流心芝士魚餅：黃金色，睇落去都好吸引，裡面嘅芝士味濃郁，魚餅好有咬口。
三文魚壽司同辣三文魚碎卷用嘅三文魚都好新鮮，而且份量適合，碎卷有啲醬同埋辣辣地幾唔錯嘅味道。
原本以為燒秋葵會好乾，但呢間燒得啱啱好，而且仲有啲木魚絲鋪係面，增加味道。
明太子免治雞肉棒：呢個都係我覺得好好食嘅，因為佢嘅味道好濃郁，滿滿一條嘅雞肉棒裡面有爽牙可口嘅雞脆骨，每一口都好有口感，有埋明太子係面更加好味。
野菜牛肉湯烏冬：碗烏冬嘅湯底好鮮美，牛肉煮到嘅質感啱啱好，牛肉味好出。
飲品就叫咗橙汁同巨峰乳酸梳打，都係為呢餐加分，兩個人叫咗8樣嘢都係500都唔使，好抵食，而且食物質素仲要唔錯，值得再去嘅！
