我自己就揀咗自選晚餐menu. 一個正餐加甜品自由配搭。對於選擇困難症嘅我嚟講，甜品款款都好吸引，三心兩意之下揀咗最平又聽聞出名嘅烤蕃薯雪糕。
朋友嘅壽喜牛肉定食。
我點嘅鐵板燒牛舌定食。
前菜有個玉子，入面有毛豆同椰菜，味道較為清淡。
初初以為定食嘅湯會係麵豉湯，原來佢係蛋花湯。睇落冇乜特別，但食落個蛋花好滑，個湯唔會太咸。
鐵板剛上時仲有熱氣冒出。牛舌肉質偏紅，牛味頗香，份量都好多。除咗牛舌外仲有洋蔥、薯仔同西蘭花。
朋友個豪華套餐嘅甜品，有個迷你宇治金時燒蕃薯雪糕、牛乳粟米湯同紅豆麻薯，一次過滿足哂三個願望。其中，牛乳粟米湯比較特別，較平日飲嘅甜，粟米味好香。
正常版嘅燒蕃薯霜淇淋宇治金時
燒蕃薯質地軟熟，唔太甜，正好同雪糕互補。雪糕嘅奶味較宇治金時味出眾。
熱朱古力
