味道樂居酒屋 (河內道) (Closed)

居酒屋在香港其實比較普遍，但這一間居酒屋仍然能座無虛席，無論什麼時段。就一定有他吸引之處。今日到來試他有什麼吸引。 店內其實不是太大，但氣氛非常好！我們被安排坐一張二人枱。見餐牌有不同美食可選擇。我們就試了刺身及壽喜燒，還有串燒。今次選擇了食牛舌。五點刺身盛合$298有三文魚，油甘魚，牡丹蝦，帶子….這裏的刺身非常新鮮，帶子鮮味可口肉質比較厚身啲油甘魚也是非常甜美。牡丹蝦鮮味可口。壽喜燒價錢（$128）跟品質簡直是抵食。因為他的牛味比較濃郁。而其他配菜也非常足料。豆腐滑脫脫。那個燒汁，就不是那些甜而是可以之後品嘗，有鮮味。最後就是那個串燒牛舌（$98），牛舌厚度比較厚身。仍然能夠保持牛舌的肉汁，是不容易的！調味方面也不錯，沒有覺得太鹹。最後埋單只不過大約500。就能夠食到這質素在尖沙咀是非常之抵食。所以明白為何這間居酒屋每天都座無虛席。

今晚放工又相約了這位喜歡吃日本野食朋友，平時行街經過這間，見門口環境不錯，已好想入去試下，我們決定今晚這間吃，坐位舒服，坐下看了一會餐牌，就點了芥辣八爪魚微微辣味，細細粒，好彈牙三文魚壽司入口好有海水鮮三文魚珍寶帶子壽司帶子真係好大粒同特別厚身，好有嘴爵感油甘魚壽司好有新鮮鮮海水魚味，好滑身火炙北海道帆立貝蟹膏卷帆立貝大粒，再舖上蟹膏，入口感特別好有蟹膏香明太子免治雞肉棒雞肉好嫩滑，特別霖黑蒜豬軟骨烏冬好香黑蒜味，豬軟骨好霖同軟熟，烏冬爽滑

日式前菜除咗清爽嘅沙律之外，最常見嘅莫過於味淋魚干。呢度嘅雞泡魚干，並冇燒至非常乾食，魚干表面鋪上燒烤醬，非常惹味。熟食主食方面，先講講蟹膏醬燒虎蝦，賣相相當有氣勢。蝦肉鮮度一流，入口鮮甜，口感爽彈，再配上用蟹膏醬汁，相輔相成更為滋味。另外，鐵板蒜片香煎厚切煎牛舌，有蒜香又有肉香，雖然入口化油，脂香動人，且不會飽膩！明太子醬燒玉子燒就甜甜的，配搭明太子醬食用有兩個層次，令人耳目一新。不得不讚嘅喺呢度嘅壽司，師傅手握壽司嘅功力令人讚不絕口，食嘅時候完全冇飯粒掉落，啖啖都喺完滿無缺嘅味道。最值得一提喺三文魚腩壽司，我哋試曬刺身同火炙壽司，兩款做法都冇影響三文魚本身嘅鮮甜海鮮味，尤其喺火炙後更能迫出油香，肥美誘人。左口魚邊火炙壽司亦有異曲同工之妙，每一啖都好juicy！另外，香蒽吞拿魚腩碎手卷，平時其他餐廳會俾少量肉碎，個依間毫不吝嗇，每一口都充斥着吞拿魚腩嘅魚香鮮味！

餐廳裝修和擺設好有營造日本居酒屋的感覺 食物種類好多：有刺身、壽司、串燒、小食、飯麵等等！ 🔸 火炙北海道帆立貝蟹膏卷 $98 成個卷物口感好豐富: 上面軟下面爽脆😁 食到蟹膏味道濃郁!! 😙蟹膏份量都幾多😸 入面嘅帆立貝好滑~ 配搭青瓜絲同蟹柳好清新! 🔸 香炸一口芝士 $48 咬開好脆、薄薄嘅外皮後，入面成粒都係芝士!! 芝士係軟身的，超濃芝士味🫢 🔸 煙肉櫻花蝦炒飯(一碗) $68 呢個炒飯好香!! 入面有好多炸得香脆嘅櫻花蝦😋 珍珠米口感軟糯! 煙肉的咸香同油份滲進飯裡，仲有香蔥＋黑椒味～ 🔸明太子雞翼 $68 外皮燒得香脆，一咬落去好多肉汁!! 入面釀左有泡菜味嘅明太子，少少辣🤏🏼 好惹味😋 🔸 吉列蝦配芥末沙律醬 $58 炸蝦炸得好香脆，沾上沙律醬更滋味 🔸 黑蒜黑豚肉卷 $58 豚肉串燒燒得好香，香濃的肉味，邊邊位更燒到焦香🤤 黑蒜醬汁甜甜地，好惹味！！推介！ 🔸 醬油燒年糕 $48 年糕要用啲力咬，口感非常煙靭外層燒到焦香，脆脆地配搭紫菜，甜甜地又好好咬！ 💰人均:$250 大家記得book位啊! 今次平日夜晚食，見到好多人Walk in都冇位!

呢間味道樂居酒屋位於k11附近，外觀都係從內到外充滿日本風味嘅裝修，地方雖然唔係好大但係入邊熱鬧嘅傾談聲音俾人感覺好溫馨，彷彿去咗日本旅遊一樣。三文魚腩火炙壽司三文魚腩厚薄適中，炙燒過嘅魚腩又香口又食得出本身嘅鮮嫩味道。鹽燒雞翼雞翼燒得好香，雞皮顏色好靚又薄入邊啲雞肉嫩滑又多汁，淋上小小檸檬汁口味又清新。流心芝士燒年糕年糕燒得外脆內軟，年糕入邊又有芝士。口感豐富又惹味。鹽燒華美雞雞腎雞腎本身係好難燒得入味嘅，但係呢度嘅雞腎燒得啱啱好，又唔會又乾皮又焦香，入邊又多汁。石鍋鰻魚炒飯鰻魚炒飯一上枱就聞到陣陣香味，食落感覺醬汁豐富，飯粒分明又均勻上色，鰻魚份量又唔少，味道好正👍🏻。

呢間居酒屋日式嘅設計，吸引我同朋友嚟咗幾次！而且款式夠多，想食咩都得👍我哋首先點左幾款壽司同卷物，壽司嘅飯都有做調味，令整體層次更多！幾款壽司嘅刺身都好新鮮，三文魚腩大份又肥美，珍寶帶子十分大粒又鮮甜👍而我最鍾意係火炙左口魚邊，左口魚本身油脂夠多，所以燒得好香，食落好香甜😋而卷物我地點左芝士吉列海虎蝦卷，吉列蝦好脆，配埋芝士好夾👍味淋魚干亦係我係居酒屋經常點既小食，不過有時有啲店會燒得好乾同硬。但呢度既魚干燒得一啲都唔乾，𥚃面好軟身，而且味淋入曬味，好香甜🙆🏻‍♀️味噌蟹甲羅燒配蒜多士既蟹膏夠濃味，雖然配蒜多士，但一啲都冇比蒜味搶左，而且多士都烤得好脆🙆🏻‍♀️另外重有明太子醬燒玉子串，明太子醬好多，玉子串又夠厚，所以咸咸甜甜咁配搭得好出色，我朋友大讚👍👍

炎熱天氣，去完尖沙咀酒吧Happy hour,剛好見到間食日本菜的餐廳！晚餐食日本料理不錯👍🏿餐廳裝修擺設好有日本感覺！日本餐廳少不了燒酒配答，頭盤叫左個海葡萄油甘魚刺身野菜沙律🥗$128/份海葡萄香港好少餐廳有做，食左佢令我諗返日本石坦島，真想再去一次玩，油甘魚好肥厚，配上沙律野菜開下胃口先。再黎個火炙北海道帆立貝蟹膏卷$98/份飯中放左青瓜絲，再配上蟹膏肥美的感覺，一口清新口味。香煎鵝肝帶子卷$128/份鵝肝放起飯中間，帶子加上必制醬汁，一口咬上味道不錯👍🏿牛肉壽喜燒增強熱量先，一鍋剛好份量，生蛋加上湯溶化一起食，朋友連個湯都飲曬😅

晚餐時間走在尖沙咀街頭，在大型商場外，一間間小餐廳亮著燈，這次揀左居酒屋🍶舖面不算大，枱與枱之間也没有很多空間，大概就是居酒屋給人的一種溫暖感覺❤️‍🔥性價比比想像中高，難怪未到七點就滿座了🤣·1️⃣北海道真蠔($88)超！級！大！隻！😱😱生蠔非常肥美飽滿，拎起都有啲墜手😂2️⃣日本生蠔($128/3隻)呢款比起北海道真蠔細隻啲，一樣都新鮮😆·3️⃣原條成田醬炭火燒鰻魚飯($148)大大條鰻魚❤️‍🔥燒得岩岩好，肉質好軟腍，飯嘅份量都好多，一個人食晒一定夠晒飽😆·4️⃣幸福海膽小卷($188)5️⃣三文魚腩壽司($52/2件)6️⃣珍寶蟹膏帶子壽司($78/2件)壽司就正常發揮😂😂海膽新鮮無腥臭，但三文魚厚度就有啲弱，蟹膏帶子都唔錯😌

天時暑熱，就食餐冰凍刺身涼快下先七點極上刺身盛合 海膽甘甜味濃，帶子肉厚飽滿有彈性超鮮甜，鮑魚肉質彈牙口感，其餘各款刺身都夠新鮮。大蔥特上吞拿魚腩卷 肥美香滑，油脂入口即溶，配上蔥花中和油膩感。珍寶蟹膏帶子壽司帶子Size未算好大，但肉質都夠細密，軟嫩鮮甜，加上蟹膏增加咸鮮道。流心芝士年糕呢度用網燒烤做法，外層相對用炸既方法無咁香脆，反而食到少少糯米香夠煙靭，芝士就唔算濃味七味魚翅 醃製夠入味，烤得稍燶，留有魚油脂香味，送酒一流。

幸尼接收工齊齊步行去河內道「味道樂居酒屋」。其實尖東站出口一出就到真係呢！🤣我第一次幫襯一開門已經好鍾意環境😍，日本我來了！🥰🥰牆上裝飾一木一草一大堆超人臉譜，那一刻我簡直當自己有如日本人一樣，收工落居酒屋嘆杯日本清酒感覺。🍺🍶居酒屋酒不能小，先來杯麒麟啤酒爽一爽，再來一瓶清酒正式今晚晚餐，呢支清酒清甜有米香好純。🥢$58佐酒小食我首選魚干，這款味淋魚干燒得香口食落軟軟甜甜質感很好。🥢$58黑蒜黑豚肉卷 我形容這是燒物中皇牌沒誇張，醬汁肉汁香口感豐盈包滿，肉質軟嫩滿嘴蒜香美味什佳 👍👍😋🥢$42鹽燒雞翼 金黃色賣相非常吸引，炸得香酥內嫩啖啖雞翼香氣，一口雞翼一口啤酒滋味無窮。🥢$42鹽燒雞軟骨惹味佐酒伴侶，脆香味道佳。🥢$128 牛肉壽喜燒牛肉、豆腐、金菇、冬菇、大蔥蒟蒻絲配上這個壽喜燒汁恰到好處，將隻生雞蛋撈勻所有材料中，真心湯底都清哂。🤣😋牛肉的肉質柔軟，涮一涮口感剛好滋味滿溢。🤓服務態度友善隨和，手機落單簡易清晰，上菜速度都快捷，價錢合理下次再見！

今日同朋友行開河內道K11 ，發現對面有間日本餐廳，今天就入去試吓。店內唔算太大，但係好有日本風格，真係好掛住日本！京蔥雞肉串Menu入邊好多串燒選擇，揀咗一款嚟試吓，燒得好香，高水準之作，京蔥再配上雞肉，好惹味，雞肉保持到肉汁。火焰北海道帆立貝蟹膏卷蟹膏再配上帆立貝好夾，壽司飯裡面包住牛油果，係我嘅至愛。牛肉壽喜燒見佢好受歡迎，我見枱枱都有一份。果然湯底配搭好入味，再加上牛肉份量都唔少，識人都有幾舊水，仲有大量菜類，誠意推介。美國牛柳粒糖心蛋石鍋飯一上枱香噴噴，醬汁好惹味，牛柳粒好嫩滑，加埋糖心蛋簡直冇得輸，石鍋飯有少許飯焦，長期保溫，非常美味。我見佢個午餐Menu都好吸引抵食，下次可以試吓。

今日同阿女出尖沙咀逛K11，黃昏時段搵地方食晚飯，河內道的《味道樂居酒屋》食餐日本菜，這店選擇非常豐富。店內裝飾日本風，彷如置身日本旅行中。火炙北海道帆立貝蟹膏卷~鮮甜的帆立貝鋪上味道香濃的蟹膏，強烈的對比感十分可口，估唔到有這麽特別嘅效果。迷你三文魚籽甜蝦蓉丼~好少食甜蝦蓉，加少少醬油，美味，配合入口即爆嘅三文魚籽，這個丼好有特色。明太子免治雞肉棒~絕對建議一定要趁熱食，明太子非常惹味，雞肉棒加入雞軟骨碎，咬落有口感，這配搭有創意！煙肉櫻花蝦燒日本播磨蠔~ 煙肉櫻花蝦令整體變得更香口。原條成田醬炭火燒鰻魚飯~嘩！一上枱已經好驚喜，賣相亦相當吸引，原條鰻魚都冇諗過會咁大條咁厚肉，鰻魚肉又香又滑，鰻魚汁是錦上添花。

K11對面有間居酒屋，成日經過今次終於book左食晚餐！明太子雞翼 $68雞翼裡面包住滿滿嘅明太子，微辣可口，好惹味，加少少檸檬汁更加清新！脆炸軟殼蟹反卷 $98反卷上面有滿滿嘅蟹籽同沙律醬，軟殼蟹有層薄薄嘅炸粉，香脆可口，唔錯！幸福海膽小卷 $188最上層係海膽同香蔥吞拿魚，海膽好新鮮，配反卷一齊食口感豐富！鐵板蒜片香煎厚切煎牛舌 $88呢個牛吞好特別，用鐵板上熱辣辣，除左有超厚切牛舌外，仲有條牛骨加半肥瘦牛肉，好入味！

位於K11附近的味道樂，店內佈局擺設都別有用心，營造出極具日本居酒居風味，差啲以為自己去咗日本食物款式選擇多元化，用電話落單方便快捷居酒屋必食的七味魚翅，表面燒至金脆微焦，配以沙律醬惹味可口頗驚喜的醬油燒年糕，年糕是即叫即燒，外層脆卜卜，咬落去軟綿綿帶煙韌口感，卻不黐牙，味道鹹鹹甜甜，不錯燒三文魚頭，燒至表面焦脆，由於油脂豐富關係，肉質依然肥美滑嫩刺身亦同樣出色，帶子厚肉，口感較為結實！日本生蠔海水味較淡，食落口感幾清爽！我最喜歡螢光魷魚，鮮甜美味完全不腥，外層帶爽脆感，佐酒一流立即點了一杯麒麟啤酒及檸檬威士忌梳打整體食材新鮮，環境乾淨舒適，價錢親民，可以再encore

終於去咗呢間想試好耐嘅居酒屋😍之前想去但成日都full booking，今次book到20:30但去到都差唔多滿晒座，人氣都真係幾高🤣我地兩個人想試多啲，嗌咗成5樣嘢，飽到爆🤣.💎 $98 火灸北海道帆立貝蟹膏卷 第一次試帶子同蟹膏呢個配搭，帆立貝粒粒都好大又好新鮮 😍配埋蟹膏食鮮甜得嚟又有少少鹹味 覺得唔洗蘸豉油都好好食 食多幾舊都唔會覺得厭！.💎 $68 黑松露和牛炒飯 平時去居酒屋最怕個飯/麵太大，搞到食唔落其他嘢，呢個份量就岩岩好！一上枱已經好重黑松露味，配埋和牛炒起好有鑊氣好好食😋.💎 $128 牛肉壽喜燒 材料比想像中多，牛肉同日本蛋固然係壽喜燒既必配材料！另外仲有幾種蔬菜喺入面，令呢鍋野更加豐富！湯濃郁得嚟唔會太甜，岩岩好.💎 $88 迷你三文魚籽甜蝦蓉干丼 要再強調多次，呢間嘢啲食材真係新鮮。第一啖試左少少三文魚子同甜蝦蓉，就已經好鍾意食。另外碗嘅份量適中，唔會食完碗飯就食唔落其他野。.💎 $88 香蒜牛油炒野菌 點都要嗌返個菜感覺健康啲🤣香蒜牛油呢個配搭真係無得輸，令人忍唔住一路食落去