137
2
1
7-min walk from Exit A, Tai Wo MTR Station continue reading
Telephone
26381399
Additional Information
16:00後提供雞煲及火鍋
Opening Hours
Today
16:00 - 00:00
Mon - Sun
16:00 - 00:00
Payment Methods
Visa Master AlipayHK Alipay Cash UnionPay WeChat Pay
Number of Seats
30
Other Info
Parking
Phone Reservation
10% Service Charge
TV Broadcast
Spot payment
Above information is for reference only. Please check details with the restaurant.
Review (142)
Level4 2024-07-03
21 views
有誠意的香港小店!進鋪已經有濃濃香味。坐位很少又窄但坐滿!肥d都入不到坐果款。感覺像家庭式夫妻2人+2隻貓經營的雞煲店。店鋪雖小但雞煲味道好香,任食材料都抵食。聽食客講開左好多年除了基本麻痺雞煲(麻辣)還有魚煲、羊腩煲和椰子雞煲我們選了有湯飲的藥膳醉雞煲有蟲草花,紅棗,龍眼肉,杞子,黨蔘……湯有酒香198元位任食任飲,如果想喝啤酒加18飲任 ,相當超值!另外我們選了人氣即炸響鈴完全像自家制,不像市面見到,像一片腐皮自家卷起再炸。因為腐皮特別薄的,鬆脆口感配上泰式甜酸醬,一個接一個停不到口!火鍋材料很新鮮豬潤特別爽滑不老,有追加好正。雞子好大粒好開心鯇魚骨比較細件鮮淮山片、雞蛋、頁丸、午餐肉、肥牛、尤魚、炸魚皮……應有盡有。食物種類地道火鍋配料,不得不讚藥膳雞湯好甜,雞又滑所以很滿足。如果不滿足還可以另外可以加錢選高級的:手切牛頸脊、生蠔、鮮帶子……有趣時刻是貓店長跳到我大脾睡覺,店鋪很有家感覺,飲品自己去取。因為枱細,男老闆會很快速收拾吃完碟。女老闆忙完會在廚房出來問大家好不好吃,有無什麼材料不好?客人同客人之間好近,做就了互相傾談的情況,大家還交流下私事,感覺好有港式大排檔親切感覺。 continue reading
(The above review is the personal opinion of a user which does not represent OpenRice's point of view.)
當晚七點幾去到,無耐已經坐滿晒,仲要坐到門口出面,如果天氣唔係咁凍,其實坐出邊都幾好,仲可以睇住部車😆呢度超多款煲揀,選擇困難症發作!!今次試住佢哋個招牌麻痹雞煲($188/位)先 !好快個雞煲已經上檯,老闆話已經煮咗八成熟,煲一陣就可以食。個雞嘅顏色好吸引,望落已經知好夠味~食落仲幾嫩滑唔鞋口,而且份量都幾多~ 因為我唔太食得辣,落單嘅時候問我哋要大中小辣,我話要Bb辣🤣🤣 嚟到味道剛剛好,唔會辣到食唔到😍 個煲除咗雞之外,仲有翠玉瓜、洋蔥、蔥、蒜頭、芫荽、紫洋蔥、大乾椒,好惹味~食完雞煲就加湯轉打邊爐,款式好多!第一round叫咗:#美國肥牛 、 #午餐肉 、#草鯇魚片 、#魚皮餃 、 #萵筍 #涼拌黃金皮蛋 呢個麻麻辣辣,唔錯~#砂糖蕃茄 細個阿媽成日喺夏天整,簡單但好食❤️食食吓打邊爐食呢個凍凍地甜甜哋,幾開心同消滯~ 呢個叫咗兩次😂😂😂第二round叫咗:#花枝丸 、 #豬潤 、 #豬紅 、#唐生菜仲encore 咗碟肥牛~除咗食物多,嘢飲選擇都多,仲有啲平時少見啲嘅嘢飲~ 我幾鐘意支 #雪梨海底椰 ,細細支啱啱好~老闆好細心,會幫我哋校細啲個火同主動加湯再keep住睇個火~呢個價錢,有雞煲食、有任食打邊爐、有任飲,仲要唔使加一,2個人埋單$400唔駛,CP值超高!下次可以試埋其他煲,我見佢有沙嗲雞煲、蔥香雞煲、醉雞煲、羊腩煲都好似幾開心~🤭 continue reading
(The above review is the personal opinion of a user which does not represent OpenRice's point of view.)
朋友踩車嚟到大埔,例牌約我去食大埔的地道小店,天氣忽然間涼咗,最好就係食雞煲打邊爐啦!方便佢泊車,我哋去咗近太和的麻痺英,佢哋嘅雞煲都幾出名,堅好食,價錢又抵,一個雞煲價錢,任食2小時。店長仲會久不久唱吓歌好輕鬆。香辣海鮮鷄煲 $208/位特色雞煲,款式選擇都好多,一場嚟到我建議食麻辣,好少食海鮮雞煲,就一於今次試吓食辣啲,雞煲好快就上枱。有Gas爐細火keep住溫度,聞到香噴噴的麻辣味。雞煲裏面的海鮮份量都好多,雞件保持住肉汁,雞煲賣相討好,仲有翠綠的翠玉瓜、芫荽,鮮紅的辣椒,煮得好入味的洋蔥、蒜頭、紫洋蔥,全部加埋麻辣汁一齊,好惹味!雞件食落好嫩滑,海鮮新鮮美味,香濃肥美。我覺得中辣味道剛剛好,特別刺激,十分Juicy。火鍋配料食完雞煲,當然要打埋個邊爐一氣呵成,配料寫紙仔,選擇超級多,份量足。食肉獸最鍾意美國肥牛、午餐肉、豬潤、滑牛肉、丸丸、餃子、花枝丸 、魚皮餃。配搭麻辣汁湯底,份外提升肉的鮮味。另一款吸湯汁神器,就係牛柏葉,不能錯過。海鮮也有魷魚仔、鮮魷,豐富而且最緊要新鮮。食完肉記得食啲蔬菜,粟米不能少,萵筍、淮山、蓮藕,爽脆好味,清新又健康。小食估唔到連小食都咁高質,而且係幾特別,涼拌黃金皮蛋,好味到飛起,少少麻辣味道,真的不錯。仲有第一次食砂糖蕃茄,好甜可以當甜品,清新開胃。涼拌小食真係值得一試。飲品打邊爐熱辣辣,最緊要冰涼飲品任飲,雪梨海底椰清熱解毒,Zero可樂唔怕肥 。埋單 2個人 都係 四百蚊,有得食辣辣雞煲,任食打邊爐,任飲汽水,呢個價錢抵食! continue reading
(The above review is the personal opinion of a user which does not represent OpenRice's point of view.)
Level3 2024-05-12
47 views
作為大埔人當然要黎支持下出名既地道雞煲小店。地點位置都好方便,出左大埔墟鐵路站行十分鐘左右就到。雞煲既選擇都好多,好少見會有沙嗲味既雞煲,就一於叫佢試吓。價錢都好便,$198/人任食2小時。叫左一陣好快有了,放低已經聞到香噴噴既沙嗲味🤤佢地係用舊式既爐,打邊爐既最佳拍擋。一個細既雞煲份量都好多,雞仲保留到肉汁,香濃既沙嗲味配雞件真係好特別,老闆得閒仲會過黎幫你搞搞個煲同埋幫你加水,十分nice. 😊食完雞煲就緊係打邊爐啦😆配料既選擇都好多,而每次叫都會跟返幾多個人比幾多份量,咁就唔怕食唔晒浪費。除咗配料仲有幾款涼拌小食,今次試左海哲絲,幾入味唔算太辣。打邊爐就緊係要食響鈴,就叫左份即炸響鈴$78 食落好香既腐皮味,吸晒啲沙嗲湯食好惹味。飲品係任飲既,飲多幾罐都唔怕。最後埋單2個人都唔洗$500,十分抵食!! continue reading
(The above review is the personal opinion of a user which does not represent OpenRice's point of view.)
Level1 2024-05-12
36 views
之前一家四口去食,出奇地見到全部都係一面倒嘅好評,特登去到呢一個唔近市中心嘅地方,慕名去食佢哋呢一個放題。首先舖頭係真係唔係細,佢哋好努力咁樣安排座位去盡用每一個空間。我哋被安排咗一張僅僅夠放圓凳嘅四人枱,可以想像到張枱其實唔係咁大,仲要食放題,每叫一樣嘢都會有一個容器而份量唔多,可能係因為咁樣,所以都唔叫到咁多放得落去個枱度。不過,佢嘅價錢其實唔係好貴,真係將貨就價,可以講食材好一般,冇一樣嘢我覺得係特別好味,一分錢一分貨,但係有啲浪費咗共享天倫享受一頓美食嘅晚飯時間。 continue reading
(The above review is the personal opinion of a user which does not represent OpenRice's point of view.)