百樂小館 (Closed)

今日晚飯特登來伯樂小館，聽講佢啲嘢食幾精緻抵食， 果然一試當真如此👍🏿！！首先要講一講佢個頭盤，麻醬手撕雞和滷水鵝肉拼盤，這個手撕雞應該係我食過最好食的，醬汁很香雞肉很嫩滑，而滷水鵝肉十分入味，大概係我全晚最鍾意食嘅餸。其次檸檬燉鴨湯，飲得出係落足靚料，有一種酸味味嘅味道，也有鴨湯嘅鮮甜， 湯渣另上， 冇得彈🤤梅子明爐烏頭用這個價錢食到一條這麼大條的烏頭，火候啱啱好，魚肉不會太過老，再加上調味料十足，味道層次很豐富，令人一食難忘。碧綠川椒雞球這個菜色很特別，色彩對比很強烈。橙色和綠色勾起左我強烈嘅食慾，但事實上的確幾好食，雞球很滋味， 送飯最啱。雖然那些葉子食落冇乜味，不過勝在夠得意。最後就係甜品，杏汁蛋白芋泥要遇上好吃的杏汁蛋白糖水絕對不是容易的事，而這糖水就絕對沒有令我失望，芋泥味道也很香濃。整體來說，我是絕對滿意這頓晚飯，同行友人也食得很滿足， 下次可以再來！

今天很高興得到朋友的邀請來到伯樂小館嘗試他們的晚餐，結果十分之驚滟😋先來滷水鵝肉拼盤和麻醬手撕雞，我最喜歡的是滷水鵝肉，肉質很嫩滑，滷水汁很入味，絕對係食過返尋味👍🏿。麻醬手撕雞的醬汁很香，與出邊的稍為有點不同，令人很難忘，雞肉亦很滑，沒有太鞋的雞胸出現。今晚亦當然有我一向最愛的鮑汁雞腳。一個字， 好味！鮑汁味道很濃郁，感覺骨膠原出晒嚟😻之後再嚟碧綠川椒雞球，所謂色香味俱全，這個顏色配搭真是十分漂亮， 當然，味道很香口惹味， 送飯一流！最後係個潮州豪烙，有落足料嘅蠔仔，煎蠔烙的麵粉？有彈牙的口感，本人是十分欣賞的😍最最最後係甜品，蛋白杏仁茶，係我出街飲過算係最好飲的最有質素的杏仁茶，對好飲過一般甜品店很多

病癒後要出山啦~相約朋友飯聚, 之前看過有人介紹呢度本人覺得裝潢甚特別, 近門口的幾張大檯, 改用若隱若現的設計來代替密室式房間中菜館配上時尚感裝潢, 一d都唔老土好彩今晚人數剛好,可以預留一檯, yeah~單看餐館名字, 以為只是提供中菜而已一坐低, 侍應便送上功夫茶及前菜, oh原來是吃潮州菜呢前菜 - 咸酸菜, 果仁仲有我最鐘意嘅潮洲辣椒油, 勁香有辣味, 但又不麻潮州菜又點少得來個滷水鵝肉拼盤唔知點解一向鐘意食配菜(墊底的豆腐片及花生)多過主角(鵝片)當然有好多人都相反, 今次我全部都有食過豆腐片好滑, 花生夠淋, 鵝片入味肉質嫩重點菜式果然做得其實我唔係潮州人, 唔理係唔係潮州菜, 好吃就會放落肚鮑汁扣鳳爪喂, 又係我鐘意既配角炆花生出現啦, 超正而鳳爪都炆到好淋, 連伯伯婆婆都容易食到夠淋夠入味, 好似一"lun" 骨肉便分離 雜菌炒牛仔粒有鮮花同紅蘿蔔做伴碟主菜牛仔粒加入色彩鮮艷的甜椒, 又有乾蒜片, 賣相好靚, 真的做到色香味俱全!唔係潮州人既我, 當然對潮州菜見識少 檸檬燉鴨湯, 在坐幾位朋友都未試過侍應幫我地分好, 還即場介紹, 湯料則另上 第一次飲潮式湯, 真有點

媽媽話天氣熱唔想煮飯，要食特色菜；但其實呀媽只是喜歡吃中菜，但又指明要特別，這回真係考起我。記得上次經過美麗華，見到裝修後整個商場頓然煥然一新，百樂小廚門口的木制球狀裝潢十分吸引，trendy得來帶點中式元素，應該它就是我要的「特色中菜」。滷水鵝肉拼盤($148)、鮑汁扣鳳爪 ($78) 是媽媽要點的，鵝片很滑很林，有滷水的醇香，有點點的陳皮味道，連平平無奇的豆腐也因為滷水汁而提升到另一層次。鮑汁鳳爪的鳳爪肉飽滿，而且炆得夠透，鳳爪充滿骨膠原，吃完滿口都變得黏黏的。梅子明爐烏頭 ($168)有點像平常食到的泰式鱸魚，都是有點酸酸的，泰式的就用青檸，而這裡的就是用梅子。酸酸的梅子烏頭令人在炎炎的夏天裡增加食慾，魚肉非常幼滑，帶有大量蔥及芫茜調味。檸檬燉鴨湯 ($128)是一道難得的開胃湯品，湯用鴨肉及青檸熬制，味道清得來有點甘香及酸味，第一次飲可能會覺得味道奇怪，但我反而覺得似曾相識的味道，似咳嗽時媽媽煲的青欖湯味道。脆盞菠蘿咕嚕肉 ($118)，本是很家常的一個菜式，但這裡的咕嚕肉特別炸了個鳥巢來盛載著。咕嚕肉炸得十分脆口，內裡仍有肉汁，加上酸酸的菠蘿，又是適合仲夏的菜色。

耐唔耐都要盡下孝，今次同外母大人一齊去尖沙咀百樂飲茶。而尖沙咀，飲茶地方來來去去都係連鎖個啲酒樓，伐次就帶外母大人食得唔同啲。去咗美麗華百樂小館，食潮式的飲茶。至愛食辣既我，當然要叫又香又辣的紅油炒手！雲吞皮夠晒薄，而且個汁好正添！糯米卷，外母至愛。新鮮蒸起，又香又軟！老婆次次黎都要食的馬拉糕，原個蒸，夠鬆軟～香煎包，又係唔錯，個底脆脆地，外皮就軟綿綿，個肉汁都仲要唧晒出黎！咸菜豬肚湯，有著胡椒香，飲起上黎有少少辣架～香煎蘿蔔膏，同出面個啲唔同，又幾特別～蜜味雞翼最後叫咗個粉食

✿╮❤╭✿ ✿雜感女生 好味日記✿ ˚*•✰。百樂小館．回味潮州。✰•*˚ ✿✿舌尖上的尖沙咀✿✿ ❤餓底飯聚．食勻全世界❤ ❤ 也許，口味一直在變化，潮流亦不易捉摸 一直保持水準的店子，仍然是有的是 與友共聚，他一定會點選美麗華內的百樂小館 今次再度重臨，又有新嘗試 雜菌炒牛仔粒 雜菌非常入味，最正是牛仔粒嫩到彈牙，好食 麻醬手撕雞 手撕雞香滑，麻醬惹味，好吸引人的涼菜 滷水鵝片 特色菜，每次必點，超香濃的滷水汁，鵝片細膩又夠香 檸檬鴨湯 朋友推介，味道特別，檸檬味異常突出 據說是一款對喉嚨極好的湯品 作為愛湯之人一飲而盡！ 花甲煮水瓜 花甲大隻肉多，水瓜清香，夏天最適合吃的菜式 南乳羅漢齋煲 羅漢齋以南乳炆，重點在於入味，配碗白飯真好 蠔烙 潮式蠔烙比台灣的更堅挺！外表硬朗，內裡香軟，原來我很好這種口感 比台灣的更滋味出色！ 甜品：蛋白杏仁茶 不太甜卻十分潤，杏仁味十足 喜歡這種經典的甜品，永恆的好吃 小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆ ❤

係美麗華mall入面既百樂小廚環境寬闊，真係幾適合一家大細老少咸宜潮州菜確實不錯梅子烏頭，明爐加熱更具特色！湯汁充滿梅子既酸酸地既效果！非常醒神開胃烏頭魚亦入哂味！！條魚剛剛熟一d都唔乾爭爭！！花甲煮水瓜特色小菜，湯底呈奶白色好鮮甜充滿蜆肉既鮮甜味！水瓜綿細緻好軟淋蠔烙~內層既蠔肉煎到剛剛好蠔香飄飄，外層既蛋餅到金黃色~加d胡椒粉調味感覺更加惹味最後叫左個甜品桂花糕~味道清香優雅！！食落有種透心涼既感覺

又到屋企人生日月，我們一定要揾間坐得舒服、地點方便、烹調健康餐廳。最後我搵到位於美麗華大廈內百樂小館。我們在鳥巢包圍住，置身於獨立房但又望到出面境觀，自成一角。這個design 不錯呀！講到潮洲菜，不能不提滷水鵝片，佢油脂剛剛好，滷得入味，有小小皮黐住又不肥膩，一d 都不乾。就連底層豆腐都做得出色，滲透滷水鵝汁美味，連毫不起眼豆腐上得大場面。大家都聽過以形補形，飽汁扣鳳爪充滿colleague,不keep 好易老，keep 住膠質，越食越fit.佢色澤味道做到剛好，最緊要鳯瓜淋入味皮又不會爛晒，超好食呀，花生滲左啲雞腳汁同樣美味😍雜茵炒牛仔粒，佢件仔粒好淋有黑椒味，再配合筍片同雜菇真perfect 。最好食係餸上面蒜片，佢好似用frozen 生果片整法。香口得來無油炸感覺。除左泰式冬陰功湯，潮洲檸檬鴨湯都有用鹹青檸檬，一煲小小湯都有大半煲是湯料，十分夠味。除鴨肉仲有瘦肉煲老火湯，鹹青檸帶出肉湯美味。我一飲再飲😋梅子烏魚選有自己醃製梅子來製作。酸而不太鹹不錯。有少少像泰式爐邊烏頭魚，用小小爐頭暖住令佢不會覺得腥。烏頭魚本生不屬滑魚肉，佢原條整保持到滑程度，不錯😋蠔烙我嘗試在家自已整好有難

爸媽偏愛中菜，每次盡量揀啲他們岩食的野。美麗華商場內的食肆裝修好靚。我們之前已預約，很快安排入座。姐姐叫了很多道菜。我把本人認為最美味的記下。滷水鴨給我最大的驚喜，肉質鮮嫩、滷水汁入味，下面墊了一層豆腐。呢個雜菌炒牛仔粒係我全晚最愛吃的一道菜。相中所見圓形一塊塊的蒜片很香脆，配上香濃的菌味呢個檸檬鴨湯味道特別，加入鹹檸檬煲呢款湯係潮州菜的常見菜式。第一啖有㸃不習慣，但飲落又幾受落。呢款住家菜花甲煮水瓜較清， 小油煮食岩晒我。每樣餸都大碟，蠔餅香口但不油膩糖醋面的重點係麵身仍然脆但又不會全碟油，呢度做得不錯。仲加左啲韮黃，令整道菜更香。爸爸係愛茶人士，佢話呢度啲功茶不錯杏仁茶用了十足，裏面嘅蛋白仍然很滑，質感幼細。十分回味。

座位寛敞，是日參加友人的生日飯局，碰巧是端午節前夕，好多家庭黎提早做節。椒鹽九肚魚$68新鮮炸好，好鬆脆，九肚魚亦滑炸雙棗有蝦棗同蟹棗，賣相一般，但足料。炆一字骨 $118夾得太快，所以碟內食物亂左。上枱時有5件，肉質腍，醬汁濃味，友人們說略微過甜。滷水拼盤 鵝肉入味，另有豬肉、豆腐、雞蛋凍大眼雞 $338味道ok, 有兩碟豆瓣醬俾你。但價錢偏貴。唔建議點呢樣XO醬生啫芥蘭煲店員推介，但其實好普通咕嚕肉炸得唔夠鬆化

咸菜豬肚湯 , 潮式胡椒燉豬肚一定要用鹹菜調味。呢度既豬肚湯, 味濃, 夠正中, 胡椒辣辣地嘅味道, 飲完個身暖笠笠椒鹽鴛鴦魷魚, 是挺討人喜歡的一道小菜, 脆酥的口感配搭椒鹽的惹味，非常香口沙爹牛肉 , 牛肉配沙嗲醬十分惹味, 口感軟嫰得黎不失口感, 嚼勁回味, 送飯一流呀!蘿蔔絲砂煲煨飯 , 飯香非常之吸引, 米飯一粒粒, 夠乾身, 蘿蔔絲豐富口感, 好奈都未食過咁好食既煨飯啦!杏汁蛋白芋泥, 杏仁汁口感滑溜，加入蛋白一同煮成，滋潤十足，而且甜度適中, 口感綿密、芋香濃, 甜入心哦

2017.03.11【 3.11 朝"潮"瞧 百樂小館】  上個月，同日聚會， 大家投票選唔中呢間，今日同嘴尖潮州朝哥去尖沙咀食家鄉菜。 滿足秘書先生做足功課想得到欣賞眼神嘅欲望。 其實，我視佢為智者，對佢言聽計從， 我對佢嘅信任，比佢任何一個HURT佢嘅EX仲要高， 所以成日俾大哥講:你哋大家口味咁似，不如結婚啦。 好靚嘅鳥籠 櫥窗有靚靚滷水鵝 食潮州菜，點少得佢 先嚟一杯功夫茶 潮州醃菜、潮州辣椒油、花生 蘿蔔糕  以我喜愛嘅蘿蔔糕做前菜 食到一絲絲蘿蔔，唔係粉糊好正 韮菜粿  粿，原來係潮州常見食物 有咸食、有甜食 呢個有韮菜餡 又微煎外表至金黃甘香 一試傾心 潮州粉果  總覺得呢個好代表潮州 講起潮州 我一定諗起佢 正如諗起朝哥一樣 味道正宗 菠菜汁蝦餃皇  嫩綠菠菜汁令蝦餃有新衣 又靚又好味 潮式蘿蔔灌漿  嘻嘻，喜歡某一處嘅人，亦會因為咁而喜歡該處嘅食物 又一蘿蔔菜式 特別烹調方式，令蘿蔔酥香 糯米卷  佢果然係糯米迷 上次叫糯米飯 今次叫糯米卷 因為佢 我愛上 瑤柱鮮蝦菜苗餃  當蝦餃心癮未停 朝哥醒目叫呢個俾我頂癮 仲有菜苗同瑤柱 啱口味 大鷄包  係，出去食

今日同男朋友先去試菜，準備母親節嘅時候有一餐可以令奶奶開心的晚餐。當然要事先試一次先得啦。先前行街經過百樂小館，裝修不錯，地點方便環境整理，應該都幾奶奶歡心嘅。【滷水鵝肉拼盤】$148 食潮州野當然要食滷水拼盤。鵝片好入味😘又厚身。游水墨魚都幾好咬口，而且唔會好咸。做頭盤係一流👍【蜜汁燒雞翼】$58 一共有5隻大大隻。成隻雞翼都有蜜汁包住，聞落陣陣甜味。而且外皮有點點脆同小小粘口。【鮑汁扣鳳爪】$78 對於鳳爪真係又愛又恨。正正就係喜歡滑滑的皮和烹調到汁去到皮下，一次過品嚐多重濃味感【杏汁白肺湯】$68 毎位 $168 4位用 講真！係屋企洗豬肺真係好煩。材料真的準備得十分好，內臓的味道無咩，返而杏仁味好香。【老香櫞炆一字骨】$118 特別推薦👍真正師父出品。肉感軟得來有少少咬口，加上醬汁令到豬肉味道得以提升【黃豆醬炒鯧魚片】$188 好罕有的魚片，一般係街市都找不到。食落好似深海龍躉，不過無咁實身。【黃金炸雙棗】$120 睇個名以為係齋。而現實係海鮮，一個係蝦一個係蟹。炸物幾香口。【金瓜九肚魚烙】$98 待記強烈建議，新派薄派，外表似足蠔餅，但沒有好多油

一班朋友聚餐，喜歡選擇多菜式的餐廳，一來可以多啲嘢食，二來也可以坐得久一點。朋友聚會，總是離不開放題、中菜或自助餐，但是今次選擇了中菜，並選址為位於尖沙咀的美麗華商場內，且以潮州菜式為主。今次點來潮式蘿蔔灌漿，以蕃薯粉和蝦米混和蘿蔔絲，炸過後變得香口而軟糯，亦具有啖啖蘿蔔的清甜味覺。然後麻醬手撕雞便上桌，上桌時雞肉已撕開，再加上麻醬，故入口有種強而濃郁的麻醬味道，而且雞肉還是嫰滑的。今趟上桌的滷水，不只是單併咁簡單，而是雙併，所以這碟滷水鵝併滷牛，便有兩種食材在內。滷鵝當然是柔糯柔軟，滷牛亦是軟腍，兩者都具備滷水的原來味覺。咸菜豬肚湯是今餐的餐湯，今次用上咸菜配合豬肚，再加上胡椒，味覺上是頗幾夾的，而且每喝一口湯，都有濃郁胡椒味道，但不會嗆喉。喜歡吃南乳羅漢齋，除了有香濃的南乳味外，當中還用上了支竹、冬菇、紅蘿蔔和木耳等食材，是一道頗為健康的一道菜。點來古法酸甜稞肉，是一道古老菜，形狀貌似咕嚕肉，但是酸甜稞肉除了是古老菜式，亦是手工菜。用上剁碎了的五花腩、薑絲、蒽花、馬蹄及糖冬瓜等食材。入口鬆化而帶有酸甜味道，加上其他配菜，口感不錯。喜歡清心丸綠豆爽，是因為喜愛綠豆，把綠豆去了表層後，

趁住假期，出尖沙嘴行街，因為午餐有飲茶的習慣，唔想晨早食d好heavy嘅嘢，於是到美麗華的百樂小館試下。裝修完的美麗華多了很多食肆，呢間餐廳係四樓，我地十一點半去到，雖然openrice係full booking，但實際人不多，環境清幽，十分舒適。坐低睇Menu，發現這是一間主打潮州菜的餐廳，lunch有點心，價格偏貴，也有主餐牌的餸可以叫。我地一共order咗四樣食物，上菜速度都ok。菠菜汁蝦餃，$48，與普通蝦餃一樣味道，唔便宜，但都幾好吃!潮州式的點心：炸雙棗，$60，純粹想懷念下潮州菜，而且別的地方也吃不到。龍鬚豉油皇炒麵，$88，這是貴價版的炒麵，由於本人有豉油皇炒麵情結，所以忍唔住order，所謂的龍鬚，就是加咗魷魚絲，所以先咁貴，食落味道不俗，有d乾炒牛河味!甜品：糕燒白果，$58，這也是潮州菜之一，由於這些食品在別的店較少見，所以我地叫咗d特色嘢，好味! 坐咗個半鐘，人流也不是很多，或者大部分人都不會選擇到尖沙嘴區飲茶吧，埋單$329。題外話：這家餐廳的侍應大部分都是叔叔姨姨輩的年紀，應該是一班老員工，但做嘢爽手俐落，俾個佢地!總的來說，這家餐廳感覺不錯，第一次幫襯印象