會所1號 愉花園 (Closed)

見環境外觀整潔，座位寬敞，便入內試試。首次嘗試光顧中午茶市，感覺環境衛生尚可，鐵觀音茶散碎，茶枝多過茶葉，味道苦澀，屬劣等貨色；食物味道一般，蝦餃味道還可，蘿蔔糕口感質地硬而多粉；奶皇包樣子與圖片不乎，牛唔似牛豬唔似豬，驚嚇程度屬IIB級，小朋友十分失望，望到都唔想食。處理食物欠佳，叫一碟蝦腸，每隻蝦都伴著很多粉狀的生粉同鹽粒，而燒賣有「up」味。很難想像在香港食到這麼差劣質素的食物，肯定唔會再去。

星期日與家人來到 連鎖婚宴服務公司「ClubONE」（會所1號）愉花園 飲茶， 發覺比傳統中式茶樓更漂亮、乾淨… 有懂得彈琴朋友，要來表演一下…. 店鋪裝修風格比較現代化，提供一些漂亮佈置，舉辦活動好像是小朋友百日宴，婚宴，生日或私人聚會， 可以省下一筆…..  表皮酥脆腐皮卷，裡頭蝦仁很有嚼勁兒，鮮香可口，是一道非常不錯的飲茶小點… 值得一嘗的是這裡的Q版奶皇包，軟硬適中，甜度也剛剛好，不妨嘗試下。 喜歡吃燒賣的我必定點，一份4粒大大粒，內餡很紮實，不錯！ 鍾愛腸粉又想是吃蒸，那你要品嘗一下加入XO醬，味道好香又辣辣地，好吃!  還特別推介加入燕窩的蛋撻，酥脆美味，傳統口味蛋撻已偏愛吃，還等什麼！必點….

自己一直都勁中意飲茶， 所以好多茶樓其實都試過架啦當然有好食既有d麻麻地既！！今日翻夜， 當然要約朋友仔去飲下茶啦今日係愉景新城翻工， 附近見到而間野， 俾佢個q版奶皇包吸引住左。。。 不過間野價錢都唔平下！！ 野食等既時間就唔算慢既！ 不過味道就麻麻地！ 一般般啦！！羅白糕， 而個應該係最好食架啦， 雖然入面d料唔算多， 但點埋d辣醬，辣辣地都唔錯唷！！最期待既qq豬仔包， 可能太大期望所以有點失望😞 d奶皇好假， 食落怪怪地。。而且成個包好似食面粉，得個樣腸粉， 還好，就是皮有d厚而個價錢食而d自己就覺得唔太值

第一次來呢間酒樓飲茶，酒樓座位好闊落，環境也好靚，我們叫左好多嘢食，有蝦腸，紅油炒手，牛栢葉，鳳爪，千層奶皇糕，蝦餃。蝦腸夠爽口，牛栢葉也好爽口彈牙，皮蛋蝦膠好味，唔腥的皮蛋，蝦肉好香。皮蛋蝦，xo醬腸粉，椒鹽豆腐好味，外脆內嫩，正的。泡飯……脆米泡飯，料好足，有菜粒，瓜粳，肉碎，葱粒，脆米好脆卜卜，好香口，味道唔會過重，啱啱好，份量也不少。麻醬羅馬生菜，好美味的，有好多麻醬，生菜好脆口，麻醬好香好味的呀！！之後幾日再去過，今次叫到豬仔奶皇包，因上次漏左，豬仔樣啡色的，所以唔太似豬樣。入面奶皇好滑，半流的狀態，味道不是好甜，個包幾軟，好味羅漢齋炒麵，足料，有粟米芯，草菇，菜芯，木耳，下面係炸麵，味道適中，不會好濃，麵炸到香脆，個汁不會好結咁樣！！今次仲用會員咭，有七折好抵！

Club One食物水準一向唔錯，但價錢的確較貴，所以午市都冇乜人點心款式冇乜大分別，食物水準都ok，特別叫個臘味糯米飯因為屋企人特別喜愛，飯唔係全糯米有溝米但仍然好有咬口臘味超多好入味，但如果唔鐘意潤腸就唔好叫，唯一覺得油咗啲，都係大伙兒每人食少少好。

Book了11點鐘來飲茶，話12點半交台，不過我地座到1點都無趕我地走。環境好舒服，就算兩個人都唔使搭臺，好正。點心方面，又真係幾好食😜😜😜碟碟都唔算細碟的。最後叫左個甜品，芒果布甸，條魚好精美呀🐠🐠😋😋哈哈。

近期多了在愉見新城出沒。今天終於給我等到在呢間飲茶因為上次以為開十一點，點知原來開十二點所以前二天打電話訂枱。三個人訂咗十二點，十一點五十分到未開門企喺帶位度等帶位個小姐問我:「仲有D味喎？我問咩味？佢話前日打地蠟所以仲有D味問我介唔介意？我答睇情況。」感覺幾好至少會同你講聲。入到去有些味但可接受所以坐吓開了鐵觀音，茶算中上。點心要了蝦餃、燒賣、雪山叉燒包、鳳爪、咸水角、牛肉腸、千層糕…不用等太耐點心陸續送上。味道不錯。雖然價錢不算平但物有所值，招呼好、侍應有禮貌、環境衛生地方乾淨值得收呢個價錢

想坐得舒服一點，故來這裡，價格會貴一點，得坐得舒適也值得。蝦餃只有三隻，但蝦大隻，爽口彈牙又新鮮，皮也算薄。愛吃香口點心，故點了春卷，不油膩，內涵也足，很不錯呢。可再來

今日同朋友去飲茶，佢因為要帶埋BB去嘅關係，所以就上網搵一間比較寬闊啲嘅茶樓，去open rice 睇吓荃灣有乜好介紹先！一諗就諗到去愉景新城啦，因為樓下全部都係賣BB野,個商場又夠大好闊落，呢間酒樓又未試過，平時去人哋嘅婚禮都有去過其他分店，講真婚宴啲菜式係一般般，不過飲茶就未試過一於就試吓啦！環境真係相當闊落、食物都OK啊可以接受，好過婚宴啲菜式好多，同埋呢間酒樓好清靜，唔似一般嗰啲講嘢要好大聲，加上可以行買BB用品，所以會繼續幫襯！

食物好味，最令人驚嘆既係八味豆腐同千層糕！ 😍😍😍😍😍服務態度好，快手快腳，好快就有人黎斟水。👍🏻👍🏻👍🏻👍🏻👍🏻👍🏻紅日都有得bk位，唔使老人家企係度等。我地電話要求要靜靜地既位，酒樓好好比左個偏廳我地，相對比較靜。👍🏻👍🏻👍🏻👍🏻👍🏻👍🏻👍🏻👍🏻枱與枱之間擺得好闊落，比較靜，方便傾計。環境都唔錯，幾光猛。如果酒樓有廁所就更好喇。😂

新酒樓，裝修好靚，地方好大。蘿蔔糕煎得幾香口，不算好多蘿蔔，粉多左少少，有些蠟肉好香。芋角好香，好好味，好粉，炸到金黃色。紅米蛋白炒飯，好多紅米，炒得夠乾身，好多蛋白，菜粒，好味道叉燒腸粉，腸粉好薄好透明，叉燒好多，唔肥，有些葱，好味叉燒包都算大個，包夠滑身鬆軟，叉燒唔肥，啱啱好，鳳爪入味微辣，千層馬拉糕味道有少少怪，唔知係咪味，苦苦地閒日冇咩人，食物都幾好，服務一般，價格偏高，做了會員會有折。

八人套餐六人份量，上湯八碗，每碗三分，甜點六件，糖水碗沾些微，侍應屢勸不聽，八人套餐堅持六份上桌，投訴無門，侍應在投訴時強行收起糖水，以滅証物，經理經過而不理，故餐吃七分銭付十成，受人面色，此店服務九流，菜色平庸，員工操守惡劣！比較滿的一碗是因為我們說是8人餐才補上2碗，其餘6碗都是如圖小碗的份量，經理解釋因為碗太大！小份量的是屬正常（我們把此情況跟第二位經理說，他也說是笑話而已）。湯也是把6人份量分成8人份量（跟以上甜品小碗的份量一樣）投訴後，主餐已經食完，甜品都上埋，才後補2碗湯，點飲？三翻四次提服務員我們是8人餐，甜品依然是上6件！再投訴才施捨多4件！最後真氣谷氣到食唔落，所有甜品同後補的2碗湯我地都無食！最後一位經理就減去額外2碟小菜價錢以示歉意，但好好的晚飯真是一肚氣！

中午與家在荃灣的親戚飲茶，每次都會選址愉景新城的Club One，但今次見附近屋苑住戶都可申請會員卡，所以中午變得很旺場。我們點了是日精選伊麵（$90），焗伊麵由薯蓉圍邊，排上4隻大蝦，賣相吸引，很抵食。薯蓉很幼滑，而且帶有芝士咸香。而海蝦已拆殻，食用時很方便，加上蝦肉泡油，很彈牙爽口。而主角依麵吸收蝦鮮味，混和忌廉汁的香，令我們一口接一口。姑媽推薦這裡的八味炸豆腐，一試果然好食，切成一口大小的豆腐炸起，再灑下八味粉，很惹味和香口。而且豆腐做到外脆內軟，𥚃面很軟滑，出面炸粉則很透薄鬆化。但我更想添多些八味粉，令味道更突出！點心方面，千層糕是一大塊像馬拉糕上，切得時候較濕潤易散。不過，奶黃醬很香滑味濃，一層層奶皇夾心亦顯層次感。而墨魚餅煎得香噴噴，而且可以食到墨魚質感，口感彈牙，簡單調味而覺美味。而紅油抄手有五粒雲吞，蝦肉算大隻和爽身，而辣油亦很香湖辣味，但入口卻不會麻辣。如果紅油更多就更好，因為我喜歡把雲吞浸泡紅油中一同食用。Club One勝在環境寛敞，枱與枱之間位置多，方便我們可以放聲聊天，加上食物亦有一定保證，算是同區飲茶一個好選擇！

上菜速度如標準法國餐廳的水準，吃完一度菜，等大家傾吓計，吹吓水等三十分鐘左右再出下一度。最重要係，記得同待應講聲，如果唔係，佢哋係唔會上菜。記得叫起，每度菜都要叫起，否則食到閂門。

星期六下午和家人飲茶, 想揀個坐得舒服少少的地方所以黎左愉花園愉花園新開張2 個多月, 場地新淨, 仲有花園feel 的佈置, 成個感覺high class 左當然收費都會比一般茶樓貴些, 淨係茶錢都每位12蚊不過點心味道同賣相都係同價錢成正比既....係真係好食好多!炸芋角叉燒腸粉雪山叉燒包豆腐包 , 馬拉糕, 鳳爪同炸墨魚餅 , 墨魚餅勁推, 好好食石斑蝦餃同炸腐皮卷淨係食點心 , 5 個人合共400蚊有找, 有咁既環境同質素其實都唔算太貴