Video
4-min walk from Exit J, Tsim Sha Tsui / East Tsim Sha Tsui MTR Station
continue reading
Telephone
38918732
Introduction
Discover the culinary finesse at buzzing tapas-inspired gastro market Bayfare Social. Vibrant and welcoming, the namesake destination of Rosewood’s new gastronomic hub plays home to interactive food counters and a range of thrilling dining options: grab-and-go selections, a paella counter, tapas at the bar, all to enjoy with a spritz or a caña – a Spanish draft beer – at sundown making it an ideal setting for delicious, social gatherings. Tuck into the signature tapas with a twist and delectable seasonal fare from lunch onwards each day with Hong Kong's Victoria Harbour glittering below.
continue reading
Opening Hours
Today
12:00 - 22:30
Mon - Sun
12:00 - 22:30
Above information is for reference only. Please check details with the restaurant.
About Reward Scheme
今晚去左位於尖沙咀Rosewood Hotel 既「Bayfare Social」西班牙餐廳享用晚餐50G Iberico Ham (60-month)60個月既伊比利亞火腿係比較少食到，隻豬係食咗兩季橡果，所以油脂唔會重，甘香唔咸口Sherry wine雪莉酒係西班牙既加烈葡萄酒，我就揀左呢款較dry既，同Iberico Ham都好夾Scallop Crudo帶子刺身浸左係escabeche sauce，個醬汁味道酸酸甜甜，仲有d牛油果粒，醃製左既洋蔥，係一道好開胃既前菜Steak FritesWagyu flat iron steak叫左medium，外面煎至微微焦香，入面就仲係嫩紅色，肉質嫩腍，薯條亦都炸得好香脆Seafood Paella海鮮西班牙飯有蜆、蝦、BB魷魚，個飯面仲有Alioli蒜蓉蛋黃醬，我覺得個paella味道唔夠鮮甜偏咸，最重要既Socarrat飯焦雖然都有，但整個味道有點失望Churros新鮮炸起既churros外脆內軟，每條都佈滿沙糖，反而食唔到肉桂味有少少失望，再蘸埋朱古力醬，傳統的味道環境幽靜，但四周真係好黑，對foodie黎講係有d頭痛，侍應都好有禮貌面帶笑容，食物都唔錯，價錢亦都合理，都係一個唔錯節日約會既好地方
continue reading
幸福、不幸！颱風前的悠閒享受、風暴中驚慌不安；世事難料，總之人要活在當下，過好每一天是錯不了！多謝銀行禮贈，兩口子得以在風暴來臨前於 「Bayfare」撐檯腳，享受愉悅的幸福！記得「Bayfare」新張不久的體驗，稱不上是滿意，這次帶著心理準備而來，還預訂了 Butterfly Patisserie 的甜點締造幸福！侍應小姐解釋兩道菜的二人套餐價值 HK$598，可以用同等價錢點選其他喜歡的菜式。我們看了一下餐牌，便隨遇而安接受原禮贈的二人套餐。二人套餐的內容甚為簡單，只有麵包及Charcuterie Board （冷肉盤）和西班牙海鮮飯。倒過來，今次簡單的兩道菜更能感受「Bayfare」扎實的根底，要比初體驗更為理想 ！ ！粟米凍湯是「Bayfare」當天贈予客人的，湯感綿密順滑，散發自然濃香與細甜，湯面則灑上粟米脆脆和香草，為粟米凍湯添上層次感。實屬意外收獲的粟米凍湯，滿載著幸福感！享用過粟米凍湯後，轉入正題頭盤的 Charcuterie Board & Bread 。享用過粟米凍湯後，轉入正題頭盤的 Charcuterie Board & Bread 。事先點來清爽的 Sangria Red HK$140 和 Sangria White HK$140 助陣，一邊嗒 Sangria 、一邊嘆麵包和 Charcuterie Board ，十分幸福！果然麵包籃的兩款麵包也好吃，沾上西班牙的陳醋和橄欖油，不知怎的，叫人愈吃愈起勁，愈吃愈滋味。上次在 「Henry」品嚐的麵包滋味又回來了！Chatcuterie Board 的每款凍肉也有水準，配搭夾雜鹹香、肥美、微辣、甜膶等不同層次，加上那款杏仁獨突的油香與脆感，慢慢淺嚐細嚼，盡現完美滋味，猜想不到的意外驚喜！主食是 Seafood Paella。先來一口原味的米飯，飯粒有咬口、滲著不錯的海水味道。然後將 Alioli 和檸檬汁和拌調米飯，海洋鮮味明顯被壓下去，但換來是一股給味蕾沖擊的酸香，彷彿感覺到西班牙人的熱情。原味、混味各有各的欣賞點，而海鮮的生熟度和新鮮度同樣出色，好吃也！享用過兩道菜的二人套餐後，我們又點了侍應提意的西班牙咖啡，因為甜點快要來了。Bombon HK$90 是我們第一杯認真嘗試的西班牙咖啡，Bombon 有著討人歡心的精緻賣相，一呷，偏向濃厚的啡香馬上散出，擁有一定的甜度，我會用溫柔版的越南咖啡來形容！來到 「Rosewood」，順便一嚐 Butterfly Patisserie 名物 — Hokkaido Custard Flan HK$98 及 Salted Caramel Millefeuille HK$98。Hokkaido Custard Flan 撻皮薄脆和兼具層次，而北海道牛奶 Custard 十分豐厚綿密，甜度屬不淺，喜歡 Custard 的朋友，大抵會喜歡這 Custard。二人共享，較適合不愛太膩、太甜的朋友！Salted Caramel Millefeuille 的千層酥鬆，香氣則一般；而奶油質感厚滑，可海鹽焦糖味道沒有太明顯啊！幸福的颱竹風前夕，相隔一夜要面對颱風的威力，祈求颱風別帶來不幸的災害！
continue reading
Weekend lunch menu呢個lunch menu樣樣都有啲，唔使諗，按人數份量出餐 To start: Seafood platter on ice: Boston lobster, oyster, tiger prawn頭盤係海鮮拼盤，生蠔同虎蝦都係每人兩隻，龍蝦份量就唔知點分配喇。全部都新鮮好味。特別想highlight虎蝦好爽甜同肉質實淨。 Tapas: Croquetas de pollo: Chicken croquette, bechamel, romesco sauce其實就係一粒可樂餅，雞肉打碎左，外脆內creamy Tapas: Padron Peppers: Sea salt一款辣椒，簡單焗一焗之後灑上海鹽 Tapas: Gambas al ajillo: Sustainable tiger prawns, garlic, chili oil蒜片蝦係我眼中一款好typical嘅tapas，呢個做法比較濕，我鍾意乾身少少 Mains: Seafood paella: Clums, tiger prawn, baby squid, alioli海鮮飯個飯就有好濃郁嘅湯味，不過海鮮偏細粒同埋款式上無咩記憶點。可能頭盤個海鮮拼盤已經食左新鮮厚肉嘅海鮮，呢個paella就將個重點放返喺個飯。 Mains: Cochinillo asado: Roasted suckling pig, fried potato, signature pork sauce平時喺其他地方食西班牙乳豬通常都無乜肉食，今次呢個就幾厚肉。 Mains: Txuleton: 350g ribeye steak, confit piquilo, garlic, beef jus乳豬同ribeye係二揀一的，我地有5個人，所以加錢轉左少少做ribeye。內質都幾細嫰，但係外層上色好似有少少不足 Dessert: Churros: Chocolate dip平時對甜品無乜興趣，但係呢個churros真係三個字「好好食」。無咩好解釋，留返大家自己去試。 整體黎講都唔錯，食食下先發現呢個lunch set係會食左好多蝦，希望餐廳之後可以調整下。
continue reading
是一羣四人夜話的約會，到了Rosewood的西班牙餐廳共晉晚膳。麵包桶其實無甚特別，之不過席間有人大愛，說好食到飛起絕對談不上，有些確是頗香脆的，其他就可以用不外如是來形容。鬼佬芥蘭沙律倒是不錯，菜蔬條條嫩綠鮮明，軟度適中，油分亦沒有過多，還有烤過的核桃，是增添香氣的元素！西班牙八爪魚小食面層乃鋪了芝士及紅椒粉，以薯蓉墊底。八爪魚又夠味又夠爽，但墊底的薯蓉實在太一坨了，較為糊口！西班牙奄列雖有頗重的蛋香，惟過於實淨，不夠鬆軟，吃完非常之滯，頂住個胃！其上的火腿倒是鹹香油潤，只能說句少吃怡情。炸魷魚圈酥脆是酥脆的，魷魚肉亦不靭，調味恰宜；可是實在太過油膩，即使唧多多檸檬汁也去不掉多少油份。中晒士的海鮮拼盤原本有龍蝦半隻、生蠔、凍蝦和帶子各三件。不能說不鮮美，但以六百多個大洋而言，性價比偏低。凡到西班牙餐廳，西班牙海鮮飯乃必點之物。這盤飯的海鮮新鮮爽口，自行撈起之後飯吸了汁也還不錯，只可惜海鮮份量少之又少，不夠餸。預訂的芋頭蛋糕，上層鋪滿以及中間同樣夾著的芋頭忌廉，忌廉綿滑，蛋糕鬆軟，問題在於芋頭味不夠突顯而已。餐廳格調高貴，環境雅致，但索價不菲，食物質數卻不成正比。
continue reading
真喺有啲無厘頭，最近收到銀行邀請，可能見我都有丁點基金投資晌度，想搵我做番嘅理財分析，都預佢哋會順便推銷吓啲投資產品，最後又無喎，仲堅送咗張瑰麗酒店「Bayfare Social」西班牙餐廳嘅午餐劵，所以，訂定位去食餐免費飯。雖然話酒店晌K11 Muse上面，但指示牌唔多又唔清晰，都兜咗好耐先搵到。貴為5星級酒店，環境及服務自然有番咁上下，難得感覺卻喺好輕鬆自在。不過，整體地方喺大嘅，但唔明點解部份枱櫈嘅安排會咁貼，唔想聽到隔離講嘢都焗聽。講番個免費餐，喺兩道菜供二人享用，只得一份麵包籃、一份熟食冷肉盤同一份西班牙海鮮飯，份量上因為老婆細食，我哋都OK嘅，如果兩位正常食量嘅男士，就幾敢肯定唔夠喇。因為免費，餐牌就無標價錢，但睇番散點嘅餐牌，推算成個套餐值$670左右。趁得閒，啲嘢又未上枱，所以，順便影影個散點餐牌出嚟俾大家參考個價格。麵包籃先上一份麵包籃，並附上西班牙產嘅雪梨醋同初榨橄欖油，顯得有啲高檔。麵包有兩款，都喺睇番餐牌所知，包括酸種麵包同扁麵包，雖然訂枱時會問你有無咩食物敏感，並一早講咗希望喺無麩質，但嚟到都喺話你知佢哋唔會提供無麩質食物，真喺嘥氣，成份麵包籃就只好由小弟全力處決掉，等老婆食多啲飯。熟食冷肉盤晌餐牌裡面只寫上菜式名「Charcuterie Board」，卻無講包含咩款式風乾肉腸，嚟到一睇共有5款，有啲會拼上唔同嘅芝士、果乾，但今趟就唔見，只喺伴有少少烘脆咗嘅果仁。由於侍應無特別介紹呢5款肉腸，加上小弟對西班牙菜唔在行，所以，俾唔到大家佢哋嘅個別名稱，然而，整體嚟講，各有特色，有啲鹹香有咬口，有啲質感細膩有陣陣肉香，有啲就有油脂香得嚟又唔會覺好肥。西班牙海鮮飯套餐嘅主食喺西班牙菜嘅經典西班牙海鮮飯，都喺按傳統用上大鐵鑊呈上，飯面有大蝦、海蜆、墨魚仔，再加一抹蒜泥蛋黄酱同檸檬角，老實講以一間五星級酒店內嘅餐廳而言，餸料嘅份量確喺偏少，海蜆同墨魚仔都唔喺好有睇頭，還好啲料都夠鮮甜，飯粒軟綿並吸滿湯汁，再唧上檸檬汁，撈埋啲蛋黃醬，味道幾正，不過，成鑊飯得一小抹蛋黃醬感覺又喺偏少。佢哋有另一個角落，喺專賣咖啡、甜點同雪糕，我估兼營外賣生意，針對樓上嘅辦公室客。朱古力蛋糕 $110見個餅櫃嘅朱古力蛋糕幾靚，加上老婆都好鍾情朱古力系嘅嘢，尤其黑朱古力，所以，嗌多一客甜品嚟試試。賣到百幾蚊確喺唔平，但質素真喺高，底層嘅朱古力蛋糕鬆軟富回彈力，上層嘅朱古力慕絲好幼滑，朱古力味濃，而面層嘅鏡面朱古力漿做得富光澤，帶點甘苦餘韻，好食。諗住嚟到咁高檔嘅酒店餐廳，應該會有啲驚喜，不過，跟現實就有啲落差，所謂兩道菜二人餐，份量都只可以講勉強夠，食物嘅質素就唔差，可是亦唔叫好好，尤其假如以實價計，性格比絕對唔高。
continue reading