Brooklyn (Closed)

沙律吧選擇超級少而且一啲都唔好食！mr steak 比較好！服務態度又差！10點半關門九點半已經趕客要你埋單！我八點半先坐低！非常之憤怒！六位食買單$1700！一定唔會再有下次

一次差過一次，唔會再有下次7點半去到食晚餐，選擇已經唔算多叫左個蘑菇肉腸手製意粉，份量少不在話下，d料同醬同意粉醬有過之而無不及，但要$18X.....最難食既都唔係個意粉，而係個牛小排叫medium ,黎到得3成，仲要硬到咬唔開同無味，未試過食個咁難食既牛排🤮沙律吧選擇少過之前，重點係個湯唔熱，因為個爐都無開😩😩😩見到其他枱都有投訴，真心唔會有下次！

好想食個豐富嘅晚餐！🤩朋友帶我去食semi buffet，只要叫main course就免費食埋Salad bar😍～Salad bar，各種沙律菜，薯仔，麵包，Ham，芝士同湯～好多選擇，好豐富，可以咩都試下👍🏻～黑松露薯條，雞軟骨～最特別係黑松露薯條，好快就俾人拎晒😕好彩之後有refill～自選Salad bar～有個大碟俾你拎，食幾多拎幾多🤩～軟殻蟹捲餅～軟殻蟹烤得外脆內軟，仲有最愛嘅牛油果🥰🥰好好食朋友叫左個steak，7成熟，味道唔錯，連d蒜都烤得好香好好吃😋

Happy Friday 嘅午餐要食好少少Brooklyn 位於旺角MOKO 5樓，呢間餐廳Lunch嘅特色係有個salad bar，order 一個main course 就可以享用salad bar。Main course 都係pasta, risotto, sandwich 之類。今日揀左煙肉蛋汁意粉落左order 就急不及待出去扲salad。個人比較鍾意食芝士，所以扲左唔少青瓜配上沙拉醬亦都好啱我口味除左salad 重有紅湯同白湯兩款湯揀～湯味道比較普通，水準一般。煙肉蛋汁意粉個汁好creamy，加埋流心蛋汁$130 一位 算係抵食既。唯一一樣唔好嘅就係salad bar refill得慢。不過整體係唔錯嘅值得一試

昨天與朋友三人3:40到餐廳小聚，侍應聲稱每個人可選叫main course或salad bar, 4:00last order，可坐到6:00。3:50 order 兩個main course同兩個salad, 個侍應4:05話收salad bar, 火箭速度都食唔切，仲要落單唔講清楚salad唔再refill, 出去食先知剩番薯條同小小菜，仲要4:10比張單你$612叫你埋咗先，個main course都未上叫人比錢，又未打烊，找完張單個d waiters 去曬蛇王，想揾個人攞幾隻碗都消失埋，一定唔會再去，請埋d 懶侍應，又唔識變通，見個客遲order咪收遲D，refill 小小都好，乜都冇，食到一肚氣。

公司同事們都有一個習慣Friday或放假前一定食好西今次揀左間位置較近既西餐重點係只要每人一個Lunch Set就可以免費享用自助吧～😍😍·興幸我們Lunch較其他人早放去到不用等位還能坐住睇靚景～餐廳是有型有格的外國工業風·免費自助吧有好多選擇健康的薯蓉南瓜和粟米各式各樣的新鮮沙律菜開胃芝士粒配上火腿片也有炸物如炸雞炸薯條不論素食者或者食肉獸實有一款啱你口味～😋·<博多明太子意粉>估唔到有海膽同三文魚籽😻呢個擺盤真係夠晒驚喜呀～海膽和三文魚籽唔腥好新鮮滴上少許fresh檸檬汁再拌勻熱辣辣明太子醬滲進每條意粉真的真的真的超好味～跟我上次在日本吃的有得比！·<軟殼蟹義大利燉飯>份量不算大且賣相一般軟殼蟹炸得鬆脆但油膩雖然奶油汁味道是不錯但飯煮得有點生足以致命所以.這個不會再吃了·<蘑菇湯>每次來這裡都必點蘑菇湯除了個湯夠香濃綿滑之餘每啖都會有細小蘑菇粒～蘑菇喜愛者必選·<總結>餐廳環境和服務不錯👍🏻食肉獸可以去食返夠本～

一行三大一細特登黎最頂層嘅Brooklyn, 有fd食過大推, 坐嘅位置還有有得擺bb車, 係set bb櫈個style較特別😅一額汗😅. Order三個主菜連salad bar, 點知食左一轉salad bar已經有d飽🤣超多款野食, 熱嘅凍嘅都有齊: 雞軟骨, 火腿, Spicy Salami, 大大粒parmigiano芝士, pre made沙律, 蘑菇湯, 有機菜湯, 各款沙律菜, Kale, 大部份organic講得出嘅醬汁都有提供👍🏻薯條同薯角都好新鮮炸起, 拎到返位仲係熱辣辣脆卜卜🍟如果係vegetarian我好肯定salad bar一定滿足到🥗煙肉蛋汁意粉 (HKD128)正！原個鑊上碟, 勁creamy, 半熟蛋🥚一cut開流哂心, 每啖都guilty guilty😋😋落重忌廉der👏🏻煙肉忌廉意大利燉飯 (HKD128)有d韓食feel, 煙肉難得厚切, risotto完全吸收哂creamy汁底😍濃蝦汁海鮮焗飯 (HKD138)濃濃芝士mix濃濃蝦汁的確令人無法抗拒, 成個平底鍋都充斥著蝦, 蜆, 勁鮮, 面頭還有心地放上大大粒魚子作裝飾(當然都勁好味)Li個沙律

今日去左奶奶極度推介嘅Brooklyn lunch, 餐廳位放太子Moko最高嗰層, 我地無book枱要等位呀😫原來Salad Bar係咁嘅運作: 只幫襯Salad Bar> 每位HKD108 包埋一杯飲品, 只需叫main course就送Salad Bar嘅食物同一杯飲品.首先去沙律吧睇下有咩食: 原來唔只沙律, 仲有多款熱食, 雞軟骨, 薯條, 薯角, Salami, 芝士, pre made沙律, 西湯, 各款沙律菜.....等等, server會喺order食物後送上幾個大碟俾我地出去拎. Li個appertizer都咪話唔豐富呢！炭燒芝士安格斯牛肉漢堡 (HKD128)Main嘅薯條份量比Bar薯條更重量級💪🏻, 塊Beef patty真心juicy, 新鮮煎起即刻鋪芝士🧀, 半熔狀態同牛肉合而為一, 好奇burger包喺出面好似買唔到, 食個陣都無話一枱血水li啲驚心場面😆. 高質高質👍🏻手造意大利肉腸粒蘑菇意粉 (HKD128)感覺味道唔會好濃(因為唔係白汁), 食落味道豐富, 意粉彈牙, 有好多切粒腸提味, 刨parmesan cheess雖未至於拉絲, 食落

原本食物很好，服務卻很冷淡的餐廳。服務冷淡的原因與很多食肆所要面對一樣⋯⋯請唔到人或請唔夠人，加上環境昏暗及頗多的裝飾間隔，見不到你也有可能。食物，開始時，在選食材方面，由其肉類，就算不是一等，但也不是一般市井貨品，加上恰到好處的調味及烹煮，上面的牛扒屋也可能要讓路。但，忽然一天，變成半自助餐，吃了一次便沒有熱情再去。主要是，最令人感動及回味的黑松露薯條，已成負水準之作。不熱、不脆、因是自助形式，沒有了賣相。本來好好的一間餐廳，取決錯誤，捨棄過多，把自己降低型格，可惜可惜！

世界上真係沒有絕對、或許你覺得屎是不錯的食物、又或許屎根本上稱不上是食物、而我對於我在這餐廳裡所點的雖說不上是屎物、但我敢肯定同樣的菜色在香港8成以上餐廳都能做到比此餐廳好！（1）濃蝦汁海鮮飯、（2）煙肉忌廉意粉、已至任吃的沙律。（1）濃汁味道入口偏淡、間中食到鹽未能完全溶解、沒有蝦味、海鮮不作平論因爲心中已預計是超不值錢的海鮮 ，（2）算係可接受。沙律味道不新鮮 。以上食物竟敢收取每款200或以上（除沙律）、...另外任飲的兩款湯水汪汪 也偏淡 ，好一間(西）餐！

因為睇戲先o係新世紀食，呢間野新開，又頂住Apple Green、R&B姊妹店既名號諗住冇死，自問係個飲食要求好低既人，點知食完嬲到要上黎狠評一番。每人嗌一個main course就可以任食salad bar+飲湯。湯 - 一款橙色係紅菜頭，飲落隻味奇怪到唔識形容，試左一啖已飲唔落；另一款顏色係磨菇湯，不過都係唔好味。Salad bar - 菜+醬各有大概10款，只可以話係正常。另有芝士、ham、兩款薯條，都keep到全部唔好味，犀利！餐牌選擇好少，係扒有10款左右，其餘飯/意粉每樣得2-3個選擇。煙肉蛋意粉 - 個sauce仲稀過d湯，煙肉(已經係粒)少得可憐，味道還可，但成$180一個份量唔多既意粉，實在唔應該做到只能入口，真心o係超市求其買包白汁都好味d！海鮮焗飯 - 醬汁係比焗豬深啡既顏色，但唔係茄味，又係唔識形容，海鮮亦唔好期望會多/新鮮，呢碟我食左一啖朋友無奈食埋。埋單$447唔知食左d咩，買幾罐金寶湯都一定好味過佢整，價錢同質素完全唔成正比，呢筆錢唔多但拎去食其他野會享受好多，只能怪自己選擇錯誤。

特別鍾意喺Brooklyn食lunch，因為枱與枱之間有一定距離，適合傾計之外，重有一大片落地窗引入自然光，作為一個office望唔到窗既小薯，lunch time可以望到個天，真係好似放監咁，心情都開朗啲。Lunch set包括salad bar buffet，細食既朋友亦可以只點salad bar，比較有彈性。今日試menu上的perfectly all day ($148)。飲品熱奶茶係英式的tea with milk，可以自己控制奶同糖的份量。由於main course已經有菜，我只享用了salad bar的磨菇濃湯（是日另一款湯係羅宋湯）。磨菇濃湯可能有加黑松露或者用牛肝菌煲，香氣四溢。salad bar都有薯條(重有french fries同chips兩種選擇!) 同埋flat bread，所以淨係order salad bar都可以有啲澱粉質入肚，唔怕唔夠飽！perfectly all day用鐵鑊上，特別欣賞煙肉係厚身steaky bacon，隱約有smoky味道，不過比較多肥膏，要減肥ge女士就唔可以食咁多啦。腸仔亦都唔hea，用左breakfast links，口感

朋友因為準備回國前就約見面一下.可能是因為是平日的六點,餐廳裡都沒有很多客人.所以選擇了一個靠近窗邊的位置便坐下來，因為HappyHour時間,我和朋友先點兩杯手工啤再慢慢欣賞餐廳的裝橫。之前朋友睇過食評如果只要點選餐牌主菜，可以免費任意享用沙律吧，在餐廳外已經被那豐富的沙律吧吸引人著了。沙律吧有多款菜類選擇，雜菜紅湯丶蘑菇湯丶煙熏火腿丶粗幼薯條丶炸雞粒，餐包等等。當再次出去取湯返回座位的時候,我點的三文魚已經來到桌上,一舊厚厚的三文魚.廚師弄到是7成熟.口感及味道都很好啊!而朋友點的是牛排.可能是美國餐廳份量都比較大的.朋友說肉質鮮嫩.7成熟的口感剛好.這間餐廳太多東西可以食.所以我先喝一口湯，雜菜紅湯，比較清淡。蘑菇湯，濃郁，蘑菇味出眾，我很鍾意。沙律菜疏，新鮮爽脆，還有我最喜歡的紅菜頭!隨著天色開始黑了.餐廳的燈光是極為偏暗，暗淡的燈光伴隨著美食，靜靜享用，的確是另有一番情調。

今日係旺角考完試，黎到moko行完個圈就當然要醫下肚啦，行過見Brooklyn 無乜人等位，又有salad bar咁有特色，就入去試下佢，食餐好少少。我叫左個博多明太子意粉($208)，黎到賣相都幾好嘅，面頭有d海膽同三文魚子，食落難得無腥味，都算新鮮呀。而個明太子汁就非常香濃，難得佢個汁夠濃晒成個意粉，因為太惹味，食完都唔覺食左野咁，好彩有沙律吧！沙律吧有7,8款菜，又有薯條芝士火腿，都幾多選擇。食完main食返d菜，個人都感覺健康d。總括黎講，食物都算可以嘅餐廳，不過比較適合幾個人黎多d，自己一個拎住個袋行出行入去沙律吧唔太方便。

今日有人請我食生日飯，近近哋都係嚟新世紀呢間 Brooklyn。 之前已經嚟過食dinner同埋食下午茶，但估唔到呢度嘅 lunch set 係有自助沙律吧。 除咗一般嘅蔬菜之外，呢度都仲有炸雞粒，而薯條都有粗幼任君選擇。難得有羽衣甘藍食。蘑菇湯都好足料，又夠熱，好飲。講番主菜，我哋四個人叫咗三個餐，一個就叫all day breakfast，另一個就焗豬扒飯，我同潘博就叫軟殼蟹意大利飯。上碟時見到成隻軟殼蟹，飯嘅份量好多。不過我略嫌 creamy 得滯。如果之前食多幾碟沙律吧，根本就唔會食得晒。焗豬扒飯都好大碟，我試咗嚿豬扒，太硬了， 黐牙。All day breakfast 都幾豐富。呢度環境都坐得舒適，交通又方面，以後應該會多啲幫襯。