Burgerism (Whampoa Estate) (Closed)

明明間鋪頭係漢堡，不過我就叫無食漢堡，又唔想食甘多碳水化合物，甘就叫左個煎魚餐。午餐套餐可以揀湯或者沙律，另外仲有個雪糕做飯後甜品，雪糕有幾隻味可以揀。雖然有前菜同甜品，不過我都係食唔飽。我見同事食漢堡都幾大份，可能叫漢堡就夠飽。呢個午餐我就98蚊，唔算抵食，味道我覺得就無咩特別甘，個魚都滑，薯條就有啲乾同硬，雪糕嘅味食完除左甜味都唔太食得出其他味 其實個魚份量細唔緊要，餐廳可以俾返多少少薯條，我諗多返10條8條我應該唔會食完都仲有唔飽嘅感覺。Rating: 😼😼😼

今次就帶大家嚟到位於黃埔嘅一間西餐廳，我哋兩個叫咗個Set lunch,有湯有沙律🥗，環境十分之闊落，食物質素亦高質。經典煙肉芝士美國牛肉漢堡包🍔：牛肉非常之多汁，配合蕃茄非常之清新😁燒豬頸肉配芒果莎莎牆:豬頸肉口感煙韌配上芒果醬👍🏻 經典煙肉芝士美國牛肉漢堡包：$98燒豬頸肉配芒果莎莎牆：$88已包含餐湯/沙律及熱飲

喺附近遊玩完畢，途經呢間餐廳，二人套餐$398，已包餐湯、頭盤、主菜、甜品和餐飲，相當實惠，於是決定光顧。餐廳環境唔錯，座位間距適中，坐得都幾舒服。服務員態度親切，值得一讚！落咗單，餐湯好快送上，係龍蝦湯，湯味頗濃，賣相精緻，唔錯！跟住上頭盤。原本餐牌係鵝肝沙律，服務員預早通知今晚改咗小食拼盤，我哋ok。端上嚟分量相當大，有炸魚柳、雞翼同薯條，新鮮炸起，好香口。雖然我會想食沙律多啲，驚熱氣，不過見到個分量，真係感受到店方誠意，都要讚下！主菜點咗龍蝦汁海鮮扁意粉同埋澳洲肉眼牛扒。意粉嘅龍蝦汁不及龍蝦湯濃味，海鮮配料冇乜味，遜色咗啲。肉眼扒叫五成熟，火候控制得好好，真係五成，食得出本身嘅肉味同肉質，冇經過梳打粉或鬆肉處理，分量都大，點埋附上嘅燒烤醬，味道唔錯，滿意！甜品方面有驚喜！兩客Tiramisu，原以為只係一小方塊嗰隻，點知係完整一客，雖然味道方面唔算突出，但真係誠意十足。今時今日，食材漲價，以咁實惠嘅價錢交出咁嘅質素，真係有啲感動。整體來講，呢間餐廳係用心經營嘅，雖然細節有美中不足之處，但絕對抵食，值得支持！

今日試咗泰式辣雞漢堡，其實只係屬於少少辣，比起麥X勞的巴辣香雞翼辣多少少呾啦，雞扒又香又脆而且Juicy，配上泰式汁醬酸酸辣辣好開胃，值得一讚的是件雞扒很厚身，啖啖肉的感覺真的很幸福，另外個Burger D配料都好新鮮，尤其是片生菜同番茄，好正。跟餐薯條份量都好足，勁大份，好開心。因為見到有生啤，而且疫情期間好耐無啤一啤，於是就叫咗杯生啤對自己好D啦，呢隻生啤係麥啤黎嘅，麥味都幾香，幾易入口，配Burger真係唔錯架。

呢間野都幾有趣，之前好地地D Burger又好食，竟然執咗轉咗做韓國野，今日經過竟然又轉返個招牌做Burgerism，個侍應仲係咁同我地D熟客打招呼，於是就入去幫襯了。佢地D Burger真係好食嘅，由當年出面紅磡寶石戲院轉灣嗰間舖仔已經幫襯開，不過佢地最正嘅其實係隻德國麥啤，好耐無飲今日終於可以再試到。就係呢個牌子，仲要係生啤，真開心。佢嘅麥味好香，而且唔苦好易入口，可以懷緬一下去德國旅行的感覺Burger就叫咗個French Burger，同普通Burger最大分別就係佢用咗羅馬生菜同埋落咗白色嗰隻法式沙律醬，另外除咗舊漢堡牛扒之外佢仲有一塊煙肉，回味無窮。唯一要挑剔嘅就係D薯條有D Hea麻麻地。Anyway難得一間好食嘅餐廳復活，一定會再黎幫襯。

◦•●◉✿✿◉●•◦ Burgerism係美式餐廳，平日嘅Lunch Time 時段有做Lunch Set🍴 今次👵🏻同朋友試咗佢哋2個套餐 絕對有驚喜💕 ⁡💡前菜係煙鴨胸沙律 🥗 一般食開嘅餐廳前菜都係比較頹頹嘅菜沙律 呢個Lunch Set竟然係包煙鴨胸沙律 擺盤有花心思 而且食材新鮮好味😋⁡💡 香煎龍利柳配荔枝牛油汁 一上菜見到件魚煎到塊皮係金黃色🤩👍🏻 配菜&薯條🍟 都係新鮮炸的 ⁡💡經典芝士牛肉漢堡配薯條🍔 手打牛肉好厚 煎到啱啱好有肉汁 唔會太乾🤤 有芝士 🧀 蕃茄 🍅 酸瓜 傳統美國burger口味 讚👍🏻⁡值得一提的是職員好有禮貌 上菜速度都快 絕對係性價比高嘅午餐之選💛⁡😋: 𝟠/𝟙𝟘

外賣，比原定時間遲咗半個鐘。店員係咁話好快好快，不過講唔到取餐時間，係咁話人手唔夠。另外加$9加芝士，打開餐盒發現無加到芝士。餐廳環境係唔錯，但係人手同處理訂單要改善。五月夏天天氣陀住BB咁樣等，第一次光顧就咁，真係陰影嚟㗎⋯⋯

鴨胸沙律以lunch set 嘅沙律黎講都幾有誠意👍鴨胸同沙律菜都正常羊肉漢堡好香羊肉味🤩🤩🤩但唔juicy 而係比較crumbly, 同埋可以煎香啲🙈但最大敗筆係啲菜🤦‍♀️包括burger 同sides 嘅🤦‍♀️真係好苦，頂唔順薯條唔出色，都比較淋，但起碼唔會太咸👍環境幾舒服，星期日lunch 都只有3-4枱，可以慢慢食，staff 都會主動幫手refill 水👍

想讚賞你們的出品：今晚點了一個burger套餐，溫度及味道不但沒有因為是外賣app運送而打折扣，burger十分足料，配有一些調味粉的薯條很美味，並仍然香脆！最難得是裡面嘅煙肉很crispy呢！可提升嘅地方，會係波菜可以分開放（係apps裡面睇以為係另上嘅），同埋薯條嘅份量再多一點就好！謝謝你們用心製作呢個性價比很高嘅食物，將來會一定再encore🤗

作為一間食漢堡包的專門店(佢個名叫做Burgerism，應該係漢堡包專門店啦)，入去就係想食佢嘅漢堡包。Set Lunch有一個餐係Burger，盛惠$108，立即點了這個餐。先黎Set Lunch的餐湯，店長仲悉心介紹咗個湯係D乜(可惜我只記得係蜆肉薯仔湯)，仲有一舊Mini Toast跟埋，喺咁凍嘅天氣之下真係會加分。主角出場了︰Classic Cheese Burger，舊漢堡扒肉好栗身好Juicy，要擘大個口先至緊緊咬到一大半，配菜好新鮮，Rocket菜同片番茄都好正。個人覺得個Burger的份量好足，食到好飽好滿足，食Burger其實就係追求呢一種好豐富好豐富的感覺。

大時大節，紀念日，假期都book hotel staycation 因3時才check in ,先在附近食lunch 醫肚lunch setb$76 mango shrimp salad ,包飲品 、soup or salad 因我唔肚餓才食完早餐無耐，salad 略為細份，但味道是唔錯的，橄欖油醋汁，4隻蝦都彈牙唯咖啡好澀，似咖啡豆炒過頭，加了很多奶都沒法中和苦焦味，勉強喝了半杯湯是芋頭忌廉湯，跟塊牛油蒜香包，抹牆厚所以特別芳香好食跟餐salad 是煙三文魚沙律$168 主菜黑毛豬伴-apple purée ,仲可以選配飯/意粉/薯菜

I had visited this restaurant yesterday while the food was fair the attitude from the restaurant manager was annoying . Being the customer the manager was throwing attitude . I do not wish to comment further but poor attitude makes any restaurant an absolute no no on my list

黃埔新邨民泰街、德民街依一帶食肆林立，大部份餐廳都比我一種親民既感覺，唯獨依間西餐廳有好靚豪華既裝潢感覺，別樹一格。紅磡既扒房吾多，咁啱Lunch Time 行過，所以決定試試佢。Lunch Time有 Lunch Menu(平d)😂 有五款揀和 Lunch Special(貴d)💰有四款揀，我就揀左個經典芝士牛肉漢堡配薯條($98+特飲加$12)，可以配湯或沙律，我揀左後者。煙鴨胸都幾厚切，菜、茄新鮮，沙律醬有調過味，清新開胃。經典芝士牛肉漢堡配薯條，塊牛叫左5成熟，塊牛似係人手打，食得出大小不一既口感，而且牛肉好厚，食落好juicy，牛味香濃，薯條熱辣辣，似乎調過味。最後餐飲，我飲不外乎兩種飲品，凍奶茶或凍mocha，黎到西餐廳當然嗌杯凍mocha，因為我鐘意咖啡苦得黎有奶味亦有少少甜，依杯都滿意。總結: 食物好，環境服務好，吾算貴，好再試。

民泰街難得有裝修又坐得舒服嘅西餐廳價錢合理而且味道意外地有質素！去開紅磡附近絕對會再去食！仲有個甜品朱古力蛋糕又係驚喜作品！本身好怕食朱古力，人愈大愈怕太甜太漏嘅嘢！但呢個朱古力蛋糕，甜度適中！朱古力有口感但唔會濃到起痰嗰啲恐怖朱古力！而且細細件份量非常合適！食到相都唔記得影！

呢間位於黃埔嘅西餐廳性價比都幾高～個人覺得佢嘅𝚕𝚞𝚗𝚌𝚑𝚜𝚎𝚝會比較抵食～- 🔅 #hkfoodmap西餐🔅 #hkfoodmap黃埔-當日試左佢嘅經典牛肉漢堡(8安士美國安格斯牛肉)同埋自家手打羊肉漢煲配薯條～塊牛都幾大舊～食落唔算好juicy但牛味都算幾濃🐮朋友話羊肉有小小膻 食落都唔會話好乾～前菜嘅𝚜𝚊𝚕𝚊𝚍都唔馬虎 有幾件鴨胸☺️我比較欣賞個粗薯條～有調過味 炸得好脆好好食🍟餐廳夜晚會dim燈點蠟燭 加埋吊燈環境都幾舒服𝙻𝚞𝚗𝚌𝚑𝚜𝚎𝚝參考價錢💰日式芝麻雞漢堡 配沙律/餐湯 配熱飲 $72