張公子

Open Now

Now Closed

今次已經係第二次黎張公子食飯，上次食咗佢幾款嘅招牌菜都好有驚喜，覺得好好味，所以今次突登帶屋企人黎試下佢其他餸。X.O.醬紅蔥滷肉木桶拌飯：滷肉食落冇咩油膩感，配埋XO醬調味，真係可以一口氣食幾碗。豔影蝦球: 蝦球勁大隻，蝦肉新鮮彈牙，炸完之後外皮十分酥脆，配埋個檸檬汁好開胃。鮮腐竹蕃茄浸菜苖：好有驚喜嘅一味餸，本身以為一個素菜唔會有咩特別，但佢個蕃茄湯底好鮮而且夠酸，個湯可以直接飲。生煎蓮藕餅:食到一粒粒嘅爽脆蓮藕同埋鮮嫩嘅豬肉，煎得夠脆口，十分惹味。

📍     張公子Cheung Kung Ch🌍香港觀塘駿業街58號3樓📝整體評分：9／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝精緻隱蔽新派中式酒樓飲茶，店員超級nice, 野食高水準，食得開心。▸艷影蝦球◂✿新鮮超大蝦裹上薄薄的炸漿，炸至金黃酥脆，蝦肉爽口彈牙，做到外脆內嫩，搭配酸甜醬汁，帶有檸檬或芒果的果香，平衡了油炸的厚重感，點綴一小枝露筍提升精緻感。▸公子牛肋排◂✿慢火炆煮肉質軟腍，牛肉入口即化，牛肉味濃郁，無牙婆都食到！濃稠醬再撒上蔥花和蒜蓉增添香氣。不過醬汁色澤深邃，賣相顯樸實，唔係咁上鏡。▸避風塘茄子◂✿茄子裹勁薄粉炸皮，內裡軟糯，不會過油或過軟，好似薯片咁一口接一口，會食上癮。▸奶湯雲吞煲◂✿雲吞皮薄而煙韌，以鮮蝦仁為餡，湯底鮮甜濃郁，帶有淡淡奶香，入口順滑溫潤，加入白菜燉煮增添清新感。砂鍋上桌，個feel好唔同。▸翡翠筍殼魚◂✿筍殼魚去骨切片，魚肉細嫩，青脆西芹作伴，加入薑絲提鮮，調味清淡以突出食材原味，口感輕盈。

呢度環境清幽 好啱一班朋友或者家庭聚會同朋友叫咗幾個小菜 點知嚟到 大獲 全部都大大碟 好誇張艷影蝦球 (6件) 即叫即炸嘅外皮 外脆內軟隻蝦超級大 又彈牙 好耐未食過啲咁新鮮嘅蝦金黃色嘅醬汁係由檸檬汁同沙律醬混合而成酸酸甜甜作為頭盤好開胃公子牛肋排 呢個招牌菜必點 原條牛肋排上碟 真係好誇張 每一塊都炆得十分淋 重牛味 無諗過中菜館都可以煮得個牛咁出色加上醬汁甜甜地 好似韓式燒烤咁 香炸欖角骨呢碟餸適合四個人食份量多之餘 重好好食 每一嚿肉都肥瘦均勻 送飯一流最後真係要叫一個菜消化下 店員向我哋推介呢一款 鮮腐竹蕃茄浸菜苗 呢個鮮腐竹應該係我食過最香豆味 蕃茄酸酸甜甜 配上新鮮嘅白菜仔 一流最後埋單不用1000, 性價比不錯

喺觀塘搵一間高質又好食嘅中餐廳，張公子絕對係首選！而我今次都係因為佢個招牌張公子叉燒而黎😂先食咗避風塘茄子，茄子薄薄外層炸到金黃酥脆，再配上香辣嘅避風塘風味，又唔算油膩，幾開胃！😋 跟住就係原隻膏蟹蒸肉餅，肉餅鮮嫩，蟹肉味道濃郁，送飯簡直一流呀😍再來就係口水汁雲吞皮蛋，雲吞皮薄透，入面蝦嘅份量好多，而皮蛋配上濃郁嘅辣醬汁又match 喎！公子四扣碗冷盤都有驚喜喎，原隻滷醉鮑魚口感滑溜唔會靭，蒜泥秋葵清新爽口，仲有黑松露香煎大元貝，陳醋肴肉有一種獨特嘅風味，令人回味無窮。😎最後就係扣牌張公子叉燒，叉燒係用西班牙黑毛豬所以食得出肉質好鮮嫩，加上佢極厚切有8大塊咁多，口感一流極之惹味👍👍👍

秋霧鹵醉蝦（五隻）
用乾冰營造出秋霧嘅感覺好有詩意，蝦肉爽彈鮮甜，帶點酒香，味道麻香撲鼻但完全唔辣，溫和得黎又刺激味蕾艷影蝦球（六件）
蝦球外層炸得金黃脆口，蝦肉鮮甜多汁，配上微酸微甜嘅檸檬汁，酸香撲鼻，食落好清新，檸檬汁唔會蓋過蝦嘅鮮味芥末秋葵炒鮑魚角
呢個組合幾特別，鮑魚角軟腍中帶點嚼勁，配上芥末嘅嗆鼻香氣，入口微辛但好溫和，秋葵炒得嫩滑，咬落清爽多汁，平衡咗芥末嘅濃烈，食落好開胃香炸欖角骨
欖角骨外皮炸得酥脆，豬肉肉質嫩滑，帶點油脂，食落多汁又唔柴，欖角嘅酸香同肉味好夾微鹹帶甜，配飯一流！📌張公子 (觀塘)地址：觀塘駿業街58號3樓#foodie #美食 #知己相聚 #foodielife #關注 #foodiehk #hkfood #hkfoodlover #foodinhk #igfoodies #吃貨 #吃貨人生 #香港好去處 #香港打卡 #香港美食 #香港探店 #香港美食指南 #相機食先 #香港旅行 #香港餐廳 #foodblogger #foodiegram#張公子 #觀塘 #秋霧鹵醉蝦 #艷影蝦球 #芥末秋葵炒鮑魚角 #香炸欖角骨 #中菜

今次嚟呢間中菜廳環境幾靚，裝修有啲高級感但又唔會好大壓力，啱晒放工或者weekend想慢慢chill下嘅晚餐。叫咗幾樣中菜，出品全部都幾有驚喜：秋霧鹵醉蝦第一啖就有酒香，蝦爽口唔爛，仲帶少少藥材味，好似輕飄飄咁令你暖返晒。幾適合夜晚嘆返隻。原隻膏蟹蒸肉餅真心打正旗號原隻，一隻膏蟹就咁坐喺肉餅上面。蟹膏＋肉餅融合得幾好，食落又juicy又有層次，絕對係今晚 MVP。鮮腐竹薯茄浸菜苗清清地平衡下，腐竹滑，薯茄入味，菜苗新鮮，呢碟真係幾舒服。豔影蝦球炸得香脆唔油，蝦球飽滿，鹹香啱啱好，唔花巧但夠實在。整體氣氛舒服，唔趕你食，啲菜式都做得有心機，食完心情都好啲。

店舖光猛乾淨、設有獨立房，位置鄰近地鐵站，店員態度友善、換碟斟水唔使提，食物美味，價錢相宜。 ✦ 秋霧鹵醉蝦驚喜。上枱輕煙縷縷，ig-able。蝦肉新鮮爽彈，蝦味濃郁，多蝦膏蝦子。調味做得好，略帶酒香、亦略有麻辣，非常惹味。 ✦ 竹笙玉書豆腐同樣係賣相精緻嘅菜式。刀工好，切出薄薄一片片玉書豆腐。豆腐嫩滑，大口埋竹笙提昇質感，推介。 ✦ 黑松露醬炒野菌量多，黑松露味道濃郁，野菌新鮮。 ✦ X.0.醬紅蔥滷肉木桶拌飯飽肚香口，滷肉帶咸香油脂香，xo醬同紅蔥增加焦香，配搭粒粒分明、稍帶木香米飯，非常夾。

今日想喺觀塘搵間酒樓同屋企人飲茶，我哋去咗一間位於觀塘新派中菜館「張公子」試吓佢哋幾款特色小菜，酒樓裝修雅致，燈光明亮，地方闊落，坐得幾舒服，而且每一台嘅茶壺都有蠟燭座喺下面為熱茶保溫。由於去嗰日係平日，所以唔算好多人，可以靜靜地同屋企人食住飯傾計。我地點咗幾款招牌菜，一試之下真係驚喜連連，菜式亦非常有特色，而且味道不錯。豔影蝦球 (轉帶子)薄薄嘅炸漿包住厚實的帶子，外皮非常鬆脆，金黃色嘅醬汁同樣出色，以檸檬汁同沙律醬調製，賣相和味道令人食慾大增，下面還鋪左檸檬，甜甜酸酸作為頭盤好開胃。公子牛肋排呢碟賣相雖然冇咁靚，但份量嚇一跳，原條牛肋排上碟，塊塊都厚肉，肉質軟嫩多汁，經過精心調味後，以慢火烹飪，煮得好腍好入味，同埋油脂嘅香味會一直喺口入面迴盪。翠綠色的蘆筍鮮嫩爽口，再加上秘製的醬汁，令這道菜的香味更上一層樓。鮮腐竹蕃茄浸菜苗呢個菜非常清新，蕃茄湯底清甜帶微酸，仔細嚼嚼，會吃到腐竹嘅豆香味，菜苗都好新鮮清甜，真係一個非常健康菜式，好有住家菜的感覺。生煎蓮藕餅外皮煎得金黃酥脆，內裡保持軟嫩，蓮藕切得好碎，混入肉餅之中，配上喼汁鹹香可口。總結：呢間中菜坐得舒服，是和家人朋友飯聚的好地方，

完全冇諗過可以係一間中菜館食到個咁好食既牛扒🫶🏻🫶🏻好有驚喜公子牛肋排🥩🥩🥩牛肉味香濃 表面煎到焦香 有煙燻炭燒味道 味道十分有層次肉質炆得十分軟淋 入口即化 油花均勻 食落更加甘香醬汁甜甜地 有D似中式版燒汁秋霧鹵醉蝦🦐🦐🦐秋霧好有feel 花雕 花椒酒味香濃 鹵得好入味🤌🏻🤌🏻🤌🏻蝦肉爽口 隻隻蝦頭都有飽滿蝦膏入口有少少椒麻感覺好過癮X.O. 醬紅蔥滷肉木桶拌飯一上枱已經聞到香味🥰🥰🥰飯帶有木香 粒粒分明帶微辣 好開胃 份量十足米皇淮山浸菜苗🥦🥦🥬🥬新鮮淮山 對女士好有益個湯好鮮甜 個菜都好入味米皇係稻米最精華既部分 又有益又好食

冇諗過食個晚飯可以見到胡楓🤣突然食食吓就見到佢喺我面前行過好似係成班朋友一齊喺房入面食飯鼓勵咗我想即刻同介紹大家呢間中菜✨秋霧鹵醉蝦✨芥末秋葵炒鮑魚角✨尖椒爆炒滑牛✨X.O.醬紅蔥滷肉木桶拌飯其實都唔係第一次嚟呢間中菜佢哋嘅菜式幾特別同其他大集團旗下嘅唔同而且味道出色即炒夠熱份量唔少醉蝦嘅花雕酒味好出有麻辣嘅感覺蝦頭有膏成隻好似大頭蝦咁非常新鮮鮑魚同滑牛都比想像中好食個軟硬度係屬於老人家都食到嘅程度呢兩個餸嘅辣唔算搶口唔會太辣但係夾埋個飯嚟食都唔錯個飯粒粒分明好多葱撈埋一齊好香！每次去都想揀返上次食過嘅同時又想試其他新嘅未試過嘅好煩🤣

好友約我去位於觀塘駿業街58號3樓的《張公子》食中菜晚飯，環境舒適寬敞，裝修清雅。我地點左：🥢鐵觀音茗茶 $18/位清香的茗茶。🥢秋霧鹵醉蝦 $128好岩打片的仙氣菜色，蝦肉鮮爽彈牙又有蝦膏，微微麻辣的鹵汁好惹味。🥢艷影帶子厚多士（6件）$268多士香脆可口，每塊多士配2隻大 size 的帶子，帶子鮮嫩好味，配特製醬汁，好好味👍🥢公子牛肋排 $398超大份的牛肋排，牛味香濃，肉質軟腍入味，切片真細心。🥢雙耳菌王浸勝瓜 $138湯底清甜，材料新鮮，有雞脾菇、勝瓜、木耳....等，口感豐富又好味。

今次約咗舊上司喺觀塘嘅張公子食飯，貪佢地點心同小菜都做得唔錯。🤔 加上地點方便，喺觀塘地鐵站行過去都唔遠，啱曬我哋呢啲打工仔！🏢 試過之後，覺得佢哋嘅菜式都幾有特色，將傳統中菜fusion咗啲新元素，幾有驚喜！🎉艷影蝦球 🍤嘩！呢個蝦球真係名副其實嘅「艷影」！😍 個賣相已經夠曬吸引，蝦球大大粒，炸到金黃色，再淋上酸酸甜甜嘅醬汁，好開胃！😋 入口彈牙爽口，蝦味濃郁，加上個醬汁嘅酸甜，簡直係perfect match！💯 金銀蛋菜苗 🥬金銀蛋菜苗🥬，呢個餸夠曬家常便飯feel！🏠 啲菜苗炒得好嫩，加上金黃色嘅鹹蛋同埋蛋白，顏色好靚！🎨 食落去，菜苗嘅清甜同埋鹹蛋嘅鹹香，夾埋一齊，好正！👍 不過略嫌濃味咗少少，如果可以清淡啲就好啦！💧張公子牛肋排 🍖重頭戲嚟啦！😎 呢個招牌張公子牛肋排🍖，真係必食之選！ 牛肋排炆得好入味，肉質鬆軟，入口即化！🤤 個醬汁又係靈魂所在，帶有少少花雕酒嘅香味，好惹味！😋 而且份量都幾大，夠曬兩個人share！👫 價錢就貴咗少少，但係都值得一試！💸黑椒銀絲蝦煲 🌶️黑椒銀絲蝦煲🌶️，呢個煲夠曬鑊氣！🔥 啲銀絲粉索曬啲黑椒汁，好惹味！😋 蝦都幾新鮮，彈牙爽口，加上黑椒嘅辛

呢到以傳統粵菜同魯菜為主，裝修雅緻，有好多藝術品🖼️，包括有書法、水墨山水畫、仿石🪨既雕花收銀台、刻左字既木竹🪵🎋裝飾等等，幾有特色同詩意～ 野食方面幾用心同埋多花樣，賣相精緻又好食😋 之後都想再黎食👍🏻(5 😍 係滿分，🤩係半分）豔影蝦球 (6件) 🍤🥭 - $168 (好味指數：😍😍😍😍😍)一上枱真係嘩一聲，個蝦球🍤有成個拳頭👊🏻咁大🤩 表皮夠薄同香脆唔會硬，有啲似炸雲吞皮～ 蝦球🍤爽口彈牙，味道鮮甜，配埋上酸酸甜甜既香芒汁🥭，芳香馥郁，幾清新開胃🤤 令我諗起西檸雞🍋😂 有埋清香爽口既蘆筍做裝飾幾靚～碧綠川椒雞 🌶️🌱🐥 - $148 (好味指數：😍😍😍😍🤩)估唔到呢個雞🐥幾特別，雖然叫川椒雞🐥，但其實只係微辣🌶️，以麻為主～ 用左唔少炸到脆口既辣椒葉🌶️🌱，口感豐富又清新香口啲～ 啲雞肉🐥嫩滑juicy，整體惹味有穫氣，用黎送飯🍚一流😍潮式蠔仔餅 🦪🫓 - $188 (好味指數：😍😍😍😍)煎到金黃香脆又唔會燶，另外粉感唔會重同實身，唔覺得油膩咁就無咁heavy👍🏻 蠔仔🦪既份量都幾多，質感軟嫩滑溜，鮮甜juicy～ 配埋蛋🥚就更加香口有鹹香，令人keep住想食～鮮腐竹番茄浸菜苗 🍅🥣🥬

#🐒😋今日同娘親嚟到 #觀塘 嘅 #張公子 食飯娘親表示好好食 下次要再嚟過 😂 ── ✦── ✦ ── ✦ ── ✦ ──ʚ #豔影蝦球 - $168 ɞ 開頭見到咁大粒以為炸粉好厚 但咬落原來係隻蝦好大隻有啲檸檬汁酸酸地幾好味又開胃ʚ #奶湯雲吞煲 - $148 ɞ 雲吞有8粒 粒粒都好大粒仲有啲菜清清地咁都唔錯ʚ #公子牛肋排 - $398 ɞ 見到佢Well Done咁嘅色 以為會有小小韌食落又好好食 超級稔 肉味都好出絕對稱得上Well Done ʚ #鮮腐竹蕃茄浸菜苗 - $138 ɞ 食完啲肉食返啲菜中和返 加埋啲蕃茄 健康之選── ✦── ✦ ── ✦ ── ✦ ──

和朋友到觀塘吃中菜，一踏入餐廳，濃郁的中國風撲面而來——朱紅屏風、仿古燈籠與現代化的裝修，最吸睛的是聚寶盆造型的酒吧檯，既寓意吉祥又成為打卡焦點。寬敞空間以半開放屏風分隔，私密與通透兼得。我們很早就到，所以沒有太多人，七點後則高朋滿座了。  原隻膏蟹蒸肉餅膏蟹足斤兩，橙紅蟹膏很飽滿，蟹肉鮮甜緊實，肉餅吸盡蟹汁精華，內裏還有馬蹄粒與薑絲，解膩提鮮。蟹鮮與豬肉油脂融合很好味，必試！  涼瓜炒牛肉牛肉厚切不柴，鑊氣十足；涼瓜片翠綠爽脆，甘苦易入口。  碧綠川椒雞雞肉嫩滑帶皮，川椒與乾辣椒爆香後麻而不燥，辣度點到即止。雞片厚薄均勻，外微焦內多汁，下飯一流。  清炒蓮藕苗坊間很少見的蓮藕苗，十分爽脆，充滿麻油香，無負擔的清爽口感令人覺得吃得很健康。  最後，還有木瓜雪耳糖水糖水非常清甜實在是完美的一餐。張公子將傳統粵菜精髓注入創意細節——從聚寶盆酒吧到蟹膏肉餅的鮮味疊加，處處見巧思。菜品份量足、調味精準，回頭率極高！