麻痺英

Open Now

Now Closed

去左朋友屋企 晚餐就去到佢屋企附近既麻痺英食 果然無令我失望！今次試左佢既麻痺羊腩煲(bb辣)真係又香又惹味！而且岩曬唔係好食得辣既朋友仔另外佢有一d涼伴既小食 哩個涼拌海蜇好香口 用黎做前菜一流👍🏻點小得佢既即炸響鈴卷 岩岩炸出黎 又熱又脆 浸落個湯底度食一度配料選擇亦都好多 推介佢既黑椒豬頸肉 非常鬆軟同香 哩度亦有出面小有既芝士獅子狗 cp值好高👍🏻👍🏻👍🏻另外值得一讚既係 配料好乾淨 一d都唔求其總括黎講 麻痺英值得一去再去！

店員態度好好，好有禮貌又親切，手腳超快，不會忽略客人落單，非常好。身為響鈴狂人的我，終於找到最好食的響鈴，暫時沒有其他口袋名單可以超越這餐廳。響鈴做到薄脆，薄的程度比薯片更薄，也比薯片更脆，下湯一秒就上來吃，可以吃到外熱內脆，口感超級好。不下湯可以點泰式酸辣醬，酸酸甜甜好滋味，像在吃小食。大家來這餐廳一定要吃響鈴啊！雞煲：味道調得不錯，不會死咸，雞肉有彈性，最喜歡吃雞煲的洋蔥，肉厚，口感爽口不會粉，甜甜的加上雞煲汁，一流。

大埔雖然有唔少好野食，但要搵一間高質火鍋都要做足research! 之前經過見到呢間鋪名叫麻痺英，招牌幾特別都想搵次試下，今次就同咗屋企人去食晚飯😋呢到除咗有雞煲，仲有魚鍋、牛肉煲、羊腩煲。太多選擇花多眼亂😆.💎 $178兩位起 麻痹雞(正宗重慶雞煲)🥘🌶煲入面用左唔同配菜同醬汁調味，令到個雞煲好香。今次叫左微辣，雞肉好嫩，配辣汁食每一啖肉都覺得好惹味😋，雞煲裡面仲有紫洋蔥，薯仔，翠玉瓜等配料，吸收晒雞煲汁，清新得嚟又中和咗辣同油膩感。食完雞煲之後仲可以免費加返湯底繼續打邊爐，而飲品就無酒精任飲。🧃💎 $108/例 手切牛頸脊🥩一碟都有十幾片喺入面，每片肉質鮮明，脂肪平均，口感一流。真係好抵食。.💎 $78北海道帶子🦪平時食帶子擔心雪味好重，水滴滴，成碟帶子望落去新鮮，放湯灼熟觧甜。😘.💎 $68西班牙黑豚肉黑豚肉肉質分佈平均，無太多血腥味，放入湯底一滾，豚肉吸收湯汁(正所謂滾一滾，神仙企唔穩)。😋.💎 蜂巢豆腐打邊爐必叫，索晒湯汁超正！.💎炸芋頭片好重芋頭味，即使淥熟咗外層仍鬆脆！.💎 新鮮草鯇魚片魚腩認真滑得黎易入口。 .💎 最後就加個彈牙烏冬，吸收最後精華，一流享受。🍜😆

麻痺英 大埔抵食！抵食！今日同朋友去到佢大埔屋企附近打邊爐，搵咗一間餐廳個名好有霸氣嘅，所以試一試。見到有雞煲，有烤魚，我同朋友見到一個叫做麻醉雞，未食過所以一試。由於唔肯定個辣到，所以叫咗小辣。試咗湯底之後，唔係好食得辣嘅我都OK，而且有陣陣酒香，真係幾特別。用嘅係Gas爐，火力都夠猛，就算加咗湯都好快滾，唔錯。絕大部份配料都係任食任飲，選擇都唔少，又冇加一，仲要食足兩個鐘有多，性價比真係幾高。食物質素唔錯，而我覺得最好食嘅係魚皮餃，皮夠薄。成餐飯食得好飽，滿載而歸。

在大埔處理一點事情，處理完的時候已經晚飯時分，和朋友看看附近有什麼餐廳，留意到這一間口碑不錯的雞煲放題，想起了很久沒有吃雞煲，而且天氣逐漸秋涼十分適合，於是便和朋友動身過去在網上已經看到餐牌，不得不說放題形式來說，款式選擇不少，而且還有我很喜歡的涼拌系列，雞煲種類亦有不少選擇，我和朋友都點選了最基本的雞煲他們的醬料區是自取，款式基本，但是材料感覺新鮮，蒜蓉濕潤而且青蔥鮮嫩，另外感覺亦乾淨雞煲未上場，已經叫店員先預備一份涼拌海蜇，沒有想過這個價錢的放題，竟然有海蜇能夠任食，而且入口味道清涼，略帶香辣，不像是放題級數，非常滿意雞煲上場，店員親切提醒雞肉，只是七成熟，要先煮一下，這次點選了BB辣，辣度適中和預期一樣，另外我和朋友兩人能夠享用半隻雞，如果三至四人就有一隻，雞煲用大量配菜作調味，非常惹味，而且醬汁香濃，另外雞肉相信亦以用鹽水醃製過，鹹鮮味十足雞煲享用過後便和朋友點選各類放題火鍋配料，總括來說質素中上，有幾款配料的新鮮和口味亦能帶給我和朋友驚喜的感覺，強烈建議他們的自家製水餃，入口肉汁飽滿另外點了他們的手切牛頸脊，質素非常驚喜，油脂分布平均，而且入口充滿牛味，肉質鮮嫩我和朋友都對於

《麻痺英 - 大埔》前排Daddy 突然想食雞煲，講左幾日叫我同佢食😂因為早前剛剛開學我個schedule 勁忙🥹都抽唔到時間去食，結果星期一終於有得早放可以約Daddy 食飯😆不過嗰排天氣勁熱，為免去太遠所以我喺屋企附近搵咗間有得食雞煲餐廳😝近到直程係屋企左近既餐廳😎佢呢度係食任食雞煲為主，但都有啲川菜小食嘅😊不過我哋一心係諗住食雞煲，別無異心🥸我哋揀咗香辣海鮮雞煲小辣($198/位)，再叫左兩枝啤酒🍻雖然佢雪櫃既汽水果汁係任飲既但總係覺得食雞煲一定要啤啤佢既😉雞煲即叫即整，上到我哋枱用Gas爐炆熟佢，好香☺️由於我哋得兩個人食，所以餐廳安排咗細煲俾我哋入面嘅海鮮種類都幾多，有魷魚、蠔、青口…仲有十幾件雞件，食完之後仲有可叫店員加湯打邊爐添😍一定食得飽👍🏻魷魚幾彈牙同埋份量好多，我哋每人都食到3、4件，蠔都有兩件，肉質唔會好散，而個雞煲整體都煮得入味，好食😋食曬入面嘅肉之後我哋就加湯打邊爐，其實食完個雞煲之後都開始飽飽地，不過冇理由咁嘥就咁走㗎嘛😝我地叫左三款涼菜送酒，分別係涼拌海蜇、木耳、皮蛋同青瓜，每樣都試啲啲我個人比較喜歡皮蛋同埋手拍青瓜，青瓜應該醃咗好耐入晒味👍🏻既可以送酒又解

📍大埔 《麻痺英》   #大埔隱世雞煲今日經過大埔，晚餐諗食咩好，上網做research 搵到呢間「麻痺英」，見口碑幾好，決定試下係咪咁高汁。雞煲連火鍋先$178位，任飲任食兩個鐘，價錢認真實惠，仲要可以+$15任飲啤酒，一大班朋友食飯都好岩做聚腳地✨麻痺雞 $178點左招牌既麻痺雞， 辣度選了小辣， 雞煲上黎個陣有大量芫荽，洋蔥係面。姐姐好好服務態度過黎幫我地將芫荽壓落d汁到，佢話呢個雞煲既特色係要「燴」下佢，唔同坊間既雞煲，麻痺英既雞煲係比較多汁，「燴」完幾分鐘，食落係超入味，而且芫荽配料既味道都谷哂出黎，香得黎又唔會死鹹，而且夠多汁唔洗擔心痴底呢個問題，食哂d雞都唔夠喉。不過仲有得打邊爐，值得一提呢到有墨魚仔，魷魚筒，水魷魚，牛柏葉等都係好新鮮唔會腥，係出面比較少見既打邊爐食材✨手切牛頸脊 $108雖然叫左例牌，不過份量都好多，三個人食我諗都好足夠，牛頸脊紋理好靚，牛味都幾香，口感唔係入口即溶，食得牛頸脊都中意有咬口牛味濃味道：𝟖/𝟏𝟎   性價比： 𝟖/𝟏𝟎   

一個大埔人從來不缺乏美食偶爾和朋友逛到太和，就在附近吃點有家餐廳十分近太和火車，放題任食而且價格划算兩個人$500就有放題，選擇了胡椒豬肚雞醬料方面多款選擇，有蔥粒、炸蒜、蒜蓉等等感覺很暖胃而且健康，十分養生加上任食真的多選擇，配料豐富香濃胡椒味道，豬肚湯味濃郁，配料新鮮而且雞好滑，肉滑又入味，鮮嫩多汁蟹棒、貢丸、即炸響鈴、花枝丸都可以叫最愛的肥牛，肥瘦均勻水魷魚水魷魚份量多，而且很爽脆，這個價錢有海鮮試下美國🦪生蠔好肥美新鮮，物超所值這個價錢配料豐富有誠意，環境十分溫馨，下次可以再和朋友過來

話說今晚約左朋友大埔晚飯，我地都係愛食邊邊雞煲之人，早一晚做下research 搵到呢間「麻痺英」，價錢經濟之餘口碑又好，就決定試下位置就比較偏，係仁興街，太和站近d，識行既唔洗兩個字就到😎我地未夠七點就到，果陣有兩三枱客，但到8點未夠就坐滿了🙊小店地方唔會好寬敞，但都坐得舒舒服服，冷氣夠，有電視！價錢真心經濟，雞煲連火鍋先$178位，任飲任食兩個鐘，平時兩個人就咁食個雞煲都要$178，即係依家每人比多$90就包埋嘢飲同配料任食多款配料，重有涼拌小食飲品選擇👇啤酒任飲另加$15我地點左中辣，千其唔好睇少，佢個中辣辣過譚仔雞肉份量唔少，而且都幾好肉，唔會淨係食骨咁！雞肉口感好結實，唔係淋pat pat果d，而且好入味，絕對大讚除左雞，煲內重有洋蔥芫茜同翠玉瓜，超入味吃完雞煲，就加湯邊爐涼拌小食開胃夠味整體經濟抵食，主角雞煲出色，小店服務貼心

呢間真係可以話隱世既餐廳因為附近都冇乜食餐廳咁濟🤔所以人流唔多。。。餐廳主要做2小時任飲任食雞煲／烤魚👍🏻價錢亦都好抵⭐️⭐️⭐️⭐️✨麻痺雞（正宗重慶雞煲）＄178/位（兩位起）⭐️⭐️⭐️⭐️⭐️爆星星麻辣醬汁真係好出色，揀左小辣，個人可以揀返中辣因為感覺小辣唔會太辣，係比較惹味雞件好嫩，份量正常2人呢個醬汁真係會令到人追住食😍😍😍當然食完雞煲之後都係打邊爐啦😽配料都多款但餐廳都幾貼心，每款配料會因應人數而俾分量所以唔怕會太多而食唔到其他野😎最一定要提既就係，餐廳會將佢地既雞煲醬放埋去醬料區俾你自行添加👍🏻好處係你怕加水後會淡味呢？！就可以自己再加雞煲醬喇🤩呢樣野出面餐廳好少會咁做飲品都係自行出去雪櫃度擰，款式都唔少😽呢間既雞煲真係誠意推介👍🏻👍🏻👍🏻👍🏻👍🏻下次我一定要再黎試埋佢個魚煲😁

成日都好鍾意捐窿捐罅去搵嘢食，尤其是雞煲啊烤魚煲啊超鍾意，不過依家出面啲烤魚越嚟越貴，好在喺大埔搵到依間，又平又抵食我哋今次嗌咗麻辣烤魚，條魚嚟到超級脆口，我估條魚應該係炸過，個皮係吹到好似食燒肉咁，好正好香口同埋我哋呢個係任食放題，肉類，丸嗰啲全部都可以任食，我尤其是鍾意佢嗰個前菜，青瓜海蜇酸辣適中好開胃呢度呢除咗係賣美食之外，仲有人情味，全部過嚟嘅都係街坊客，同埋店員傾得好開心嚟大埔一定要過嚟試吓由太和站行過嚟都好快好方便

麻痹英是我在大埔吃過最好味的雞煲雖然疫情反反覆覆，換過廚師，但仍然保留非常惹味的雞煲風味！本人吃得辣，推介中辣，辣得非常過癮！雞煲以人頭計，任飲任食當日點了香辣海鮮雞煲，每人198 ，不用+1，任飲任食！當然亦有自費項目，想食質素好一點的牛肉，推介牛頸脊！店內有非常強勁的冷氣，不怕吃到滿頭大汗！火鍋醬料自取，當中的麻油非常香，每一次都一定要加到醬料中！雞煲二人份量大概有半隻雞，海鮮有青口，魷魚圈，廣島號等海鮮。魷魚圈非常大隻，而且好彈牙！青口雖然是雪藏貨，但都鮮味十足，配上惹味醬汁真的好好食😋雞件大大嚿，肉質尚算嫩滑，廚師上菜先煮到雞件七成熟，再燴一下就剛剛好。點單紙上更有部份涼菜小食，手拍青瓜、涼拌皮蛋都可以吃到！炸魚皮也是必點項目，香脆魚皮沾一沾湯汁，人間美味當日點了一個例牌牛頸脊及北海道帶子，牛頸脊油脂分布平均，牛味濃郁，輕輕灼四、五秒肉質最嫩口！北海道帶子非常厚身，鮮味尚算可接受，$78大概有10多件，算頗抵食！其他火鍋配料質素都非常好，蔬菜很青綠新鮮！而且有比較貴價的萵筍，更不會吝嗇每次只給一兩片。薯仔、蘿蔔等的蔬菜吸了雞煲的醬汁，都是不可多得的美食另外鯇魚片、鯇魚腩都可以吃

每次買完炸髀都會經過呢度。上次見到啲人坐晒出嚟，仲要gas爐，今晚就嚟試一試🔥🌟餐牌🌟有勁多款飲品，飲啤酒嘅朋友，仲可以加$15任飲支裝青島純生🍺嗌咗個原味麻痹雞，小辣🌶等緊個煲嘅時候，叫咗啲小食，味道唔錯仲有最愛嘅海蜇🦑（又冇emoji😂）🌟涼拌青瓜，涼拌海蜇絲打邊爐梗係要混醬🌟自助醬料區雞煲味道不是太出，偏鹹，但係呢個價錢都叫接受🌟麻痹雞雞煲新鮮度一般🌟多款火鍋配料用Gas爐打邊爐真係幾過癮，食物味道一般般，勝在方便，冇加一價錢亦唔貴，性價比還可以。💰希望下次黎食物質素會好少少 👍🏿

第一次黎到大埔食麻痺英，首次光顧的感覺好有港式風情。大埔仁興街唔夠有好多食肆，入夜後，麻痺英變得特別熱鬧。這裡是超抵食的任食火鍋。由於到步時，侍應已話FULL BOOKING, 如果食就需要坐戶外枱。雖然無諗到34度的夏天都會在戶外打邊爐食雞煲。雖然食到好熱，不過好彩入夜也有少少涼風，而味道相對價錢CP價都好高。今次簡了傳統的麻痺雞煲(小辣),都是$178/位。認真超級抵食。除了原本的雞煲之外，仍有大量的選擇可以給客人ORDER。有部份收費項目，不過今次沒有試。麻痺雞煲(小辣)都有麻辣的香辣味，雞煲裡仲有大量的芫茜，芫茜控就會十分開心。而雞煲內仲有洋蔥、薯仔和翠肉瓜。煲滾後薯仔和翠肉瓜好入味爽口（Y) 雞煲份量豐富，一個煲。 四個人一齊食都完全無問題😉比大家睇下個MENU, 其實任食雞煲火鍋黎講，都算十分多選擇。個人中意食菜，所以ORDER左好多菜，蔬菜新鮮。而其他火鍋常見的食材都有得ORDER, 相信一定岩所有打邊爐的朋友黎黎食。私心推介下炸魚皮，因為全部炸魚皮都係脆卜卜，完全冇淋的，點雞煲湯黎食一流而飲品方面，都好多選擇，有甜既有無糖既有汽水既。基本上都係任君選擇。我睇MENU其實

超正藥膳雞煲👍🏻同我老公咁啱去咗大埔買嘢，咁啱我哋經過呢間餐廳，有雞煲放題幾抵食，我老公超鍾意食雞煲，所以我哋入咗去試。小店乾淨整潔，一入店老闆娘立刻招呼我們坐下，給我們介紹不同的套餐價錢，因為一般雞煲比較熱氣，所以選擇了藥膳雞煲，我們另外點了日本廣島蠔，這裏的飲品是自助形式，除了酒精飲品以外其他都是任飲，我們拿了一罐可樂與罐一樽菊花蜜，除了雞煲以外其他配料都是任點任食，我們便點了很多不同的配料。雞煲很快便來到，雞煲一到就聞到很濃的酒香，除了雞以外有很多紅棗及蟲草花的配料，香氣撲鼻，急不及待試食雞，雞肉除了香以外有很多肉汁，另外蟲草花的味道都不錯，首先來了涼拌手拍青瓜與黃金皮蛋，醬汁很入味青瓜爽口皮蛋很香，之後第一輪的火鍋配料到，有蘿蔔、翠玉瓜、新鮮滑牛、花枝丸、鮮淮山、水魷魚、墨魚仔、鮮魷魚、油麥菜、生菜，食物質素唔錯，尤其是鮮淮山食落好爽口，而且鮮魷魚味道都不錯有鮮味，之後來了日本廣島蠔，這個肥美多汁，很鮮甜，之後來了第二輪配菜，包括有冬瓜、萵筍、蕃茄、豆腐卜、蜂巢豆腐、芝士丸、自制水餃、鯇魚腩、芋絲，我比較鍾意自製水餃、鯇魚腩鮮甜有肉汁，冬瓜同萵筍都唔錯，很爽口，蜂巢豆腐同豆腐卜