會所1號 愉花園 (Closed)

荃灣愉花園之前都去過很多次，但從來沒有不愉快經歷。本來覚得以招待會員的食市應該有尊業態度，優質服務來接待客人。食物雖然還ok，但不知是否在這裏工作的人覚得我哋啲小市民可以在他們會所飲茶就是執到？上至經理，下至部長及接待員工的服務態度超惡劣。真的比一般酒樓還差。經理還説自己不是酒樓。對的，因他們對人客的態度真的連快歺店都不及。待客水準極差，經理包庇員工以挑釁性嘅言詞來招呼人客。確實是一間貼錢買難受的酒樓。真的是一所虛有其表的會所酒樓，令人太失望!! 一定要立刻black list😡

之前在網上看見到有食評說愉花園員工服務很差, 食物質素和味道也很差. 今次去試了放題, 員工很禮貌和服務很好, 還解釋下單流程和如何使用餐卷. 食物的味道不重(不會太鹹)和質素不錯. 只是做不到熱辣辣的上桌. 桌与桌之間的距離十足, 不會太迫.整體感覺十分滿意只是花了一個半小時就吃飽走人.

完全中伏。食垃圾咁🤮又慢又難食。唔怪得知話可以食4小時睇食評話唔錯米諗住試下。book枱要一星期。今日6點開始。準時到達。入到去已經即刻叫野食，等都等左20分鐘先上第一個。出菜超慢唔再講，咁大個女第一次食雞絲粉皮係辣既🤢佢又無寫。款係多啊，不過無樣好食。叫咁多樣餸得個湯係熱同叫做唔錯，其他野食都係又凍又難食！個套餐有包人頭雪糕一杯。諗住食埋個雪糕就走啦，叫個待應阿姐拎個陣仲好似恐嚇咁話叫咗雪糕就唔可以再食返其他嘢，仲有雪糕唔可以簡味。食緊雪糕既時候先上我一入去就落單既菜！仲要都係凍既🤮可想而知佢係幾咁慢$200+$37茶位一個人我都已經真心覺得唔值！無係OpenRice買卷仲要貴啲添🤢Ps每碟野都好似比乞兒食咁。完全唔吸引🤷🏻‍♀️所以唔記得影相。唯有影底唯一佢未收走個碟

中規中矩的中式小炒自助餐，CP 值都高大約HK$280 (經OpenRice 買優惠卷仲有1罐汽水或啤酒)。 食物味道量量都ok, 頭部份已送你半邊乳鴿同龍蝦，中渴或碗仔翅，唔差。服務都唔差，主動幚你換碟同執枱。

有日睇到OpenRice 嘅優惠卷$200一位任食中菜放題日式就食得多，但中式就唔係成日食，所以就買黎試下！原來都好多人食喎！打算食之前兩、三日就打去book 位啦，點知佢同我講成個星期都full 晒，唯有再book遲一個星期啦！6點開始陸陸續續入座，可能因為疫情關係，枱與枱之間相隔都幾遠，所以全場坐滿（星期三）坐低侍應已先幫我地落單「特盛五式」紅燒佛跳牆-入面有鮑魚、瑤柱節瓜脯、花膠，冬菇🍄每款食材都好入味，花膠、鮑魚最金銀蒜/剁椒波士頓龍蝦🦞（半隻）-我只食左蒜味龍蝦，肉算爽身，唔會梅脆皮BB鴨（半隻）-又脆又熱，應該係新鮮炸起爵士湯/-好似係蟲草花雞腳湯，味道清甜竹笙碗仔翅-起初以為係碗仔翅，點知真係有一排翅鋪面Movenpick 雪糕（後上）以上四式都樣樣美味心諗已值回票價由於食過嘅款式太多，未能逐一分享🙏🏻小食有8款，我地都試左7款（欠麻辣貢菜）最好食嘅係：雞絲粉皮，沙薑豬手，肥燶叉燒和手撕雞（以上食物都encore 左一次）小菜有18款只有海帶豬紅沒有試最好食嘅有：陳醋土豆絲，橄欖肉鬆四季豆，XO醬炒蚌柳x1黃金海中蝦，黑椒蔥爆牛柳，會所小炒王，蓮藕炆豬手，黑松露海皇炒蛋

出品慢、埋單慢，（等左成20分鐘）叫佢快啲，個經理罵人，垃圾！唔好去😡😡😡😡⋯⋯⋯😡😡😡😡😡痴缐貼$買難受做唔切就唔好接咁！離唒譜！俾$食飯仲要俾人罵

朋友話想試愉花園嘅中式放題，見又唔係貴一於試試。每人會送一份特盛五式，當中我揀咗爵士湯（鹹到不得了）脆皮bb鴿一啲都唔脆皮（暖暖地）好似炸完擺咗一陣咁，movenpick 雪糕話供應商冇貨。如果唔介意等得耐啲野食唔熱嘅，不妨一試。要三催四請先催到啲野食嚟，仲要唔熱嘅。菠蘿咕嚕肉粉厚唔熱、會所小炒王啲韮菜花勁老、叉燒又凍又「嚡」拔絲芝士條一啲都唔拔絲，因為又係凍嘅連擺一擺係微波爐都懶，總結：服務差啲人手分配得唔好，落單都要受氣，野食唔熱兼唔好食，等得耐。其實佢地做呢啲放題都唔預即整，都係整定哂放係個爐到暖住，但唔明點解都要等咁耐仲要唔熱，真係離哂譜伏一定唔會有下次

會所1號愉花園🪴4小時晚市放題（成人）🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸☝🏻一張紙可以睇哂30款小菜，我地一行三人食左8樣小菜左右，都已經頂唔緊喇好飽😂.🥲大概係因為中菜講求既係熱氣、鑊氣，而且無分前中後菜，每款「小菜」除左已經有幾種食材之外，其實都已經有好多油鹽，變相食起黎就好快飽，食物本身都比較難食出滋味。.🥢簡單黎講，食材新鮮，但中菜既靈魂欠奉，要做到色香味俱全絕對唔係易事，睇黎錯既唔係個廚，錯既係我🥲中菜唔應該以放題既方式去食🤣.🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸

星期六冇野做... 同屋企人去下飲茶... Club One 出咗名裝修好靚... 即係門口可以比大家打卡... 疫情期間飲茶...講位置已經叫做非常鬆動.. 啱晒怕多人嘅朋友.. 點心嘅選擇就唔算太多.. 今次點左鹹水角、脆豆腐、海蜇... 全部都即叫即做熱辣辣都幾好食.. 仲見到佢有個燒雞加米線既餐.. 價錢都唔係貴就試試佢.... 燒雞係好味嘅.. 夠脆又入味.. 蕃茄湯蝦球米線.. 有大概六粒左右嘅大蝦球.. 最後加多個擂沙湯圓... 清清地食一個午飯... 一家人正整地享受星期六🥰

ClubONE除了做婚宴，近年也大推餐飲，「特盛五式」天天放題，可以一次過品嚐名貴佳餚，及逾三十款小菜，令人大飽口福。愉花園格調優雅，湖水綠的氛圍，配上華麗的水晶吊燈及夢幻花花牆，充滿氣派，座位舒適，令人投入於美食之中。天天放題$228一位，四小時任食，入座後即送：●紅燒佛跳牆(份)、●金銀蒜/剁椒波士頓龍蝦 (半隻)、●脆皮BB鴿 (半隻)、●原盅爵士湯 / 竹笙碗仔翅 (位)、●Mövenpick 雪糕 (杯)佛跳牆以矜貴的鮑魚、花膠、干貝等入饌，放入迷你盅內，以慢火煨煮，令鮮味倍增。打開蓋子，香味四溢，燜煮成的芡汁金黃色，口感黏稠、濃郁，玉環瑤柱甫清甜，交織著新鮮的干貝味，鬆軟綿滑。花菇入口清香，吃起來香潤滑溜。鮑魚厚身，口感軟心滑溜。花膠炮製出黏糯口感，充滿骨膠原，養顏滋補。金銀蒜龍蝦肉質結實，帶惹味蒜蓉香，用叉挖出龍蝦肉，入口鮮香、厚彈，蒜香味瀰漫口腔，滋味“舔舔脷”! 蝦鉗一早已被敲碎，輕輕鉗開便可享用嫰滑的肉，鮮味吸引，每口都細膩誘人。炸乳鴿入口熱燙，外皮炸至香酥可口，內裡豐潤多汁，油香入味。竹笙碗仔翅用料十足，湯羹晶瑩剔透，入口順滑，一梳梳的魚翅入味，充滿膠質精華，溫潤

曾幾何時，我哋都經常嚟荃灣，雖然，依家少咗，但因為買嘢需要，亦對我哋嚟講好方便到，所以，間唔時都會過吓嚟。早前，去開IKEA，就打算順便行埋愉景新城，又再順便食埋飯先返屋企，晌網上搵搵，就搵到「愉花園」推出咗個名為「襟撈五式」嘅放題套餐，疫下環境，有份「襟撈」嘅工喺時為重要。 原來「愉花園」喺專搞婚宴「ClubONE」嘅分店，所以，環境佈置特別雅緻，門口放有好多花花做裝飾，大堂內嘅雀籠吊燈亦好有特色。而仍在疫情之下，枱橷嘅安排都寧舍闊落，又做了不少功夫加強防疫，讓客人用餐就更安心。吸引小弟到訪，都喺因為呢個套餐夠划算，又好預數，平日定價成人為$268（假日為$298），最正喺4小時任食（當然限聚下頂多10:00pm都要離場），唔似啲放題限時兩個鐘，食到趕候趕命，依家就可以慢慢嘆，回一回氣再嗌，此外，免茶芥、免加一（餐單寫另收茶芥、加一，其實已經取消咗），所以咪話佢好預數囉。不過，想任飲汽水、橙汁、啤酒，就需額外加錢。 除咗幾款貴價嘅指定菜式一人一客之外，仲有超過30款菜式（有小食、小炒、素菜）任點任食，素菜就最啱我老婆啦。而且，比較自助餐，放題嘅好處就喺可以任食之餘，啲菜式由廚房直接拎

愉花園呢度原來係 ClubONE會所1號其中一個靚靚嘅婚宴酒席場地💗平時如果冇婚宴舉行嘅話～嚟食嘢都好唔錯👍🏼最近就有CP值超高嘅 「襟撈放題」，有成30款菜式任點任食😋而入座每位仲有「襟撈五式」～◾撈起 ◾金沙波士頓龍蝦 (每位半隻)◾杞子花雕BB鴿 (每位半隻)◾蟲草花燉螺頭湯 / 竹笙濃湯碗仔翅（每位1盅)◾Movenpick雪糕(每人1盒） 金沙波士頓龍蝦啖啖肉🥳肉質爽彈，配上鹹蛋黃，那起沙口感～確實滋味無窮💗花雕BB鴿都好正，肉質非常嫩滑～花雕入味滲出淡淡酒香💗我哋另外仲點咗10款菜式🤤全部味道都好合我心意～其中最鍾意💗「沙薑豬手」丶「大良污糟雞」丶「蜜桃咕嚕蝦」放題6pm 開始，九成九嘅客人喺6點-6點半之間已經入座， 提提大家Last Order 8:45 pm 💗越早入座就越抵啦💗 最後食到好飽捧住個肚💗超滿足～會員價👉🏻 平日$268，假日$298 （免茶芥、免加一）◾「 ClubONE會所1號」原來有1個餐飲會籍計劃「Club Dining」💗Join咗會員之後，就可以以優惠價去享受佢地旗下嘅餐飲美食💗◾一年會籍＄1480，當中＄1180係餐飲現金回贈～入會之後就可

食物唔錯，服務好，份量夠BB滿月，有紅雞蛋，好細心一家人雖然要分枱，但係安排都唔錯，氣氛都keep到the food is good, good service, baby 30days, prepared “red eggs”,family gathering, we have to split to 2 tables but the arrangements are good.因為要80字，所以麻煩google大神轉埋英文😆😆條班做咗二食真心讚～

主打婚宴的中式集團 Club One，最近又有新菜式推出啦! 冬天凍冰冰，打邊爐是不二之選，而Club One亦推出全新的尚活海鮮鍋，讓大家可以在家中和家人一齊吃火鍋呢! 這天相約家人準時在家等候，然後我和朋友揸車帶火鍋和配料回家，待我們回家，即刻可以開動吃火鍋啦。因為餐廳早已把所有材料洗淨和分配好，客人只需準備火鍋鑪，便可以吃晚餐啦。 尚活海鮮鍋 $888/4人 (特價) $1269(原價) 海鮮鍋份量超級豐富，包含大量海鮮，吃得非常滿足呢。湯底可選 藥膳雞鍋 或 酸菜魚鍋，我選擇補身暖胃的藥膳湯底。湯頭清澈，濃香藥材味帶有少許清甜，質素不錯呢。 火鍋配料包括: 澳洲龍蝦 1隻(約1隻)、大元貝4隻、活海蝦4隻、龍躉1條(約1斤)、花膠件4件、鮮雞半隻和時令蔬菜籃。 龍蝦已切成容易拆肉的塊狀，肉質彈牙，味道鮮美。大元貝超大一顆，彈牙幼軟。海蝦也很大一隻，鮮彈美味。龍躉的肉質結實嫩滑，份量十足，四人合力才能解決呀~最後吃的鮮雞質素同樣不俗，而且跟藥膳湯很合配呀。 雙冬羊腩煲 $198(會員價) $283(原價) 除了品嚐火鍋，我還追加一份羊腩煲。冬天最適合吃美腩煲，羊腩肉厚軟腍，更有

朋友推介Club One酒樓午餐放題，去開荃灣便順道去吃。酒樓佈置優雅，坐位寬闊，檯與檯之間相隔有距離，可安心享用。星期六日的放題，加一連茶芥大約二百元/位，有五項食品限定送上，餐單內其他的小食，小菜，粉麵，點心是任吃，我們點算應已吃回本，還有多出的呢！ 嘻嘻 .....❮墨魚籽原隻鮑魚酥❯ ~限定凍食鮑魚上加了墨魚籽點綴。鮑魚軟中帶點煙韌，有咬口，下邊的盒子酥酥脆脆加上沙律，味道又唔錯喎。❮椰皇灌湯餃❯ ~限定灌湯餃裏邊有蝦肉，餃子放在椰王中，連湯一起吃，甚有椰子清香味。❮杏汁白肺湯❯ ~限定淡淡杏香味，豬肺湯清甜不膩。豬肺還洗得很乾淨。好飲。❮雪嶺叉燒包❯ ~ 限定叉燒包餡料味道正常，不會過甜，反而焗得甜脆的頂層，熱一點更好味。❮丹麥叉燒❯ 賣相不很吸引，但叉燒肉夠腍，一點都不韌，還帶有微微的豬肉味，失覺晒。❮麻辣貢菜❯很爽脆啲貢菜，麻香微辣又少鹹。我個人喜歡吃貢菜，所以點完再點。❮金沙涼瓜條❯勁鬆化酥香，涼瓜帶甘，外皮沾上咸蛋，更覺惹味，不過要襯熱吃。❮避風塘龍躉腩❯比較少吃避風塘式的龍躉，炸得酥脆，肉質堅挺彈牙，加埋脆蒜同吃，怎可能不再點呢！哎呀 ....其實還有很多食物未點，