龍朝酒家 (Closed)

今日同老豆、老婆去飲茶，叫了幾款點心。有蝦餃、腸粉、鳯爪、法式蝦長春卷。再叫了碟肉絲炒麵及海鮮雜薈（3份）。法式蝦長春卷十分好食，脆而不油膩，再配上沙律醬食一流👍海鮮雜薈，材料包括鮑魚、貴妃蚌及鮮蝦。佢會在你面前即刻煮，貴妃蚌非常鮮甜、鮑魚十分彈牙有咬感，再加上切咗的薑絲蔥絲一同煮湯十分好味、鮮味十足！ 唯一美中不足是腸粉皮不夠薄。此餐廳值得推介！

父親節飯局，由於想包房，很多名牌食肆都爆滿。唯有致電龍朝碰碰運氣，幸好他回覆還有一間空房。這間酒樓很多年前吃過，水準不錯。但近一兩年水準下降，很久都沒有再幫襯過。所以初時都有點擔心。但到了當日一上到酒樓，有點眼前一亮。因為明顯有翻新過。環境明亮亦坐得舒服。由於爸爸喜歡海鮮，故點了龍蝦，花甲等菜色。其實食海鮮，食材夠新鮮己成功了一半。幸好都沒有令我們欠望，全都新鮮甜美，價錢亦合理。其他非海鮮菜色亦做得不錯，務服亦用心。今時今日做食肆小點心機也不行，明顯有因應食客的評價改進過。一家人都吃得很高興。下次食飯又多一個選擇。

早輪提過在佐敦薈商場的飲茶經常，言猶在耳，家父母連上層三樓的龍朝酒家亦都光顧，得知感覺來得不俗，上週六決定帶同本人再度品嚐一番：在一個不太起眼的商場飲茶，想最大的好處，還是於早上之時，不需忍受輪籌及等位之苦，近來覓食戰略也開始覺懂轉移爭地，沒需要下也無謂與人同爭。到了開茶時間，看桌上放著一個金色的沖水兜，有如一個藝術品般，由於和樓下的款式幾乎一模一樣，有理由相信位駐兩層的酒家，有一定程度的聯營關係。家人的策略，開茶之後的首要事項，還是找尋那種特惠點心紙，看今次的選擇不少，價錢上也是豐儉由人。先來的是每隻六元的灌湯餃，採用的湯浸的做法，雖不是個人屬意的水心，但味道還是來得不俗。於鮮味的上湯浸著下，薄身的餃皮亦是柔韌適中，以蝦肉為主的內餡也是鮮味，其溶化的湯凍呈現糊身之狀，加上熱度足夠，以這價錢來說，亦沒可大挑剔的地方。再來一個粥麵的配搭，說句實在的，這碗皮蛋瘦肉粥只屬不過不失，粥底既沒有用上老火煲出的味道，質感上也是略為稠身，撇除這些問題，還是可堪一嚐，起碼勝在足料。再配上一個豉油皇炒麵，來得瞹眛的溫度，勝在配了一點火腿絲及菜蔬，作為一頓早餐，還是起上清腸胃的功用。香茜叉燒腸的拉皮稍為糊

呢間都唔係第一次去, 一般都係同屋企人去食因為住附近. 服務,食物質素不嬲都不過不失. 星期日又一行五人去食, 因為媽咪飲早茶個陣有個待應比咗張套餐coupon佢, 所以我地叫咗個六人海鮮套餐加兩隻燒乳鴒, 奇遇就開始啦.......(1) 個待應好搞笑, 佢地冇啤酒MENU..... 我 : 有咩啤酒? 待 : 有青島,藍妹,嘉士伯 我 : 青島幾錢? 待 : 都係個d價錢啦, 廿零三十蚊支! 我地都O晒咀, 結果都叫咗支青島. 點知知轉頭又話冇青島. 我 : 其實係有邊D啤酒? 待 : ar........ 之後有個部長行過救咗佢, 原來有獅威, 仲特價$18支!!!! ========(2) d餸都黎得好快. 不過除咗隻雞之外, 其他都唔係幾好食, 尤其d乳鴒真係鹹到脷都損, 不過因為媽咪成日係度飲茶, 咁就算數. 其間阿姐放抵咗兩份蠔皇扣八頭鮑拌花膠 (每份有三舊西蘭花，一舊酒樓瓷羹放得晒嘅鮑魚，同一舊約5cm長，食指咁粗嘅花膠)，我地一邊食住等，奇怪點解另外個四份仲味黎，再叫阿姐比番張coupon我地睇清楚有咩食，點知轉頭就阿姐埋

星期日同朋友行街已經八點又來到這裡吃晚飯我喜歡晚上來這裡因為晚上除了有酒席之外每次來親都好清靜今日我地叫了兩碗雞絲翅一條星班仔十四兩兩份鮑魚伴玉掌兩隻蒸龍蝦首先來兩碗翅，翅份量都幾多有金華火煺絲，當然有雞絲湯底都夠濃郁，啖啖翅，正星班我自己行在魚缸邊揀的清蒸上枱感覺好新鮮蒸到剛剛好，唔會太生緊緊熟加上少許鮮甜鼔油，美味無窮至於鮑魚伴玉掌勁多汁，我估應該係南非果種鮑魚扣得都夠淋身夠入味至於玉掌就是鵝掌都夠淋亦夠味蒜蓉粉絲蒸龍蝦上枱勁香蒜蓉味龍蝦肉質爽實，調味適宜全晚叫咗一個白飯我自己食題外話，個飯放在枱面我立即拿起但係成隻碗感覺好熱好熱係個碗好熱好熱唔通佢地成碗飯同隻碗一齊蒸我扒一啖隻手頂吾順隔一分鐘又扒一啖飯如是者放低碗飯三次枱面奇怪D伙記放落枱又吾怕嘅飯後送生果及糖水呢度地方相當大有多個房間服務方面，次次黃金時間嚟即係七點至八點都係得幾枱客待應幾乎人釘人幾乎每個待應招乎一枱客見到幫襯d客大多數都私私文文而且多數都肯消費

午餐時間同三個同事來到叫左好多點心多到有d我都吾知係乜現在講我知道果d同我食過果d蝦餃x2，燒賣，粉果x2,水晶餃x2牛肉腸粉，叉燒腸粉，羅漢齋腸牛肉球，煎讓三寶，野菌伊麵還有多款包類，因為我太飽我同事叫，我都唔知係乜蝦餃皮薄蝦肉爽口彈牙燒賣菇味香濃，豬肉有咬口粉果皮煙煙韌韌，d料夠香口水晶餃也不錯，其實同蝦餃差不多只不過多了少許菜粒少了點芛絲三款腸粉，粉皮好淋，味道一般如果皮薄d仲好牛肉球亦夠淋身，味道都係一般野茵伊麵好細碟，d野菌又少我試一啖感覺好淡味跟住都唔食其他野嚟到我都飽到食唔到唯有坐係度同同事吹水我都經常嚟呢度食嘢呢度地方好大所以下午飯時間來到都容易搵位坐位寬敞，堂面有空間感可能佢樓底比較高關係服務都幾好

龍朝位置- 佐敦 DJ Mall 3樓 自助餐食得多反而點心任食還是第一次 $58 一人加一和茶芥 $80 多元一人1:45pm 開始, 可以吃到 4:00pm 點心紙, 選擇也多有點心,冷盤, 粉麵一籠兩件,當人少又想嚐多種類點心便是一個好選擇 涼伴手撕雞有海折,好吃醃青瓜不夠酸=__= 不開胃肉鬆豆腐豆腐炸到脆卻一點也不油喜歡吃香口必點鼔油炒腸粉ok 啦, 但好油蘿蔔糕=__=太大件, 好粉建議任食時不要叫否則好易撐飽魚翅香茜餃是素翅,餡是豬肉加了言茜又幾香皮是雲吞皮 豬肉燒賣有加蝦,面也有蝦子滿意 ^v^蝦餃皮太厚,又很大隻外形一上"木台"我還以為是粉果=__=入面包了2大隻蝦算你沒偷工減料放棄吃完餃皮,只ko一半鮮蝦粉腸相對其他茶樓的粉腸皮相對是厚了點幸好夠滑腐皮卷豬肉粒作餡食一條已好夠 >0<~我要留位食其他東西酸甜排骨粉厚了點都不錯吃------------馬拉糕味道一般不算好吃,但又稱不上難食 流心奶皇包必食!!! 叫了兩籠encore夠熱又有鹹蛋黃香有很多酒樓奶皇餡會下很多油扮熔岩流心效果, 但會好油好滯不會太多油膩, 包皮又不會太厚 ^v^芒果pud

七月十五日 星期五下午 本球會派代表到以上酒樓 訂了翌日下午八時半 四張十人檯寫好菜單落了訂金 $1,000.00希望該酒家能有充足時間為我們安排翌日飯局 七月十六日 星期六下午五時因人數有變致電酒樓商量減少一席經理同意八時半我們三十三人到達酒樓 卻得悉全院滿座經理建議在酒樓出面 電梯廁所周圍的空間 為我們預備一張十人, 一張八人 及一張六人檯.我們認為這並不是早一天親自去訂座後所會接受到的服務及安排在一開始時經理已沒有任何歉意，更沒有退回訂金的意思而在爭論過後才把訂金退回但訂金的協議是若顧客沒有如期出現 酒樓不用退回訂金但現在顧客如期出現, 他只能拿回本來屬於他的訂金酒樓對反悔承諾不需要負上任何責任由於從未試過接受到如此令香港蒙羞的服務，( 三十三人中有一半是外賓 )很想把這酒家的服務質素與大眾作出分享，以避免類似的事情發生在其他客人身上，造成不便，因無經驗之故 想請問各位處理這種突發的無良事件巿民除了上網舒緩心中怨氣之外有否其他應採取 或可以考慮的行動?

之前通常黎食晚飯，上周六就同屋企人黎飲午市茶，貪呢度坐得好舒服 嗰日都係叫返我去酒樓必嗌既幾樣野 蘿蔔糕: 好香好好食，雖然料唔係好夠，但味道好好! 叉燒腸粉: 同之前有食評話腸粉厚同韌有大分別，我當日食到既皮簿亦都好滑，不過細條左D囉 燒賣: OK 生炒骨: 上桌時心諗「咁細gei??」不過原來入面有好多粒肉，而且冇骨，好食 最後敵不過8.8 雙皮奶既誘惑，每人一碗，食完走人。

之前5月老公係呢到飲過,已經話勁唔掂.上星期六屋企宴客,叫左兩圍.二千幾的套餐,簡直連稻香都不如乳豬同西瓜係全晚唯一食得既.乳豬原隻上,上枱時熱的.然得由伙計剪開.西瓜係甜既之後無一味得翅:我唔食,據屋企人講係完全無,海參:有燶味蒸龍脷,條魚又霉,又無味.用d肉絲同冬菇夾硬加味炒飯是濕同無味的雞,還可以最離譜係紅豆沙無落糖其他都無印象其實我寧願做唔到尼d價錢,做返d普通d既菜色.好過而家樣樣都難食.到最後要逼住去掃街填肚囉.

今日叫個套餐有翅,鮑鱼,魚湯時菜,鮑汁炒飯鮑鱼夠林鮑汁炒飯唔太油膩全部不過不失環境就真係幾好幾舒服服務OK

12月6日 有朋友設婚宴16圍,我都係第一次去,全層面積好細,婚宴場地以外既地方就做散客,一檯二檯坐係電動樓梯附近.是否用名貴食材唔係最重要,因為我嚟飲係無得揀,我只能給予味道意見乳豬全體外皮真係好鬆脆,但係size好似縮左水,乳豬細得好梗要.蒸班韌到不得了,我已經挑"臉豬登"嚟食,竟然韌到好似食香口膠一樣.翅街邊既碗仔翅仲好食得多,稀到好似水咁,無味.炸蟹拑香口彈牙.鮑片完全無味,得個趙字鵝掌炆到好林,好入味.笑口酥最好食,微暖,鬆脆香口.紅豆沙淡到不得了,完全沒有味道,只有起沙既感覺罷了.我覺得好奇怪,全程既餐具上,係一個*碗*都無(食翅除外),食完第一味唔換碟無咩大問題,但係食到...............第二第三第四味都唔會換下個碟,所有餸既汁+餘下殘渣已經無位擺放,我地要開聲叫呀姐先至會換碟,依然唔會比個碗你,lee個可能係特色之一.味道不能取悅客人,至少其他方面有可取之處,希望酒家注意一下客人既需要.

0個日等摯愛F放0左工去行街, 出到去佐敦都差唔多2點, 想搵0野食又想坐下, 於是就搵酒樓飲下午茶~行下行下去到佐敦薈(JD Mall)電梯口, 有個'阿姐'係咁講「下午茶3樓! 下午茶3樓!」,有好多人上去架, 所以我同摯愛F就咁"半推半就"上0左去lu, 仲唔洗等好耐就有位0忝~呢間酒樓都幾得意, 因為我0地得2個人, 諗住應該要同其他人"搭枱"!點知唔洗, 有"卡位"喎(其實係有排長梳化, 放0左幾張方枱, 對面就放番普通櫈0者)!坐低後, 我同摯愛F就開始睇下有乜食同開茶, 我0地叫'壽眉', 佢0黎0左'普洱',啲普洱仲要無味 點心0黎到, 摯愛F叫人攞辣椒醬, 點知到埋單都無人攞過黎蝦餃 蝦好大隻(有2隻)好爽, 不過好怪, 點解唔用荀要用芹菜粒 啲荀好貴咩??? 一定要襯熱食, 因為凍0左0個皮就好'un', 皮底會粉同散開燒買 OK啦! 不過不失叉燒腸粉 叉燒無味, 豉油無味, 啲腸粉唔軟滑, 係厚同'un'似糯米咁, 好怪叉燒包 又係無味燒腩仔 皮都叫脆0既, 不過輕輕瘦0左啲囉雞粥 有味, OK燒鵝瀨粉

之前個幾次印象都唔係太好, 食物,服務都低過standard, 不過今次去到, 好大改善, 同埋, 食物質素有水準左好多~~因為阿爸舊曆生日既關係, 我地就嗌左半圍既十二人餐, 有翅有魚有蝦有乳豬拼盤~~仲有好多好多餸~~ 份量減一半, 六個人, 但...我個日係剛剛剝完智慧齒....除左飲左個翅, 食左個粥之外, 咩都唔可以食...但..見到d人餸, 真係好吸引!!! 佢地個個仲嗌好味好味好好味....激死我~~~雖然我冇親身試過, 但賣相相當吸引~~特別係以下三款推介***火龍果花枝丸- 花枝丸內有火龍果肉, 而外面炸了之後仲有蛋黃醬灑係上面, 阿姐同阿媽都讚不絕口, 而阿媽更將所有果肉清晒~~ 推介***炸南瓜條 + 脆煎豬肉骨- 佢地話d南瓜好新鮮~炸得恰到好處, 而豬肉骨都係好嫩滑, 唔un又唔膿, 一流~~ 推介***荷包蛋松子蛋白炒飯 - 最後上的一道菜..配料多, 佢地又話好味....但我一啖都冇食過~!~! 菜真係比之前個幾次好, 但人流唔多, 晚飯飲茶都唔會多人, 服務食物水準有改善, 係一件好事, 大家可以去試下, ~!~!但不要期望太多喎!!以免有落差~!~!

金融海嘯威力有幾大依家仲未知，但對消費意慾就立竿見影。星期六放咗工約埋屋企人去佐敦食晏，見呢度幾企理又上嚟試吓。下午兩點幾下午茶時段以為會好多人點知一D都唔full，立即有位。地方唔大一眼睇晒，近窗邊係卡位，可以望到彌敦道，另一邊係貴賓房，中間大堂D檯都唔算逼。食咗生菜魚球粥，魚球幾多粒個粥底都OK、义燒包同雞包仔都幾好味，牛肉就好普通、牛腸D粉又厚又硬，沙律蝦卷就細條D但都幾香口，我認為至好係個西炒飯，雖然漏咗單等咗好耐至有但係炒得好乾身一D都唔會油。食物嘅水準未至於話好好但係絕對唔差，響佐敦呢一帶應該有得做。不過發現一樣幾奇怪嘅事，原來中午嚟食仲抵，有D特價點心竟然係$7.8比下午茶仲要平，有D炒粉麵都係好平，証明午市競爭好大。諗落唔係幾明但一落到街就明晒，由佐敦道至柯士甸道的一段彌敦道，原來有成十間酒樓，生意難做可想而知。希望今次個浪快D過，如果唔係好多食肆都會頂唔住。