醉潮館

Open Now

Now Closed

三陂坊係大排檔小菜館嘅聚集地，見到呢間充滿古色古香，連餐牌都寫住「本草湯目」嘅餐廳，就試一試。花膠螺頭燉雞湯底比較輕盈，入口較清新，偏向淡口味，有家嘅味道。沙茶粉絲蝦煲蝦肉份量足夠，重點係吸收晒醬汁嘅粉絲，全部上哂色，相當入味。口感亦唔會黐埋一舊，條條分明。無骨雞腳上上籤如果本身鍾意食雞腳同埋辣野，呢個係唔錯嘅選擇。無骨方便食用，辣度比較高，香口後同麻辣。醬爆喈啫秋葵煲秋葵煮得剛剛好，唔會老，有鑊氣嘅菜式。

荃灣三坡坊最多大排檔🥢醉潮館潮州菜係三坡坊行到最入個間，朋友係街坊好彩有訂位因為佢話晚飯時間多數都座無虛席🦀荷葉膏蟹蒸飯$268荷葉飯足夠三個份量，香噴噴好濃沃嘅荷葉飯未，而蒸飯亦唔會太濕，再加埋少少蒜香，膏蟹大大隻啖啖蟹膏🥬豬油渣炒菜心$68雖然係脆炸豬油渣炒菜，但唔會油膩🫕花膠螺頭燉雞 $68燉雞湯大概分量三碗，燉湯清清地，味道幾好，亦唔會太多雞油🌟店舖地方吾大但好喜歡這種熱鬧的氣氛🌟有特色潮州菜🌟上菜好快

荃灣都幾大，由西鐵行去地鐵我都已經覺得好遠喇🤣🤣原來仲有好多地方我未去過，今次係我第1次喺三陂坊食嘢，呢到有一排餐廳食肆，大部分以大排檔為主，適合一大班人叫餸食飯飲酒吹水🍻今次選擇嘅餐廳係有大排檔風味嘅潮洲菜，裡面探用中式懷舊設計，木枱、木櫈、石磚牆都好似古代嘅中餐館，餐牌都有唔少中式復古嘅元素呢！我哋兩人點咗一個煲、一牒小菜同埋一牒炒飯，加每人2罐飲品，呢餐平均每人$246，9-10成飽😋3人都夠食😆抵食飽肚👍🏻🍲砂鍋卜卜蜆煲(小）$188😋食後感：-估唔到（小）都咁大煲😆好多蜆而且大大隻，底部仲有冬瓜、粟米同粉絲，湯底有少少辣，好香酒味同胡椒粉✅必點好味😋👍🏻🥦🦑XO西蘭花爆炒鮮魷 $128😋食後感：-賣相吸引🤤西蘭花同魷魚比例差唔多，仲有少量青椒🫑紅椒🌶️洋蔥🧅好豐富又多菜之選👍🏻-魷魚🦑煮得韌度剛好，有咬口又唔會太韌，加埋XO醬好滋味😋👍🏻🍚瑤柱蛋白炒飯 $98😋食後感：-炒得好香好有鑊氣，啲飯炒到粒粒分明，好香好味道😋👍🏻🧃天地壹號 $18🥤加多寶 $15😋飲後感：-老公一見到天地壹號就即刻話要飲🤭我就第1次飲，原來係蘋果醋😍好飲🥰反而我選擇咗好耐冇飲嘅加多寶😆好懷舊嘅味道呀～

原來三陂坊一帶都幾多大排檔、打冷！今晚和好友聚舊，來到請間新派潮州菜「醉潮館」。餐廳裝潢帶點傳統特色味道。雖然點了小份量，但都幾大鍋，足夠二至四人食用。砂鍋粥底綿滑，吸收了蟹膏蟹肉的精華，鮮香味十足。餐廳放了原隻蟹來熬煮，有粥又有蟹肉食到，而且真的非常多蟹膏！葱和芫荽會另上，按個人口味添加。（砂鍋粥上枱時非常生滾，而且賣相華麗，一度引來附近的幾桌食客好奇張望。）傳統的潮州菜，粉漿中加入鴨蛋一起煎，入口鴨蛋香味濃郁。蠔烙煎到脆卜卜，好惹味。蠔仔份量頗多，啖啖都能夠食到，而且大粒厚美，味道十分鮮甜。菜名幾特別，叫‘’亂棍打死豬八戒‘’，經店員講解，原來亂棍是形容四季豆。四季豆、洋蔥、三色椒和豬頸肉一起炒，同樣也是大大碟，味道好香，好有穫氣，用來下飯一流。

三坡坊有好多間大排檔，今次就試試呢個最角落頭嘅潮州菜小店，餐廳環境都幾中式，整體味道都唔錯😋🔸 砂鍋卜卜蜆煲（HK$188）兩個人食揀左細size，但實物原來都唔係好細😂蜆肉都幾大粒，唔算多沙，湯底有粟米、蘿蔔同粉絲，湯底都有啲鮮味～🔸蜜椒脆薯牛仔粒（HK$128）牛仔粒都幾入味，但令我surprise嘅係伴碟嘅脆薯粒，好似有薯餅嘅口感，而有種甜甜地嘅味道，好落飯🤪🔸醉潮小炒王（HK$88）​大排檔當然要食小炒王啦，有魷魚、蝦米、腰果、韭菜等，少少嘅辣都幾惹味😎

梨到荃灣一定要食下大排檔，試下d鑊氣小炒，間店位置都好入，網上見評價幾好，餐牌選擇食物好多，值得一試。招牌醬鹵拼盤入邊有好多唔同嘅材料，食物帶醬油香，有豆腐，芽菜韭菜，豬腸，豬腩肉，紅腸，墨魚，豬耳，花生，糖心蛋。拼盤可以食到唔同嘅嘢，啱晒一班人share。醉潮秘製雞煲雞煲上枱之後佢會繼續煮，期間會有同事過梨幫手炒，一打開蓋子，香氣回溢，雞件鮮嫩多汁，雞煲食落香辣有緻，有香料香同多麻既感覺，辣度越食越過癮，推介一試。豬油渣炒菜心哩個不得了，炒得好有鑊氣，又勁香口，豬油渣爆到微脆，雖然好邪惡，但係會令到你係咁想食🤩🤩

今日我去咗荃灣食潮州菜，服務真係幾好。我揀咗砂鍋卜卜蜆煲（小）、鴨旦煎蠔烙同埋雪裏紅蝦干通菜煲。❤️砂鍋卜卜蜆煲(小）$158嚟到先知原來咁大煲，睇相都唔知咁大煲！小煲都咁大煲，唔知大煲係有幾大煲呢😂呢個蜆煲會用個gas爐煮熟助熱啲蜆好大粒，好飽滿。加埋粟米同蘿蔔係湯底入面，令湯汁更加香甜，同埋增加口感層次。仲有少少粉絲喺個底度😆❤️鴨旦煎蠔烙$88鴨旦煎得恰到好處，唔會太腍或者太焦，啲蠔仔都幾大粒，味道好香好美味。😋有提供醬汁點，但我比較喜歡就咁食，已經夠好味😋❤️雪裏紅蝦干通菜煲$88拎到上枱仲係熱辣辣，噴晒煙，沙沙聲好多蝦干，夠晒惹味呀!!!整體而言，呢間潮州菜餐廳嘅菜式都好正，食物質素高，價錢亦合理，值得一試。

醉潮館地址: 荃灣三陂坊30號地舖荃灣三坡坊係出名大排檔，今日同朋友來到當然要去試下啦😛～砂鍋卜卜蜆煲(小)🦪$188大大煲卜蜆煲，粒粒都好飽滿好鮮甜而且處理得好乾淨識落完全無沙🤩，再加上湯底啲粟米; 白蘿蔔; 粉絲真係食到飽飽😛。牙簽雞🐔$68雞肉外皮炸到卜卜脆唔太油膩，而且雞肉肉質都幾嫩滑唔乾身🤪，再配上甜酸醬，好開胃，不錯😋。雪裏紅蝦千芥蘭煲🥬$88芥蘭好嫩滑入口滿滿的清甜爽脆，加上紅蝦干加馬拉盞炒到好煙靭😝，都幾Match😚。蜜椒脆薯牛仔粒🐮$128肉食獸又點可以無肉，牛仔粒粒都俾蜜糖包住超冧超夠味😗，再加上薯餅質感嘅薯仔粒，真係送飯一流😆。

三陂坊出名係揾食好地方，今日試左醉潮館，都值得推介。.大熱天時，去食大排檔最驚冷氣唔夠，呢到雖然枱都放等幾密，但都係舒服的，冷氣又足，適合一大班人黎，就算係小情侶二人撐枱腳都ok。.🔹海膽炒飯🔹炒飯面蓋住半板海膽上菜已經流口水好想食，海膽都新鮮，我就會拌一拌先食，每啖飯都食到入口即融既海膽，炒飯都加左爽脆既魷魚鬚，口感豐富。🔹香辣魚仔炒花甲🔹鑊氣炒花甲係大排檔必點餸菜之一，同平時叫既豉椒炒蜆唔同，呢道菜用左辣魚仔去炒，冇咁重口味。花甲唔算大，但勝在肉飽滿。🔹雪裹紅蝦乾芥蘭煲🔹雪裹紅即係雪菜，再加咸香既大隻蝦乾去炒芥蘭，芥蘭爽脆，味道偏重，送飯一流。

砂鍋卜卜蜆煲（小）$188湯底有粟米，白蘿蔔，粉絲，再加埋d蜆肉，好香好鮮甜，蜆肉粒粒都好飽滿，完全無沙，真係處理得好好👍🏻鴨蛋煎蠔烙$88份量超級大，加上用左鴨蛋煎，十分香脆，餐廳出手都好闊佬，啖啖蠔肉，落足料。蜜桃咕嚕肉$88開胃小菜，送飯一流，好欣賞佢係冇骨既肉粒，食落都好方便，好有咬口餐廳環境舒適，我地食到中間既時間，超級多客人，所以大家最好book定位，就可以吾洗等啦。餐廳菜單 超級多選擇，又有養生湯，性價比超高，好適合多人飯局，可以叫到好多款式嘅菜。

個蜆煲只係細煲但啲蜆居然咁滿 兩個人食可以食得好放肆而且啲蜆肉全部都大大粒本身仲諗做咩要要擺粟米啲蜆已經好鮮甜擺埋粟米真係會甜啲咩？原來真係會啲蜆都食到有粟米味而且粟米好清甜雖然好大煲但我都包底清哂個煲真係好大份所以好彩餐廳俾埋爐慢慢剝蜆食到最後都仲係熱辣辣!第一次唻三坡坊星期四未到八點都咁多人勁好氣氛可以想像到就算淨係嗌支酒嗌個蜆煲都可以有排食仲幾有風味之後仲有個鴨蛋煎蠔餅以前淨係識去油麻地食原來呢度呢個都咁香脆!蠔肉大大粒個蛋仲要係鮮色冇乜油味即係啲油唔係萬年油唻最後呢個小炒王菜脯、銀魚乾、蝦乾、腰果、韭菜花、魷魚鬚加辣椒爆炒好香辣得好上癮餐廳食物嘅種類都好多每樣嘅份量都唔細同埋留意到附近其他幾間餐廳比較集中係中年顧客多而呢間就唔少年青人幫襯都幾難得好似好少年青人約埋一齊食飯係食啲咁傳統嘅中菜想下次試埋佢嗰個蟹粥好似都幾多人叫同埋其他小炒望落都好吸引炒鵝腸好想試平時食開大概$168-$188碟呢度就淨係$128 平成幾十蚊真係幾抵

我們在荃灣發現了一家叫做「醉潮館」的餐廳，被它古樸的裝潢吸引住了。餐廳裡所有的桌椅都是用木製品打造的，感覺就像置身於古鄉之中一樣🥰推薦菜式有砵酒脆肉鯇，脆肉鯇煎得夠香身，爽口彈牙，再配上砠酒完全可以去除魚腥味，真的很好吃😋👍✨還有膏蟹砂鍋粥，味道非常好，非常新鮮！粥底吸取了海鮮的精華，非常鮮甜！煲得很綿，裡面有不少膏蟹，非常美味🫶還有雪裏紅蝦干芥蘭煲，除了芥蘭之外，還有些許蝦乾和肉碎，整個煲非常香，撈起來時咔嚓作響，味道非常誘人😛！📍醉潮館 (荃灣)荃灣三陂坊30號地舖

醉潮館 (荃灣).荃灣三坡坊有好多好野食，今次呢啲中菜潮州野！.▪️傳統鴨蛋煎蠔烙▪️.鴨蛋剪蠔餅，唔係講笑勁酥脆，熱辣辣，每隻蠔仔都大大粒！.▪️砂煲卜卜蜆▪️.卜卜蜆份量好多，雖然食到其中幾隻係比較多沙，佢入邊仲另外有配料粉絲白蘿蔔同埋粟米，個湯好清甜！.▪️啫啫芥蘭煲▪️.熱辣辣嘅一個菜煲，芥蘭完全唔苦仲幾甜，有蝦乾吊味.📌 醉潮館 (荃灣)荃灣三陂坊30號地舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

好友相約男人的浪漫非一般打冷店，醉潮館位於三坡坊最入的角落處，除左招牌蟹粥蠔餅之外，今次來試試其他唔同風味菜，室內座位空間感唔錯，周六日爆場室外仍有加開座位。🐚香辣魚仔炒花甲 $118推介:⭐️⭐️⭐️花甲份量唔少，形狀偏大隻，一陣炒香辣味，辣魚仔尤甚辛辣帶一份重口味感，反而花甲味道有點偏淡，如果鑊氣再好d 令每隻花甲到開哂殼就更理想。🐚原板海膽炒飯 $138推介:⭐️⭐️⭐️⭐️⭐️話明原板，海膽完整覆蓋整個炒飯，海膽鮮味拌勻提鮮，伴花甲通菜食惹味送飯。🌿招牌雪裹紅蝦干通菜煲 $88推介:⭐️⭐️⭐️⭐️⭐️石鍋出爐炒香，配料加入雪菜、蝦乾及肉碎等，咸香好味。通菜入味份量滿意，一齊送飯食唔停rw.🥘醬滷拼盤 $148推介:⭐️⭐️⭐️頭三款已經幾飽肚，口痕痕加多個招牌款，性價合理，滷水大腸及五花腩肉較為欣賞，魷魚片紅腸底下用芽菜做底，如果滷水汁再多d 會更理想。整體可以一試，但更建議試試水蟹粥蠔餅會更吸引。

砂鍋粥(小)-膏蟹🦀$220 呢個粥係佢成個店最特色最招牌嘅餸😚啲粥連埋個海鮮一齊煲😊所以都幾重鮮味☺️另外原隻蟹送上😍煲得好琳😌超級多膏😗而且都食到啲蟹肉😁整體嘅配搭好正😍入邊應該加咗啲姜絲同埋冬菜😋所以更加鮮甜😜可以因應個人喜好而落芫荽同埋蔥砵酒脆肉鯇$108個魚都非常之爽口😄雖然食唔到酒味😂但係佢個調味都好足😁同埋最正嘅係啲魚完全冇骨雪裏紅蝦干菜心煲$88個紅蝦乾超大粒😆中間夾雜左啲欖菜😍同埋肉碎😃所以個菜心索晒啲汁😌非常好食🤪同埋啲菜心都煮得好琳