金玥軒 (Closed)

老公火炭返工，我就等個仔放學。長期喺火炭逗留一定要試唔同早餐。衣間茶餐廳我會形容為質素比較好嘅茶餐廳，唔似得有d 餐廳唔休做咁款，又貴又污糟又難食。金玥軒地方大，坐得舒服，靜靜地唔嘈，茶餐廳黎講算乾淨，服務好，早餐大大份，味道唔錯。牛扒豬扒唔會煎乾，公仔麵唔會太腍👍🏻 多士又熱又脆，麵食配菜足料。另外仲有all day breakfast 都抵食，又係大大份，上盤都靚仔，一d 都唔馬虎，又係超高性價比，真心讚！

知道金玥軒係工廈開左，鄰居們都讚多過彈，咁一定要試下啦😋之前食過燒味瀨粉，$54有雙併連熱飲，都算抵食，而且質素很不錯，今次一於試下炒粉麵，叫左個雪菜燒鵝炆米，一見到個外賣盒都哇左聲，咁大盒嘅！打開成座山咁大堆，我分左2餐食。燒鵝肉絲很多，而且都係瘦肉黎，唔會係肥膏，皮香肉嫩，炆米濕潤適中，雪菜嘅咸味剛好提鮮，炆米有燒鵝香而又不會過油，食左一半都不覺膩，只係份量實在太多🤣🤣跟餐熱飲都有好多選擇，我就最愛佢嘅菜蜜，甜得黎好潤喉，配啲咁濃味嘅炒野就最適合☺️

真心好味😋好耐未食過咁好味嘅中菜碟碟都咁好味食到一半已經好飽但因為好好味幾飽都要繼續食大廚用心製作價格又合理以後就唔駛諗所有gathering嘅指定食店🥳🥳推介菜式4小碟魚香脆茄孑紐紋靑瓜脆脆豆腐粒一口燒腩仔平凡前菜菜式一試已知真功夫杏汁菜膽燉豬肺湯已經冇乜地方可以飲到夠哂足料好好味招牌碌鵝夠淋入味😋😋荔枝蝦球打咭菜都好好味密汁欖角骨用新鮮豬制作正🥳🥳壁山漁翁酸菜魚採用生魚👍🏻👍🏻枝竹牛腩入味仲有大量牛筋😋😋連飯面都咁出色甜品更加唔駛講幾飽都要食😍😍

今次吾講大角嘴，去另一個穩世美食天堂 - 火炭！ 除咗大排檔，沙田雞粥同乳鴿之外，其實工業邨入面都好多幾好食既小店，又係嗰句，好食既咪推介下 😉呢間小店前身真係大街七仔隔離嗰間「金悅軒」，傳聞疫情前同業主有啲爭執，之後就搬左上工業大廈閣樓，樓面大咗樓底高左，仲可以「介」房間聚饍。咁重中之重既食物質素又如何呢？餐牌都係家常小炒為主，我今晚點了「蒜泥白肉」「瓜椒一口牛」「蒜蓉粉絲開邊蝦」同一碟「叉燒切雞」燒味淺嘗。「蒜泥白玉」同「燒味」一如預期先上。「白肉」有心思，像片皮鴨般捲起上，中間夾了一些沙律菜，跟紅蘿蔔蓉，黑醋汁在面；這特色中菜很可口。推介。雙拼叉雞燒味，見圖份量的確不多。不過，叉燒有焦邊，肥瘦適中，非常冧。切鷄我只係小食半嚿，好滑。「瓜椒一口牛」非常入味，拼黃椒片，雞脾菇片，小量薯仔粒，我家化骨龍食到吾停口。老婆大人就嫌咸左少少。主菜「蒜蓉開邊蝦」琳琅滿目。蝦足料夠大隻，真係有手板大，師傅細心走腸，大量粉絲碎粒蒜蓉，送飯一流。老實說，上菜的應該係冰鮮蝦吧，食吾到鮮蝦味，不過百零蚊咁多咁大隻既蝦，也收貨了。另外，送贈既南瓜西米露雖然稀左少少。不過咁艱難既六四夜都可以甜住走。ok 了

火炭區嘅餐廳都食到7788今日就試吓好多人講嘅燒味飯大概下午12:30左右已經好多人食緊非常旺場雖然佢哋喺一樓 但其實位置都唔難搵嘅餐牌都有好多嘢食不過我見佢主打明爐燒味咁我就嗌咗一個貴妃雞分題雙拼飯穩陣既 估唔到個配榨菜取代一般燒味飯菜心榨菜配白飯其實都幾過癮首先份量就係飽肚嘅貴妃雞都OK分腫啼個汁唔錯仲有好多塊腫啼味道同埋口感我自己覺得都係OK凍檸茶就差少少 無咩茶味 叫咗少甜小冰都仲係好多冰同埋好甜 所以有少少失望 Btw 埋單$58 都唔平下次試其他再講Ps: 火炭區 無湯 唔係地鋪 雙拼飯$58 如果唔掂嘅話 咁就無嘢好講始終同佢都仲有好多40頭嘅選擇

因為機緣巧合來到火炭，工作完想起以往在火炭可有不少工廈美食，搜尋了一下，找到一間中菜食店“金玥軒”，食店入口不算在起眼，在工廈的則面，費了多點時間才找到。大門口燈光十足，感覺新淨，一進大門，不算人多，工廈的中菜心裏覺得應該不錯，可是打開餐牌菜色選擇不算多，也沒有甚麼特別叫人想試的菜色。不久一壺茶放下，是一般茶餐廳的茶，只是由一杯變一壺而以。再看回菜色，價錢比起酒樓及大排檔一點也不輸蝕。最後點了三道菜，咕噜肉，自家制菠菜豆腐，炒菜芯，太子海皇豆腐羹。怎料菜到才知中伏，太子海皇豆腐羹，一放下店員就立刻幫忙分開了剛剛好兩碗，吃到第二羹景然吃出保鮮紙；咕嚕肉出奇地夾雜皮蛋，整碟餸不熱，吃超像冷盤，咕嚕肉包在皮內九成以上是白雪雪的肥肉，相當油；自家制菠菜豆腐，只是玉子豆腐加上自家的菠菜碎及肉碎，感覺被騙；最後炒菜芯，可能菜芯不是時候，賣相光鮮但已起與自己在家炒的差不多。總括來說，工廈內的茶餐廳加酒樓的裝修，但與正式酒樓相比味道，品質上有一定差距；與大牌檔比又不及人家的風味，菜色衛生程度感覺一般，價錢不算經濟，菜色價格與食物品質亦有差距，性價比低，不吃沒有損失。

今日公司有一個課程叫我來這裡附近上堂，到中午嘅時候去食午餐，見到呢度有一間好大嘅食肆，好似酒樓但又好似飯堂，見到入邊地方好大而且座位好舒適，所以唔理佢係酒樓定係飯堂，就入咗去食嘢😂😂😂😂—————————坐低卡位舒適，待應有禮貌，全部玻璃窗光猛，人特別精神，原本上堂時已經悶到想瞓覺，一個驟雨中的陽光照耀下，而家窗外陽光☀️氣氛精神哂😂—————————見到有好多午市套餐，價錢好抵食，又看見他們有自家燒嘅燒味，突然又好想食😂——————————🟩燒鵝雙拼飯：燒肉拼燒鵝轉瀬粉：燒鵝肉好嫩滑皮又脆，燒肉半肥瘦腩肉最正，塊皮又脆卜卜，自家燒係唔同D嘅👍———————-🟫小食：蒜泥白肉：叫多個小食蒜泥白肉，腩肉係我最鍾意嘅食物，味道適中，中間夾著蔬菜🥬，有蔬菜夾喺中間食，食落更爽甜又好味😋————————🟧飲品：凍檸茶少甜😇————————-無茶錢，無加一，食物正宗、價錢唔貴、坐得舒服、食得舒適。————————一個課餘時間學習下的一個舒適午餐😋食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————

火炭呢間有質素小炒菜館，幾好味！地方好大，都幾多街坊幫襯。原來係細鋪搬大鋪，所以都幾多熟客幫襯呢。川味口水雞：$68雞都幾嫩，口水汁夠辣，好入味！意大利瓜椒蒜一口牛：$128牛香味重 ，一啖一粒，size又係啱啱好動感一口豆腐：$48炸得好香，必食，送飯一流！瑤柱海鮮蛋白炒飯：$88好好味，飯爽口，瑤柱絲好香！老火湯好味，連最後送的綠豆糖水都好好食☺️呢個小菜館有私房菜質素，下次可以帶埋屋企人利食😋

📍金玥軒📮火炭㘭背灣街14-24號金豪工業大廈二座地下及閣樓.餐廳位於火炭工業區, 近年愈黎愈多居屋/私樓建成, 帶動左四周既地方, 餐廳好似都愈開愈多.由港鐵站行左5-6分鐘左右就到達㘭背灣街, 餐廳位置少少隱蔽, 係富豪雪糕右手邊上樓梯就會見到入口.Menu簡單清晰, 平時心大心既我, 望2望已經揀到心水菜式😛點完菜之後侍應好快就放低咗一人一碗例湯送俾我地, 是日例湯係蓮藕湯, 岩晒平時無咩湯水既打工仔.丁方一口燒腩仔 HKD98睇相望落好似細細碟, 實質粒粒都好大粒😏燒腩仔皮脆肉嫩, 脂肪比例好平均, 真係同大酒樓出品有得揮迷綱陳村陳醋咕嚕黑豚肉 HKD98咕嚕肉係其中一個去親食中菜既地方忍唔住會叫既餸, 鬼叫係屋企整功夫咁多咩🥲呢個餸砌到成幅畫咁, 好似一個七彩繽紛既月亮一樣🌙咕嚕肉用上黑豚肉肉質更嫩更juicy, 炸皮又薄又脆, 盡顯師傅功架🤩除左青紅黃椒之外, 餐廳棄用傳統既菠蘿同洋蔥做配料, 選擇左皮蛋同蕎頭, 配搭開胃創新, 令成道菜生色不少壁山漁翁酸菜魚 HKD158侍應放低嗰一刻我地已經嚇左一跳, 無誇張個盤就好似屋企個洗手盤咁大, 相信4個人食都足夠😲食酸菜魚最緊

一家三口住在火炭，什麼餐廳酒樓大牌檔食了數十次，便到工廠區找找新意思，來到了金玥軒晚膳❤️餐廳位置位於火炭工業區，如坐火車步行約五分鐘，十分便利入到門口後發現人數也不少啊雖然已經在晚上，不要以為我下班了餐廳就水靜河飛，很多一大群一大群加班人士在晚飯呢！看到他們枱上的餸菜就知道我一定沒有選錯了首先我叫了一個迷綱陳村咕嚕黑豚肉賣相絕對是五星級酒店🏨我實在相信是廚師在五星級酒店工作劈炮來到這裡開餐廳咕嚕肉上的一大塊脆迷綱大家也搶著吃咕嚕肉十分鬆軟鬆脆，用了麥芽糖，配菜方面除了基本的青紅椒，還有酸酸的喬頭，皮旦，特別酸甜惹味基本上攞看到每一張枱也有人再吃這個餸菜！爆贊😂之後是柚子鍋巴脆蝦球在香脆的鍋巴上放了一些柚子醬和炸得剛剛好的蝦球，告訴你我在吃這一個餸菜是我覺得自己在酒店飲宴中🤤🤤而這一碟餸菜只是108大元！太便宜了！超抵吃！看到廚師的鬼斧神工第三碟菜是酥炸日本廣島蠔配秘製魚香汁魚香汁是廚師自己炮製，十分濃郁，拿來撈飯也是不得了🤤香脆的酥炸生蠔即叫即炸！皮薄，沒有一點雪味！一口咬下去有新鮮的蠔味，實在非常難得最後叫了一個海味燴伊麵一個大湯碗分着四個人吃也吃不完伊面上有很多配料，有銀芽紅蘿蔔韭

係坳背灣街要食燒味通常會去金悅軒(威力地下)。我以為得呢一間，但最後一次食係好難吃。忽然發現金豪2期大閘隔離條"污遭"樓梯 (直上望吳見任何餐廳招牌)地下貼左張紙寫 "金玥軒", 都未試但隔左一排張紙無左。上 openrice 用中英文search (不能只打一個字)只係出地下果間，要打晒金玥軒先能找到上樓呢間，餐廳應要改善下點可以比外人(非熟客)找到餐廳位置。買完外買從正門落原來係麵房街，我係上路落怪吳得見吳到啦。此處的燒味好食好多，餐廳地方都吳細，對我黎講更近，其他食物未試，但外賣湯粉會分湯及有個隔分開d 肉係上層，多左不必要的膠器冥，不太環保。我問過能否吳分湯但答案係未能做到，店員非常有禮貌地回覆。希望能在不久的未來改善下。

相約好友同試食聞名已久火炭金玥軒，由前酒店大廚主理，實力不容置疑。前菜四小碟：話梅茄、漁香脆茄子、胡麻扭波青瓜和蒜泥白肉，話梅茄酸甜醒胃，茄子香脆惹味，胡麻青瓜清爽賣相已吸晴，蒜泥白肉蒜味濃郁可口。自家出品燒味拼盤，蜜汁黑豚肉肥瘦均稱好好食，燒腩仔皮脆肉嫩，燒鵝片啖啖肉有脂香，丹山海蜇爽口，燒味水準一流必食推介當然是柚子鍋巴大蝦球，大大隻炸蝦球淋上大廚祕製醬汁，鍋巴鬆脆蝦球鮮味彈牙，一下子搶光了黑松露手撕雞，脆香雞皮雞肉撈黑松露不油膩肉香味濃漁夫荷塘炒龍躉球細膩肉滑，炸藕片清脆爽口特式甜品蛋白杏仁茶、西米流心丸配合時生果位上，擺盤亮麗吸引，杏仁茶香滑，西米流心丸甜而不膩，生果鮮甜回味無窮必ENCORE

火炭好多餐廳，今日嚟咗呢間餐廳試吓佢出名嘅燒味，見到午餐價錢都OK，而且選擇好多，餐廳環境又坐得好舒服咪得搵仔呀原隻雙脾飯$100油雞髀配燒鴨髀兩隻傳比嘅午餐，真係令人相當興奮，油比好大隻，豉油夠香濃，雞髀亦相當嫩滑。因為平時好少食燒鴨，所以燒鴨髀識落好香脆，啲肉嘅口感都比預期好，呢度嘅燒味真係名不虛傳。面醬茄子炆腩仔飯$48午市套餐有相當多選擇，呢個茄子炆豬腩肉認真一流，味道濃，送飯一絕，而且份量好大碟，食完夠晒飽，啱晒下晝再開工。

朋友介紹呢間中菜係酒店主廚主理，就跟佢黎食下川味口水雞雞肉嫩滑，辣味都幾有層次，但係可以再辣Ｄ動感一口脆豆腐炸得都幾唔錯見到豆腐入面仲有水份同幾嫩，唔似有Ｄ鋪炸到起晒氣泡變左豆卜咁艇家小炒皇食小炒當然要食小炒皇呢個小炒皇都幾足料鮮蝦、蝦乾等都唔少而且食落都有鑊氣叉燒乾果炒絲苗呢個炒飯既擺盤都幾別緻，睇得出大廚好有個人風格飯係用上左紅米，入面仲有D提子乾，口感同味道都幾特別飯後仲送左碗西米露，西米入口即化夠綿密，我鍾意

今天要來火炭工業區拿設計圖所以午餐不得已要在火炭工業區解決本以為工業區沒什麼吃沒想到美食多籮籮一時想不到吃什麼好在網上找一下發現金豪工業大廈有一間由酒店主廚主理的餐廳出名是小炒燒味因為中午的關係不能品嘗小炒於是我點了一份招牌乾炒牛河和紅豆冰乾炒牛河看似簡單但是如果鑊氣不夠炒出來的牛河就會又油又碎所以好吃的乾炒牛河就會看得出大廚的功力首先來的是一杯紅豆冰看著滿滿的紅豆紅豆基本上佔杯子的一半可見紅豆冰足料誠意十足飲下去甜度剛好等了一會乾炒牛河終於到了牛河以竹子造型的碟子裝出十分有風味牛河的油光充足每一條河粉都有油份但絕對不會油膩而家河粉不會碎散牛肉量亦不少而且不是那種薄薄一片的牛肉咬口十足肉質嫩嫩的完全不會有渣渣果然一碟乾炒牛河足以看出廚師的斤両這家的乾炒牛河是我吃過最好食的！進食期間大廚竟然會出來問問客人味道！有點受寵若驚🥰這家餐廳十分滿意我一定會再來光顧！