會所1號 愉花園 (Closed)

朋友話想試愉花園嘅中式放題，見又唔係貴一於試試。每人會送一份特盛五式，當中我揀咗爵士湯（鹹到不得了）脆皮bb鴿一啲都唔脆皮（暖暖地）好似炸完擺咗一陣咁，movenpick 雪糕話供應商冇貨。如果唔介意等得耐啲野食唔熱嘅，不妨一試。要三催四請先催到啲野食嚟，仲要唔熱嘅。菠蘿咕嚕肉粉厚唔熱、會所小炒王啲韮菜花勁老、叉燒又凍又「嚡」拔絲芝士條一啲都唔拔絲，因為又係凍嘅連擺一擺係微波爐都懶，總結：服務差啲人手分配得唔好，落單都要受氣，野食唔熱兼唔好食，等得耐。其實佢地做呢啲放題都唔預即整，都係整定哂放係個爐到暖住，但唔明點解都要等咁耐仲要唔熱，真係離哂譜伏一定唔會有下次