味道樂居酒屋 (元州街) (Closed)

行街行到累.搵間野食下醫下肚先.見到細細間又有人排隊.望洛唔差.試下先.一坐低見有D逼.不過食好西無所謂啦.叫左幾樣野食.分別系燒大白鱔.芝士魚餅.三文魚.加個必食既巨大鰻魚飯食後感.巨大鰻魚飯望洛好令仔.有夠大條.分量都夠2個人食.但系唔知做咩D鰻魚腥腥地.D汁系好JUICY.不過偏咸.但食得好咸既你.2個人食還可以接受.跟住食個三文魚刺身.眼見三文魚切得太薄.食洛去FEEL唔太出三文魚味....芝士魚餅得2粒.咬洛入面有芝士味既.魚餅咸咗小小.個人認為可以有更多芝士.會更為好味.到燒大白鱔.燒得唔夠香，又唔肥美，食洛幾乾身.食左幾啖就...講完食物就要講下D service .明明未食完就不停想收碟. 仲有叫左D野漏左單.最後衛生就真係差左D，見到有好多蚊仔飛下飛下.SO SAD

下午回奶奶家飲湯順便放低大帝俾奶奶(第一次奶奶睇住大帝，估唔到都ok🤣🤣🤣)，我地就去攞藥，買大帝d鞋，夜晚黎味道樂食晚餐。因為晏晝飲左一大湯碗湯，都唔算太肚餓，所以都係叫刺身多。叫左活赤貝，螢光魷魚，池魚王刺身，海膽壽司，野菜牛肉烏冬，鹽燒厚切特上牛舌。螢光魷魚好爽嫩，醃漬過味道又鮮又濃咸，送酒一流。赤貝肉厚鮮甜，爽脆池魚王刺身薄切點d蘿蔔酸汁都唔錯海膽壽司味道甜無怪味，紫菜仲係脆卜卜👍👍一啖食好滿足野菜牛肉烏冬有驚喜，牛肉呈微微粉色，肉質軟嫩，烏冬彈牙好味鹽燒厚切特上牛舌調味剛剛好又彈牙又有汁餐廳似日式居酒屋，環境熱熱鬧鬧。

每一次揸車行過青山到轉彎位都見到好多人排隊嘅一間餐廳，今次見有時間專登停車試一試佢哋！地方細細，裝修10分充滿日本感覺！坐得都好舒服！我哋假日過嚟食中午，人唔算多，可以好好享受午餐！仲有假日限定嘅午餐選擇添！海膽三文魚子甜蝦蓉丼 $128分量真係頂呱呱超級大份，甜蝦蓉非常之鮮甜，意外地覺得10分好食，海膽都不錯，三文魚子又係份量勁多！海膽吞拿魚茸赤蝦丼$128當然唔使講份量一樣係咁多，吞拿魚茸魚味清香，亦很清甜，用料也非常新鮮！赤蝦好大隻！每一啖飯都可以配上刺身！他們仲有特別優惠Facebook打卡會送糖心蛋！梗係唔好錯過啦！

日本料理一向都係香港人最鍾意嘅食物之一但好食既日本料理價錢都唔會平，今日去開長沙灣俾我發現到呢間好有日本地道感覺既日本餐廳 9秒9沖入去，開餐唔好軒佢地方細細，裝修非常有日本道地感覺唔望窗口出邊嘅街景仲以為自己去咗日本🇯🇵言歸正傳講下我叫咗啲咩食先迷你火焰左口魚邊丼左口魚邊油份重，肉質厚身，唔會太薄冇口感日本米醋既份量剛剛好螢光迷你魷魚由於非常新鮮，有好重嘅海水同魷魚味仲要條條都好肥美鐵板黑松露帆立貝落重本，帆立貝大大粒，好多黑松露最重要係我本身有少少怕黑松露嘅味道，但佢咁樣炒埋一齊，再加啲菇食落真係好香呢碟真心推介以上開飯食評，只係本小姐個人食後感

長沙灣有好多好嘢食我個friend話有間日本野幾正喎試試佢試試佢日式裝修幾啱慢慢食飯傾吓計有特色嘅居酒屋嘢食嚟啦叫咗個流心芝士年糕年糕燒到剛剛好芝士味香濃一咬落去就即刻流出黎啦清酒煮蜆蜆屬於中形肉嫩鮮味仲叫咗三文魚壽司同埋帶子壽司兩個都好好味呀即叫即做啦仲叫咗一個丼超級之靚一睇個樣就覺得佢好豪華啦上面係有海膽然後周圍係為滿晒甜蝦另外仲有一盤三文魚子可以自己撈埋啲飯到一齊食嘢食鮮味不過等候時間相對比較長因為即叫即做嘅關係

以前都有去長沙灣廣場吃飯，今次去元洲街的《味道樂居酒屋》，位於長沙灣地鐵站C2 出口再步行7-9分鐘地方雖少但五臟俱全。 由入座至離座人流都沒停，而食物端來也很快。難為了職員也不停忙著。價錢又不貴 。 炙燒左口魚飯 （細碗）迷你火炙左口魚邊正！通常外邊只有一碟兩件仲要不是炙燒！ 而呢到就可以滿足哂，飯少餸多！ 越𡁻越多魚油溫出。 汁燒大白鱔 一串又肥美厚身既白鱔。 燒得表面微微黑，好脆 ！ 吞拿魚蓉壽司剛好一口魚蓉放進口內，共有四件。吞拿魚新鮮，留有鮮味也有。

係長沙灣搵朋友食飯佢就介紹左「味道樂」呢間居酒屋。見佢價錢又唔貴就決定入去一試。呢度既環境都唔錯。食物款式就唔算好多。我地點了「鐵板泡菜芝士雞」，呢款真係好有驚喜。淡淡既芝士包裹住雞肉，配上酸酸既泡菜，三樣食材出奇地夾。而且雞肉整得幾好，唔會有腥味。呢款菜餚值得推薦。之後我地點了呢度推介既「原條成田醬炭火燒鰻魚飯」鰻魚可謂十分足料，大大條。可惜就唔夠彈牙，不過勝在燒汁同燒得頗香。值得一試。我地都點了小食「芝麻雞翼」，煎同炸得幾香口，雞翼亦頗入味。食落都唔錯既，而且價錢都唔貴。「火炙帆立貝蟹膏卷」及「煙肉荔枝卷」呢兩款小食以「煙肉荔枝卷」最為突出。咸香既煙肉味包裹住荔枝既清甜，味道清新又特別，令人不禁想一食再食。唔錯。味道樂居酒屋係一間幾唔錯既小店。人流都唔少。而且價錢合理，食物新鮮。值得再黎光顧。

店內裝修以木色為主，有好多日本酒同燈籠既吊飾，超有居酒屋風味啊～Menu選擇都幾多，$100令蚊～海膽三文魚籽甜蝦蓉丼（$128）份量好足，好多三文魚籽同甜蝦蓉，勁有鮮味！海膽係完全唔腥同苦，超好味！魚生用料非常好，一啖一滿足啊！唯一既扣分位係個甜蛋太乾身：（香煎鵝肝雜菌石鍋飯 ($138)因為餐廳即刻整既關係，呢個飯就相對等得耐少少，侍應一拎出黎就已經聞到好濃烈既煎鵝肝味，放上枱後就見到鵝肝同雜菌。鵝肝大大舊又肥美，連埋d醬一齊炒超惹味！

一早Book左七點半， 7點三未到已經去到，見鋪入邊有幾個空位，入去同職員講自己book咗七點半，點知俾人趕返我出門口乾等，一個原因都冇，都搭正七點半，我再衝入去問，都係叫我返出門口企，過多5分鐘，終於叫我入去啦，完全唔知發生咩事，啲職員嘅咀臉仲好似係我做錯咁添，不知所謂。講返食物質素，的確係唔差嘅，我哋叫咗個帶子刺身，左口魚壽司，黑色蟹籽壽司，雞翼串燒，翠玉瓜串燒，兩款卷物，一款係吞拿魚卷，一款係芝士炸蝦卷，仲有一碗牛肉烏冬，同埋一碗豬骨「延茜」拉麵，刺身壽司質素平均，唔算10分驚艷，係黑色嘅蟹籽比較特別，雞翼本身調味不錯，加埋檸檬汁真係好好味，翠玉瓜一般，唔似坊間嘅做法，冇任何燒汁芝士或者係木魚片係上面，普普通通，兩款卷物不過不失，炸蝦卷上面有兩層芝士，口感較為特別，牛肉烏冬係用左稻庭烏冬，本人麻麻，而另一碗拉麵，湯底10分濃郁特別，值得推介。整體而言，店內裝修10分有誠意，食物質素都唔差，但員工……

味道樂好有日式居酒屋氣氛，之前起尖沙咀見過佢，今次終於起長沙環食到餐牌有串燒，鐵板，鍋物等炸池魚仔，細細條好香口，冇骨，配啤酒一流燒牛舌好淋，好厚切，加上炸蒜片一齊食又係另一道下酒菜鐵板芝士泡菜雞，芝香甜辣，口味口感都豐富，味道重嘅下酒菜。牛肉湯烏冬，好大一碗，生牛肉上桌用熱湯浸熟。牛肉肥瘦均勻軟嫩，配合冬菇及稻庭烏冬好味。今晚主角終於到了，厚厚實實大過手掌嘅原條蒲燒鰻魚飯，味道香濃，鰻魚厚厚啖啖肉。

居酒屋，即是提供酒類和飯菜的料理店。與只提供酒類的普通酒館不同，居酒屋同時會提供有質量的飯菜，但卻勝於小吃店，是富有日本特色的飲食店! !🇯🇵🇯🇵🇯🇵在這個清靜悠閒的黃昏，特地相約閨蜜到位於長沙灣的〈味道樂居酒屋〉，把酒言歡，輕輕鬆鬆的度過一個晚上。店內是滿滿日本居酒屋的氣氛，木系的裝修風格給人很relax的感覺牆上還掛有滿有日本風味的裝飾和酒樽，非常漂亮。時間尚早，店內人客不多，環境更清靜宜人。🌿🌿🌿夕陽西下，更添一點浪漫優雅的感覺。🌹🌹🌹〈甜蝦蓉三文魚籽壽司〉造型非常可愛，活像迷你的小雪山~~清甜的甜蝦蓉滿滿的舖在小飯糰上，口感細緻，再配上鹹鹹香香的三文魚子，味道更提鮮一層，有畫龍點睛之效。〈火灸北海道帆立貝蟹膏卷〉肥大肉厚的北海道帆立貝顏色雪白，光亮飽滿，要濃濃的蟹膏形成強烈的對比。大大片的帆立貝經火炙後有著輕輕的炭燒味道，配上鮮美甘甜的蟹膏，味道更見層次別以為只配上簡單的蟹柳青瓜卷就是冇誠意，正正就是因為味道簡單但口感清脆所以才更顯得帆立貝和蟹膏的鮮味更突出，這個配搭絕對是出奇制勝。〈汁燒大白鱔〉最後還點了肥美肉厚的大白鱔白鱔的肉質豐厚，油份充足。魚皮燒得香香脆脆，還用了濃郁的

星期日晚上的味道樂人好多，有日本居酒屋的氣氛，室外凍冰冰，室內暖笠笠。和友人吃著說著，愉快的渡一個晚上。煙肉櫻花蝦煎廣島蠔 $88， 在熱烘烘的鐵板上，廣島蠔味道重，煎得脆而香口，櫻花蝦細細粒好得意。螢光迷你魷魚 $48，第一次試，魷魚味很重但太咸，就像中式蒸曬乾魷魚那種味道。原條成田醬炭火燒鰻魚飯 $128，我相信是味道樂的主打之一，原條鰻魚超大，配飯好飽肚。燒三文魚頭 $88，燒燶了點，影響了味道，不過喜歡三文頭的我也吃光了。赤貝刺身 $98，朋友最愛的，差不多見到赤貝也必點，鮮甜爽口。

今日和好友相約長沙灣元州街味道樂居酒屋共渡晚餐。餐廳設計好有日本特色風格，仿似置身于日本居酒屋，環境舒適，今日我地食豪d，好友話加左薪，于是就一口氣點左清洒煮蜆、䐁肉野菜烏冬、燒雞軟骨、一板海膽、㙰膏海蝦、三文魚腩壽司🍣、食物好快就送上，清香撲鼻清洒煮蜆，蜆肉鮮味爽口，還有淡淡清洒味好友豚肉烏冬見他吃到津津有味，一板海膽終於來了，超新鮮海膽用脆脆紫菜包飯起吃飯囗感豐富、齒甲留香，十分回味無窮雞軟骨，肉質香甜，十分可囗、三文魚🍣魚腩肥美，樣樣都甘好味和高質！真的食過返尋味好滿足的一餐，我會再次光顧。

今晚來到荔枝角區是為了看看朋友那就快開張的新公司亦順便慶祝一下朋友說這居酒屋的水準不錯 好 就吃你！門面和內部裝修都令人有一種像真的置身在日本居酒屋的感覺說要慶祝 當然要喝點酒 叫了白桃燒酎梳打淡淡的桃味和酒味 很易入口 帶點甜很適合女仔喝Order 了的食物陸陸續續的上枱芝麻雞翼 好香口新鮮炸起 熱辣辣 入口juicy 啖啖肉 送酒一流三文魚籽甜蝦蓉丼好新鮮亦好鮮甜 一點也不腥賣相更加是一百分鹽燒厚切特上牛舌牛舌燒得剛好 不鞋也不韌口感一流 而鹽燒這手法亦充份保留了牛舌的原汁原味 必點野菜牛肉湯烏冬湯底極鮮甜 烏冬爽口彈牙 而牛肉亦很嫩滑其他食物都好好味 最重要是夠新鮮仲食到好飽添希望朋友生意興隆搵多d 到時請我地再食餐勁嘅😏🤤

呢間餐廳一眼望落去就充滿和風感覺！木系嘅裝修，牆上擺滿日本酒樽同懷舊海報，再配合柔和燈光，真係好有懷舊氣息。原條炭火燒鰻魚飯（$128）呢個飯係呢到嘅招牌，基本上十枱客有八枱都會叫，我呢d中意跟風嘅就當然試試佢啦！味道的確唔錯嘅，鰻魚燒到有微微焦香，仲有脆邊但佢條鰻魚真係好大條好厚肉好肥美，唔食d飯都無可能一個人食晒成條🤦🏻‍♀️三四個人share就岩啦，如果唔係唔洗食其他野都飽晒！海膽壽司（特價$38一件）特價海膽壽司唔臭唔腥，而且海膽份量都唔少火炙北海道帆立貝蟹膏卷（$88）呢個廚司推介唔錯！蟹膏甘香，帆立貝鮮甜，青瓜卷爽口清新香炸日本池魚仔（$48）飲啤酒就梗係要叫返碟炸物送酒啦！池魚仔細細條但估唔到都幾多肉，外脆內軟，唔會好乾，都幾好食黑蒜黑豚肉卷（$48）豚肉燒得好香脆，上面佈滿黑蒜，減輕咗豚肉嘅肥膩感，仲令到味道更加濃郁