靚靚 不一樣的車仔麵

Open Now

Now Closed

車仔麵都可以好高檔，做完野好肚餓又想快食野就入左靚靚車仔麵醫肚，佢d配料真係如其名，唔係一般的車仔麵配料！又有花膠又有薰肉。我今次點左韭菜，豆卜，九轉豬腸，口水雞翼同花膠做配料，每樣都整得好有質素！個豬腸係有少少趣趣地，韭菜亦都食得出好新鮮，口水雞麻得黎唔會太辣 ，最正當然係個花膠啦 ，熱飲係送既菊花茶 ，岩曬女仔

上完堂餓餓地又好凍，所以同朋友去篤魚蛋。去左尖東橋下面既靚靚不一樣的車仔麵食個小食。三個人叫左個套餐A，燒賣9粒魚蛋8粒，熱lat lat，暖粒粒，d醬任加tim! 我地加左沙爹醬，其實仲有辣油，豉油加，不過呀姐推介沙爹醬，又唔想食辣就只落左沙爹醬。除左比散紙，仲可以比八達通，算係幾方便。不過買小食就無得入店坐，要係寒風中立食。(但買果20幾蚊就唔好咁多要求) 魚蛋燒賣偏惗， 無咩魚味，但都唔係話好多粉果種魚蛋。

早餐略貴 比較同地區貴10%/up糯米鷄夠熱 但內在材料不足有半小鷄翼一小小塊 其他材料。。。只有肉碎小量內裡汁也不夠。。。 靚靚同類型早餐比較 如腸粉 炒米粉炒麵 粥 羅白糕 等等。。。出名份量足夠 但這糯米鷄真心令人失望***不論味道及份量 不推薦

食評食評，食物go first 叫左3個餸~咖喱魷魚，只係搵水灼熟d 水魷再加pat 咖喱汁，佢地應該冇諗過入味呢part,fine~~豬軟骨，凍嘅，ok,可能鹿兒島果邊係凍d,配合返，不過算係煮得淋，個味都ok 嘅。~紫菜，有沙。冇紫菜味~麻辣湯底，加咗兩羹辣油就當係以下呢件事，令我呢世都唔會再幫襯座位窄，繁忙時間2個人坐一邊我絕對理解同配合但係個位出奇地窄，對面坐2個大男人，腳貼腳我咪轉去枱坐囉有個阿姐A已經大叫我地轉左枱阿姐B,冇聽到，揸住我碗麵掛住話我地好轉枱，內容大致係食得車仔麵就唔好麻麻煩煩搞咁多野啦！！然後斜哂咁落碗粉，d 湯濺到一枱都係，我反應唔切於比佢整到一衫都係重點係佢完全冇歉意，望住件衫悔悔氣氣話：下，咁點搞呀而家？！攞d 紙巾比你囉！what?!!!!! 除咗谷住同默默抺衫之外我冇野做到間舖全部都係果d 粗聲粗氣無禮貌至極嘅阿姐！成晚聽住佢地話，繁忙時間係咁咖啦，坐啦！！我唔係黎食service ,但係都唔係黎受氣囉！唔好以為你d 餸騎呢就當自己有寶，老實講，一D 都唔好食！圖中只係一部份，其實仲有好多撻！

尖沙咀發現有一間餐廳，靚靚不一樣的車仔麵個名也吸引了我到來，平日放工同同事來傾談很不錯。高樓底十分美麗，環境開揚，好多美食，相當不錯。(鹿兒島豬軟骨半客) 肉質很爽滑，夠熱又好味，好味道，家人好滿意，確難忘，不消一會巳食完。(黑豚肉叉燒皇)半肥瘦的叉燒，肉質鮮嫩可口，十分入味，不知不覺都食多了。(串燒龍蝦丸) 確大隻肥美，嫩滑很飽肚，原來都不錯吧，女仔會比較愛，必要encore。(金牌八喜麵) 職員推薦的八喜麵，新鮮味正，不鞋身有肉味，份量尚算ok，要加分，也不錯。

之前看過這裡的食評有分子料理，一直沒有機會去吃。今天正好要聽演唱會，所以有機會去試一下。黑魚子醬芒果包和黑魚子醬提子包如果拿來拍照片騙Like係OK的，但你真係當分子料理來食就污辱了分子料理😓😓 吃下去的感覺就是一個透明的厚皮大菜膠包住人造芒果醬或提子醬😂😂 就算我是一個從未吃過分子料理的人也知道，分子料理是把新鮮食材打散重組，不是把人造假色味素包住在一團類似透明厚大菜膠里就叫分子料理，而且就如小籠包一樣做到甘厚皮，超級扣分！😪😪初榨魚露鷄也能稱為分子料理就因为那些泡🙄😂😂 做為一間茶餐厅的出品，味道不過不失。反而覺得最正常是好味的是花膠生菜，好味又入味還點了黑毛豬叉燒、墨魚餅，沒什麼特別也就不說了。作為一間茶餐廳不能給差評，因為店名說明招牌是車仔麵但我沒有吃。另外如果我吃得是餐厅的所謂分子料理，它的價錢還是公道的，因為真正的分子料理本身的確是很貴的(而這些不是)😰😰

最近愛上左食平靚正嘅車仔麵，已經係第二次幫襯靚靚今次都係叫反上次食過覺得唔錯嘅黑毛豬叉燒同土匪雞球，肉質夠滑都好入味，屬於我每次黎嘅必叫菜式而依度嘅麻辣湯底水準都幾高，不過我就略嫌米線偏腍，唔夠咬口，朋友叫嘅紅薯粉夠咬口所以好食啲，下次黎會記得叫紅薯粉至於令我最失望嘅就係佢個正所謂「分子料理」店家似乎覺得樣樣野加堆泡落去就叫「分子料理」，未免太過取巧正如個柚子分子蛋，根本就係一隻温泉蛋再加一堆柚子味嘅白泡落去，賣相同味道都麻麻，咁就收十幾蚊一隻蛋真係有啲俾人呃嘅感覺至於個分子泡沫魚露雞其實只係加一堆無咩味嘅泡響啲雞上面，好彩啲雞都幾好食，但成件事唔太夾，根本唔算係分子料理，令我有啲失望，而且價錢又唔平，又令我好似俾人呃咁總括黎講，傳統嘅餸幾好食，不過「分子料理」就應該改過另一個名，免得俾人取巧誇張嘅感覺

早幾日同家姐係文化中心睇完opera，夜晚十點幾，想食番d野先，見呢間都幾好評，又幾實惠，就去食下啦。可能係已經宵夜夜夜時間，唔使等位就入得啦。我地兩個人叫左好多野食😆黑松露阿布素意大利麵 ： 一般，個湯底黑松露味唔夠，不過有片黑松露紫菜嘅物體，幾特別。黑魚子醬提子包：有新意，但不推介。鹿兒島豬軟骨：味道有d濃，不過性價比高。九轉大腸：正常野，腸都幾乾淨，有幾粒茄子。黑毛豬叉燒：幾香口， 鹹左d，有4件，瘦叉燒有啲鞋口。紅燒花膠扒：推介，18蚊，大大件花膠扒，又抵食又好味😋。海南切雞：正常野，無特別。熱腐竹洋薏米： 好味😋食到尾先留意到，佢有最低消費，每人要最少2餸1麵或3 餸，唔緊要，我地夠哂數。

黑松露烤尖筍、鹿兒島豬軟骨、分子料理....這些食物在一間西餐廳的菜單出現再正常不過。假若是在一間賣車仔麵的食肆出現，似乎有點不可思議。而這天，我確實在一家車仔麵店大開眼界－靚靚不一樣的車仔麵。環境不大，而且比起對面翠華餐廳的餐廳相較比較簡單平民一些。桌上放著張點餐紙，食客可以自己選擇湯底、麵條、配料...神奇的地方就在這點餐紙，除了常規車仔麵蘿蔔、牛腩、豬大腸等配料，還有大量特別的配料，特別是人氣系列，分子料理和創意產品，這些配料每份大約12-16元，價格在車仔麵中算略高。我點的瑤柱濃湯底米線，就這樣看有點清湯掛麵的感覺，但是湯非常清甜，全因為沒有添加味精，喝多了也不會口渴。說說我選的配料鹿兒島豬軟骨（$16），有大約4-5塊，燜得非常軟，有些筋連著肉，筋的部分充滿膠質，入口融化，醬汁有點像紅酒燜牛肉的味道，非常好吃！另一款九轉大腸（$16）也是店內必吃，平常車仔麵的豬大腸都是鹵水的，這裡採用了山東魯菜的做法，先煮、再炸、後燒，盛入盤中紅潤透亮，肥而不膩，口感內軟外酥，特別鮮美。連帶裡面的茄子也吸滿醬汁，極度惹味。凍檸檬薏米茶（$8），酸酸甜甜又很清新，也是少有車仔麵店不會有的選擇。

This noodle shop is located in TST East, in the busy walkway going to the flyover which connects to the Hunghom train station. Coming on a Saturday noon the place is super busy so we have to sit together with two other people in the 4-seater. The setting is cramped but still the overall environment is fairly clean and neat. I ordered the three-dishes rice noodle, including chicken wings, pig's blood and squid balls. The shop advertises that they didn't add any MSG and frankly I can't confirm but

大概已經有一年無食過靚靚車仔麵，但一直記得佢個鹿兒島豬軟骨系功好食既，好軟又好入味。由於今日突然想自己一個食飯，所以就去左食車仔麵，因為吾怕尷尬我叫左碗豬軟骨+生菜既河粉，湯底系牛腩汁。叫完之後吾洗等好耐就有得食，一見到系覺得份豬軟骨好似細舊左，之後食落亦覺得無以前咁淋，啲味都有少少吾同另外啲河粉是滑的，但系碎晒好難夾。而湯底佢餐牌表示系無加味精，但我認為是有的因為食完好口渴。。總括而言，我覺得系無以前咁好食，但如果無乜時間的話，尼間麵系一個吾錯既選擇，雖然有啲小貴，但下次有機會的話會試下其他餸。

今日經過尖東，午飯時間四圍都爆棚。最後到了老牌的靚靚車仔麵。等左約五分鐘有位，堂食位置較小，而且充滿遊客，食得有d迫，不過去得都預左。招牌八寶面，包洛神花茶，$53招牌面係油面，無得揀面，有雞翼，豬紅，豬腸，牛腩，豬皮，紅腸，魚蛋，蘿蔔。整體味道唔錯，用料新鮮，蘿蔔用左清湯炆淋，算有心機，湯底偏咸，但可以接受，感覺良好。豬腸茄子油面，$43沙嗲汁湯不錯，大腸正常，茄子賣相討好，味道都唔錯，係$43 蚊算偏貴。感覺良好，會再幫襯。

今晚又要ot，同同事收工諗住搵d快，靚，正既野食，早啲返去休息。突然諗起呢間讀大學時成日去既車仔麵，今晚重返舊地，好懷念。入到去裝修令左，但主要格局都無乜點變，好親切。估唔到，一睇佢張點餐紙，多左好多新款野食。唔係平時車仔麵食嘅餸。我叫左個金牌八喜面。八喜原來就係八個餸，有紅腸、雞翼、魚蛋、豬皮、蘿蔔、白菜仔、雞粒，太多，我都唔係好記得。個湯都幾濃郁，雞翼好入味，一啲都唔老。小食我地點左黑松露提子包，個名好有趣，完全估唔到係咩黎，剩係知係一個分子料理。個外型幾得意，但食既時候要小心啲，因為下邊嘅粉紅色包仔入面原來包住d果汁，提子味幾好食，而 上面嗰啲魚子都好豐盛，食到周身都係。上面鹹鹹地下邊就甜甜地，都幾特別我們亦叫左個黑松露煎蛋。呢個就普普通通，一隻煎蛋個面放d黑松露，還可以。紅燒花膠扒。少女首選！個花膠好入味，好林，幾張嘴，個汁有少少瑤柱味，撈飯一流！黑松露醬烤尖筍。第一下都諗左幾秒呢個咩黎，點知一食，呢個好好味丫！筍味好濃郁，仲有啲菇，個汁好特別，令人想繼續食。九轉大腸。外脆內軟，冇臭味，清潔得幾乾淨，再配上佢嘅秘製醬汁，好食！墨魚煎餅。墨魚味都幾重，但係個質地有少少乾。凍山楂洛

說到港式美食，車仔麵可絕對稱得上本土代表作。由昔日木頭車上一煮車仔麵，至現時金屬格盤滿缽滿的小食，風味依然十足。位於尖沙咀新文華中心地面的靚靚不一樣車仔麵，更精心推出各款 fusion 分子美食，可享受傳統車仔小食之餘，亦可嚐到框框外創新美點。《創新系列》黑松露阿布素意大利麵（$23)，主食系列中必試一味。意大利麵的麥香，簡單夠清，麵條彈牙；配上高湯和主打的黑松露topping，非常入味，味道統一。就咁食麵有點寡，點左分子料理初榨魚露雞 ($16)作配菜。粉紅泡泡真係非常吸睛！說是採用初榨的60度魚露，再下大盤大頭蝦煲煮3個鐘，與魚露汁混合而成的。慢功出細貨，令泡泡很企身，淡淡魚露鮮甜，滋味無窮。泡下有至少五件雞，雞肉不算嫩滑，但香料多而足，淺淺的辣，又幾Okay。《傳統車仔系列》八餸麵唔係車仔麵鋪都會有，呢間就有，選擇困難症的朋友，呢款不能錯過。金牌八喜麵($53) 包括蘿蔔、紅腸、雞翼、豬皮、魚旦、牛根、酸齋和豬紅。集合車仔精華於一身，一次過滿足晒味蕾。嫌大碗，兩人食仲抵呀！口水雞中翼($16) 兩隻雞翼一開二，食唔到辣的朋友，呢個辣係接受到，好味必試！《車仔麵鋪有甜點？》黑魚子醬

那天和亞仔去科學館睇木乃伊，先在尖東食晏才入場，亞仔未食過車仔麵，所以勞佢去試吓這新派車仔麵。第一眼看到點餸纸，覺得很貴，因為幼麵要18蚊，巳是最平的了，點了大腸、豬皮、豆卜和幼麵。亞仔要了牛丸、燒汁牛肉、海南雞和幼麵加可樂。這裡原來三餸有飲品送。我的麵先來，麻辣湯不夠辣，但有麻的感覺，算不錯。麵身很爽口，豬皮爽且無油臆味，大腸夠林和入味，豆卜浸了湯，入了味，正！亞仔的雞和牛肉是分開上的，兩樣他都說好味，只主牛肉的燒汁太甜，牛丸都幾爽口。亞仔要的可樂無送來，看看單，原來無落單，可能邑因為有菊花茶送，杯菊花茶不太甜且頗大杯。埋單108蚊，比原先想平和合理，最重要是好味