🌟峇里堂招牌巴東牛肉
一份巴東牛肉要$168，但一場嚟到梗係要試吓佢哋嘅招牌食物！一份大概有六至七舊好大舊嘅牛腱，跟腱同肉位都炆得啱啱好，林得嚟又有嚼頭。醬汁係重香料味，可能因為甜味落得相對重手，辣度同坊間食既比較就相對低。
🌟印尼惹味炒沙爹豬肉配米餅
豬肉切絲，加上用洋蔥🧅同甜甜咸咸嘅醬汁嚟炒，味道有啲似日式照燒醬，面層再淋上充滿花生顆粒嘅沙嗲醬，相當惹味。而米餅🍘就應該先塗上醬油再炸， 十分香脆，感覺有少少似食緊較淡味既日式醬油米餅。
🌟金貝飯
用上香茅、檸檬葉、薑黃、椰汁等香料及醬料所煮成嘅珍珠米飯。飯粒有口感，粒粒分明，香料唔算太搶味道。
🌟雙色咖央多士
用上黑色同啡色既麵包夾著牛油同咖央醬，麵包烘得金黃香脆，同牛油形成強烈對比，冷暖交融。
