峇里堂

Open Now

Now Closed

早排同朋友試咗呢間喺尖沙咀超過40年歷史嘅樓上印尼餐廳🍴餐廳環境寬敞明亮，有多款正宗特色嘅印尼菜式，而且價錢合理，幾值得一試😋🐮招牌巴東牛肉飯 ($73 lunch set) 牛肉軟腍，醬汁好香椰奶味，甜甜地而且辣度偏低，好適合送飯🍚🐷印尼惹味炒沙爹豬肉配米餅 ($102) 都係餐廳招牌菜之一，炒過嘅豬肉絲同洋蔥幾香口，而且裹上沙爹醬好惹味，配埋酥脆嘅米餅食更夾🤤🍞雙色咖央多士 ($42) 賣相幾吸睛，外脆內軟嘅多士夾住咖央斑斕醬同牛油呢個組合冇得輸🤤 我自己一個食曬4件應該都冇難度🤣🍧峇里堂街頭珍多冰冰 ($62) 椰汁冰配上椰子雪糕、珍多粉條、紅豆同大樹菠蘿，超級足料，食完即刻透心涼🆒🎋峇里・竹林 ($54) 係梳打水加入斑斕、伯爵茶、香茅、青檸，飲落先係香茅嘅香氣，後韻係伯爵茶茶香，非常清新！🫖印尼樽仔花茶 ($28) 用玻璃樽裝住好得意，飲落係帶微甜嘅花茶，幾不錯😋

朋友話呢間印尼菜好味，一於黎試下先！招牌菜巴東牛肉真係出色，一定要食！飲品正常但個杯好打卡！下次都想試下其他菜式😆🐮峇里堂招牌巴東牛肉 $168好出色！牛肉好淋好入味，醬汁好好食又惹味，加埋個白飯食一流，我地仲用左印尼炒飯既蝦片沾黎食，超好味！牛肉份量都好多，絕對好滿足！下次黎都會再食呢個菜😄😄🍚印尼特色炒飯 $95次次都會想食印尼炒飯，餐廳既炒飯一定好有鑊氣，炒飯好香，但相對一定係牛肉更加出色🍹清．島風 $54🍹鮮青檸梳打 $38食左惹味食物好岩飲杯有汽同酸酸甜甜既飲品！味道就正常發揮啦！

忽然下起滂沱大雨，於是找一間餐廳用膳及避雨，重遇老字號印尼菜印尼菜受着各方文化的影響，有很多不同的味道，有齊甜酸苦辣鹹，而且香料又多，可說是適合濃味人🏖️印尼沙嗲串燒$106這個要六串起，印尼沙嗲串燒也是名菜之一，當然要試下，口味選擇也不少，我們點了兩串雞肉兩串雞軟骨兩串花枝丸，沙嗲醬加了乾蔥特別惹味🏖️煲仔小食拼盤$118內有五款小食，有蝦片章魚餅花枝丸春卷墨魚餅，全部都是香口小食，佐酒傾談一流🏖️印尼特色炒飯$95印尼炒飯，當然有蝦片/蝦/太陽蛋 ，飯炒得不乾，喜歡乾蔥配合的味道🏖️清·島風$54這杯飲品味道很濃烈，有香茅檸檬葉青瓜青檸檸檬汁梳打水，尤其香茅味很出，檸檬葉的味道也很清新，最適合炎炎夏日🏖️峇里·島$54有菠蘿菠蘿汁椰汁，非常東南亞口味

✨環境寬敞明亮，周圍以大玻璃窗為主🤎清爽木系格調😌推薦少人聚餐👭食個便飯黎講都係唔錯嘅選擇😋👍🏻而且無加一服務費🤩🍞雙色咖央多士 Roti Bakar Srikaya食落非常脆口，夾層牛油非常香口，加上香甜咖央醬 味道口感都一流，必點之選🦐印尼咖哩炒虎蝦（4隻）Kari Udang Besar 4pcs印尼咖喱味道濃郁得黎香而不辣，虎蝦大大隻，蝦肉香口爽彈，食落夠曬咸香入味，好適合配飯食🍚金貝飯 Nasi Kuning 高級珍珠米配上香茅、檸檬葉、薑黃等多種香料加上鮮椰汁烹調數小時而成，飯香而清新🍹峇里 •爽翠 Bali Jade由菠蘿汁、青檸、益力多調製既梳打，味道偏酸，青檸味較濃，飲落酸酸甜甜幾清新開胃🍧芒果珍多雪糕冰 Es Mangga 大量芒果肉、珍多粉條，珍多粉條食落帶陣陣斑斕味，下層係香濃既椰汁冰，冰凍香甜，上層芒果雪糕香滑可口

🔹招牌巴東牛肉 $168一份有6-7件大大嘅牛腱😍 牛腱炆得好腍，手，牛筋入口即溶✨食落第一啖好香椰奶嘅香味，仲加上唔同嘅香料，層次十分豐富❤️撈飯食一流👍🏻🔹金貝飯 $35米飯粒粒分明，食落口好香，亦都係有少少椰汁味👍🏻.🔹蝦醬炒通菜 $88一上枱就聞到好香濃嘅蝦醬味😍通菜亦都炒得好爽脆！重口味人士覺得可以再濃啲🤣不過加埋其他餸食就啱啱好！🔹Bali Colada $54必點！入面有菠蘿汁、鮮椰汁、棕櫚糖飲落偏甜，菠蘿味同椰汁交纏，既清新又濃厚✨

此餐廳由地舖搬上3樓之前都有幫襯過，記得佢哋嘅牛肉同加多加多好好味，今晚四人諗住再想去食飯，好期望食返嗰個加多加多，但係不似預期，唔多掂！講嘅牛油雞翼同炒海鮮完全係唔掂😣，炒海鮮係有魚蛋🤔？全晚最欣賞都只係嗰個牛油多士同雪糕珍多沙冰，另外最大問題係服務差，大約7:30我哋四人一入到餐廳，其實只係有一半座位有客，但係每個服務員都係黑口黑面，尤其係坐喺收銀機嗰個阿嬸，佢哋都有要求食飯時間80分鐘要交枱，冇問題的，因為應該唔會有下次幫襯☹️

一直都想試下印尼菜，今日朋友就帶左我黎呢度，餐廳價錢親民，除左鹹點惹味之外，甜品亦都非常出色，仲有多種唔同既咖啡同特色飲品，而家大熱天時冇咩胃口去試下就岩哂🦬招牌巴東牛肉飯牛肉軟腍入味，醬汁辣辣地濃郁惹味，送飯一流。🐷峇里式豬肋骨飯豬肋骨肉質鮮嫩，輕輕一拉就骨肉分離。醬汁酸甜可口，同搭豬肋骨非常夾。🍚午餐仲可以加$10轉金貝飯。入口充滿椰汁同香料既香味，飯粒非常飽滿 🥗加多加多沙律沙律份量十足，有青瓜、豆角、椰菜、薯仔同雞蛋等等。配埋香濃既醬汁，愈食愈想食🍧峇里堂街頭珍多冰冰珍多冰冰用料足，有大樹菠蘿、紅豆同珍多，底下既刨冰係用椰汁做成，入口有濃濃既椰子香味，配上香濃幼滑既椰子雪糕椰汁，為珍多冰錦上添花

朋友說看網上食評好像不錯，所以就三個人相約佐敦一次去吃這一間挺有名的印尼菜。剛好這天下大雨，所以等候的人不算多，不過因為會算入坐時間，所以等所有人到齊才入坐。餐廳坐位不算多，而且門口位置只能站幾個人，如果等候的人多，可能要在樓下等。Iga Babi Full 峇里式惹味豬肋全骨豬肋骨比看起來肉質較好，而且很久沒有吃到有豬肉香味而不騷的豬排骨，醬料也十分下飯。Rendang Sapi巴東牛肉巴東牛肉是必點的招牌菜，醬汁香甜醬辣，香料的味道濃厚突出。Gado Gado 加多加多沙律加多加多是為了多吃青菜所以點的，當中用菜的種類好像平常吃的印尼菜多，菜絲也比較細。Ikan Goreng Bali 峇里參醬原條煎魚甜辣的煎魚好吃，平來以為煎魚會很乾，但魚肉夠厚，皮煎得香脆。

🥢雙色咖央多士Roti Bakar ($42)Two-color toasts, white is the regular and the black one is charcoal flavor, are smeared with kayan jam and a cold slice of butter. Nice taste, the only things is the toast is not crispy enough. 👍🏻雙色多士(白色是普通白麵包，黑色是竹炭味) 搽上咖央醬加上一塊凍的牛油，味道很好，只是多士烘得不夠脆身。🥢蝦醬炒通菜 Tumis Kangkung ($88)👍🏻通菜脆嫩，蝦醬味夠也不太咸。Tung Choi is crispy and tender. The flavor of shrimp paste is just enough and not too salty🥢巴東牛肉 Rendang Sapi ($168)味道濃郁。The flavor is rich and spicy🥢印尼沙嗲串燒 Satay Skewers ($122)Sate

🥤印尼樽仔花茶 ($28)姐姐介紹飲呢個印尼花茶 味道就係甜甜哋嘅茶🍽️峇里參峇醬原條煎魚 ($158)即叫即煎 制作需時 味道偏甜🍽️招牌巴東牛肉 ($168)🍽️珍珠香飯 ($15)印尼必點招牌菜 可以自己跟個白飯撈飯食🍽️印尼沙爹串燒 ($120)x6串羊肉🍽️印尼特色炒飯 ($95)🍽️蝦醬炒通菜 ($88)🍽️金貝飯 ($35)即係黃薑飯 夠乾身 粒粒分明呢間印尼餐廳係香港扎根49年迎合港人口味 味道偏甜 份量適中 夜晚坐無虛席 無加一 我哋3大1細Total食咗$735

之前係youtube都有見過人哋介紹/ 做訪問 早排餐廳仲裝修過 依家室內係超級光猛/木系 睇落好舒服！👀餐廳係山林道 入口有少少隱蔽 要搭電梯上三樓！留意返餐廳不收10% 服務費 所以水就係自助的💧整體來講食物種類幾特別 好少係香港味道印尼食物😋巴里惹味豬肋全骨😍 ($150)豬肋條好嫩同埋juicy 絕對唔會鞋或者乾 應該炆左好耐🤍而且都幾多肉！總共有三大塊 都好夠食 配埋飯就一流～我見到午市套餐有呢個配搭 好抵食！💰醬汁非常偏甜唔辣 我諗應該有少少香茅味、炸蒜 同埋月桂葉吊味🥳蝦醬炒通菜🥬($88)只怪本人太唔食得辣🥺 但餐廳好好 走辣會變左蒜炒 儘管如此蒜蓉味都好出 有大量新鮮蒜頭 而且通菜份量都多！峇里之天堂茶🫖($37) 茶底係roobios tea 仲有淡淡既雲呢拿味 不錯👍🏻 可以幫我解膩！而且茶仲可以refill 一次😌📍 峇里堂 (尖沙咀)地址：尖沙咀彌敦道176號The Nate 3樓

想帶朋友拾回家的味道. 香港印尼餐廳選擇不多 呢間前排個名被談論得熱烘烘 就帶佢去試下😌 印尼惹味豬肉配沙嗲炒米餅 102說笑問朋友：炒米餅係咪旺旺果隻 佢話應該會有啲分別嘅～ 但我好似估中咗🙈🤣 沙爹有唔少花生粒 叫多碗白飯拌嚟食一流。沙爹另一面喺甜的醬汁 又另一種食法～ 印尼特色炒飯 95我倆見到三色豆都一齊停咗三秒... 我問佢: 三色豆是否印尼的特色🤣🙈? 佢：errr... 炒飯粒粒分明 少少辣更惹味👍 雙色咖央多士 42極邪惡! 店員貼心提醒要趁熱食 我哋唔記得咗之後先落單 所以先食甜品 後食主餐🙈🤣 清。島風 54分別由香茅 檸檬葉 青瓜 特製嘅飲品。好refreshing I like it~ 印尼樽仔花茶 28朋友話呢個係佢家鄉特飲 佢會特登去印尼舖 一pack一pack咁買返屋企飲. 其實係印尼茶加糖. 我飲完覺得有少少似雞骨草 夏枯草嘅味道 甜甜地幾得意😌

之前睇過YouTube Channel同埋唔少朋友嘅介紹過呢間餐廳，難怪平日啲夜晚咁快就爆場！峇里堂係一間舊式印尼餐廳小店交由第二代接手，進化成為裝修別致既樓上舖，食物口味並冇遷就港人口味，堅持使用傳統印尼嘅味道，難怪weekend都唔少印尼姐姐嚟到餐廳幫襯！🌟峇里堂招牌巴東牛肉一份巴東牛肉要$168，但一場嚟到梗係要試吓佢哋嘅招牌食物！一份大概有六至七舊好大舊嘅牛腱，跟腱同肉位都炆得啱啱好，林得嚟又有嚼頭。醬汁係重香料味，可能因為甜味落得相對重手，辣度同坊間食既比較就相對低。🌟印尼惹味炒沙爹豬肉配米餅豬肉切絲，加上用洋蔥🧅同甜甜咸咸嘅醬汁嚟炒，味道有啲似日式照燒醬，面層再淋上充滿花生顆粒嘅沙嗲醬，相當惹味。而米餅🍘就應該先塗上醬油再炸， 十分香脆，感覺有少少似食緊較淡味既日式醬油米餅。🌟金貝飯用上香茅、檸檬葉、薑黃、椰汁等香料及醬料所煮成嘅珍珠米飯。飯粒有口感，粒粒分明，香料唔算太搶味道。🌟雙色咖央多士 用上黑色同啡色既麵包夾著牛油同咖央醬，麵包烘得金黃香脆，同牛油形成強烈對比，冷暖交融。

三條仔收工諗唔到食咩，最後揀咗呢間。6點上到去得一台客,環境望落乾淨舒適,不過完全見唔到工作人員咁唯有自己搵位坐低。坐咗五分鐘先有職員過嚟問我哋幾多位，然後“指示”我哋移去餐廳角落就座（位置仲要喺另一台客旁邊,理由大家心照）！我哋三條仔三個大背囊再加個大袋，成間餐廳廿幾30張枱連埋我哋先得兩台客，我同兩位朋友已經頗有微言，不過為免影響愉快心情勉為其難搬就搬啦。終於可以坐好，發現又係我哋三個最憎嘅QR code落單食物質素嚟講，除咗個東巴牛肉叫做出色，其他都係一般貨色！如果連埋價錢份量去評價，整體都好勉為其難先畀到合格......其中有份串燒，大家食完先發現原來冇落過單，最後個侍應喺我哋差唔多食完先嚟問我哋係咪食咗；咁我好坦白答佢係，去一句咁幫你加返錢落去就走咗，我嗰一刻係呆咗心諗咁樣都得㗎咩？我唔會話個侍應冇禮貌，只可以形容係做到滑曬牙，木口木面唔識笑囉！唔講食物質素，就付出咁嘅價錢要受到咁待客態度，我係唔太想去第二次，完

尖沙咀嘅一間由印尼大廚主理嘅印尼菜餐廳，令我體驗到印尼人對香料運用嘅獨特烹調技巧，口味令人印象深刻。峇里堂招牌巴東牛肉 $168外表係一道由橙紅色醬汁包裹住嘅牛肉，牛肉煮至軟腍有溶化口感，食落去第一口係微微嘅辣味，隨之而來係一陣又一陣不同香料嘅味覺衝擊，十多種香料嘅配搭之下味道層次非常豐富，當中最突出嘅係椰奶嘅香甜同辣椒嘅香味，食完後口腔充滿香氣餘韻。峇里醬炒四季豆 $88第二道係嘅醬汁係黑啡色，質感無咁稠，口味多咗一份微酸同洋蔥嘅香口，四季豆炒至口感爽脆，配搭埋一齊食酸酸甜甜咁十分之開胃好味。珍珠香飯 $15佢哋嘅白飯顆粒分明，濕度啱啱好唔會好乾身，有微微香味。峇里堂街頭珍多冰冰 $62由雪糕、椰汁冰、cendol、紅豆同粉條等組成嘅甜品，椰汁味道香濃甜度適中，各種配料混合埋一齊食口感香甜。