Chao Inn (Closed)

這間潮樓位於機場的二號客運大樓，大部分食物也即叫即製，熱騰騰，味道也十分不錯。點心的價格也十分大眾化，（機場的員工出示員工證更享有全單八折優惠）。寫了點心紙，食物一上桌，剛打開蒸籠，一陣陣香氣撲鼻而來。蝦餃的皮蒸得剛剛好，不會太過火太乾硬，內裡有約兩隻完整的蝦，啖啖肉很滿足。另外的點心包括燒賣、牛肉球、金錢肚等，質素也相當不錯。…Read More

貓貓今日係機場食晚飯。去左潮樓食飯飯。貓貓有員工優惠，所以即刻叫左個鳳梨咕嚕肉飯。哇，原來有茶飲，侍應問主子要咩茶，原來飲茶唔洗加錢，叫左個香片慢慢飲。咕嚕肉飯份量好多，貓貓見到都知自己食唔曬。貓飯都好多，而且香噴噴，啱曬朕。仲有碟菜菜送，total 40蚊炸。貓貓接受唔到囉，太平啦！而且味道好好，咕嚕肉新鮮滾熱辣。菠蘿都好甜，食到貓貓好開心。菜都好味，每樣野大大份，好滿足喵！希望下次再黎呢度食，貓貓唔介意平，觀音兵們，下次可以帶我黎呢度食哦！…Read More

I regularly come here because I fly a lot and its the only decently priced dim sum restaurant at the airport. Recently turning vegan, I was surprised to see there were a variety of choices for me, such as vegetables, noodles, vegetable buns and rice rolls. The food, as always, was served quickly and warm, tasted amazing and reminds me why I love dim sum and Hong Kong food. However, I cannot say the same for the service. The waiters have no idea what they are doing and purposely ignore you when you want to order something. They often forget if you ask for something and didn't know what had meat or what didn't when we asked about certain "vegetarian" dishes. I was quite upset about this but nonetheless had a tasty lunch. …Read More

早上的機場是寧靜的。浪子到了機場接一位離港多年的朋友。卻不虞有詐的原來是早機回港，也沒法子，只有早點乘機場快線到機場。友人從外國回來，份外掛念中式的飲食。甫下機已經嚷著要先喝上一杯普洱。好在浪子在出發前已經盤算好在機場先接風洗塵，就先到了潮樓。潮樓早上有孖寶點心紙，價錢與市區相約。也有一些受機場工作人員歡迎的盎頭飯。就粗略估計，食客多數是機場工作人員，入境處或下班的航班服務員。而拖喼的或一副旅行模樣的人較少。點心很快就來了，馬拉卷新鮮熱辣，蒸氣滾滾而出，而兩碗粥也不俗，雖然不算得上很綿，也不是潮州菜那種粥水。但已這個價錢來說，也是足料和有份量的。本來想叫玫瑰饅頭來試試，但友人卻覺得饅頭太普通，於是換了一個炸鯪球。沒有附上蜆芥，只有尋常辣醬。茶錢$8一位，加一服務費。與友人摸著茶杯底談天，在機場來說是不錯的選擇。…Read More

好少會去依到附近，難得係到當然食多啲。依個潮汕滷大碗估吾到個份量甘多，而且賣相都好得體，排得好整齊(笑)肉好入味~最中意係滷蛋同紅腸 食吾停口！而且好夠飽其他菜款都吾錯~坐得亦尚算舒服！如果吾係甘遠可以再黎多幾次~…Read More

放假同媽咪去左機場搵阿哥,阿哥係果度返工,太耐無見啦所以食個下午佢帶左我地去左潮樓度食野其實不嬲對中菜都無乜特別感覺,不過今日依一間味道又好似唔錯我地食左幾樣野,其中涼瓜排骨湯味道最特別,同出面其他酒樓煲既好唔同味道近似D屋企煮既感覺,湯水清甜,唔油膩,涼瓜幾爽口,唔太林,好好食排骨唔太肥膩,所以個湯先咁清,而且都幾多肉下,所以個湯做出黎好夠味幾好食,下次去旅行前都可以黎依度食小小野先…Read More

朋友個老公要返美國開工了, 唔使返工嘅我都特登入機場餞行, check左in仲有2hr先上機就去T2飲茶。 除左normal點心紙我仲叫左胡椒豬肚湯&豬大腸豆腐鹵水拼盤&涼瓜手撕雞 豬肚好林，個湯胡椒味好重好醒胃；充滿肥膏嘅豬大腸加上鹵水汁多好好味，豬腸係通得好乾淨的；豆腐皮更加滲滿鹵水汁；平時食嘅涼瓜，即係苦瓜往往真係好苦，今次竟然食唔到苦味仲好爽甜添！手撕雞份量好足滿唒成個碟，原來搭涼瓜一齊食會咁fresh！鮮蝦菜苗餃香滑奶黃包潮汕蝦餃皇 2款有蝦嘅餃好相似，分別就係蝦餃皮薄dd，靚dd，而鮮蝦菜苗餃就加小小菜苗同調味：至於奶黃包雖然不是流心，但係fill滿香噴噴滑雪雪嘅奶黃，好濃好香而且皮係薄薄嘅。蜜汁叉燒腸粉叉燒幾靚！原條上碟的，腸粉皮拉得好薄，輕輕地包住明爐嘅蜜汁叉燒，有水準！鬆軟叉燒餐包 睇漏左個「餐」字原來唔係中式個隻，我地就不太喜歡，因為餐包焗起會漲卜卜，變左會有一大個空心但得小粒小粒叉燒～鳳爪拼排骨海蝦燒賣皇 燒賣係皇牌所以質素無庸置疑地有保證，皮薄蝦靚個隻；鳳爪同排骨非常入味！酸甜脆雲呑 好大塊炸雲呑新鮮炸起，咬一下，成口成碟都係脆脆，沾左甜酸汁味道更豐富香煎蘿蔔糕 裡面有蘿蔔粒，煎得金黃有風味，無油淋淋嘅感覺醬皇川炒手 炒手醬汁較得唔錯，每粒炒手雲呑皮同肉嘅比例非常好，因為炒手主要係細細粒嘅餡同大塊小小哪雲呑皮浸喺個精髓：炒手醬汁，唔太辣，人人都啱食食左咁多點心加埋開揚環境加上阿姐嘅好service每人只係90幾蚊，1點左右櫃臺埋單已經見到出面好多食客等枱lu。…Read More

是日同2個好同事兼好朋友一齊收通宵更，秘密地收左好多DISCOUNT COUPON既我地當然要食餐好嘅先歸家！黎到潮樓飲早茶，一下子嗌咗三十幾籠，連酒樓阿姐都問我地係咪嗌錯我地仲好堅決咁話無叫錯！:)點知一黎到先知~每人嗌咗十幾籠~加埋係嗌左三十幾籠！結果就緊係食5哂打包~難得出左幾款新年系列嘅點心！不過D配搭好怪，還是平時個d好食！蝦餃入面粒粒大蝦，彈牙又爽口，個皮晶瑩剔透，d蝦鮮粉紅的透出來，個餃皮夠煙韌！d牛肉都5錯，好有香草肉味，加埋d爽口腐竹，點上醬汁，鮮味被提高！奶黃包好香，熱辣辣出住煙上，純白色嘅麵包加上軟綿綿嘅奶黃包，甜甜的混埋有一股濃滑的奶香。其他無乜大印象，不過又無乜難食嘅!下次都會繼續來~飯堂嘛！…Read More

had the worst meal in entire hong long trip 2-6jun2015 at chao inn 潮楼 at the airport on 6.6.2015.flight was delayed 1hr. since we were early & we had a really great dinner at chao inn 潮楼 @ kwun tong, we decided to give it a try here. alas, wrong decision! this chao inn NOT that chao inn 此潮楼非那潮楼！fortunately the teochew chilled mullet冻乌鱼 was still ok! at HK$98 though it was more expensive than eating at lao ah tee 老阿弟 at whampoa boon keng etc.this mullet was still sweet just slightly fishy, more or less singapore standard unlike chao inn @ kwun tong which was basically perfect.not to mention what we had at kwun tong was just HK$48, of course that was 40% discount after 9pm, this was airport.the braised goose though was hopeless, like reboiled or overnight & microwaved.basically, moral of story is don’t eat at airport if possible, and don’t order items where turnover maybe low & likely to be kept overnight & not fresh.…Read More

普普通通既一間係機場2號客運大樓既茶樓 呢度既蝦餃味道不俗 但同出面既差唔多冇咩特別 排骨鳳爪都好入味 但要數最特別既唯有係脆網蘿蔔糕 因為我根本食唔出係蘿蔔糕既味 不過d脆網口感幾好 值得一試…Read More

大除夕的晚上，當人人正在市區舉世歡騰的時候，我們卻來到了機場。去旅行? 當然，這是更開心的事，但我們來機場的原因，不是搭飛機，而是約了住在東涌的朋友作一個晚飯小聚，兼是晚外父從美國回來，我們相約在大家都方便的機場二號客運大樓用餐，是明智之選。在機場，適合一行7人食晚飯的地方，也許只有茶樓，而在 Terminal 2，就有《潮樓》適合大伙兒一起在機場飲食。未計茹素的太太，我們剛好六個人，那樣就簡單了，一於叫半席套餐，不用多想。《潮樓》，顧名思義是潮州酒樓的意思，所以我們所叫的套餐都是以潮州美食為主。以下就一一的介紹這個潮‧汐影輝陽套餐。食潮州菜，點都離不開鹵水鵝，這一個鵝皇大拼盤，有鵝片，鹵蛋，鵝腎，豬耳等等，大拼盤十分之豐富。份量足，味道濃，只是鹵水的味道，感覺上香氣未夠，但入口的味道卻感覺不錯，甜美，咸香，足料。酥炸黃金墨魚丸，就像擺酒的炸蟹蚶一樣的香口，而這一個令我想起了潮式的蝦棗蟹棗，外層香脆，內心彈牙，是汁用上了更爽韌的墨魚來做肉，非常之美妙。而且我感覺上，機場的潮樓，食客不多，廚師特別用心去處理每一道菜式。魚翅，是潮州人最拿手的其中一道菜式。套餐中的紅燒鮑參海味翅，的確是不錯的一個翅，雖然是一分錢一分貨，但味道是稱得上濃香，羹中也有應當有的鮮味，這特價餐的翅，感覺比婚禮飲宴食到的翅，更好。不是婚宴酒席，所以上菜是沒有按先後次序的，上完翅之後，就立即來一客炸子雞。皮脆肉香是對這半隻炸子雞的最好形容，肉質也是夠嫩滑的，很是有水準。黑松露醬爆雪花蚌吊桶花，因為用上了黑松露醬，令到這一碟看似平凡的炒吊片名貴起來。也令到來食套餐的人士，覺得這一餐份外超值。味道上，黑松露醬把整碟菜的味道升華，可是亦把整碟菜搞到剩下了黑松露醬的味道，完全地蓋過吊片的味道。原隻鮑魚扣花菇，是一個食得開心的菜式，而原因不是因為有鮑魚食，而是用上了蠔油去扣本身都可以獨自提煉出蠔油代替品的冬菇及鮑魚，味道上濃上加濃，用蠔油去扣鮑魚比起用鮑汁去扣鮑魚，更能帶出鮑魚的鮮香味。席宴中必定出現的，就是蒸海班。餐廳人不多，廚房不忙，會特別用心，就由這一條魚中看得出，樓面入的單不多直接令到廚師可以多花時間去觀察同控制，所以可以把蒸魚的出爐時間控制得好好，剛熟的魚，魚肉份外的鮮滑。再說，就是素食，最簡單的，就是南乳粗齋煲。南乳落得充足，味道自然地濃香，腐竹、木耳、粉絲，材料半點也不華麗，但粉絲吸盡了南乳汁的味道，而且該煲的味道既充足又濃，不吃素的人也被她吸引住了。珍菌燒豆腐，用了豉油加生粉的汁，令這一個紅燒豆腐份外的有味，入口亦充滿了豆香同豉香。青菜是席宴其中一道菜式，名堂就是玉液靈芝菇泡菜苗，給的是白菜苗，味道清而爽，飲宴中，其實好多人都希望有青菜落肚，這一個味道清新的小菜，好受大家的歡迎。臘味糯米飯，炒得十分之香口，而且在這樣的寒冬天氣，吃下一口充滿味道的臘味糯米飯，立即可以增添大家的溫暖。壽包，既大隻又甜美，蓮蓉餡又夠香，很香很可口。心知機場的這一間茶樓會經濟抵食，而在沒有太大期望之下又做出超水準。食物的材料，非常之新鮮，這一點令我覺得十分之意外，因為我時常認為，在機場會有多少人這樣地叫席宴，後來朋友說，在東涌的人也周不時會前來這兒晚飯的，因為，區內可宴請朋友的地方，真的是不多，原來機場內及周邊的酒店食肆，是東涌人常去延席晚飯的地方。我又了解多一點東涌的民情了。…Read More

潮樓位於機場第二離境大樓food court, 與第一離境大樓内的美心一樣在禁區外圍,但較美心的價錢便宜得多。便宜有時要用品質補償，那裡的點心質數確實和美心有一段距離。 這在蝦餃和燒賣中最為明顯，沒有爽口的蝦，彈牙的肉。 其它的點心也是水準平平.....本來要不合格了，幸好有鹹魚雞粒炒飯！ 有鑊氣，還滿載着鹹魚香味，並非一般同類炒飯只有三、四粒鹹魚，要尋寶.... 若飯粒再乾身一點會更好。 挽回一點分數，有55分…Read More

是日要係T2食個early dinner, 揀左潮樓!貪佢有得比我慢慢坐嘆下茶。4幾來到已經冇得叫點心, 唯有叫個小菜。小菜選擇都蠻多, 但定價屬中高, 平均都要70-80一碟,點心應該抵食很多吧。等上菜的時間確實較長, 一道小菜等左廿幾分鐘!終於送上紅燒豆腐有差不多10磚豆腐, 幾條小棠菜, 中間有D唔同的菇類。個茨汁好好味! 下面的秀珍菇都入哂味, 正呀! …Read More

sep 14, 13要喺t2 check in...........1早開咗嘅食肆唔多............3人嚟飲早茶...........共叫咗 :1) 皮蛋瘦肉粥 (hk$17.8) -煲得綿........仲有果皮味添 -鹹味唔重手2) 潮煎蘿蔔糕 (hk$21.8) -煎到金黃色,味道正常3) 蠔皇叉燒包 (hk$21.8) -包好似比倒汗水沾濕過咁,所以食落有d地方喺濕咗.........鬆度ok -味道正路4) 甘筍汁流沙包 (hk$21.8) -1籠裡面有2個包喺龜裂..........賣相差 -皮尚算鬆軟 -可惜個流沙餡太甜,甜到很假 -很難先食得晒1個5) 汕頭蝦餃皇 (hk$27.8) -個皮好黏又易穿 -味道ok的 6) 蜜汁叉燒腸 (hk$24.8)  -皮厚度適中,叉燒份量中等 -味道可以7) 金冠香茜餃 (hk$24.8) -皮過厚.........所以令到口感不好 -個餡帶有芫茜香,ok的8) 茶$$$$ (@hk$6)…Read More

來了機場兩個月, 常心思思想來飲茶無他,這兒價格夠平, 以前跟阿媽去旅行她最愛上機前來這醫肚而家做了機場職員, 有7折來了兩次下午茶, 服務員有禮, 但兩次都跟是 點好了才跟我們講沒有腸粉鮮竹卷夠味好食, 馬拉糕/糯米卷都ok, 合格之作,但當你明知這都跟門口外賣急凍食品櫃自己在食大陸來貸的叮叮翻熱食物時總扣了少少分較差日式餃子煎得太乾, 哽親食了兩次`最後才人人在下午茶跟早茶都有七折就感覺沒那麼著數了…Read More