麻痺英

Open Now

Now Closed

今晚幾個朋友約埋去食雞煲火鍋，雖然我都經常去大埔，但係都唔知原來喺大埔舊墟近太和一條靜靜地嘅街，有一間任食雞煲火鍋小店。我哋係平日夜晚過嚟，小店竟然已經爆滿，連門外都已經開咗幾張枱。門外位置都闊落，街又靜，所以感覺都幾自在，我哋就決定坐外面。煲底嘅選擇超級多，麻辣，蔥香，沙嗲，藥膳醉口味嘅雞煲都有，除咗雞煲，仲有海鮮，魚，牛，羊都有，真係梗有一款啱你口味。我哋就揀咗沙嗲雞煲。喺雞煲嚟之前，就點咗兩款涼拌小菜 - 海蜇絲同黃金皮蛋。少少麻辣，係適合大部份人嘅程度，隻金皮蛋都幾靚。沙嗲雞煲好香好濃，特登點咗啲索汁嘅火鍋料，包括生根，枝竹，豆卜等等，吸收咗滿滿嘅香濃沙嗲汁，啱晒我呢啲比較重口味嘅人。火鍋料選擇都好多，其中比較印象深刻嘅係滑牛肉，牛柏葉，牛丸同芝心獅子狗，款款都好新鮮。另外飲品都係自助任飲，小店黎講款式都算多，罐裝汽水，紙包飲品，樽裝涼茶都有，仲可以加$15飲埋啤酒🍻任飲任食火鍋雞煲，以$188呢個價錢嚟講（仲要免加一）， CP值極高，以後朋友聚會又多個好選擇！

今日係解除口罩令嘅第一日，緊係要食返餐好！ 趁住仲凍凍地，我同男朋友揀咗去食雞煲同打邊爐😊呢度有唔同款式嘅雞煲揀，我哋揀咗重慶中辣雞煲！個姨姨已經提左我哋，佢哋係好正宗嘅重慶味，會比出邊嘅雞煲辣！ 而正如佢所講，真係幾辣🥵但係非常惹味，有好多洋蔥同芫荽，依啲雞都非常嫩滑🤭涼拌都係任食，我嗌咗皮蛋、海蜇同埋青瓜，全部都好入味。食完雞煲就打邊爐, 配菜選擇好多，最鍾意係佢嘅豬大腸同雞子！你望吓可以原來雞子可以咁大粒😝我哋另外嗌咗一份手切牛頸脊，牛味好重，非常推介😍 呢度嘢飲亦都係任飲，選擇都非常多！食到非常飽😗

大埔的朋友帶路，去大埔食好西平日晚上都坐落人，一定唔簡單叫左個麻痺雞雞煲小辣，麻而不辣,醬汁香濃,係食唔到辣O既人都可以接受O既程度入面O既雞件肉多而且嫩滑,配料除左有雞煲常見o既洋蔥,芫茜之外仲有脆肉瓜,D脆肉瓜吸收晒醬汁同埋雞肉O既肉汁食完雞煲加湯打邊爐呢到有自家製O既餃子,鐘意食韭菜可以點黎試下鮮牛肉同鯇魚腩必須點的~~~好嫩滑~~鮮淮山淥完同雞煲本身同醬汁好夾,可以唔洗點豉油都夠晒味另外重有肥牛，五花腩，滑雞件等等，好多選擇餐紙上面仲有幾款冷盤小食可以點!好推介青瓜同埋皮蛋!!!呢個有再ENCORE!!

同中同聚舊唔係唔食地道野呀嘛😏兩條仔 梗係去食本地麻乜 “佬”野啦😝想食雞煲又想食邉爐咁呢間餐廳就岩哂啦呢間鋪係太和火車站附近 行7分鐘就到 好方便.而且隔離係好多車行包圍 所以夜晚會靜 氣氛好好👍🏼入到去要先揀鍋底 佢係以先雞煲後火鍋嘅形式🥘上 作為海鮮殺手嘅我 當然要試香辣海鮮雞煲 (中辣🌶️) 唔食得辣嘅朋友可以嗌酸菜魚或者蔥香雞煲都得以為海鮮雞煲都係得幾粒蝦仁蜆咁樣點知佢好有驚喜 除左有幾隻大青口之餘，仲有新鮮魷魚圈 🐚🦑。青口爽口得來一啲都唔腥 而且魷魚圈都非常彈牙好好食。雞煲就唔使講啦 雞件非常滑身，而且配上新鮮嘅芹菜十分惹味😆 食到7788嘅時候 就可以點啲火鍋配菜加湯一齊食可以見到火鍋配料同出邊地道火鍋館嘅配料差不多 不過佢有比較少見嘅豬生腸🐽/鴨胸等等 有驚喜！！ 值得一讚嘅係除咗普通配料，佢仲有平時非常少見的開胃小食俾你揀 當日叫左砂糖蕃茄同埋涼拌海蜇 係食到有啲油膩嘅時候中和返嗰種飽滯嘅感覺 💦令到胃口大開飲品方面都多選擇 有無糖茶 汽水 紙包果汁等等 如果想任飲啤酒 只要加少少錢升級就可以啦🍺🍻最後不得不提嘅係 間店嘅服務質素好好 店員同老闆都好細心 記得我哋唔想

這家雞煲目前覺得是香港最好吃的，不管事旺角的x品雞煲，還是同在大埔的x妹雞煲，竟然都不如這家放題雞煲！！我們點的178💰一位的雞煲，已經很美味.每一塊雞肉都好入味，而且也都很嫩、非常好吃，湯給的很足，我沒有加湯就已經放了一些豆卜，蜂巢豆腐，扇貝，這樣更加入味。.遺憾當日沒有響鈴，不過即便是放題的肉品質也都很不錯，貢丸也很彈牙，不過都是麵粉。.雞煲加湯之後味道也不淡，炸過的芋頭很鬆軟！涮蔬菜也相當好吃

大埔街坊識得捐窿捐罅搵食，仁興街有一間正宗重慶鷄煲，雞煲好唔，出名招呼好，CP值又高！晚上食雞煲通常都滿座！凍冰冰我哋喺門口等咗一陣就安排入座啊！麻痹鷄（正宗重慶鷄煲） ＄178/位正宗重慶鷄煲呢度嘅鷄煲好有重慶風味，味道特別正宗，我哋叫咗少辣，雞煲一上枱，估唔到咁大份，雞件勁多又嫩滑，雞味濃郁，胸肉又結實鮮嫩，完全不覺油膩。店員好細心，慢慢將雞汁、配料、雞件撈勻， 雞件夠鮮甜亦吸收曬麻辣汁，而且個煲一啲都唔黐底， 每次撈起都聞到濃郁嘅麻辣香味。芫茜控一定唔好錯過食咗芫荽先，因為好多芫茜鋪滿面，清翠可口較重口味。雞煲整得好食，推介新鮮雞煲！手切牛頸脊$108/例食完雞煲，就可以加湯打邊爐啦！我哋兩個人又鍾意食牛肉，所以另外追加了一份手切牛頸脊，大大碟份量十足，牛頸脊肉質嫩滑， 肥瘦分明，入口即溶，輕輕淥一淥就食得了，yummy!肉類／水産美國肥牛、新鮮滑牛：食落肉質嫩滑。爽脆猪皮：完全吸收了湯汁之餘還好爽口！嫩滑猪紅、午餐肉：唔會肥就算減緊肥都放心食。草鯇魚片、草鯇魚腩：鮮滑有魚味。水魷魚🦑墨魚仔、鮮魷魚筒：鮮甜可口。炸魚皮：好酥脆！餃/丸/腸子包心蟹籽丸、包心芝士丸、花枝丸、牛筋丸：

天氣凍凍地，想打邊爐又唔想自己整，我哋好鍾意嚟呢度 呢度任飲任食兩小時，價錢由$178 - $228位，兒童只收$118位。咁抵，唔怪得隔離枱見兩大兩小來幫襯火鍋底有多種選擇，雞煲，酸菜魚，羊腩煲等等，我哋揀咗藥膳醉雞煲，感覺好補身呢度舖頭細細，用gas爐，幾有風味。 醉雞煲上場，陣陣酒香， 材料有紅棗，杞子。蟲草花，黨參等等，雞件非常之多又嫩滑飲品同調味料都係自己出去任取啲雞食到咁上下，就開始打邊爐啦 火鍋配料非常之多，肉類，水產魚，餃，麵類，蔬菜，菇類，還有涼拌樣樣叫啲，還叫了平時少食的雞子和豬紅，滾下滾下咁，又幾好食。 鮮牛肉也十分嫩口 額外加多一碟手切牛頸脊$108牛頸脊脂肪比較少，有咬口，淥幾秒就食得，肉味非常濃郁呢個抵加 下次想試下羊腩煲

天氣凍，有咩開心得過食羊腩煲打邊爐！朋友介紹呢一間餐廳，餐廳細細，但好有風味，仲係用緊Gas爐。價錢按人頭計，每人$228嘅羊腩煲，羊腩嘅份量係多到食唔晒，幾乎每一舊羊腩都係帶皮，絕對唔係揸流攤。食完打邊爐，食材嘅選擇都幾多㗎。我哋另外加錢要咗一份例牌嘅手切牛頸脊，啲牛好靚，真係有濃郁嘅牛味！必點。配埋公仔麵食真係一流！當晚最得我歡心嘅就係炸芋頭、豬肚同埋午餐肉。最特別嘅係佢仲有啲涼拌小食，呢個黃金皮蛋好香！汽水嘅選擇雖然唔算多，但都夠，如果想飲啤酒都係每人加$15就可以任飲，其實好抵。

今日天氣轉涼，氣溫得返十幾度，朋友就話想打邊爐，上OpenRice搵食就見到呢間麻痺英好多評分， 一於就去試試先七點半左右去到都成場爆滿，啲檯會擺到出外面，睇嚟好多街坊都會幫襯，應該幾穩陣坐低即刻揀煲底先，原本想食海鮮雞煲，但海鮮已經無曬睇嚟真係好旺場咁就叫個麻痺雞煲試試啦，另外配料選擇都好多，夠曬我哋食，嘢飲選擇都唔少個煲好快就嚟到，一上檯望一眼就知唔差得去邊，啲色水好對辦，另外鍾意芫茜🌿嘅朋友一定會好喜歡，因為個煲真係好多芫茜，香味十足雞嘅份量剛剛好，可以留肚俾我食其他配料，味道都算濃，少辣嘅辣度都啱啱好，唔會太辣但又算過癮除咗火鍋料之外，呢度仲有幾款涼拌小食，我哋都食返個涼拌海蜇打定底，等陣唔會太熱氣，呢樣真係抵讚本身鍾意食牛肉，我哋都另外叫咗份手切牛頸脊，厚厚哋，質感好正，開頭以為份量好少，點知原來個底仲有多一倍，即刻覺得抵好多另外就一定要叫啲爽口嘢，魷魚牛柏葉豬皮呢啲必不可少啦！淥熟之後掛住啲雞煲湯汁勁惹味

今日放工後好想食魚鍋。總於駕車經過美食天堂的大埔墟。各國美食佳餚數不星數。好隨意地入了一間任食雞煲，魚鍋舖頭。最重要是門口可以隨便泊車。泡淑酸菜魚鍋。烤魚鍋個人認為點可以完美。就是配料多、 用什麼魚種。我比較喜歡鮮魚。呢度用的鮮魚我食入口鮮嫩可口。口腔除了魚汁的鮮味外。還有魚湯配料混合左不同味道。豬皮、大蔥、芽菜。等等好幾款。鮮味魚湯入喉鮮甜。手切牛頸脊。例牌足夠兩人份。新鮮鮮嫩。肉質入口即化。飲品&附加配料無限添加。款式多多。仲要每款都新鮮。

朋友介紹話呢間係十分正宗嘅雞煲，仲有火鍋食，緊係要去試試。雖然得大概20個位，但係平日7點鐘去到已經差不多坐滿人，好彩剛剛剩返2個位俾我哋😃原來呢度叫個雞煲之後就可以有2小時任飲任食火鍋。我哋就試咗佢哋嘅少辣招牌麻痹雞煲（$178/位），即係正宗重慶雞煲。連gas爐一齊上枱時，店員話只有8成熟，叫我哋煮多一陣先食就啱啱好，都幾細心👍🏻。我哋係2人份量嘅細煲，雞都唔少又好入味，有勁多洋蔥芫荽蒜頭煮，雞肉結實又勁惹味😋食完啲雞已經有七八成飽，好滿足，跟住就用返原來嘅雞煲繼續火鍋，火鍋配料選擇好多，有肉有海鮮、丸、餃子、勁多素菜菇類，仲有涼拌前菜👍🏻不過實在太飽啦，火鍋配料叫得唔多😅我仲特別加咗個手切牛頸脊（$108/例牌），牛味都幾濃。醬料選擇都適中，係自助嘅。呢個價錢又有雞煲又有任食任飲嘅火鍋，抵💯

今日黎大埔覓食，店名深深吸引好中意食辣既我，一於入去試下個麻庳雞煲有幾麻痺先！（雞煲其中一個吸引之處係一個價錢可以食埋火鍋，連2小時任食火鍋及任飲無酒精飲品先係 HKD 178 一位。麻痺雞煲（可以自行選擇辣度，我同友人都好中意食辣，所以叫左大辣😋）賣相吸引，雞件份量好多而且每件都充滿濃稠既醬汁！配料有大量辣椒、洋蔥、芫荽，見到都覺得香同辣！煮果陣時發岀既“咋咋聲”，加上香味撲鼻，真係令人食指大動😋雞件每件都多肉，真材實料！值得一提係個麻辣，偏辣但香氣足，辣得好過癮，入口先係香辣，咀嚼果陣條脷就開始麻痺！真係會麻痺！好正啊好耐冇食過真係令我覺得咁辣既雞煲 會令你想不停食食食去淡化個麻痺感！食完雞煲之後就到火鍋啦，火鍋配料選擇好多，連比較少見既豬生腸同墨魚仔都有！菜類都十分翠綠新鮮。另外加左個手切牛頸脊（例），可以見到脂肪分佈平均，牛味好濃，口感同味道都一流。飲品選擇都好多。仲有提供調味區小總結：店員們都十分親切！仲話可以揀大大辣/大大大大大辣，要幾辣都會整！會再黎挑戰下！

大埔依間任食雞煲餐廳位於太和站附近，地點非常方便，平日夜晚過黎食都坐滿哂人，仲要門口再開幾張枱，所以想食既朋友記得book定位啦😹#濃家蔥香雞煲 $188/位一入到餐廳就聞到超香既雞煲香料味，即刻落單點咗一個濃家蔥香雞煲，等咗一陣就已經上枱。蔥香雞煲係走辣版既重慶雞煲，少咗辣椒但都非常惹味，雞件大大件，厚肉而且入味，雞皮彈牙而雞肉又嫩滑，相當有驚喜。而比起一般既雞煲仲加咗薯仔同翠玉瓜，沾滿咗雞煲醬非常邪惡😈飲品同配料都係任叫既，亦有幾樣配料可以額外加購，而小編就加購咗一碟 #手切牛頸脊(例牌) ($108)，份量慷慨到竟然疊咗三層🤤牛肉油花均勻，切得較為厚身🫡而任叫既配料選擇十分之多，連涼拌菜都有，小編就點咗 #涼拌黃金皮蛋 同埋 #涼拌海哲絲配料亦試咗 #清甜蘿蔔、#雞脾菇、#豬潤、#草鯇腩、#脆炸芋頭片、#滑牛、#蜂巢豆腐，廚房切得一啲都唔馬虎，整齊排列出一個拼盤，唔會好似出面任食求其執落去，而食物質素亦不俗連#唐生菜 都非常甜同新鮮、而#炸魚皮 係必點項目，味道濃郁且香脆餐牌

室內裝修以木系為主，小店形式經營，座位不多。提供不同種類的煲作為湯底，價錢由178至228不等，是兩小時任飲任食，包無酒精飲品任飲。我們選擇了最出名的麻痹雞， $168 /位，是正宗重慶雞煲。二人份量的雞不算多，但尚算夠食，不能refill，雞肉嫩滑，有鑊氣，非常滋味，入口麻辣得來有麻痹的感覺，但是點了小辣都覺得不夠辣，配料有洋蔥、青椒、芹菜、香菜、姜。食完雞煲就可以加湯做火鍋湯底。前菜點了海蜇和皮蛋，麻辣味十足，挺過癮的。手切安格斯肥牛 $88這是例牌份量，肉質粉嫩，肉味濃郁，比任食的牛肉質素更加好。其他任食火鍋配料包括美國肥牛、蔬菜類、九類等等，幾款肉類都新鮮，有光澤。這家價錢很適合區內人過來食，幾抵食。

今日勁想食烤魚，嚟咗呢間之前都食過嘅食店之前係食雞煲，已經好好味，一直都想試佢個烤魚咁啱今日凍凍地，夜晚就走去食烤魚❤️痲痺魚 $188/位⭐️⭐️⭐️⭐️⭐️上枱已經聞到勁香麻辣味，等咗一陣終於食得啦，魚肉好滑，雖然魚肉都多，都係好大嘅魚，但係佢唔係比全條，但係味道真係一流，因為魚係先煎香過再擺落鍋度，一路及入啲麻辣味道，一路等佢熟👍🏻不過佢哋嘅烤魚墊底嘅配菜有啲特別，有蕃茄，枝竹，金菇，油麥菜，同平時喺出邊食嘅烤魚墊底配菜有少少唔同，不過一樣吸晒麻辣味超正👍🏻👍🏻👍🏻至於其他打邊爐配菜係可以任叫任食，每次廚房都會因應人數份量去比，唔會太多，我覺得咁樣好好，因為可以乜都試到啲，亦都唔怕食唔晒會浪費😍今次我又睇中咗佢哋嘅麻辣醉雞煲，決定下次有一定要去試吓😁😁😁因為個人覺得佢哋嘅雞煲真係好出色，雞煲醬非常之夠味，今次嘅烤魚麻辣味道都好夠出色🥰