，所以叫左適當份量，原來係好好食！下次又黎個 double 先。最後兩個個胃都好混亂，因為食到好飽呀。哈哈兩個人不用200，okay嘅一餐！仲有凍水任飲。

拉麵配料可以自由選擇份量。我點咗最多芽菜，一上台，真係成坐山咁高，同圍D人都爭住影相。我想拉麵首先要食咗D芽菜先。當食到拉面時，發現已經飽飽地。食埋個拉面真係反哂肚。其實味道好普通，得個gimmick。相比隱工房沾面，沾面好食好多。

早幾日路過此拉麵館，見佢有張海報有碗滿有蔥既麵，由於想食蔥聰明d, 所以特意去食下。一睇餐牌，全日文，不過我應該估都估到係咩來既......但，說好的多蔥麵，點解唔見既?原來，呢度係sale 蒜及加3陪野菜。碗野來喇!係就係好香，不過超油，這些咁heavy 既口感，可能冬天先食會好d。跟住，碗裡面仲有精螢剔透既肥膏。Um... 唔怪得全店男人多過女人，因為「肥腩」應該是屬於男人既浪漫。講下d 蒜，本來都是我最愛，不過此蒜好明顯係罐頭野，食完個口係冇味......

年前第一次食這間店覺得質素是香港數一數二。但這星期去，香味大不如前，味道也一般，退步了很多。下次也不會再光顧了，可能過左一段長時間會比多一次機會試多一次，但這區不少美食選擇，不用勉強。

1. 服務不周，碗麵要自己起身拎，員工唔理人，無歡迎光臨，無介紹食物，亦無指示座位。完全無日式食店的感覺。2. 食物質素差，湯只覺膩而不濃，麵不掛湯，配料亦不新鮮也跟主身的湯和麵配合。3. 價錢方面，跟一般拉麵店差不多，但質素卻有所不及，雖然深水埗拉麵店不多，但真的不值得去光顧。

尋日食呢度, 95元一碗, (乜都齊果碗), 整得好食既, 都值, (當你香港租金貴), 但同日本本土果d一比較...唔掂!湯唔夠濃, 豬肉冇味, 麵都係冇味, 死死實實咁, 唯一係芽菜夠多(叫左 3倍), 食得你飽囉.在日本食1000￥一碗(已算貴價了)都係等同70幾元咋, 收得95元但做唔到70幾元既水準, 冇下次.

傳聞呢間拉麵可以無限添加野菜（即芽菜） 咁我落單時只選了普通份量的野菜！拉麵來時先試一啖湯，普通、麵質尚可，連湯食麵幾入味、有最愛的糖心蛋，流山蛋黃好正！而野菜，其實本身已經好多芽菜，差唔多1/3都係芽菜，略生，搞到啖啖食到索索聲好似山羊咁。而我當然冇追加野菜，因為本身果啲都食唔哂

附近有間舖做身份證號碼promo，但係冇得book位，到現場拎完飛都唔知等到幾時，突然細佬講起呢間舖，於是轉移目標過黎個門面我冇影，不過成間舖都好日式feel入到黎要稍為等下位，不過同時都可以剔定野食先第一次黎就試下全部入，每樣都有啲，我就揀左幼麵，另外野菜果啲就正常之後坐埋位落單，等左一陣就食野啦！混亂全部入拉麵 ($95)除左拉麵之外，配料都幾豐富，有粟米粒、芝士粉、紫菜、雞蛋等，個人覺得幼啲果隻麵比較易入口，可以大啖大啖咁食先過癮，特別隻雞蛋係好好味，半熟蛋食落真係有小小似溫泉蛋，個蛋黃係漏出黎架！細佬唔食比埋佢果隻我食 不過呢，因為呢碗冇加倍配料，所以賣相唔係太差，雖然我覺得太亂嘅話一開始係好難食到啲麵，不過今次似乎唔夠切合主題——亂 唯一一樣野係食完我個口乾左成晚...如果下次再食，我會要多啲野菜，另外半熟蛋都推薦加錢要多隻(因為實在太好味啦，平時要加錢嘅我都唔捨得剔)順帶一提，凍水係免費提供，食完有啲口乾都可以飲啖水，同埋要早小小食，因為呢度都幾早收工

今日去咗食混亂拉麵 因為想挑戰一下 所以要咗野菜2倍 大蒜 背脂正常 較幼麵 加量100g 我地一行2人 去到1800度 平日無乜人真入 野食都好快黎到 我地要咗混亂全入拉麵 入面有紫菜 雞蛋 芝士粉 少少粟米同2塊叉燒 其實料都幾多 所以黎到 你真係無從入手😂大蒜唔係炸嗰種 好香蒜味 鐘意食嘅可以叫1-2倍 但係背脂其實係肥豬油 所以就自己決定啦🙈🙈個拉麵本身好有彈性 唔係腍身嗰啲 幾啱我口味 只係個人認為個湯底有啲咸 可以話係過於濃烈 最後我努力了✌🏼️

與友人行完電腦中心，到吃飯的時間，朋友想試下這店子，看看是否店如其名。才一進入，簡單的裝修，簡單至有簡陋的感覺。入門的左邊有四人枱，卻在樓梯底下，有點縮在一角之感，而大枱就是一排圍著廚師而坐，與日本拉麵小店之感。二人點了普通的混亂拉麵，只是友人配上雞蛋的一個，卻可免費增加野菜，豬油粒等，而其粗麵說是有5厘米的，很好奇的想試下如此粗的拉麵口感如何。看著廚師煮麵的方法，分工卻很仔細的，一個負責煮麵，一個負責湯，一個負責配菜等等，可是一碗麵卻多人輸流處理，配合著裝修，總有混亂的感覺。黃色的麵碗，大大的，湯也滿滿的，看上去也頗為吸引。中央是日式叉燒，上面橙色的是蒜泥，右邊就是豬油粒，而叉燒下就是野菜及麵，再配上很大塊的紫菜。把碗下的野菜夾起，原來是芽菜，而麵條真的很粗，湯的香味隨之送入鼻腔，很是吸引。個人習慣是先試湯如何，湯的味道很濃厚，很入味的湯，卻從沒過鹹的感覺，入口膠質很重，卻很香很濃的味道，叉燒咬感豐富，麵粗卻仍有彈牙之感，麵己吸收了湯的味道，配合麵粉的香味，很是不錯。蒜泥及豬油粒，配合著麵或湯的話，各有不同口感及香味，可是是碗不錯的拉麵。店舖小小，日本人的店主，不停的招呼來客，很是買

琴晚同兩個fd行完高登諗住近近地係深水埗食d野跟住番屋企，之後有個fd介紹食這間混亂拉面。入到去間鋪到吾算太多人排隊不過都要係個鋪門口到等5mins左右。跟住店員有禮貌咁俾左個menu紙我，俾我填定個拉面要咩，我填左三倍蒜，兩倍野菜同一倍背脂。出到黎係好似下面幅圖咁。其實我開頭係諗住d蒜會係個湯既蒜，估吾到佢整pac就咁放係上面。。。。另外野菜=芽菜，這個位係無問題既，不過個芽菜係好無味。。。仲要勁多，我個fd叫左三倍都係同我一樣多，個叉燒勁plain, 好似食緊水煮肉咁，寧願佢吾落。個湯夠濃背脂都好好味可以俾佢地既suggestion有：舊叉燒可以整番好食d同埋d芽菜諗個方法整好食d這餐飯合理既地方只有間鋪既銷售方式同店址，因為佢地係賣大份面食同埋要俾d客feel到夠飽同賺左，所以係深水埗開就岩哂。 最尾一句係可以一試但係吾會再番去

入到去等咗20分鐘，用接近一佰蚊價錢食碗得個咸字喉乾既拉麵，芽菜又腥、面就食實實兼無味、义燒無味得黎一咬散開，就算免費都唔會再去……總之懲罰自己就去試下。好想知道讚佢好味d人係用乜嘢準則。

等了十五分鐘，其待的一碗拉麵終於到了，豬肉「鞋」無味，麵身硬、鞋，湯很濃多油但無味。現在很口渴😣價錢貴，物非所值！吃一碗出前一丁比他更好！吃後令人難忘😩不防一試

幾好食嘅一間日式拉麵!!今日一開門就來食唔洗排隊，環境都同日本嘅普通拉麵店相似，夠簡約叫左個最平嘅豚肉拉麵個湯好似牛奶咁夠曬濃滑，好有膠質嘅感覺，拉麵揀左中粗，因為易入口，每夾起一啖都沾到好多湯汁一齊送入口，咬落煙煙韌韌豚肉亦唔肥，薄切，肉味濃厚整體來講係滿意嘅中規中矩嘅日式拉麵