8號茶居 (宏業南街) (Closed)

8號茶居元朗朗屏站下面一個返新商場開咗一間精緻點心抵食嘅舖頭沿着西鐵站落呢幾分鐘就到左呢間8號茶居由於疫情嘅關係入到去需要登記同埋洗手保持衛生咁先至食得安心你得食件衫就梗係咩類型都叫吓啦所以我哋叫咗8號蝦餃王（ $19 ）、蟹籽燒賣王（ $18）、鮮蝦菜苗餃（$19）、山竹牛肉球（$26）、糯米雞（$29）、鮑汁豬手（$36）、牛油果沙律春卷（$25）、香煎黑椒牛肉包（$21）、原隻鮮蝦腸（$30）😋😋仲開咗香片茶添！佢哋嘅蝦餃燒賣都係兩粒裝😙方便我哋呢啲又想食好多嘢🤩但又怕食唔晒嘅人士！🥳🤗值得一讚嘅係佢哋嘅菜苗餃真係好足料而且皮薄餡靚！員工仲好積極咁會問你要唔要辣椒醬😌🧐呢個位真係加分因為我係好鍾意食辣椒醬點點心嘅人✌🏻佢哋嘅原隻鮮蝦腸粉！除咗有原隻鮮蝦之外🧐仲會有埋蝦滑喺入邊成個口感非常豐富🥳入邊仲有買蘿蔔絲同埋青瓜絲✨✨鮑汁豬手好肥美，牛油果沙律春卷炸得啱啱好外脆入邊係牛油果沙律好清新！😛整體來講佢哋嘅點心CP值都好高！真係好適合一家大細嚟食一個精緻嘅點心餐✨✨

地方整潔，招呼唔錯，食品就見人見智。2個人食$200，首先，蝦餃覺得有異味，又食不出是甚麼。燒賣分兩層，味道一般，比較肥。咸水角新鮮，但較油，吸油紙都濕晒。竹筒飯好味。燉湯都好好，淮山螺頭湯，唔錯。雪山义燒包，好味，新鮮。完餐後，覺得有小許口渴。

今日我和媽媽一起去飲茶，相約在元朗，因為我想去下白泥看日落，媽媽就去銀行，在這邊飲茶就較方便。位置：在朗屏西鐵站F出口走去，五分鐘便到達，在是一個屋苑商場的地下，亦方便走過去元朗住小巴。環境：店內空間不大，約十張桌椅左右，裝潢簡單直接，在牆上面已列出招牌菜，店門和半邊都是落地玻璃，所以室內光線充足，明亮照人。服務：一坐下已提供茶具和碗筷，食物是即叫即做，所以要等，但好過茶樓是工廠式加熱食品。午市：下午茶2:30後入座有九折優惠，我們正是善用這段時間。川味黃鱔飯$59這個飯真一流，雖是川汁，但不會過辣，用來撈飯惹味，再配上彈牙的黃鱔，起初會擔心黃鱔會有腥味，但一點也沒有，川汁已去掉魚腥味，並保留魚肉滑溜彈牙的口感！雪山叉燒餐包$20這是波蘿包和叉燒包的混合版，表層是白色微黃的酥皮，內餡是叉燒，外脆內軟，有叉燒的鹹香，值得一試。8號蝦餃皇$19兩隻大蝦餃，餃皮較黏和帶韌，餡料充足，充滿鮮蝦味！醬皇蒸鳳爪$26這個不得不讚，因為調味剛好，底下有腐皮吸收所有醬汁，很好吃。鳳爪夠軟身，一咬就骨皮分離，亦吸滿醬汁，對這個鳳爪很驚喜。鴛鴦鮮蝦網米腸$35這個蒸粉腸就較油膩，口感像吃炸兩，不過比炸兩更

而家好多新穎嘅小店係食點心嘅，今次去咗朗屏一間新式小店，位置喺朗屏站行兩三分鐘就到啦對住私人屋苑非常之方便，小店環境非常新淨，枱與枱之間有一定嘅距離，喺疫情底下非常之值得一讚選擇都有非常多，除咗點心之外仲有蒸飯同埋燉湯，不過本人比較鍾意食點心所以淨係叫點心叫咗個淮山燉湯，好足料，又合理雪山叉燒包兩個，熱辣辣依個西多士非常之犀利，一切落去，入面嘅餡料好似火山咁湧出嚟非常之值得一讚嘅係，佢入面嘅餡料唔會好甜，老人家都適合食用！用嚟打卡都一流啦，另外佢入面都有蛋黃嘅香味春卷腸粉，熱辣辣幾得意，綠色嗰個有少少菜味幾得意全部點心都做到熱辣辣，蝦都非常之彈牙總括嚟講，無論早餐下午茶晚餐呢一間都非常之適合，因為夜晚黑佢有飯啦點心啦燉湯啦，都見到有好多人叫外賣添

今晚去了朗屏站對出的8號茶居飲茶，點心款式都幾多，另外還有套餐燉湯配竹筒飯，一個人都可以去食。蝦餃一籠兩粒，自己一個人都可以叫，蝦餃皮薄又脹卜卜，蝦肉切碎混合豬豬餡，如果多些蝦肉會更好。燒賣無用染黃的燒賣皮，豬肉餡足，有少許蝦肉。牛肉比較腍身，有些芫茜香味。鴛鴦鮮蝦網米腸外皮爽滑，中間香脆，內裏是蝦肉餡料，外軟內脆。咖喱蒸土魷有很香的咖喱味，帶點微辣，魷魚彈牙，十分惹味。叉燒腸皮薄而且爽口，裏面叉燒餡十足。最後必食瀑布流沙西多士，一切開爆汁，咸蛋奶黃餡超香滑。

新式茶樓開喺地舖係正朗屏 西鐵站附近位置好就腳好方便一入到去，職員整體都好有禮貌做左個簡單介紹下午茶孖寶勁抵食，1~2個人食最岩，即叫即蒸，等10~15分鐘，夠哂熱， 不過今日冇揀到下午茶餐食茶有幾個選擇茶: 菊花，普洱，壽眉，鐵觀音，香片汽鍋燉湯2。鮮淮山蓮子百合燉螺頭，用料十足，冇味精，食落夠粉4。花旗參燉烏雞湯，用料十足，冇味精川味黃鱔竹筒飯送燉湯 65hkd + 8hkd鮮! 好味，黃鱔彈牙，魚汁夠甜，睇落份量唔多，但食落都新係幾多點心套餐 98hkd (6選3🥰點心) 配甜品，燉湯，生菜1。醬王蒸鳳爪 ＜==同普通茶樓做法2。豉椒蒸排骨 ＜== 肥瘦適中，香口3。蟹子燒賣王 ＜== 巨無霸SIZE... 彈牙4。8號蝦餃皇5。鮮蝦菜苗餃6。潮州粉果悠悠閒閒坐咗兩個鐘， 涼住冷氣 Hea Hea地同朋友坐住傾計，enjoy 左一個下就!

2021年5月12日(三)專程同家姐來飲夜茶，叫多左要打包朗屏站F出口行去8號茶居2分鐘就到，都算方便。6:50pm去到，店內一位客人都冇，差啲想掉頭走，怕中伏好在七點之後都有三枱客我哋兩位叫咗九樣嘢8號蝦餃皇、鮮蝦菜苗餃、蜜汁叉燒包、雪山叉燒餐包、瀑布流沙西多士、原隻鮮蝦腸粉、鴛鴦鮮蝦網米腸、一飯一湯套餐：豉汁黃鱔竹筒飯及鮮淮山蓮子百合燉螺頭汽鍋燉湯瀑布流沙西多士瀑布咁多流沙，做得唔錯，其實即係中式流沙包入邊嘅餡料本人對原隻鮮蝦腸粉最有要求，腸粉皮做得唔靚，又厚又癡，見唔到一隻完整嘅蝦，啲蝦碎濕濕，鮮唔鮮就食唔出我估計佢原隻嘅意思係一碟腸粉入邊用一隻鮮蝦鴛鴦鮮蝦網米腸雖然所有食物都是即叫即做，此網米腸最遲上枱，但係都唔熱嘅，即食都唔脆，少少硬，食唔出有鮮蝦喺入邊，感覺有少少蝦膠啦其他食物都是正常出品，所有食物都是OK的，不會難食，如果住附近，或者去開果頭，想普普通通食吓點心都唔錯嘅，只係沒有特別吸引之處

上網睇咗食在元朗介紹，所以去試吓點心即叫即蒸味道尚可環境都可以，星期日晚上不滿座，只有我一台客，直到七點先有第二台客入嚟叫外賣居多但燉湯個人感覺一般，性價比低，偏鹹，細碗，蒸飯都係好一般，上枱冇出煙，個底啲飯只係溫暖而唔係熱，所以都食淨左，大打折扣唯一炸物幾好食可能下次要試其他點心，先試到真正實力門口停車係比較方便

2021.5.3（一）$212下午跟朋友去元朗<朗屏8號>收樓，意猶未盡就食埋個晚餐，係旁邊既＜8號茶居＞好lucky兩個8號。男女服務員都好禮貌【值得一讚】，先黎水滾茶靚既普洱，濃郁清香《唔貴噃，茶錢每位5蚊》朋友點左5個點心，一個飯+燉湯$30 瀑布流沙西多士：與眾不同既地方係外層唔油膩，茶餐廳一上檯d油就四處流出黎，照片睇到一切開＜吉士漿＞就爆出，好好味，值得放第1位下次一定要再食$19 鮮蝦菜苗餃：皮薄／蝦新鮮／菜苗味濃，我有少少挑剔，如果可以細小小＜因為我咀仔細呀嗎＞，一啖一隻就好啦，但佢足料好大隻$28 咖哩蒸土魷：咖哩味剛好，唔太濃味搶走個主角土魷，正$20 南瓜籽馬拉糕：有心思的放南瓜籽在我心愛的馬拉糕，多一份溫暖$24 手磨薑汁糕：無得輸，薑味好香，這手工製作的糕點，必須耐性重點：特色竹筒飯（川味黃鱔飯）少許麻辣配黃鱔，味道剛好，加上幾片3色椒，窩心燉湯：金銀菜燉豬肺（清香菜乾配豬肺，清熱化痰，超值，手工錢，非常值得）

以往經過元朗工業區都唔會留得耐，事關個區入黑就夜闌人靜，近呢幾年發展得好快，起咗私人樓就有齊配套。私樓商場變成五光十色，而8號茶居塊霓虹燈最吸引到我目光，所以衝入去飲杯茶、食個飽……行到門口，店員已經殷勤地打招呼，完成防疫措施後，馬上安排入座。望咗兩眼，已經好肯定會嗌一飯一汽鍋燉湯套餐，相對其他餐廳，性價比頗高。點心紙明碼實價寫明有幾多件。有別於傳統茶壺，呢款更加明顯睇到水位，方便加水。店內的手工點心喺即叫即蒸，等待時間比較長。第一個上嘅菜係蟲草花燉雞腳湯，個湯無落油，健康、足料又好味蜜汁叉燒包：外皮軟熟，叉燒汁從內湧出，亦有叉燒粒提升口感咖哩蒸土魷：份量十足，滿到隻碟裝唔晒。咖喱汁不夠濃稠，可以再濃味啲，土魷夠爽口。8號蝦餃王 ：皮薄餡靚，半透明嘅外皮非常吸引，咬開煙韌彈牙，鮮蝦新鮮爽口。蟹籽燒賣皇：呢度燒賣比較特別，唔係出面食開黃色皮個款，啖啖肉，好飽滿。鴛鴦鮮蝦網米腸：一上枱已經非常吸睛。感覺有啲似市面上既油條腸粉，但呢款喺外脆內嫩。鼓汁排骨竹筒飯：排骨佈滿豉汁味，肉汁遍佈整晶瑩飯粒之上，用嚟撈飯非常好味

近年香港開左好多間點心專門店，標榜手工點心即叫即做，啱晒我呢d非常鐘意食港式點心嘅人。呢間8號茶居係我呢排經常去嘅點心鋪，佢係朗屏西鐵站行過黎都係兩三分鐘，非常就腳。佢嘅點心款式唔算特別多，不過大路嘅燒賣蝦餃腸粉都有，另外亦有d自創嘅新式點心。最值得一讚嘅係佢一籠點心一般係得兩至三粒，即使一兩個人黎食，都可以食到五六款點心我地嗌左燒賣，菜苗餃，腐皮卷，山竹牛肉，奶皇流心西多士，鮮蝦網米腸，同埋豉汁黃鱔竹筒飯。菜苗餃非常足料，成個餃都好飽滿，好味腐皮卷啱啱炸起，火候剛剛好，唔會冧油山竹牛肉牛肉豬肉比例啱啱好，夠滑同時亦食到牛肉芫茜香奶皇流心西多士呢個係新派點心，一切開入面嘅奶皇醬非常膨拜，有蛋王香，配埋外面嘅香脆多士食，冇得彈鮮蝦網米腸外面薄薄嘅腸粉皮新鮮拉起，內面嘅網米蝦卷食，口感外滑內脆，加埋自家制甜豉油食，正豉汁黃鱔竹筒飯用真。竹筒蒸，食到啖啖飯香，不過黃鱔略嫌咸左d去呢d點心鋪壺茶一定係配角，我地嗌嘅係壽味，沖左兩次都仲係好濃，點心鋪黎講算唔錯埋單都係$200左右，夜晚可以食到咁多款點心真係算幾抵食，絕得值得回頭

呢間小店主打點心，咁啱行過，一於試下佢。但中午時間都幾多人，堂食要等位，所以只可以買外賣走。🔎一飯一汽鍋燉湯套餐（$65，外賣+$2）顧名思義，呢個套餐會跟1個飯同湯。✏️竹筒飯(六選一)：。豉椒排骨竹筒飯。鮑汁豬手竹筒飯。鮑魚雞粒竹筒飯。牛肉煎蛋竹筒飯。川味黃鱔竹筒飯（+$8）。臘味三寶竹筒飯（+$8）✏️汽鍋燉湯(四選一)。蟲草花燉雞腳湯。鮮淮山蓮子百合燉螺頭湯。金銀菜燉豬肺湯（+$8）。花旗參燉烏雞湯（+$8）我就揀左鮑魚雞粒竹筒飯配鮮淮山蓮子百合燉螺頭湯。由於外賣關係，就睇唔到嗰竹筒飯同汽鍋湯原本既樣。鮑魚雞粒竹筒飯：飯的口感軟硬適中，鮑魚同雞粒都好入味，配上豉油，味道好好。雖然睇落份量好似唔係好多，但食完都好飽。淮山蓮子百合燉螺頭湯：湯好鮮甜，飲完唔會口渴，好好飲。📒下次有機會會再試下佢其他野，例如：點心~

今晚阿媽話唔想煮，咁就同佢飲個夜茶☺️我地心大心細唔知食竹筒飯定點心，有職員（可能係老闆）好熱心問我使唔使推介下食咩👍🏻蝦餃皇、鮮蝦菜苗餃兩樣都係兩粒上，正呀可以試晒兩樣。菜苗餃超級出色，味道剛好，勁大粒又好多蝦同菜苗，蝦餃都一樣多蝦。阿姐比左碟秘製有渣既辣椒油我，小辣勁香☺️我用黎點所有點心🤩山竹牛肉球冇茶樓果啲咁綿爛，有口感，我食左兩粒半，可想而知幾好食😂鴛鴦鮮蝦網米腸第一次食呢隻腸粉，好脆😱兩隻色好似唔係好大分別，但橙色就多左紅蘿蔔🥕，佢個豉油好好味。海苔鮮蝦腐皮卷熱辣辣即炸，落單冇睇到有海苔，食到果陣覺得好驚喜，冇乜茶樓會落紫菜整👌🏼瀑布流沙西多士不得了呢個，因為上碟果陣佢賬卜卜咁，我地攤到最後先食佢。點知佢個餡真係膨湃到一切就咇晒啲流沙出黎🤣有小小嚇親。佢個味係似流沙奶黃包咁，但反而冇一般西多咁滯。其他點心都好正常，好出奇咁細間小店可以有呢個水準，重要食左咁多野都係200左右，超抵。以後飲茶唔使特登出元朗🥳呢間真係要比5星，食物服務環境都veli good👌🏼

朋友新居 朗屏8號 入伙，到朗屏站F出口就見到天虹商場，行大約3分鐘就到8號茶居十分近呢。這裏比較身形的飲茶很受年輕人喜歡，價錢實惠而且不用加一，點心即叫即蒸熱辣辣很好吃，服務也很好，坐得也十分舒服。.一竹筒飯一汽鍋燉湯套餐 $65這個絕對是養生滋補套餐，汽鍋湯足料，有2塊響螺豬肉等等，湯也燉得很清甜。竹筒飯很有特色，牛肉餅比想像中大。這個套餐夠兩個人食呢。.包點/腸粉-雪山叉燒包：這個點心很特別很創新，是菠蘿包及叉燒包的結合，外脆內香熱，大人小朋友都喜歡。南瓜籽馬拉糕：鬆軟香化原條鮮蝦腸：晶凝通透，很足料多蝦.即叫即蒸點心 - 8號蝦餃王：比一般的大，蝦肉滿滿蟹籽燒賣王： 上面白色的我以為是肥肉，原來是墨魚膠，啖啖飲茄紅素湯鮮竹卷：第一次吃用蕃茄做汁的鮮竹卷，配搭新穎.其他-手磨薑汁糕：意外地好食，吃到有薑汁的微辣焗魚燒汁茄子：中式飲茶有Crossover日式料理，茄子上面有墨魚（？）膠，熱得很窩心.我們坐到了卡位，休閒地談天說地，令人滿足的晚餐

今日經過朗八嗰頭，比呢間點心譜吸引咗，見到佢有個套餐係一蒸飯一燉湯，都幾抵，所以就入咗嚟試埋佢其他點心。嗰個套餐我哋就要咗排骨飯配蟲草花雞腳湯，呢度啲湯全部都係燉湯嚟嘅。個湯幾清甜飲到冇監額外嘅味精。至於排骨飯呢排骨呢就比較肥咗啲。點心方面就叫咗個咖喱魷魚，咖喱味略嫌唔係好足，但係份量超多，我諗佢嘅魷魚等於平日其他點心店嘅魷魚兩倍左右。另外叫咗蝦餃燒賣菜苗餃，呢度嘅蝦餃燒賣可以兩件咁樣叫，啱晒啲兩個人嘅情侶或者夫婦嚟食。不得不提個鴛鴦鮮蝦網米腸，好香口好脆，呢個好值得推薦。另外海苔鮮蝦腐皮卷亦都超值得推薦，即是擺咗一陣帶個負皮仍然好脆，超好食。另外好欣賞呢度嘅就係食點心嘅舖頭通常都唔係超級光猛乾淨，但係呢度就超整潔企理。