博多拉麵別天神 (Closed)

行商場行到攰攰地，basement floor有一間拉麵店，夠哂就腳，食完再繼續shopping岩哂！同日本嘅拉麵店一樣，呢度有提供凍水比客人飲用，另外亦有芝麻粒、胡椒粉、醋得調味料；更特別嘅係每位客人都獲派發免費口罩兩個同埋消毒酒精紙巾，果然係齊心抗疫！煎餃子🥟即叫即煎，外皮好薄煎得香脆，咬落去肉汁豐富。小龍蝦沙律配紫菜，口味十分清新開胃，作為前菜實在唔錯。主角豚骨湯拉麵，好喜歡輕微燒過嘅薄切豚肉片，令人流哂口水嘅醬油溏心蛋，舖得滿滿嘅蔥花，爽口嘅木耳絲，各款簡單食材配搭起黎成為一碗香噴噴嘅拉麵。麵嘅湯底味道偏清淡，連埋湯飲都唔會感覺口渴。另一碗蝦味噌豚骨湯拉麵湯底濃郁，香濃嘅豚骨湯中融合左鮮味嘅蝦湯，爆香過嘅櫻花蝦香味四溢。

想食日本風味的真正拉麵，在尖沙咀THE ONE的商場地庫，行完$12店之後，見到呢檔好日本風的店舖，一於就入去食下先。.餐牌有2款拉麵，好像日本的專門店，做的款式不多，但一定勝在夠專夠好食，唔知呢到既拉麵係咪又一樣咁PRO 呢~~期待我同朋友就每人一個餐，一於兩款都試曬，而且又有小食，正。小龍蝦蟹子沙律，味道好濃，可以用紫菜包住食，作為一個前菜，真係好開胃，唔錯~!另一個既小食，係4只餃子，新鮮煎起真係好正，皮底係好脆架~~~~入面的肉汁都好多，D肉都好味。別天神套餐$105，拉麵第一式，有溫泉蛋，又有兩塊大叉燒，兩者都好濃味，係入味的肉同蛋。另外麵質都好彈牙，份量又好多，湯底好特別，可以自加芝麻，真係香好多架。蝦味噌套餐 $115，呢個湯或比較濃味，而且仲有蝦及少少辣味。D蝦仔都脆脆地，又可以撈埋入湯，當美味湯底的材料之一。整體呢到既食物令人滿意，而且地方都大，坐得舒服，可以慢食而且RELAX一下。推介呢個地方~!

一個星期Encall 多次博多拉麵別天神💓💓, 因為真係抵食又高質。超濃豚骨湯拉麵 比起蝦味噌豚骨湯拉麵，更加食得出豚骨湯底嘅味道， 半熟流心蛋😍整到剛剛好， 一啖蛋一啖面好正。小食照舊點左兩款, 餃子🥟同埋小龍蝦沙律🦞, 小龍蝦沙律球有少少wasabi芥末味, 提升味覺上嘅刺激， 餃子有4隻， 份量啱啱好。👍👍~~~~~~~~😋味道: 9/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$90⏪回頭率：90%~~~~~📍博多拉麵別天神尖沙咀the one LG1~~~~~

今日lunch約左個舊同事食飯，佢話想食拉面好耐冇食過，上openrice睇睇，就去左the one間博多拉麵別天神試下。餐牌種類唔多，好岩有選擇困難症既佢，我地叫左一人一個set，我要個別天神套餐配餃子，佢就要個蝦味噌套餐配小龍蝦蟹子沙律豚骨拉麵個湯底好濃好香，飲多兩啖都唔會套咸，個拉麵係幼身既好有咬口，隻流心蛋做得好出色，佢仲有幾種配菜俾你揀既，我個人最推介係辣芽菜，配落去好好食至於兩個小食都做得好好，下次去食都要食set

我同阿仔兩個人嘅生活，比較隨心❤️。今日突然想食拉麵，就入左別天神食拉麵🍜 食拉麵唔可以隨隨便便，唔係會影響食慾😆 別天神嘅拉麵，係香港黎講比較正宗，可以食到日本嘅味道😋🥢豚骨湯麵博多嘅拉麵出名湯底濃，別天神嘅湯底用豚骨長時間熬製，香濃味厚。加上細麵條，可以吸附到更多湯汁，食落好似返左鄉下咁🤤🥢蝦味噌豚骨湯麵比豚骨湯麵多左一堆櫻花蝦同粟米，顏色豐富、賣相十足。有櫻花蝦嘅加持下，湯底味道多了🦐海產味，很喜歡這種鹹香。🥢小龍蝦蟹子沙律唔好以為呢個係普通沙律，食落口每一啖都有大大粒鮮甜嘅🦞小龍蝦肉，仲可以攞塊紫菜包住食，食出唔同風味👍🏻🥢餃子即叫即煎嘅餃子，皮脆肉滑，肉汁juicy，可以點啲餃子汁格外開胃。🥢自行調製隱藏口味枱面上有七種醬料可以調製自己喜愛嘅口味，新鮮蒜蓉、辣芽菜、七味粉、拉麵胡椒等等，拉麵汁+蒜蓉+ 辣芽菜=特濃🧙🏻‍♀️；七味粉+ 蒜蓉+ 辣芽菜=特辣🌶🌶🌶！食完仲有額外驚喜🥳🥳🥳 就係口罩兩個，thanks 😊🙏🏻

朋友極力推介，湯底以大量豬骨熬足8小時濃郁而不膩，而且不含味精，當然要品嘗一下。牆上張貼了”自行調製隱藏口味”的建議，根據建議加不同的調味和配料，便可以調製出另一種穩藏湯底味道。豚骨湯麵湯頭呈奶白色，豬骨味濃郁，帶有肉香。日本半熟蛋香甜軟滑，蛋味濃郁。叉燒肥瘦均勻，肉質嫩滑。幼身麵條爽滑彈牙，軟硬適中，掛湯一流。小龍蝦蟹籽沙律沙律混入了小龍蝦肉和蟹籽，入口彈牙有嚼勁，鮮甜味十足！用脆紫菜包裹著吃，外脆內軟，味道亦相當配搭，非常美味！餃子底部煎到皮脆金黃，皮薄餡嫩，還有少許湯汁，味道清新。日式煎餃子配上拉麵，充滿日本風味。

估唔到成日行開尖沙咀發現有間咁高水準既拉麵店, 店員還送了口罩, 非常佛心呀！♕✧✧✧✧✧✧✧✧✧♕【蝦味噌豚骨湯面】湯底好香蝦味, 櫻花蝦完全可以提升成碗拉麵既味麵質地同樣彈牙好食, 值得推讚！✧✧✧✧✧✧✧✧✧✧【別天神豚骨拉麵】叉燒夠晒大塊, 厚度都適中, 流心蛋都好正豬骨湯好香濃, 麵質地彈牙好食, 讚！✧✧✧✧✧✧✧✧✧✧【小龍蝦蟹子沙律】係我食過最好食既沙律, 用紫菜黎包住食, 好特別龍蝦肉好足料, 啖啖都有, 讚！✧✧✧✧✧✧✧✧✧✧【餃子】一共有四隻, 外皮唔會太厚, 煎得好脆, 熱騰騰幾好食

周三特別多人嘅Aeon店裡有間日式拉麵店，即場煎餃勁香噴噴😌唔小心就入咗去食啦😂店上有貼紙寫住白濃湯底用100%豚骨+純水用壓力鍋長時間熬製而成，無化學調味料同味精，安心食用😍蝦味噌套餐 $115🍜蝦味豚骨拉麵上枱時，已經聞到陣陣嘅蝦香味拉麵質地彈牙，軟硬度適中，唔洗用羹一齊食都好掛汁🤪湯底豚骨味撲鼻，每口都帶有豚肉味，鮮味十足😉最正嘅喺有2隻高質流心溏心蛋😍夾佢一下個溏心就動L咁郁🥚小龍蝦蟹子沙律🥙一啖咬落去冰涼度十足，好在無敏感牙齒😂一啲都唔hea嘅蟹子沙律，每口都喺啖啖嘅小龍蝦肉同彈牙嘅蟹肉😋仲有5大塊紫菜，CP值高嘅沙律仔😝啲醬料好齊全！有七味粉，蒜蓉😍白芝麻，辣芽菜等等👍🏻店裡建議客人可以自己調配隱藏口味！我試咗幾拉面醬汁，蒜蓉加辣芽菜混埋一齊，沾沾麵食，味道好濃重同咸咸哋，混落白湯度更加合自己口味😌

嚟到The One地庫，全層賣嘅食嘅都係日本野，當然要嘆返個有分店有質數嘅別天神拉麵。最近港人都四週圍撲口罩，好驚喜 店員細心為食客送上口罩同消毒濕紙巾，好窩心。揀咗個櫻花蝦味噌豚骨湯拉麵+沙律，沙律配有幾片紫菜包著👍🏻😋拉麵好香蝦味，滿佈櫻花蝦，除咗湯底濃郁之外，值得介紹，係隻半熟嘅溫泉蛋，好軟滑...入口流心🤤呢間分店除咗拉麵，原來仲有Pancake, 多種口味選擇，但食完拉麵已好滿足，下次一定要試埋Pancake。

別天神設有多間分店，在各區也可以方便找到。這次來到尖沙咀逛街餓了，隨便找了一間良心拉麵店。.蝦味增套餐($115)1. 蝦味增豚骨湯麵配味付玉子分數: (7.5/10)湯底偏濃味，有很多櫻花蝦，令味道更有香鮮味。叉燒附著少許脂肪，軟硬度適中，味道剛好。味付玉子有做到流心，味道十分好！麵質偏軟身。.2. 餃子分數: (7/10)餃子底部煎得很香脆，熱度十分好，蘸些醋調味，胃口大增。.別天神套餐($105)1. 豚骨湯麵配味付玉子分數: (7/10)湯底偏淡，沒有油膩感，適合怕胖的一群。湯底沒有味精，只用豚骨和純水用壓力鍋長時間熬製，十分健康。覺得湯底不夠濃味的朋友，可根據店內提供的方法自行調製隱藏口味。叉燒偏瘦，較少脂肪。味玉十分好吃，麵身偏軟。.2. 小龍蝦蟹子沙律分數: (7.5/10)真的吃到很多小龍蝦及蟹子，味道濃，口感不錯，可配搭紫菜包著一起吃。.小貼心: 餐前特意提供消毒濕紙巾給客人清潔雙手抗疫。

難得早收工，今日唔想食飯，朋友帶我到尖沙咀The One逛逛，今次食拉麵啦。蝦味噌套餐湯頭熱辣辣，櫻花蝦香，叉燒肥瘦平均，入味夠淋，一樣配搭鹵溫泉蛋，拉麵彈牙，湯頭更鮮香。要試當然要試埋別天神套餐湯頭夠熱，叉燒肥瘦平均，入味又淋，配搭鹵溫泉蛋，蛋黃流心好滋味，拉麵彈牙。套裝有加配小食，餃子炸得少少焦香，饀料豐富，有菜有肉更健康。小龍蝦蟹籽沙律小龍蝦蝦肉爽口，用紫菜包住食更添一份煙韌口感。每枱配備清水，間格企理，職員友善，還有甜品選擇，下次會再來。

每次係銅鑼灣經過別天神拉麵🍜店都見到有唔少人排隊等食拉麵。今日係尖沙咀呢度行完街，就決定係the one 呢間分店幫襯😋。呢度坐位都幾多，而且幾闊落，晚餐係度落腳都唔錯😍。-店員會比張濕紙巾，好有愛😛-1️⃣ 別天神套餐 💰105（👅: 7/10）別天神套餐係豚骨湯麵，入面有叉燒、木耳、紫菜﹑溏心蛋和香葱。麵質偏幼，食落較軟口，湯底濃而清甜。叉燒有兩至三塊，肥瘦適中，但味道偏淡；而其他配料令拉麵更富色香。🔺 龍蝦蟹子沙律蝦肉彈牙，蟹子清脆，夾埋紫菜食一流。2⃣蝦味噌套餐 💰115（👅: 7.3/10）蝦味噌湯底比豚骨湯底濃味， 多了一入蝦鮮香味。配菜和豚骨湯麵大同小異，多左櫻花蝦，同埋木耳轉左粟米粒。呢碗感覺再豐富d，入味程度會比豚骨好。🔺餃子餃子相對較普通，正常發揮，外皮脆香。-

今個星期無得home office, 番工就一定要出街食lunch, 難得出街食, 當然食啲自己煮唔到既拉面!今日試左別天神豬骨拉面套餐, 包一個面同二選一既小食,可以揀餃子或者沙律, 唔包野飲。呢個價錢係尖沙咀黎講算合理!值得一讚既係店舖既細心, 落單時佢會俾埋獨立包裝消毒濕紙巾你抺抺手, 枱面又有盒裝紙巾可以用, 非常體貼。個面一上枱就聞到好香既豬骨味, 食落啲面好彈牙, 湯底又唔咸, 隱約仲聞到紫菜既香味, 真係超乎預期。流心蛋煮得剛剛好, 味啉既調味適中; 叉燒好味, 有厚厚既2大片, 肥瘦適中。餃子椰菜為主, 豬肉唔多, 好合符健康原則, 特別適合女仔。一個餐好大份, 女仔有機會食唔哂添呀!

呢間店都幾難搵，係係小巷入面，唔收現金只收8達通，所以去個陣要入定錢啦！店鋪唔大，不過可能因為疫情人少，所以都坐得闊落！野飲有凍的麥茶，成件事好貼心，始終拉面湯底都比較咸，可以清清味蕾！叫左蝦味噌豚骨拉面，$85，無要到套餐（面會多隻蛋，再加沙律🥗/餃子🥟，貴20蚊左右）蝦🦐味濃郁，味噌味岩岩好，唔太咸同味精，但個人覺得一幻拉面個間蝦湯底更正🙈🙈🙈 面質偏幼，個人鐘意粗身煙韌彈牙，但口感都可以的～ 85蚊呢個價錢無配蛋都幾失望😹🙌🏻😹 叉燒都好薄，算係瘦肉，整體料唔太夠朋友跟餐感覺料多好多😹 試左啖湯底普通，唔會特別濃，相對清淡少少🤏餃子皮唔脆，失望🙍畢竟當日得我地一台客都煎得麻麻地😹 餡都唔算多，整體個人推薦一幻拉面多點，但呢間黃店都推薦

出尖尖咀閒逛，先行激安殿堂，再去The one，落去LG行12蚊店，行行下比D食店吸走咗，見到有間日本拉麵，好有老日本風味，心思思又走去食下先～食物係先比錢，後店員送餐到桌。佢地只有兩款拉麵，套餐仲可跟沙律或者餃子🥟，所以我地㨂咗一人一款套餐，一個跟沙律，一個跟餃子，咁就一次過可以嚐盡所有口味先嚟沙律，係小龍蝦蟹子沙律，滿滿的龍蝦肉混合埋蟹子，用紫菜夾嚟食，清新開胃～跟住就上拉麵，分別係豚骨湯面同蝦味噌豚骨湯面。豚骨湯面嘅配料有叉燒丶半熟蛋同埋木耳，仲有蔥花添，個湯白𠽌𠽌，而且好濃郁。拉麵沒有我討厭的鹼水味，腍滑順口。而蝦味噌豚骨湯麵味道帶有蝦的鮮和味增的香～配料有叉燒丶半熟蛋丶粟米同蔥花，而且有小蝦米放喺湯面，好吸晴～叉燒口感爽實，一點也不肥，而半熟蛋做得恰到好處，入口即化。食到咁上下先嚟餃子，即叫即煎所以須時，有4件，係菜肉餃，大小適中，煎得香脆。在席有小貼士教客人如何調製隱藏口味，可以將個湯變成特濃或者特辣，而且佢地仲有日式pancake叫添