Bold Italic (Closed)

今晚到觀塘試新野，駱駝漆大厦入面的西餐廳，朋友介绍的。食物不錯。最出色是千層麵，因為是自家製而非一般用急凍货色！甜品蛋糕麻麻，至於價錢中等，由於没有洒牌，客人可自带酒水。我們四人點了和牛扒$278, 一個pizza, 炸魚薯條，千層麵，白汁青口及墨魚腸。甜品叫了三件蛋糕不太出色，所以沒有拍照。

“Bold Italic” 位於觀塘嘅工廈入面，見門面四四正正，又有lunch set，就一行幾人入去食午餐喇。負責人明顯有花心機在餐廳佈置上，各處都有精緻嘅小擺設。價錢方面，lunch set 平均$80-$130, 包一個湯，一個主菜，一杯熱飲。老實講，呢個價位在觀塘一點都不便宜，甚至有點貴。前菜：蕃茄湯，蕃茄味都算濃，但份量很少，個碗很細！主菜：大啡菇雞扒意粉，厚切豬扒配飯，西冷牛扒。*****老實講主菜份量算多，味道是正常的，但未去到好味，而且餐廳無咩冷氣，由其依家係夏天，都真係幾熱㗎！仲有始終茶餐廳質素但中環嘅價錢，唔會想再去幫襯！👎🏻👎🏻👎🏻👎🏻

今日honey 突然接我收工，諗到近近地同區揾食先返屋企⋯⋯行去駱駝漆大廈，平日lunch 好多人，今晚就試試佢地晩餐！工廈帶點靈靜舒服的感覺，由餐湯，前菜，主菜，甜品，飲品都各自精彩

同朋友係APM 行完街, DINNER唔想係商場食, 於是朋友就帶左我過黎駱駝漆大廈，行左幾層搵野食，覺得呢間睇黎唔錯就入左去。店員很好禮貌，見我地望住MENU選擇困難症左一陣就主動介紹我地可以試下今日推介。最後我地簡左28日熟成牛塊配炸雞塊、和風照燒雞肉蟹柳薄餅、忌廉青口~整體質素我覺得係OK 既, 個28日熟成牛塊又真係幾好食!!! 炸雞塊比我想像中大! 黑松露醬都幾香!! 青口都幾OK~! 環境唔錯，食飯時間都唔洗等位，不過我地入座之後都幾FULL 下~ 下次行開駱駝漆大廈都應該會再食~!

咁嘅價錢咁嘅質素唔應該喺工廈囉！三個人叫左三樣野：雞扒飯$89～食唔出有咩咁特別，有d似以前K lunch 嗰d 味道，白飯得一個杯仔咁多比一個唔大食嘅小朋友食哂。Cesar Salad $69~大概有兩片羅馬菜10粒麵包粒仔，食得出一個態度“Hea"Fish and Chips$93~Chips 好食即炸，魚都係，但魚勁似係超市賣十幾蚊兩條嗰d鯰魚，無魚味之餘仲有d梳打粉味，上到枱都係咁出水，簡直係劣食我都係睇食評去嘅，感覺上唔係食緊食評中嘅餐廳，其實係咪已經易手？？？求答案

係官塘游盪搵野食 隨意去到駱駝🐫7 大廈　（3 座）見好多人排隊等𨋢 就跟人上隔離樓梯。上左三層，就見到呢間。餐牌係店出面。可能時間尚早 見餐廳無乜人 店員出黎招呼。等到朋友仔黎就一齊坐低點餐。點左烤脆皮雞腿扒餐周埋吞拿魚餡餅。塊雞腿扒成隻碟咁大。皮係烤到好脆。個甜品先抵 $50兩個。可以食我成日念念不忘嘅Apple 🍎crumble 細細個 包吾會滯 岩岩好。另外朋友仔要個雜果班㦸。賣相同味道都吾錯。再叫兩杯飲品 荔枝梳打&蜜桃🍑。用左個幾cute嘅杯。飲桶同埋搞搞棒都好得意😎不經不覺全餐廳都坐滿左。好在黎得早少少至有位。上餐速度同服務都吾錯。會再黎

一行八人午餐因隔鄰韓式餐廳無位 見呢度有位所以入去環境不錯的 細細間蒜蓉包係全部野最好味同同事share 煙三文魚千層麵同豬扒意粉千層麵入面竟然係通粉😮😮😮 無心機影低 自己整都無咁hae個豬扒意似茶餐廳其他同事食嘅大啡菇雞扒 我食咗舊 相對ok 雞扒大舊但係偏咸個五青汁加$7 較清淡 細細杯 個泡佔咗一半 自己整好過成餐$100 買個教訓觀塘好多餐廳都唔會再回頭 呢間直頭black list 之前見佢open rice 個rate 咁高 一直無試 估唔到咁伏

走進觀塘工廈，來到呢間好評如潮嘅餐廳-bold Italic，看到有情調有心思嘅裝修佈置，對它都有點expectation嘅！但唔知係咪期望太大失望愈大呢(?)睇落芝士好吸引，食落好似叫芝士燴牛腩意粉之類(?) 印象中唔係叫呢個餐的，懷疑落錯左，(問題係睇返餐牌佢唔似屬於任何一個餐喎🧐) 不過都唔太緊要，照食可也，雖然牛腩處理得唔錯，好林，但問題在於個蕃茄sauce太酸，蓋過芝士同牛肉味。迷你夏威夷薄餅，最穩陣不過，仲可以食出餐廳水準，菠蘿火腿等配料夠多，芝士份量也不少，但都仲冇咩味，但pizza皮未算好煙un，同埋佢地用左腸仔呢下感覺唔係好夾，所以扣左啲分！**要讚店員服務好，有禮貌，貼心照顧食客需要，這點可幫餐廳加返啲分，希望下次來試另外可能會更好食嘅菜式！

今日約左幾個舊同事一起食飯就相約左呢間餐廳！入到去裏面整得好靚！又放大家都肚餓啦所以就叫左啲小食食！竹炭墨魚腸雖然個樣黑蚊蚊但係原來食落去睇落咁好食架我幾個朋友都話好特別零一個小食係芝士焗蘑菇咁佢呢就有60幾蚊有三件嘅由於我哋有四個人所以加錢叫多件！之後又叫左個三文魚千層麵！佢好特別因為平時食嘅千層麵呢係一塊塊嘅大佢裏面呢加左螺絲粉所以個口感好得意食落去都好好味！真係值得一試！下次再嚟要試下其他嘢食先得

今日跟同事來觀塘happy hour，來到工業大廈內的小餐廳，他們正在做happy sharing 半價優惠，他們有水牛芝士羅馬番茄陳醋沙律, 和煙三文魚凱撒沙律作頭盤。特色小食亦有蒜香奇尊雞翼尖，美式香烤腸拚和黑椒德國啤酒煮蜆。他們的薄餅有很多款，我們亦點了瑪嘉烈薄餅（用番茄和水牛芝士作主要材料），和一個夏威夷薄餅（有菠蘿、火腿、香腸和蘑菇等材料），薄餅七吋＄83和九吋＄123一個，都是做緊半價。我的同事還招積帶了一支酒去開，開瓶費$50 ,但大家吃着pizza 飲白酒非常盡興。

又再次進行觀塘區工廠大廈覓食之旅😆 嚟到駱駝漆大廈，唔行入嚟都唔知道，四周圍都係餐廳小食，今晚同朋友一齊試試「Bold Italic」。揀呢度嘅原因，因為佢個門面俾人覺得簡單得來好有style，而內部嘅裝修又好似好有氣氛，我仲見到有紅鶴嘅擺設添啊。單單係呢d 外在因素就揀咗呢間餐廳。Menu 方面，覺得冇乜驚喜，隨便就點咗幾樣來試，我個pasta 唔算話好好食，但真係冇乜特別，朋友食嘅牛扒，就嫌佢牛冇牛味。所以雖然餐廳環境ok，不過食物就有啲強差人意🤦🏽‍♀️

好耐之前黎過呢度食飯，今晚又黎呢度食返。晚市時間唔洗等位，入面full 咗7成枱。首先點咗三個小食，蕃茄芝士沙律，加埋啲黑醋酸酸甜甜幾開胃，蕃茄略嫌切得太厚。芝士係整成一個個波波咁，食落淡淡地。但係同蕃茄味道唔係好match, 分開咗兩個味之黎就係雜腸，有啲火箭沙律菜伴碟，味道不過不失。啲腸有四五條，唔係好大條；同普通德國腸味道差不多，最好食應該係黑色果隻（墨魚味？）。但係個烤雞蟹柳沙律pizza 真係唔係咁得..個餅底好似梳打餅咁，加埋啲無味道既雞肉同蟹柳係上面，汁既味道亦唔夠濃，焗到乾身曬痴係上面既一團醬我地叫咗個最貴既牛扒set，$17x...食完真心無奈...仲差過茶餐廳既扒啲汁唔夾..我地嗌咗7成熟，牛扒啲根多到切唔到...咬入口都嚼咗勁耐..因為好多根嚼極都嚼唔爛..呢碟野最後無人食...最後試咗個藍莓芝士蛋糕同埋佢哋個特色甜品。芝士蛋糕無特別，另個個甜品就係將咖啡溝落棉花糖同入面既雪糕食，好似太甜

之前朋友生日黎食過一次，印象中幾好食架。今次又黎同朋友慶生，可惜水準好似差左。首先黎個餐湯都幾好飲，有d蕃茄粒，唔會太酸，個包好脆。跟住水牛芝士蕃茄，可以多d汁，同埋芝士都真係太少喇！Pizza 係薄底ge, 邊邊好脆，都ok ge，但味道冇咩驚喜普通腸...係黑色濃味d特別少少。如果有d特別d ge醬會好d意粉本身係無味ge，扒要medium 都好韌......好多筋....印象中之前係扒好食，今次仲有d期望添最後叫左藍莓cheesecake冇影到，係比較鬆ge餅身，味道okp.s.朋友生日,佢有個happy birthday 燈牌比你影下相

放學同朋友一齊去觀塘搵嘢食，上OpenRice見到呢間好似都唔錯嘅西餐廳，於是就去試吓啦。人流唔算好多，就咁上去唔使book位就有得入啦，可能因為我哋都算早去啦。去到我哋叫咗個二人 set dinner。都算抵食，有湯有前菜沙律有主菜有甜品又有嘢飲。而且餸菜嘅賣相都好好，特別係南瓜湯，好睇又好味。主菜方面都好有特色，朧利柳 risotto 香滑得來味道適中一啲都唔油膩。Pasta味道亦都唔錯，不過我嫌乾身左少少。整體感覺唔錯，而且可以坐好耐傾計都冇人趕走。

是日去駱駝漆大廈行樓上鋪， 友人覺得有d 餓， 又睇到餐廳design 又有唔少人食緊， 應該唔係伏就走左入去試。下午茶時間叫左個松露蛋多士同棉花糖主題既彩虹🌈蛋糕， 咸甜都試下松露多士一上枱就有好香松露味， 唔錯，蛋都覺滑最開心係方面無哂改為麥包， 成件事健康左，意外之喜彩虹蛋糕（ 唔係佢既真名） 真係好eye catching! 望落會令人好開心係相機IG 之選但佢唔係得個樣既，蛋糕口感都算綿密， 加埋彩色脆脆，唔錯！