香江樓 (Closed)

昨日生日飯，朋友團購此店套餐，＄89有9樣餸，有冇咁抵？位置極隔涉，商場內空無一人，到店前看見店內燈光昏暗，像極大陸旅行團團餐餐館格局。友人已說：「其實我地可以轉場」但既然已經團購，無理由要朋友一人硬食，又來到門口，唯有硬著頭皮入去試。全場除了職工頭圍用膳只有我們一枱客。四個人任坐十人大枱。坐下後朋友本想貪懶不洗碗，怎料碗中有像粉末的東西，似多年未用。唯有死死地氣洗碗。而所用的匙羹是一般外賣用的膠匙。因為已一早訂位，食物極速上枱。由一位老婆婆手震震咁上枱！！來自朋友的綜合解說！！第1樣係大蝦沙律，見到沙律醬同水係分開左ge!! D 蝦............有＿將風範。係唔會有人敢食，我夾起隻蝦睇過，係有ＤＤ悔...一上枱，朋友A就話，我地不如食多餐咯。心知不妙第2道係片皮鴨，第一次見人用炸米粉墊底，佢背青瓜同蔥做配料，但疑似擺左好耐，至於用黎包鴨ge皮....好硬好厚好大塊，片皮鴨似係普通燒鴨片左皮.....但我地都清左第３樣係唔知咩川芎藥材豬展湯。個湯飲到一碗仔，但好油好油！其實我地都叫做清左第４樣是螺片蠔油小棠葉，我覺得可以食落肚ge一道菜...不過螺片超硬，Ｄ菜又黃晒...第5

我們在2012年6月於雅虎購買了“$79一位尖沙咀香江樓鮑魚餐”, 由於他們指定每次最少要4人一起使用團購劵, 所以我們拿著4張劵去試試. 他們聲稱共有9道京滬特色菜，包括砂鍋鮑魚雞、辣炒法國青口、魚湯蝦米煲飯、虾子鮑汁撈麵等，連糖水、啤酒或雪梨水，當中已包加一 . (他們竟說原價要$300）聽起來確是十分吸引….至於地點: 香江樓, 它在尖沙咀港景峰商場內, 想像中此商場內的店舖也應不錯, 然而, 原來現實卻大相逕庭, 酒樓的門口燈光昏暗, 差點兒也不能發覺在其半開的玻璃大門上貼著“香江樓”三個字。進到酒樓內, 只是十多張用白色膠檯布墊著的大檯, 沒有侍應, 沒有人招待。酒樓內的地氈很骯髒, 環境昏暗。 等了不久, 有兩個嬸嬸出現, 她們應是幫忙傳菜或執拾的工人。後來, 有一位像廚師(因他的衣服沾了很多餸菜油漬)的人出來問我們是否訂了位, 然後他取了我們的團購紙後, 走到櫃台去將我們的團購劵資料輸入電腦內….再叫我們坐著等.不久, 他們將食物送來:1.「鮮大蝦沙律」: 當中的蝦不新鮮, 友人吃到有一隻蝦更是變壞了的!2.「潮州卥水拼盤」: 當中全是卥水鴨, 份量不夠四個人, 不是拼盤

“香江樓的佛跳牆”聽起來相當吸引，想像中會是如美心、聯邦等大酒樓的格局，炮製出精緻瓦盅盛載着足料的佛跳牆.... 商埸在軻士甸港鐵站附近，上面有一間裝潢華麗的酒樓，但找也找不到香江樓，問道於商埸保安才找到那扇玻璃門，半開半合，上面貼着大大片的膠紙寫着“香江樓”三個大字。 可能是與想像的偏差太大，或是裡面的燈光太昏暗吧，但終於也找到了! 進入後一直沒有侍應招呼，惟有到收銀處求助，那職員隨便安排我們坐在其中一張較大的餐檯。 原來這裡專辦團餐，每張檯面也鋪上膠檯布，看來旅行團還是剛剛離開呢! 極目只得一名女侍應和兩位貌似暑期工的青年，不知是工作太忙還是工作經驗少，就連一杯茶亦要要求才奉上，其後的服務亦是推一推，做一做，那加一服務收費付得寃狂！食物方面，三人份量的佛跳牆被放進一大鍋去，用料和份量十足，可分辨出來的有海螺片、海蝦三隻、青口兩隻，雞肉、豬手、肉排、冬菇、豬皮、牛孖根和素翅等，熬出的湯當然濃郁，還有類似川芎、白芷等的補藥香味，海蝦、青口雖少但鲜，豬手、蹄根和雞皮等的膠質過重，越食越膩； 炸蟹鉗外皮不脆而韌，反而伴碟的沙律用上罐頭雜果，雖非新鮮卻還算重本呢； 五香鹵水鴨片有香料味卻淡如

這家ｘ店，只能做兩種人生意．１．強國旅行團　２．被團購糖衣蔽的消費者唔係因為家人在Beecrazy買了團購票，我相信普通人會擦身而過，正常人亦不會以身範險．八張 $68一位團購卷，聲稱原盅彿跳牆+蟹鉗沙律+卥水鴨片+鮑汁時菜+甜品連加一，共五道菜．向來Beecrazy信譽都唔錯，我家人懷著期待與希望來品嘗, 點知<<環境>>從商場扶手梯上到2/F，突見寂靜的商場有一大班熱鬧非常的強國團友吱吱喳喳的．原來一班強國團友從一食市出來，另一班以強國小學生為主的疑似遊學團正等候進場....我們先讓強國小學生散場後，確認門牌，這像貨倉的門面真的是Beecrazy形容的香江樓?!　門牌號碼的確是沒錯啊．懷著一念疑惑進入香江樓...　　當時裡面只有４-5圍.強國小團友.. 我們不想太嘈吵, 又不想坐門口, 好不容易，被安排坐離團友較遠的位置．坐著，又有’散客’入場，之後發覺大家都係"同渡人"　<<等了又等，7pm食到9.30pm只上三度菜>>訂了檯7pm, 等了一個鐘到８pm上第一道菜：卥水鴨，8.45pm終於上了一窩如"油沉湯渣"般的

香江樓係一間位於港鐵四線可以到達o既尖沙咀港景峰商場中菜館港景峯住宅雖然有開揚景觀,o係名鑄之前曾成為尖沙咀地標,不過呢個商場比較冷清,平時除左黎商場睇呢個地產集團其他樓盤o既人同地產經紀外,冇乜其他人專程黎呢個商場購物,難怪成日o係報紙見到呢個商場o既舖位招租廣告,屬於同一個地產集團o既百佳都要由超級廣場縮細做超級市場香江樓 OpenRice o既食評有七,八年歷史,不過之前好多人寫o既食評都冇相片,直至今年借團購優惠先為大家揭開神秘面紗,俾大家見識呢間被形容為十年老店o既京川滬中菜專家香江樓可能已經轉左老闆或者改變經營模式,無論門面或菜式都與之前好大出入門面冇菜式介紹或餐牌價錢,就算入到菜館內都唔見內地政要及名人慕名前來品嘗o既招牌菜稻草牛相片內在環境好似電視台o既佈景板,冇乜講究裝修天花,每張枱都鋪上膠枱布,枱上隨意放左一堆餐具,大家有種黎左大排檔o既感覺我地當晚去到時有幾枱客人食緊野,但係唔見有任何店員,呢到全場除左得一張二人枱外,其餘都係大圓枱等左幾分鐘後,有個嬸嬸o係廚房出黎招呼我地隨便坐,介紹靚位俾我地睇電視,之後開壺茶俾我地洗杯香江樓地方夠大,可同時容納十幾枱客人,不過

藥材雞飯: 飯太乾,但量夠淡而無味,而且沒有汁,最過分的是80%都是骨頭,難為個廚師湊到一堆骨頭俾我到底因為我來得太遲(8:45pm),還是因為團購而將貨就價?北京水餃4隻: mini-size... 餡不像豬肉,像魚蛋?!泰國青檸水一杯: 外賣變成了廣東製造的雪梨菊花紙包飲品,幾特別老闆的態度很好,但食物的質素太差了!

買了尖沙咀「香江樓」二人餐$118三餸一湯的團購coupon，地點在港景峰，比較近佐敦，不太就腳的位置。餐單有：1. 沙薑雞一碟(原價$68)2. 糯米蟹一隻 （原價$88）－＞變成了蝦3. 滋補藥材西施骨燉湯 （原價$ 38 x 2）4. 鮑汁螺片扒時菜 （原價$ 58）5. 合時甜品/ 糖水或其他 （原價$12 x 2）6. 兩客白飯 （原價$ 6 x 2）內裡非常臨時+大陸feel，此時已有中伏的感覺，但還是要硬擋下去。電視的比例細得幾乎看不到，放在家裡的小房間還差不多。夜晚吃飯時間，也沒什麼人，所以團購也不用book時間。沙薑雞，還可以，只是太少了！滋補藥材西施骨燉湯，一喝就覺得有味精了。鮑汁螺片扒時菜，普普通通，螺片好像是換了菇片呀。糯米蟹一隻換成了蝦四隻大蝦，尚可，肉質是屬新鮮的，可是又是太少！底下有大量糯米飯。糖水是紅豆沙，比較杰。說難吃，又不算太難吃，只是份量少，平平無奇，有點不值的感覺，不值這個價錢，不值山長水遠的去吃。這裡像家庭式，整間店只有１-２個人招呼，而餸菜份量頗細小，埋單還要比$12，不會再去了。

星期三去食飯，水靜河飛．只有三四枱人．紅油抄手，非常難食，太實淨，好似未解凍．　小籠包一般．冇松子魚，改糖醋魚柳，味道ok 另外兩個主菜都ok 還有待應不足，叫好耐才有人應．總括來說很菜式普通，不值再去．

昨晚到來試一試, 平日是好少人的, 坐位舒服. 食物都OK 得!! 價錢大眾化,每晚有10元優惠小菜. 我欣賞小籠包, 皮溥多汁. 另銀絲卷熱騰騰拿出來, 正!!我們點了以下菜色: 1.太白雞(10元, 細細碟)2.小籠包半打3.炒野菌雪耳4.2 客煱貼(皮薄, 如果煎脆些就更好)5.雞絲煨麵(沒有over到, 唔糊口)6.蠔仔粥(不是蠔仔, 是中型size)7.桂花糕(有點硬)8.紅豆糕(是送的,有紅豆咪,如果加小小紅豆粒就更好)合共$235

佛跳牆套餐$88一位(至少兩位)包括:冷盤是鵝肝片,不錯。佛跳牆藥材味濃,用料一分錢一分貨,但也包括鮑魚,黨參,花膠等,味道甜美。油泡魚柳很滑溜,但感覺有少許腥。老板說原只帶子賣光,那改了西芹炒帶子,唉,搞錯,帶子是酸的。投訴過算了,反正食不下。套餐以外加了甜酸魚,沒有什麼特別的菜式。再加出名的稻草牛,用草蓆包著八吋長牛腩連骨,牛腩軟而滑,加上隱約的草香味,真棒!各位一定要試試。要批評一下服務水準,想是家庭式經營,侍應年紀大動作慢,而且錯漏百出,上茶上菜時左顧右盼不知所以,客人要反來告訴他們有沒有點那些菜,最離譜是把上錯桌而又給夾過的菜,原封不動拿去鄰傍正確的桌子,衛生觀念可想而知。甜品是味道像老婆餅的煎糕,很油,是送了,陪不是。

先後看過兩本飲食雜誌介紹此店的招牌菜-“稻草牛”, 見賣相特別, 欲試良久, 但因地點問題, 一拖整年. 尋晚終於"的"起心肝, 跟另一朋友到此飯聚.七時左右步入商場, 感覺十分淍零, (昨夜竟沒經常駐場的地產經紀們找客睇示範單位). 望入店內, 同樣是冷冷清清. 由七點到十點, 包括我的一檯, 前後只有三檯食客..真的生意難做哦.環境方面, 雖然沒有其他食客在場, 但也予人一侷促感, 不太舒適. 一看餐牌, 看見套餐價錢廉宜, 兩位$90, 見到有菜有肉有甜品, 於是要了這套餐; 另加一份$138 稻草牛. 套餐包括：1. 小籠包四粒(樣子像乾蒸燒賣, 湯汁不足)2. 口水雞一碟(尚可)3. 咕嚕魚塊(尚可)4. 西莖妙響螺扒(響螺扒口感稔稔地有點怪)5. 煨麵一大碗(尚可)6. 甜品- 桂花糕四小粒(似無咩jelly 糖)7. 什麼蜜熱飲一杯(又係無咩味, 淡如開水)至於稻草牛... 賣相都幾得, 跟雜誌上看見既一樣, 見阿姐幫我地剪開0的稻草及肉排時, 完全感受到肉質炆得好稔, 阿姐輕力地已把整條骨抽離肉排. =)可惜...食味方面... 我個人不太喜歡那般稻草味道, 有點水草

晚餐每人$70 非常經濟, 但在天花板見到老鼠走來走去, 異常恐怖...

下午午餐38一個人~ 叫兩個餐都夠3-4個女仔食~加多左d小食,一坐低又送豆漿又送一大煲雲吞雞仲有桂花榚....埋單我地一家5口百零蚊食到個個捧住個肚~勁

有幾日冇食過生炒骨或咕嚕肉，搞到昨晚特別想食。打開menu竟然冇，失望到極點。正當想走人之際，個待應姐姐話可以叫廚房整俾我，雖然唔期望好食，都好過冇la。最先上係冷盤燻魚同蚧醋脆鱔，燻魚唔得，雖然份量唔少及肉質ok，最失敗就係冇味，相反脆鱔d汁好夠味，可惜炸得唔夠脆。麵食係擔擔麵同小籠包，我最鍾意食擔擔麵d湯底，不過佢d湯底唔得，我飲到甜味多過麻辣味；小籠包唔錯，好多湯汁，包皮雖薄但唔易穿，唔駛驚流晒d汁。小菜有京式炒什菜同生炒骨，生炒骨一上台睇佢買相，我都知一定好味，果然係新鮮即制，好熱好辣口好脆甜酸味又夠，仲要係38蚊一大碟，真係平過大排檔，唯一缺點係d 汁較"杰" ；京式炒什菜似為有咩特別，原來只係普通炒菜一碟，加埋杯豆漿都係200蚊唔駛，好抵!

3人前行,叫了稻草牛,干扁四季豆,牛筋凍,脆鱔,荵油餅,酥皮鮮奶包.稻草牛有D藥材味,上面有幾粒杞子,味道普通;脆鱔不夠脆;牛筋凍很少牛筋;蔥油餅有少許怪味;酥皮鮮奶包比較特別; 最好味都是干扁四季豆.服務完全唔掂,不夠人手,不夠專業,只得1個伙記,2個部長,再加老板娘.