星期一放工約左友人到樂富廣場食飯，行過見到細細個成日都好恨食既「麻布茶房」
！為左重拾下兒時味道，決定入去試一試！
貴為第一代日本過江龍餐廳，店舖裝潢都充滿和式味道。
坐低後翻開餐牌，晚市有好多款定食套餐選擇，除前菜、主食外，仲有埋呢到出名「影相位十足」既甜品
！價錢方面都唔算好貴，一個人百五蚊左右，都ok👍🏻。友人揀左個「熊本霜降西冷」，另配「白玉霜淇淋甜點」。而我就要左個「鹽燒三文魚定食」，另外跟餐仲備有「三式甘味」甜品。
等左陣，友人既熊本西冷先到！
西冷好大塊，肉質淋軟，黑椒同牛扒永遠係最佳嘅配搭！
將熊本黑椒西冷再輕輕沾上海鹽，味道又係另一層次
！
至於鹽燒三文魚，三文魚上枱時熱辣辣，魚邊香脆，肉質鮮嫩，好好食
配白飯真係一流！
餐飲方面，友人叫左個「熱抹茶薑奶」，質感順滑，帶淡淡薑味，好舒服！
最後當然就係「麻布茶房」signature 甜品啦！口感十足既白玉配上香草冰淇淋同紅豆，唔洗5分鐘就食哂
！至於「三式甘味」既三式，配搭都幾特別！分別有粟米湯、紅豆香港冰淇淋仲有蕨餅！每樣細細碟，啱哂樣樣都想試既我
！
