金玥軒 (Closed)

今日要去火炭附近做野，但未食早餐，打算搵間餐廳食早餐，平時成日都係茶餐廳食，因為好有香港特色。係工廠區見到依間好光猛，感覺環境幾乾淨，所以就入去。點左個歐陸早餐食，成個早餐非常豐富，包左一個扒可以揀，平時成日都叫牛扒，今次都唔例外。佢嘅薄煎牛扒食落肉質幾淋。唔會太硬身，牛肉味都算幾濃。除左有扒食，佢仲包左茄汁豆、薯餅同滑蛋，薯餅食落幾好味，炸到好金黃，食起上黎好酥脆同扎實感十足，滑蛋食落好滑，賣相都好靚。

今日在火炭開工，做到過晒鐘又攰，所以就搵返間好坐啲嘅餐廳食個大件下午茶，當係補充體力和慰勞自己。呢間金玥軒幾乾淨企理，屬於呢佢叫做坐得比較舒服嘅茶餐廳，下午茶價錢又唔貴，所以就上嚟試吓。原油雞髀配叉燒飯$75因為真係太肚餓，所以就叫咗呢個原隻雞髀加叉燒飯，因為知道呢度嘅燒味都比較出名。果然冇令人失望，油雞髀整得非常入味，而且大大隻大大件，食落非常之爽呀。另外叉燒我叫佢俾啲多啲肥膏嘅，非常甘香，肉質夠亂，而且個叉燒汁甜甜地好好味呀！星洲炒米$40下午茶$40真係相當抵食，而且好大碟，唔會太難，米粉炒得夠爽口，又唔會太油膩，真正啦！一口黑白多士$28點都要食返個甜品，呢個黑白多士其實係有朱古力醬和煉奶，呢個配搭真係冇得輸，令人非常滿足。傳統港式茶走

放假訓晏咗，決定落嚟依間茶餐廳食個豐盛嘅下午茶。😌乾炒牛河$40即叫既炒好有鑊氣，牛肉大片厚身，非常鮮嫩，河粉夠滑而唔算太油。配埋韭黃、洋蔥同蛋絲，多重口感！炸雞髀配薯角$38雞髀炸得好香好脆，一啲都唔厚粉，咬落Juicy，啲肉汁必哂出黎。唔同其他餐廳，通常都係薯條，而依間就配上薯角，每一條都好厚身，外皮金黃酥脆，內裹就滿滿軟綿綿嘅薯肉，仲有少少沙律配菜，清爽一吓，令到成碟唔會話太油膩。雙拼燒味粉麵$40今次叫咗叉燒同燒腩仔，$40有依個份量真係超值，燒腩仔做得好出色，外皮脆卜卜，下面肉同肥層次分明，肉同肉之間有薄薄嘅一層肥令到每一舊都更香口又唔會食膩，而且食得出師傅火喉掌控得好，咬落口感煙韌，非常有彈力，肉味香濃。叉燒都唔錯，表皮顏色亮澤，微燻的部位散發住炭火香氣，半肥瘦分佈啱啱好。

今日與同事公事到火炭，放工後一齊晚餐，朋友介紹㘭背灣街金豪工業大廈的金玥軒，所以一齊到金月軒晚飯。餐廳樓底都很高，裝修企理舒適。Menu都很多菜式。餐廳送上兩個例湯，裏面見到有豬骨、 粟米及紅蘿蔔…等，一飲就知是老火湯的味道，湯底真是非常清甜。沙爹翡翠炒牛肉$98沙爹翡菜炒牛肉裏面有紅黃椒、翠肉瓜、黃瓜及蔥，伴碟還有沙律菜，與西餐一樣，整個菜式看落很精美，牛肉的份量很足，沙嗲味不是很濃，但炒得頗入味。蜜桃欖角脆香骨$98 蜜桃欖角脆香骨切得非常大件厚肉，肉質爽口，入口酸、甜、咸味沖擊味蕾，非常的惹味，夠美味的！！XO醬別不同牛肉炒河$78XO醬牛河，裡面有紅黃椒 、青豆及蔥段…等，面上還放了沙律菜及蛋絲， 牛肉切得大件，點上辣椒醬~好味。河粉炒得夠香口，口感軟軟腍腍，帶點煙韌，整個XO醬別不同牛肉炒河炒得夠鑊氣、夠入味、夠香口…！即磨蛋白杏仁茶$28即磨蛋白杏仁茶，上枱已聞到很香的杏仁味，蛋白軟軟滑滑的，杏仁味特別濃郁，甜度剛剛好，超好飲！

今日因為工作關係，一早就黎到火炭，諗住嗱嗱臨搵個早餐食，咁岩見到哩間餐廳嘅早餐非常抵食，只係$32😱於是就入去試下。餐廳面積非常大，而且有卡位，我當然即刻揀左卡位黎坐啦😆🎈特濃忌廉火腿通粉配3.6牛乳炒滑蛋、腸仔好大碗，湯底有淡淡既忌廉味，通粉彈牙唔會霖，配有火腿同粟米🌽🎈雪菜肉絲米粉配3.6牛乳炒滑蛋、火腿亦係好大碗，雪菜肉絲份量好多，配有粟米🌽雪菜微辣，米粉滑溜爽身，我自己最鍾意加埋辣油一齊食🌶️🥚牛乳炒滑蛋夠嫩滑，炒嘅時候已經加左鹽同埋胡椒，調味啱啱好，唔使自己再額外加。腸仔同火腿煎得剛好，唔會太油膩。🎈熱阿華田🎈熱奶茶奶茶香滑，奶味濃。鐘意佢帶有茶香。整體黎講，一個$32既早餐，包埋飲品，份量咁大，真係好抵食，食完之後午餐都唔洗食😂

今午相約朋友到火炭火車站附近取貨，回想已好耐冇入過火炭，原來附近已興建很多新型房屋，朋友建議在附近吃午飯，因工廠區內有很多新食堂開業，配合區內住屋發展需求，而食物質素都好高呀😋😋燒鵝叉燒雙拼飯$63+鹹蛋一隻$10店舖嘅燒味、自設工場、由名廚主理，即燒即賣，一定要試吓👍燒鵝皮脆有光澤、肉汁香濃、油脂甘香、配以酸梅醬食一流，叉燒軟嫩多汁、色澤鮮明、香味四溢。鹹蛋黃油香、榨菜絲口感，好好味😍😍星洲炒米粉 $56青紅椒絲、叉燒絲、蛋絲、韭黃、蝦仁🍤、米粉炒得乾身，加入咖喱粉和黃姜粉炒勻，香氣撲鼻😘😘跟餐飲品：鹹檸七🧋$7 、即磨熱咖啡☕️$4

在火炭的金玥軒，像是酒樓的名稱嗎？原來裡面有很多創意小菜，道道菜都高質又高性價比，而且很多都沒試過，值得一試！非常不易找！原來入口在麵房街的中間的一條樓梯，門牌只在樓梯上才見到！午市的燒味好像也滿有名的晚市的菜色大多都是＄１００—１５０左右，但有很多都是創意系，欣賞！服務：殷切有禮，中菜館比較少見食物：店家超友善的，送了一碗赤小豆冬瓜湯 沒有味精，入口清甜不濁～迷鋼陳村咕嚕黑豚肉 ＄９８偏到一邊的咕嚕黑豚肉，別看他這樣，其實份量很多，咕嚕肉的口感彈牙而且炸皮超薄又脆，勾了個酸酸甜甜的醬，入口很惹味。皮蛋分開來吃味道不俗，配在一起好像有點不配合呢檳城棒棒骨四方盒＄１３８好有趣的烹調法，基本就是農夫包的變調，再加上甜的馬沙文咖哩，配上啖啖肉的棒棒骨超惹味！這個菜比農夫包稔軟一點，口感更新一點，肉感更重！咖哩的份量不算多，問店員的話說不定可以多加一些呢！金銀蛋浸菜心＄６８吃得油膩，也得吃點清淡的呢！菜的份量也是很大！菜心夠多又夠甜，金銀蛋也有夠多，很超值！

屋企人喺火炭收工之後，我就過去搵佢哋食飯，佢哋就推介食呢間金玥軒。個舖位都幾隱蔽下，但食完之後，我就覺得係一間隱世高質餐廳！🤤雖然佢嘅裝修同價錢係行茶記嘅風格，但食物質素絕對係酒樓級數。絕對係一間性價比高嘅餐廳！😆燒味雙拼飯 （叉燒/燒腩仔） （$50）燒味嚟講，睇得出係幾用心製作。佢哋有自設工場，而且啲用料睇落都幾靚。🤩叉燒同燒腩仔都係我食燒味必叫既。一上碟就覺得佢地既水準真係唔普通，燒腩仔顏色鮮豔，一望就知個皮係極脆；叉燒亦燒到個表面好靚，真係有d料到。👍放入口都真係“嘩”左一聲，係真心有水準，肉質易入口，而且好香口。😍佢既質素都可以拍得住貴價酒樓既級數，係好驚喜既！ 壁山漁翁酸菜魚 （$158）呢個真係非常有驚喜！我之前係其他地方食係麻麻地酸菜魚，但屋企人話一定要試，我先食。點知一食就上左癮🤣小小酸小小辣，味道好過癮。而且我相信佢用既魚片都係上等材料，真係好滑好爽口，完全無骨！👍 仲加左我好鍾意食既薯粉。呢碟我真係俾夠滿分，仲要份量超多，極度推介！！！🤩😍瑤柱海鮮蛋白炒飯 （$88）呢個炒飯鑊氣十足，而且海鮮材料都好足。調味方面都做得好，唔會覺得鹹！👍雖然呢個炒飯唔係咩特別野，但

喺火炭睇完展覽發現工業區餐廳大多數都冇開，誤打誤撞搵到間專食特式小菜嘅樓上餐廳😍。🥢蜜桃欖角脆香骨 $98排骨粒肥瘦適中，炸得香脆又帶點油香，肉質軟腍。醬汁酸酸甜甜好開胃。餐廳用上新鮮蜜桃伴碟，清甜解膩。🥢黃金脆鮮魷 $98鮮魷彈牙鮮甜，而且每件都沾滿鹹蛋黃醬。鹹蛋黃醬味道濃郁但唔會過鹹。🥢鮮茄桃膠浸時蔬 $88將番茄加入奶白色嘅魚湯，呈現吸引嘅粉紅色。入口鮮甜，酸味輕。菜仔保持清甜爽脆。伴上大量配料，包括磨菇、木耳、桃膠、唐芹，口感味道都好豐富😋。

喺工厦附近做完嘢，諗住搵下有乜嘢餐廳可以食晚飯，身邊朋友推介位於火炭的《 金玥軒 》，食物質素高而且平靚正，一於去試吓先得！餐廳環境好大，而且坐得好寬敞舒適，燈光十足，見完就安排我哋二人坐卡位位置。餐牌食物圖文並茂，每一款都想試吓！今次就叫咗我最鍾意食嘅屢壁山魚翁酸菜魚，辣度仲可以自己選擇，我就叫咗小辣，飲一啖湯都幾滋味，而且魚肉份量多，撈飯就一流。蜜桃欖角脆香骨好香，賣相亦都好吸引，驟眼睇見到差不多有十件，滿滿的蜜桃欖角醬汁鋪喺面，食落去脆香骨多肉少骨，也有黏口的口感。飯後一杯凍檸茶是不可缺少的😋今餐真係滿足而爆肚，一定會再encore！#金玥軒 #火炭金玥軒 #火炭美食

很久沒有在屋企附近食飯，難得今個週末在家中，但又不想煮飯，所以就來到這間新開不久的餐廳！這間餐廳其實是在同區金悅軒搬過來的，食物由前酒店大廚主理，能夠保持水準！這裡環境很大，寬敞舒適！點餐後店員為我們送上例湯，是青紅蘿蔔湯，很清甜!風味椒鹽一口骨，雖然說是一口骨，但是肉都非常多，炸得惹味，椒鹽味道都很出，用來送飯也不錯!壁山漁翁酸菜魚，這裡的酸菜魚估唔到那麼好吃，用上龍躉魚片，魚片沒有骨，肉質嫩滑，口感爽身！湯底味道酸酸辣辣，而且仲有大量酸菜、芽菜，亦有萵筍、木耳和薯粉，份量非常多，足夠4個人吃!鮮茄桃膠浸時蔬 ，白菜仔鮮甜爽口，湯底都有蕃茄的酸甜味，除了白菜仔，還有木耳、唐芹，桃膠的份量都很多，很養顏的感覺！

金玥軒原來改左名仲搬大左間鋪😱話說呢間餐廳都識左好幾年，好幾年前有同事帶過黎食，之後都一直都有回頭食。佢地係酒店大廚做主廚，所以品質好有保證👍🏻加上價錢收費好合理，所以成班frd都會間中揸車黎食。.呢一年因為限聚令都少聚左好多，今晚經過火炭見到佢地搬左大鋪，一於兩條友仔都照幫襯🤣 搬左大鋪，光猛左又有VIP房，加上佢地因為無酒牌😏所以自己帶酒去好抵玩！.▪️柚子鍋巴脆蝦球$108呢個真係必點菜式黎，收$108邊度都做唔到😅 隻隻大蝦大過隻匙羹，大蝦先炸過，表皮夠晒脆身，加埋佢個柚子汁淋面之後個脆皮都唔會淋晒，加上用左鍋巴墊底，擺盤都100分👍🏻.▪️艇家小炒皇$98我成日稱呼邊度嘅小炒皇係特別加強版😏 幾時有見過小炒皇可以咁足料（包括：腰果、炸魚仔、芋頭條、韭菜、蝦乾、大蝦、黃椒、紅椒、叉燒...) 最正係佢樣樣都切到差唔多條狀，每次夾起都有好多唔同配料，同埋佢個芋頭條係炸到脆卜卜，好有誠意既小炒皇😋.▪️風味椒鹽一口骨$98呢個好飽既椒鹽骨，啖啖都係肉😅佢既一件骨=平時3件排骨仔，骨細肉多，但肉質都好嫩唔會鞋口，椒鹽個味道好特別，五香粉同炸蒜味好特出，亦落左花生一齊炒，惹味十足。.自己去便

望穿秋水，終於恢復晚市堂食。我同屋企人亦終於可以嘗一嘗呢間新店的晚市小菜。..首先，每位例湯一碗，是附送的。呢度啲例湯或者燉湯都一向清甜無比，是晚冬瓜湯清澈不混濁，家常湯的味道。..燒味三拼，我叫左叉燒、燒腩仔和燒鵝。其實先前禁晚巿堂食的日子，我都會有黎幫襯燒味外賣，但堂食燒味，始終好食過外賣，堂食切得靚、部位又正，而且溫度微暖又保持住肉汁。三拼最好味係燒腩肉，皮係脆的，唔係硬實嗰種，真係脆卜卜的。而佢地重點推介的燒鵝，我同家人就覺得偏鹹，這是個人口味有所不同吧，或許大家會覺得這叫惹味。..海鮮雜菜煲份量多(其實整晚菜式的份量都偏多)，老婆最怕食清菜，呢道雜菜煲便岩佢，鮮甜湯汁入晒落啲菜，好味好多。..咕嚕肉擺盤賣相好靚，似一個彎彎的月亮，即時聯想到佢哋個彎月形嘅招牌。咕嚕肉成日食，但呢碟就與別不同啲，配料有喬頭同皮蛋，同啲酸甜汁好夾味，大家竟然好喜歡呢啲喬頭，比咕嚕肉本身更受歡迎。..呢度必叫之一係炒飯，之前係舊店，次次都會叫蛋白炒飯。入口飯粒分明，亦不油膩，配上不少帶子粒及瑤柱絲，好好食。而且依家仲加左沙律菜，額外好吃。..海味燴伊麵，啲麵汁都頗濃味，亦帶點甜甜的，我同家人覺得伊麵

金悅軒已經搬了，新店叫金玥軒。作為金悅軒的粉絲，當然便急不及待前往新店試試。今日我們一行四人先試下佢嘅下午茶餐。..我叫咗干炒牛河，份量大，牛肉多。河粉有獲氣，惹味得黎又唔鹹。只係略嫌油了一點，碟底剩好多油。另外，餐茶我選了凍啡，相當唔錯。..老婆食星州炒米，一樣份量大，配料多。炒得非常出色，米粉有咬口，而且炒得鬆身，亦不油膩，保持舊店水準。..阿仔繼續揀佢最愛的肉絲炒麵，佢都係鍾情於油炸食品，卜卜脆嘅麵餅真係好有吸引力。阿仔吃後讚不絕口，整碟吃光。我本人不敢吃，除非唔怕生痱滋。..婆婆選了燒鴨瀨粉，食左一部份先記得影相。整體份量明顯較舊店時少，雖然今天很大方地上咗鴨脾，但肉質較實，變得有點難咀嚼，而且越食越鹹，婆婆不敢吃太多。另外，奶茶不熱，茶色也不均勻，婆婆不敢喝下去。..總括而言，新店的食物水平仍然唔錯而且抵食。但我較懷念舊店的食物，當時下午茶餐單有不少選擇，例如一口西多士，現在沒有了。..補充一下，新店比舊店大好多，而且座位舒適，希望盡快恢復晚巿堂食，便可去試試佢地嘅小菜!