Video
2-min walk from Exit C2, Jordan MTR Station
continue reading
Payment Methods
Other Info
Alcoholic Drinks
10% Service Charge
Above information is for reference only. Please check details with the restaurant.
今日同老豆、老婆去飲茶，叫了幾款點心。有蝦餃、腸粉、鳯爪、法式蝦長春卷。再叫了碟肉絲炒麵及海鮮雜薈（3份）。法式蝦長春卷十分好食，脆而不油膩，再配上沙律醬食一流👍海鮮雜薈，材料包括鮑魚、貴妃蚌及鮮蝦。佢會在你面前即刻煮，貴妃蚌非常鮮甜、鮑魚十分彈牙有咬感，再加上切咗的薑絲蔥絲一同煮湯十分好味、鮮味十足！ 唯一美中不足是腸粉皮不夠薄。此餐廳值得推介！
continue reading
父親節飯局，由於想包房，很多名牌食肆都爆滿。唯有致電龍朝碰碰運氣，幸好他回覆還有一間空房。這間酒樓很多年前吃過，水準不錯。但近一兩年水準下降，很久都沒有再幫襯過。所以初時都有點擔心。但到了當日一上到酒樓，有點眼前一亮。因為明顯有翻新過。環境明亮亦坐得舒服。由於爸爸喜歡海鮮，故點了龍蝦，花甲等菜色。其實食海鮮，食材夠新鮮己成功了一半。幸好都沒有令我們欠望，全都新鮮甜美，價錢亦合理。其他非海鮮菜色亦做得不錯，務服亦用心。今時今日做食肆小點心機也不行，明顯有因應食客的評價改進過。一家人都吃得很高興。下次食飯又多一個選擇。
continue reading
早輪提過在佐敦薈商場的飲茶經常，言猶在耳，家父母連上層三樓的龍朝酒家亦都光顧，得知感覺來得不俗，上週六決定帶同本人再度品嚐一番：在一個不太起眼的商場飲茶，想最大的好處，還是於早上之時，不需忍受輪籌及等位之苦，近來覓食戰略也開始覺懂轉移爭地，沒需要下也無謂與人同爭。到了開茶時間，看桌上放著一個金色的沖水兜，有如一個藝術品般，由於和樓下的款式幾乎一模一樣，有理由相信位駐兩層的酒家，有一定程度的聯營關係。家人的策略，開茶之後的首要事項，還是找尋那種特惠點心紙，看今次的選擇不少，價錢上也是豐儉由人。先來的是每隻六元的灌湯餃，採用的湯浸的做法，雖不是個人屬意的水心，但味道還是來得不俗。於鮮味的上湯浸著下，薄身的餃皮亦是柔韌適中，以蝦肉為主的內餡也是鮮味，其溶化的湯凍呈現糊身之狀，加上熱度足夠，以這價錢來說，亦沒可大挑剔的地方。再來一個粥麵的配搭，說句實在的，這碗皮蛋瘦肉粥只屬不過不失，粥底既沒有用上老火煲出的味道，質感上也是略為稠身，撇除這些問題，還是可堪一嚐，起碼勝在足料。再配上一個豉油皇炒麵，來得瞹眛的溫度，勝在配了一點火腿絲及菜蔬，作為一頓早餐，還是起上清腸胃的功用。香茜叉燒腸的拉皮稍為糊身，沒有樓下酒家的來得柔韌滑身，至於內裡的用餡，香茜味道雖然稍為濃烈，配合蜜味的叉燒粒，感覺還是恰如其份。近來流行點心拼盤，一個大籠下五至六樣，適合一至兩個的茶客享用。廿元一籠之下，分別有兩款粉果、豬牛燒賣各一，還有叉燒包及糯米卷等。試了豬肉燒賣及潮洲粉果，來得熱騰之餘，味道亦有一定的水準，略嫌前者的肉質欠了一點彈性。至於糯米卷的內餡，更採用了黑糯米，除外皮來得鬆軟之外，米香更來得重身，最後還吃了半個叉燒包，垢病也是不大。還是廿元四粒的蝦餃皇，可來得更佳的評價，除賣相來得漲卜卜外，看摺頭的數量亦是不少，加上晶瑩通透的外皮，質感上還是柔韌有餘，挾起來也沒有穿破的跡象。內餡雖以蝦仁為主，當加入了筍塊之後，還是來得鮮味，整體不遜於名店的出品。至於飽肚用的盅飯，則點了梅菜排骨飯，腩排肉質鮮嫩，配上濃味的梅菜，不需醬油已可伴飯，惟飯身的質感有欠爽口，表面稍為爛身，不免美中不足。最後的雞扎倒算上乘，其腐皮包著的，分別有雞肉、魚肚、芋頭及火腿條等，熱騰之餘更滲了點油汁出來，各式醃料互相配搭，整體味道也吃著鮮味，尤其所用的芋頭十分鬆化，再配多一個白飯，整體價也不過十六元罷了。三個人合共一百四十元，味道及服務互見優劣，個人覺得沒兩老說得這麼好，勝在吃了這麼多東西，價錢還是來得實惠。據知下午茶亦有一些優惠項目，一元一隻帶子餃再加十元一碗擔擔麵，看看有否機會再試。陵之微調：B-用餐於二零一二年五月十九日上午
continue reading
呢間都唔係第一次去, 一般都係同屋企人去食因為住附近. 服務,食物質素不嬲都不過不失. 星期日又一行五人去食, 因為媽咪飲早茶個陣有個待應比咗張套餐coupon佢, 所以我地叫咗個六人海鮮套餐加兩隻燒乳鴒, 奇遇就開始啦.......(1) 個待應好搞笑, 佢地冇啤酒MENU..... 我 : 有咩啤酒? 待 : 有青島,藍妹,嘉士伯 我 : 青島幾錢? 待 : 都係個d價錢啦, 廿零三十蚊支! 我地都O晒咀, 結果都叫咗支青島. 點知知轉頭又話冇青島. 我 : 其實係有邊D啤酒? 待 : ar........ 之後有個部長行過救咗佢, 原來有獅威, 仲特價$18支!!!! ========(2) d餸都黎得好快. 不過除咗隻雞之外, 其他都唔係幾好食, 尤其d乳鴒真係鹹到脷都損, 不過因為媽咪成日係度飲茶, 咁就算數. 其間阿姐放抵咗兩份蠔皇扣八頭鮑拌花膠 (每份有三舊西蘭花，一舊酒樓瓷羹放得晒嘅鮑魚，同一舊約5cm長，食指咁粗嘅花膠)，我地一邊食住等，奇怪點解另外個四份仲味黎，再叫阿姐比番張coupon我地睇清楚有咩食，點知轉頭就阿姐埋黎講唔好意思比錯咗，你地個餐係清蒸鮑魚。果兩碟本來係第二張枱嘅. 果兩碟野我地都食晒咁滯, 得番一舊鮑魚. 我見佢即刻同經理會報。我仲聽到個經理同個阿姐講"最緊要食得開心". 但佢一路都冇比番張coupon我地睇，又唔過黎同我地講番點樣，我地就繼續食。其間爸爸自己帶做罐健力士黑啤去飲(因為酒樓冇呢種啤酒). ========(3) 之後碟清蒸鮑魚到, 比我見到個部長未拎埋枱之前竟然想將其中兩隻鮑魚夾起, 之後同隔離個同事唔知講咩又放番落碟, 繼續拎埋黎, 我心諗, 其實咁樣我都ok嘅. ========(4) 食完叫埋單(都預咗要比番一百幾十架啦)，等咗好耐都未得，等成十分鐘，個部長拎張單黎到，一睇真係嚇親，首先冇啦啦有項"貓嘜波打-$28", 另外"廚部食品-$240.我同佢講...... 我 : 罐啤酒係我地帶黎，唔好見到檯面有咩都計數. 部(笑騎騎咁即刻岔咗啤酒呢行) : 唔好意思, 可能搞錯咗. 我 : $240蚊係咩? 部(叫向其他人) : 喂，又話講咗嘅？(跟住同我講) : 頭先個阿姐拎錯咗兩碟鮑魚埋黎, 你地食咗味要收番錢囉!! 我 : 我地冇叫過, 係你地搞錯咋喎, 而且我話想睇番張coupon到依家都冇人拎番比我睇!! 我地話要搵經理, 個部長就叫個阿姐埋黎對質(一場大龍鳳正式開始) 我 : 阿姐你頭先同我地傾過D咩呢? 姐 : 我話碟野黎錯咗囉, (然後話個部長:叫咗你地印番張單比個客同個客講架啦, 我點識印啫!) 我 : 叫經理黎啦, 唔該. 跟住果個一路離遠望住點都唔肯過黎嘅經理終於出場! (當時我已經好嬲, 因為堂堂酒樓經理咁小事都唔自己搞要推阿姐出黎送死!! 同埋拎錯黎個兩碟野係一個$498二人餐, 有4-5樣餸+甜品, 有咩理由其中一味餸要$240, 簡直係獅子開大口!!) 我 : 我地冇叫過呢個餸係你地搞錯咗, 點解要收我錢?? 經 : 我地公司規矩已出之物係要收錢架喎. 我 : 咁你地一路冇人同我地講番, 食晒叫埋單先講, 咁同打死狗講價有咩分別? 你地頭先唔拎番起兩隻鮑魚補數?? 經 : 兩種鮑魚係唔同嘅..... (開始唔耐煩) 我 : 點唔同呀? 咁d客叫蒸魚, 你又蒸條貴魚出黎話唔同, 然後你話幾多都得架啦!! 你依家話呢碟野值二千都得架啦!! 我覺得咁樣好唔合理囉!! 經 : 咁小姐認為比幾多至合理呢?? 我 : 我係話要收錢唔合理. 經 : 公司規矩咁嘅情況客人唔比錢就要個阿姐賠架... 我 : 我唔理你地內部點處理, 總知我覺得要收我錢就唔啱!! (佢咁嘅態度令我改變初衷決定唔比!!) 經 : 咁小姐你即係決定唔比啦! 我 : 係! 經 : 好! 咁我比!! (然後佢好大力咁合埋個埋單用嘅黑色套, 一路行向cashier一路大聲爆粗, 其間仲"飛"埋個黑色套去張靠牆嘅枱面, 搞到"轟"一聲!! 幾張枱D客都望住佢, 然後又望我地, 我更加肯定我嘅決定冇錯, 亦即時"certified"咗呢間酒樓)==========反而阿姐之後過黎同我地講番唔好意思添!!**同場加影 : 係我地等埋單個陣, 隔離枱(2個女士))又發現酒樓多收小費成$30蚊, 個待應又係笑騎騎咁話可能計錯喎, 個收銀成日計錯數, 一係就炒咗個收銀, 一係就換過部電腦, 因為本來係普通家庭晚飯, 所以冇相為證, sorry !! ** 本人句句屬實, 雙方對話語氣動作原文筆錄, 並無加鹽加醋 **
continue reading
星期日同朋友行街已經八點又來到這裡吃晚飯我喜歡晚上來這裡因為晚上除了有酒席之外每次來親都好清靜今日我地叫了兩碗雞絲翅一條星班仔十四兩兩份鮑魚伴玉掌兩隻蒸龍蝦首先來兩碗翅，翅份量都幾多有金華火煺絲，當然有雞絲湯底都夠濃郁，啖啖翅，正星班我自己行在魚缸邊揀的清蒸上枱感覺好新鮮蒸到剛剛好，唔會太生緊緊熟加上少許鮮甜鼔油，美味無窮至於鮑魚伴玉掌勁多汁，我估應該係南非果種鮑魚扣得都夠淋身夠入味至於玉掌就是鵝掌都夠淋亦夠味蒜蓉粉絲蒸龍蝦上枱勁香蒜蓉味龍蝦肉質爽實，調味適宜全晚叫咗一個白飯我自己食題外話，個飯放在枱面我立即拿起但係成隻碗感覺好熱好熱係個碗好熱好熱唔通佢地成碗飯同隻碗一齊蒸我扒一啖隻手頂吾順隔一分鐘又扒一啖飯如是者放低碗飯三次枱面奇怪D伙記放落枱又吾怕嘅飯後送生果及糖水呢度地方相當大有多個房間服務方面，次次黃金時間嚟即係七點至八點都係得幾枱客待應幾乎人釘人幾乎每個待應招乎一枱客見到幫襯d客大多數都私私文文而且多數都肯消費
continue reading