Azabu Sabo (Closed)

麻布茶房絕對係屬於兒時回憶系列！星期一放工約左友人到樂富廣場食飯，行過見到細細個成日都好恨食既「麻布茶房」！為左重拾下兒時味道，決定入去試一試！貴為第一代日本過江龍餐廳，店舖裝潢都充滿和式味道。坐低後翻開餐牌，晚市有好多款定食套餐選擇，除前菜、主食外，仲有埋呢到出名「影相位十足」既甜品！價錢方面都唔算好貴，一個人百五蚊左右，都ok👍🏻。友人揀左個「熊本霜降西冷」，另配「白玉霜淇淋甜點」。而我就要左個「鹽燒三文魚定食」，另外跟餐仲備有「三式甘味」甜品。等左陣，友人既熊本西冷先到！西冷好大塊，肉質淋軟，黑椒同牛扒永遠係最佳嘅配搭！將熊本黑椒西冷再輕輕沾上海鹽，味道又係另一層次！至於鹽燒三文魚，三文魚上枱時熱辣辣，魚邊香脆，肉質鮮嫩，好好食配白飯真係一流！餐飲方面，友人叫左個「熱抹茶薑奶」，質感順滑，帶淡淡薑味，好舒服！最後當然就係「麻布茶房」signature 甜品啦！口感十足既白玉配上香草冰淇淋同紅豆，唔洗5分鐘就食哂！至於「三式甘味」既三式，配搭都幾特別！分別有粟米湯、紅豆香港冰淇淋仲有蕨餅！每樣細細碟，啱哂樣樣都想試既我！…Read More

今日難得去樂富探一位好朋友，都未諗到食乜，我朋友即刻介紹一間位於樂富地鐵站上蓋叫麻布茶房，位置門口一入到去就已經搵到。蒲燒鰻魚飯(原條)：鰻魚夠結實，冇任何腥味，配埋秘製汁加上白飯，份量都好足夠。熊本霜降西冷配薯角洋蔥茄子：五成熟剛剛好，塊扒都好大塊，牛肉味亦都非常之重，配埋炒洋蔥味道甘甜，薯角 剛剛打出嚟非常香脆。雜錦天婦羅：粉漿夠薄，亦都好鬆軟夠脆口， 點埋天掃羅汁絕配。芒果沙冰：香濃芒果汁連同沙冰食，非常有動感， 芒果夠新鮮 ，配上軟骨嘅雪糕。…Read More

麻布茶坊喺香港歷史悠久今晚突然諗起佢所以好想再回憶一下🤭晚餐選擇好多，自由配搭！係主菜配甜品，甜品方面有雪糕，刨冰同埋日式甜品！好多選擇！非常吸引！跟餐甜品揀咗芒果刨冰好大個夠兩個人份量！我一揀就揀左熊本霜降西冷300 G，睇張相已經覺得好吸引，塊扒嚟到好大塊好足料，肉汁鮮嫩！價錢超值😬朋友想食拉麵揀咗擔擔麵，嗰隻拉麵質地係粗身，煙煙銀銀😬另外個男性朋友揀咗鰻魚飯，好似原條鰻魚，好大條，穩陣好味！附送綠茶雪糕球一個綠茶味濃雪糕軟滑！…Read More

先唔評論食物嘅質素😠我今日同一家大細去咗樂富嘅麻布茶房食晚飯, 之前試過其他分店,覺得唔差。於是乎今日帶屋企人去食飯。去到攞位，明明個女侍應見到我哋成班人，但竟然扮睇唔到慢條斯理咁樣企埋一面hea完全冇理過我哋同埋其他想坐低嘅客人。然後有第二位男同事見到先至安排我哋入去。我哋行入去嘅時候，黑衫經理咁啱攞緊嘢食出去，我哋一家人有小朋友有老人家佢竟然好凶惡咁樣望住我地覺得我哋阻住佢上菜。咁都算啦，我哋講聲唔好意思俾佢過左先。到我地叫嘢食嘅時候，經理勁不滿咁樣過黎幫我地落單，全程望都冇望過我地，我哋未嗌完嘢食佢已經想令餐牌走。我哋同佢講我哋未叫完佢就將個餐牌掉落張枱到😓勁唔耐煩。完全無覆過單就行開咗。我屋企本身有人唔飲茶，我哋想問佢拎水佢應都冇應我哋就行開咗。後尾拎咗水啦，又唔收走啲茶杯。張枱已經咁細，都冇可能會上到嘢食。到嘢食嚟嘅時候，個女侍應好唔耐煩咁樣其企喺度望住我地，我哋已經幫忙將餐具同杯放開，我哋好客氣同佢講話可唔可以收咗啲杯先因為真係唔夠位放食物，佢應都冇應我地就好粗魯咁將啲嘢食放低，倒瀉晒啲湯。唔好意思都冇講聲。我哋全部主食上晒，啲小食都完全冇嚟過。我哋同佢追，先發覺原來根本完全冇落過。當我哋耐心等到小食嚟到嘅時候，個經理就咁將啲小食放喺我哋食完野嘅碟上面。其實係咪收返啲嘢真係咁難呢？我哋成家人食得好唔開心，完全唔明白點解開門做生意服務態度可以咁差極😪真係俾錢買難受。上到嚟OpenRice睇返其他食評，發覺其他人都話經理態度差到爆。食物質素其實真不是太差，但係服務真係太離譜了。唔怪得之執完一間又一間。相信以後都唔會再幫襯，唔想食飯都要睇人面色。…Read More

🍨芒果蕨軟糍芭菲 $73沖著蕨餅而叫這個甜品，平時食蕨餅都係配抹茶雪糕，今次就試下配芒果，蕨餅軟身得來又煙韌有嚼頭，沾上滿滿的黃豆粉，很喜歡，加上白玉、芒果、忌廉、芒果雪糕等配料，味道好豐富😉~🐮牛肉煮咖喱牛肉屏屏麵 $82屏屏麵其實是闊版嘅烏冬，比闊條麵厚身同彈牙，而湯底都香濃，滿滿的咖喱味，而牛肉就煮得好腍同入味😊🍜炸雞扒辛味炸醬肉拉麵 $82炸雞扒分量都幾多，啖啖肉，湯底香辣，而拉麵都幾爽口😉🍵熱抹茶薑奶 $39抹茶鮮奶飲得多,呢個係加左薑，有淡淡薑味，又唔會太辣抹茶加埋薑估唔到味道又幾夾喎，味道不錯☺️~…Read More

食過淘大分店一次，覺得質素不錯，今次再嚟樂富分店食麻布茶房。出樂富地鐵站大約行4分鐘就到，地點方便。依家火鍋萬事做緊半價優惠，所以餐廳算係幾full，不過等左大約幾分鐘就有位，望住外面嘅甜品模型已經流晒口水，好期待呀。晚市有好多set可以選擇，嗰個餐都好吸引，真係唔知點揀好，不過朋友話好耐冇食過靚牛，最後就揀咗由熊本縣運到嘅霜降牛肉set🤤牛扒大過隻手掌，一上枱已經聞到香濃牛味，套餐仲包埋白飯同沙律，仲有麵豉湯，望見都飽😍🔥牛肉叫咗七成熟，不過似乎over左少少，不過口感影響不太大，因為廚師好成功咁將肉汁所係厚厚嘅牛扒裏面，加上成塊肉本身脂肪分布均勻，啖啖咬落去都咁juicy!!夏日熱辣辣，夜晚想食返啲清涼嘅嘢，今次叫咗一個輕盈之選，就係蕎麥面啦！名副其實呢個蕎麥面真係好友色彩，色彩豐富，溫泉蛋四周有吞拿魚刺身、三文魚子、青瓜絲、壽司薑、玉子粒、香菇片，而且蕎麥面質地有少少煙韌，口感幾好，帶有麥香，算幾滿意。蕎麥麵餐仲送一份小豌豆，整個套餐好健康。麻布茶坊嘅賣點好似係甜品，但講真試落就...ok 啦，不過不失，雪糕用得好快，雖然重奶味，但係有點過甜，而且香蕉得三片，刨冰就係冰囉，冇乜驚喜，不過畀得起錢嘅話都不妨試吓嘅。…Read More

今日放工去咗樂富揾朋友，順便去埋樂富商場行街同揾食。樂富商場餐廳眾多，難以選擇。朋友話好肚餓想食正餐加甜品，我地就揀咗麻布茶房。佢有幾個套餐menu, 有豪華定食($108)包一個定食、餐飲同一個三式甘味甜品。我朋友就揀咗豪華menu嘅壽喜牛肉定食。我自己就揀咗自選晚餐menu. 一個正餐加甜品自由配搭。對於選擇困難症嘅我嚟講，甜品款款都好吸引，三心兩意之下揀咗最平又聽聞出名嘅烤蕃薯雪糕。朋友嘅壽喜牛肉定食。我點嘅鐵板燒牛舌定食。前菜有個玉子，入面有毛豆同椰菜，味道較為清淡。初初以為定食嘅湯會係麵豉湯，原來佢係蛋花湯。睇落冇乜特別，但食落個蛋花好滑，個湯唔會太咸。鐵板剛上時仲有熱氣冒出。牛舌肉質偏紅，牛味頗香，份量都好多。除咗牛舌外仲有洋蔥、薯仔同西蘭花。朋友個豪華套餐嘅甜品，有個迷你宇治金時燒蕃薯雪糕、牛乳粟米湯同紅豆麻薯，一次過滿足哂三個願望。其中，牛乳粟米湯比較特別，較平日飲嘅甜，粟米味好香。正常版嘅燒蕃薯霜淇淋宇治金時燒蕃薯質地軟熟，唔太甜，正好同雪糕互補。雪糕嘅奶味較宇治金時味出眾。熱朱古力…Read More

我今日同左兩個朋友喺樂富嗰間食麵一心諗住入去食，服務真係差到冇朋友，首先我哋話三位，啲侍應係冇理到我哋，然之後門口個侍應就走去搵個黑衫人出嚟，制服睇嚟係經理級，個樣好兇，好唔滿咁樣帶咗我哋坐低，全程以一個好惡黑面嘅態度望住我哋，我真心真係好驚，好似兇緊我哋咁樣，嗰刻真係好想走，但入咗去如果唔叫嘢食，又唔係咁好叫咗幾個面食，三個人一人一個，諗住快快脆脆下次唔會再嚟食，同埋麻布茶坊都有10幾年歷史，以前係真係好好食，但而家不好吃,上菜仲要倒瀉左湯係啲枱度，唔好意思或者sorry都冇句，明明見到，實在太過分，我同佢講啲湯整濕咗張枱，點到啲色係我條褲到，侍應一副超級不爽嘅眼神望一望然之後就走去，算，我自己用紙巾抹返，其實已經一套火，我哋叫咗三碗麵，嚟咗兩碗，最後一碗勁耐都冇黎到，好彩我哋三個都細食，三個人食住兩碗，我開始出聲問佢哋最後一碗幾時到，佢先話冇落單，真係好嬲，服務態度係真係極品由上至下下至上，侍應到經理級都係咁，唔怪之得一間一間咁執晒，係呀拉麵沒有什麼料 個人覺得口味很怪，可能個人感覺的不同吧，價錢就忘記左sorry,連相都唔想影，但基於經理態度真係10分差，完全影響晒食慾，服務品質的確下降，我唔會再係呢間鋪受第二次氣，好食我都可以飲下，咁一般既面，唔會有下次…Read More

點解正正常常一間餐廳，啲態度差到咁架？我明明好聲好氣咁落單，佢地都可以用啲好鄙視😒既眼神望住你，仲好串咁由頭望你望到落腳，好似好睇人唔起咁。。。食餐飯姐，我有比錢架，搞到我好似黎乞食咁。極唔尊重，又唔專業！好過分，特別係黑衫男人，係經理之類，經理都咁，怪唔得啲細既都咁。8點幾黎食，但好似我地會令佢地收唔到工咁，好唔願意做生意咁。比錢買難受😣，下次唔會咁傻🙅🏻‍♀🙅🏻‍♀唉！真係好失望啊！！…Read More

之前行街時常都會去食飯 ...現在好似唔多地方見到麻布茶房，所以早幾日去開樂富見到櫥櫃又放咗好多好正既定食同甜品做形，即刻忍唔住又去朝聖先下午一點半到見等位人唔太多好快有得入座，見餐牌有lunch set叫豪華定食一於試下先我哋叫咗冷蕎麥麵配和味牛肉飯雖然是迷你但都有好多而牛肉飯是成碗滿都唔細碗架，跟住就係海蝦天婦羅冷稻庭烏冬，天婦羅新鮮炸起有兩隻蝦一件秋葵一件茄子烏冬夠煙韌又夠凍正，另外仲有蒲燒鰻魚飯定食，前兩款仲有免費（三式甘味）甜品一客添…Read More

又想吃火鍋，又想吃甜點。要一次滿足2個要求，所以我又回來這裡了。但老實說今次有少少失望，他的牛肉換了另一款叫做熊本霜降牛肉，表面上看到很美，但食落沒有以前那款軟滑，今次這款有點韌。加了$10轉屏屏麵，食後還是覺得配飯最好味。甜品也沒有以往般好食，不知道是不是我自己被牛肉的印象影響了味覺。特別一提，這個餐是送1支日本無色可樂或1支日本無色Latte。可惜當天無色可樂已經送完，我只得到1支無色Latte。…Read More

其實依家出街食飯真係受氣過返工，話說今日去樂富麻布茶坊，一坐低已經見到個經理個樣好似殺咗一村人咁，仲要chock到好型，然後點餐，當然，一個咁有型嘅人，係唔會同你覆單嘅，唔緊要，咁我咪等囉，我叫咗個吞拿魚沙律同埋一碗拉麵，點知食晒碗拉麵個沙律仲未來，我問問佢囉，佢話冇落單，然後問都唔問就話依家落，唔緊要我咪再等囉，點知最後上到黎嘅係一份三文魚沙律，咁我叫佢cancel，佢真係連一句sorry都冇句，其實我真係好想同佢講，如果令尊啱啱過身，你好應該放幾日假去穩定返自己情緒，而唔係將啲件事畫上你塊面度，話晒都係服務性行業呀嘛，我唯有喺度講一聲對你爸爸嘅事深表遺憾！…Read More

第一次到這間店食午餐，很多野都想試。又想食魚生飯，又想食温泉蛋牛肉飯。最後都選擇了温泉蛋，因為我實在太喜歡喇。這個午餐原來係套餐，有麵使湯，前菜和飲品。麵使湯其實太清，當飲水好了，無乜材料。前菜係一件凍豆腐，都不算特別。來到主菜了！我最愛的溫泉蛋。。。好味啊！拌飯吃實在太幸福了！不過，牛肉係甜的！無諗過係甜架，如果係鹹的會好食好多囉。。。。…Read More

上星期五晚見佢做緊優惠，諗住近近地就食個火鍋啦，點知樂富廣場麻布茶房呢間d service勁差，d員工無train過，完全唔知咩係service，麻布茶房連投訴熱線都冇，奉勸大家真係唔好去食，又貴又唔抵!!***本身係我男友食完個火鍋，去左廁所未番黎，有個staff冇啦啦上左客雪糕，我就話我冇叫過上雪糕喎，唔係我架啵，個staff跟住問番經理，然後個經理隊杯雪糕落我枱面，夾硬塞我要，事前問都冇問過我上唔上得，佢剩係話你個火鍋有限時，我問佢到食幾點，佢話07分，但當時只係7點50分，個雪糕已經開始溶緊，叫左火鍋牛肉套餐係最貴果個A+D款，個經理一聲唔好意思一句sorry都冇，施施然就行開左，我就睇住杯新地溶……而我仲食緊火鍋……唉，員工經理都好無禮貌……隔離枱枱都係叫先上甜品，我又冇食到過唒鐘，擺明係出錯餐啦！***到我要食杯裝雪糕，叫佢個staff執一執枱面d嘢，個staff應承左又冇理我，埋單先至收番阻住我個鍋，呢d service咁差，仲要收原價加一，very bad service，total 200幾蚊其中有35蚊service charge，真係唔值得。***麻布茶房出名甜品好食，不過愈做愈差，芒果聖地唔夠濃味又浠，食m記雪糕仲好；外相因為溶唒而扣到負分；唔講service，佢有份火鍋海鮮配料都唔新鮮，完全係雪藏嘢，豚骨湯底冇豚骨味，食隔離間西餐好過。想食火鍋食吉野家，又平又抵又唔洗受氣！慶祝節日我一定叫同事朋友唔好去！！離唒譜！！…Read More

I always visit this restaurant for lunch, nearly 4 times for a month.The reason why I keep visiting it is because of the high quality food and the good services here!!Here is a glance of the lunch menuno.12 is my all-the-time favourite!!!The set serve with some appetizer, main dish, rice, drink and also ice-cream!!!The waiters are also very polite and helpful!but i think there is not enough staff to serve during lunchtime, i think the restaurant should hire more staffi highly recommend people to try this restaurant if you like japanese meal~~…Read More