幸福密語 (Virtual Shop) New Location

去年11月見網購熱帶風情蛋糕 - 連免費生日牌，網購價 1磅只售$138(標準價 $208)，於是買了一張留待今年1月使用，計算好時間放學後可以在旺角或觀塘取蛋糕我都很方便，怎料用WhatsApp訂蛋糕的時候兩個取餅地方都不能使用，（網購價不設送貨）只好專程去到佐敦取蛋糕。到達蛋糕店鋪看見售貨員一直忙於電話訂單的應對，等待片刻有位可能是內部員工幫我取蛋糕，竟然取錯別的客人已包裝好蛋糕，幸好我即時更正，原來我的蛋糕尚在飾櫃。這位員工幫我綁蛋糕盒上的蝴蝶結，讓我看儍了眼，不過，不是送給朋友，自家人享用就算了吧。熱帶風情蛋糕一次兩種口味，舖滿白朱古力，內涵有少許榴蓮味，幸好是少許，因為家人不愛榴蓮，而我訂購時也看漏了，但大家都接受到這許榴蓮味蛋糕，另一款是芒果蛋糕，是大家都喜愛的味道。值得一讚是無蠋淚生日蠟蠋和五隻實實淨淨的小方形紙碟，好使好用！到今天團購依然做緊，但取蛋糕地點未改，是店鋪待客不足之處，店鋪是否可應該做得更好呢？！ continue reading

11月中時幫公司party訂蛋糕，本身想買食過幾次既kazuXX bakery，但佢咁岩休業幾日，搵下搵下揀左Bliss Bakery - 完 全 錯 誤 既 決 定!!!! 訂嗰日有優惠，凡購買兩磅以上蛋糕送一磅四重奏。我先訂左三磅栗子蛋糕，四重奏可以後攞。整個訂購過程一波三折，店舖內部溝通極混亂😡1. Bakery喺觀塘，大部分市區都會送貨。我要求送蛋糕到九龍灣某商業大廈，咁近諗住一定ok啦，點知staff打比我話「司機唔知喺邊所以唔送」。下，佢唔識search下？好，唔緊要，幫佢google map埋whatsapp個地圖比佢睇。然後staff仍然話司機唔知可以喺邊停車，要求我喺另一個位置交收。事實係大廈門口已有停車位，我真係唔明佢唔明啲乜。幾經交涉，佢地終於同意喺我寫既地址交收🌚2. 同該男職員喺電話討論交收問題其間，佢竟然話佢地夠鐘收工，請我第二日再打黎😑 係我打去，唔係佢地聯絡番我！好似我求佢比個cake比我咁，厲害👏🏻👏🏻3. Payment只可經中銀或南洋過數，confirm order後唔係成日經過依兩間bank既我，打左兩次電話send埋whatsapp三催四請下先有人喺攞蛋糕前一日send戶口號碼比我，皇帝唔急太監急😑4. 問過數戶口時另一女職員接電話，問完我既訂單資料後發覺前兩日該男職員係 冇 幫 我 落 到 單 既！經過一輪whatsapp同傾電話，點解可以咁都miss左我既order？如果唔係我打黎問野，第二日就會冇蛋糕攞...5. 贈送既四重奏蛋糕原本訂左喺上週末攞，因為朋友聚會改期，一個星期前我已經whatsapp通知bakery改至週日攞，職員亦回覆無問題。點知週末仍然有人打比我問當日我幾點可以去到觀塘攞蛋糕，我話「我改左聽日喎...」佢先知。所以可能我第二日去攞既唔係新鮮製成品😔6. 依樣最嬲😡😡😡😡😡😡 朋友圈個個都好憎榴槤，一早講左四重奏入面件榴槤蛋糕要轉做tiramisu --- 結果打開盒蓋撲鼻就係榴槤味!!!!!!!!!!!!! 仲要旁邊兩件蛋糕都痴晒榴槤cream，完全接受唔到！非常懷疑店舖究竟點樣處理客人要求，每一個小環節什至訂單都可以miss晒，行政極之極之混亂。撇開行政問題，蛋糕都好一般：栗子蛋糕 - 味道可以，但栗子茸比得孤寒，東X堂既看似更好，而且價錢更相宜四重奏 - 芒果慕絲同tiramisu好普通👎🏻 同街邊平價餅店買既冇分別。黑森林比較好，唔太甜，食到中間berries jam既酸味，但係痴到榴槤cream...如果唔係贈品，正價既一定唔會買一句講晒，千祈千祈唔好幫襯，簡宜係貼錢買氣受！網上訂左甜品咁多次，今次係最差既經驗！ continue reading

(我奶哂野希望大家要小心)我喺Google search到呢間蛋糕店，見到佢做緊特價又聲稱免費送貨 所以就諗住買個一磅蛋糕試吓。點知落左訂之後第2日有個蛋糕店嘅女人打俾我，話我個地區要收$150運費佢哋個官網只列明某D地區要比運費我好清楚我唔係屬於嗰啲地區，個女人話我個地區係屬於半山😕???要比$150運費,    我住嗰度係大學站係屬於沙田區，喺火車站隔離咋喎，咁都當係半山？我話一係我落火車站攞個蛋糕，但個女人就明顯態度差左同好寸咁解釋 個蛋糕做緊優惠唔做免費送貨 一輪嘴話點都要收運費就收左線。之後更收到whatsapp話1磅蛋糕唔會免費送貨，要補返個差價$150, 另外再加$100送貨費。 我真係呆左，頭先電話上只提及過$150運費又無提及過個差價，我問詳細啲已經唔耐煩 原本諗住打返去講 但佢又好寸 所以只好msg覆(我已經好亂，1時因地區問題話收我$100運費，1時又話收$150, 咁究竟我地區係屬於邊到) 依加啲額外收費加加埋埋咪貴過原價好多倍?!😦當我傻架？個官網完全冇提過特價蛋糕唔做免費送貨，而且我都睇過呢度嘅評論見到人哋都係訂一磅蛋糕免費送貨我先落訂。我覺得過份左，個女人講嘅嘢同佢個官網上面寫嘅有出入。 所以就cap返圖俾佢睇，點知回應係fb上面寫明只送去某啲地區，但問題我係喺官網上買，從來無睇過fb. 個女人卻問我依加清楚哂未，最後只無奈取消訂單。(請看對話圖) 呢間以後不了 太多後補的'額外收費'且態度惡劣&寸..沒有禮貌，感覺上我才是客服 continue reading

某天胡亂地在看yahoo團購，突然雙眼發亮的發現好西~~~這店有多款的蛋糕，心思混亂下看見有四重奏蛋糕(團購價$138)，簡直就是一次過滿足了四個願望，煩惱去去走！四重奏是包括了: 鮮忌廉榴蓮、芒果慕斯、黑森林 和 Tiramisu，每種口味都是不偏不倚的方形大小，一個人至少能吃掉每款一半吧~鮮忌廉榴蓮 – 榴蓮味十分濃，但不會被忌廉蓋過，而且榴蓮味會都久久不散，絕對是榴蓮愛好者不得不試，另外會建議這款放到最後才食，否則就不能細味其他款式芒果慕斯 – 雖然11月份不是芒果當做的季節，但芒果粒還是甜的，慕斯很滑可是有點滯膩的感覺，很容易就提肚皮撐滿喔~黑森林 – 個人認為4款中較失色的，是很經典的款式，但過失突出了當中的酸櫻桃(或是紅莓?) ，若是給小朋友的話可能就沒有那麼受歡迎了Tiramisu - 另一款經典蛋糕，海綿蛋糕的部分把咖啡酒吸收得很充足，不會吸收過多導致塌下來，頂層裝飾的可可粉也沒有放過多以致很多苦澀味，相對是較出色是次團購所以要親自到店內自取(有觀塘或尖沙嘴)，當然有需要的話是可以加錢要求送貨啦~ 不過要注意自取時間，那天店鋪很不幸要等我這隻遲到的羔羊，幸好店員都很好人害我變得十分不好意思了... continue reading

朋友買來的生日蛋糕，可以要求送上門，但為安全有蛋糕食，辛苦少少佢地自己去拎😉今次試下芒果拼榴連，2磅，2百幾蚊，都算抵食打開包裝盒，淡淡榴連味搶先攻鼻！而且整個包裝、蛋糕外貌都見有心思，讚👍🏻👍🏻好啦，食落口...個人比較喜歡榴連蛋糕，因為有香味之餘，雖然唔多榴連肉，而且榴連味唔重，但食嘅同時又聞到淡淡榴連味，幾特別。蛋糕軟綿綿，d cream幼滑，唔甜膩，正。反之，芒果蛋糕不似預期😓可能季節問題，芒果肉完全無香味、無甜味。蛋糕底唯一可讚係唔甜，但整個芒果蛋糕好一般。 continue reading