農耕記 湖南土菜 (嘉威大廈)

Open Now

Now Closed

最近好多香港人北上消費，同時都有好多深圳過江龍喺香港開店🪱上次喺深圳見過呢間連鎖式嘅湖南土菜，見到佢最近新開張有優惠同埋好近地鐵站，喺北角匯商場對面地鐵站出口行1分鐘都唔使就到，前幾日見到舖頭都大排長龍，今日就去咗食😋✨值得一提嘅係裝修好有特色，一行入去好有中國菜嘅氣息😮✨果木脆皮炸雞🍗 $78/半隻半隻嘅脆皮炸雞，兩個人share啱啱好😋👍🏻皮脆肉嫩，仲配有辣椒片可以點下，炸得超級惹味，而且唔會油！覺得值得一試🤍✨鮑魚辣椒炒肉 $128見到餐牌好大張相🤣應該係比較多人嗌嘅招牌菜，相對於魚頭，呢個餸食落唔算太辣，應該對普通人嚟講都冇問題！肉嘅份量好多，炒得好入味😋👍🏻另外都有唔少嘅鮑魚粒✨蒜蓉粉絲蝦仁 $118🤩見到好多人都有嗌蒜蓉粉絲蝦仁🦐俾佢嘅份量驚艷到，大量醃滿醬油、蒜蓉、蔥同埋洋蔥嘅粉絲，再加上大大粒又彈牙嘅蝦仁👀一定要多啲人share食✨雙椒蒸魚頭配麵條 $158超大嘅魚頭，蒸得好入味好香濃，辣椒好香，同時都真係偏辣🥵但個人覺得蒸魚頭又大又多肉，好有特色值得嗌！麵條口感好軟糯✨清炒芥蘭 望落油比較重，但食落好好食！簡簡單單用蒜蓉炒芥蘭，好原始嘅農家菜✨香水檸檬茶 $36超級大

前排同班內地同事聚餐，佢哋話有啲思鄉，就帶左我地去呢間知名連鎖湖南菜餐廳食農家菜。我地叫咗佢招牌嘅鮑魚辣椒炒肉，好有鑊氣，啖啖都食到鮑魚同肉，送飯一流😋😋另一個送飯之選就係蒜蓉粉絲蝦仁，送上嚟嘅時候仲係未煮熟，店員俾咗個漏斗我哋，話倒數完就代表OK，見住佢由生煮到啱啱好熟，好惹味😋😋食咗啲比較重口嘅嘢，叫番碟家常炒絲瓜黎解解油膩，雖然係普通家常菜，但係因為絲瓜質素好，所以好鮮甜～最後叫咗果木脆皮烤雞，冇諗到佢份量咁大🤣我哋三個人都差啲食唔晒，不過味道唔錯，雞肉有炭火香得黎又夠嫩滑👍🏻👍🏻唔該有咁正嘅嘢食點可以唔叫杯嘢飲呢，梗係要返杯香水檸檬茶啦👍🏻👍🏻👍🏻正呀！😋

呢間湖南菜想食好耐 除咗中國之外 新加坡馬來西亞都有分店地點好，方便位於北角匯商場對面地鐵站行過嚟都係1分鐘就到主打湖南本地特色菜香港好少食到 傳統的湖南菜餐廳氣氛幾好 真係好有農家菜嘅感覺原來北角店仲有包廂 啱晒同一家人食飯 或者大班人 環境有特色飲品方面先飲咗一杯特大「香水凍檸茶」份量好大 30幾蚊咋 酸酸甜甜甜甜好開胃蒜蓉粉絲蝦仁$118蒜蓉勁香濃 見到大大粒蝦仁慢慢蒸熟無水蒸 用粉絲隔住 更加原汁原味鮑魚辣椒炒肉$128加咗鮑魚嘅辣椒炒肉 即刻覺得高貴咗鮑魚數量都幾多 有啲都幾大粒 又夠淋想用肥瘦相間的梅頭肉 幾好食 咸香好下飯而且唔會好辣 就算怕都唔驚另外都訂咗比較清淡嘅家常絲瓜搭配口味清新 唔會太鹹來到結尾吃地道的甜品桂花冰粉配料好多 口味清新不會太甜 作為甜品很適合

味道一流，尋回家鄉的味道！吃了鮑魚辣椒炒肉，推薦少油！ ！他們的青椒炒土雞蛋和脆皮烤雞非常地道！青椒土雞蛋用了正宗湖南湖北蛋在家裏絕對差不到這個味道！烤雞皮脆肉滑！這些都是在香港其他餐廳找不到的，無可媲美！建議大家快啲來吃！還有$50現金券！推薦推薦！如果吃不到辣，也有很多選擇，有辣有唔辣任君選擇！這裏的環境一流，七點多入座時，也不算多人！在大門也有菊花茶任喝！入座後環境非常好！侍應服務周到態度和藹可親非常有禮！環境衛生也一流！地面乾爽哈哈

北角分店都應該開左有一段時間未返過深圳食 係呢度見到d食評都有唔錯既comment所以就的起心干去排個隊 試下咩料無得book 台 大概5:30pm去拎飛排隊仲記得個人潮 都塞爆個門口 個日天氣都好熱下我諗大概等左9個字就入座 安排既座位對住門口個area 冷氣都唔大 仲要有d焗仲要食住辣野都真係幾熱～ 建議帶定把風扇仔吹下 今次同行得兩位 所以食既野都食唔到多淨係嗌咗兩個餸一個湯一個係鮑魚辣椒炒肉$128我覺得貴咗啲 青椒多過肉 另外一個係砂鍋酸菜肥腸一樣都係$128 普普通通 本身以為$128係會包埋個飯，點知原來個飯係要另外再嗌$12一碗仲有嗌咗一位嘅湯松茸土雞湯 呢碗湯$38仲嗌咗一杯香水檸檬茶好大杯 $36蚊如果冇折嘅話，總共係$354未包加一嗰日食飯見到某平台滿200-50但係如果你唔同服務員講佢都唔會做個折俾你，所以埋單個時記住要同佢講 折實咗之後$339.4抵唔抵食，就見仁見智啦

放工嚟咗食農耕記，今次嗌咗招牌湖碟魚，魚好爽脆，好特別，辣度適中，食唔到辣嘅仲可以走辣。我哋仲叫咗蒜蓉粉絲蝦仁，喺面前煮，粉絲蝦仁都好入味，蝦仁都新鮮彈牙👍🏻👍🏻最後仲嗌咗杯香水檸檬茶，檸檬味好香，好大杯同埋可以解辣！

最近我去咗一間北角新開嘅餐廳，聽講係香港、廣東、北京、上海、新加坡、馬來西亞超過100間分店，好出名。佢哋嘅鮑魚辣椒炒肉真係非常有驚喜。鮑魚彈牙爽口，配埋辣椒同埋薄片豬肉一齊炒，嗰種辣味同鮮味混合得啱啱好，唔會太辣但又夠味，充滿滋味，好岩香港人嘅口味。🌶️蒜蓉粉絲蝦仁都好出色，蝦仁鮮甜彈牙，每隻都好大隻，配埋蒜蓉同粉絲一齊煮，令到粉絲吸收咗蝦嘅鮮味同蒜嘅香氣，而粉絲嘅口感亦都非常滑溜，吸滿咗醬汁。🦐經典酸菜鱸魚都好正，鱸魚片煮得啱啱好，魚肉非常嫩滑，完全冇腥味。酸菜嘅酸味帶點微辣，令到呢道菜嘅味道層次豐富，酸酸辣辣，非常開胃。🐟麵包誘惑嘅麵包烤得外脆內軟，內餡係凍冰冰嘅雪糕，溶左同麵包一齊食甜甜地好正。🍞最後，香水檸檬茶味道清新酸甜，飲落去非常解渴，非常適合用嚟消暑。🍋

店面裝修有特色，首先要讚嘅係上菜非常之快，服務態度夠好，真係同本地好多餐廳有好大區別，菜式亦特別，亦多種類，喺其他餐廳比較少見，怕辣既都可以選擇小辣免辣，幾適合香港人口味。我哋兩個人叫咗三個餸同兩位湯，招牌湖蝶魚係呢度嘅招牌菜，魚片有咬口又香口，同一般食嘅好唔同，擂辣椒皮蛋辣度適中，侍應會幫忙攪碎，拌飯一流，香芋蒸排骨既芋頭夠粉，排骨亦好嫩口，松茸土雞湯飲落都好足料，如果湯類有多啲選擇會更好。總體嚟講，屬香港少見又有家常菜感覺嘅地方。值得再來。

農耕記由大陸開到嚟香港，以後食小菜唔使北上！價格都好親民$ 100左右都有一個餸，人均一兩百～鮑魚辣椒炒肉辣椒好香口，炒上嚟好好送飯，鮑魚仔嘅數量都唔少，肉質素唔錯！蒜蓉粉絲蝦仁超級好食，粉絲好入味，吸滿蝦精華同埋豉油香。啲蝦都好大隻好彈牙果木脆皮烤雞大大隻，味道不過不失雙椒蒸魚頭魚頭好大，有兩種味岩岩好。不過紅色嗰邊真係好辣😂 食得辣嘅朋友先好叫大蒜炒臘肉臘肉比較瘦，但佢唔會好嚡～用蔥炒整碟都比較油炒絲瓜都幾甜～油豆腐燜拆骨肉香口～麵包誘惑中間嘅麵包脆口，唔錯嘅甜品

今日去咗農耕記食飯，佢係好多唔同嘅地方香港，廣東，北京，上海，新加坡都有分店，開業嗰陣時做到五折，六至七折好抵食，而家都仲好多人排隊，佢應該算係正宗嘅湖南土菜，啲餸都幾有鑊氣，北角呢間分店幾大間新裝修幾靚我食咗以下幾樣小菜，每款都味道唔錯，值得一食鮑魚辣椒炒牛肉這道菜色澤鮮艷,鮑魚與牛肉非常入味,辣椒提供了不錯的辣度而不會蓋過其他食材的風味。鮑魚的Q彈口感和牛肉的香氣十分協調,整體而言這是一道出色的湖南風味菜餚。双椒蒸鱼头蒸魚頭是湖南菜的經典之選,這道菜採用了兩種不同的辣椒,在鮮嫩的魚頭上營造出層次豐富的口感。果木脆皮烤鸡這道烤雞採用了特製的醬料,經過果木炭火烤制,外酥里嫩,皮脆肉香。烤雞整塊上桌,既有視覺沖擊力,又能充分感受到食材的新鮮度。搭配餐廳提供的辣粉,更能突出這道菜的風味層次。家常炒絲瓜絲瓜的清脆口感和餐廳獨特的炒製手法令這道菜格外出色。酒釀馬蹄爽這道甜品清新爽口,恰到好處的酒釀香氣和軟糯的馬蹄完美融合。甜而不膩,解膩消食,為整頓豐盛的湖南大餐劃上完美的句號。總的來說,農耕記的湖南菜色佳,分量十足,價格優惠,值得一試。期待下次再來品嘗更多精彩佳餚!📍 農耕記 湖南土菜 (嘉威

農耕記 湖南土菜 📍分店遍佈全球廣東、北京、上海、新加坡、馬來西亞直營門店超過100間👏🏻👏🏻終於開到來香港～開業火爆排隊今日來左北角分店食晏～店內裝修好有特色！更設有獨立大包廂～能容納20人📍環境唔錯農耕記 湖南土菜主打湖南土菜使用原生態材料～現叫即炒夠鑊氣！叫左好幾款招牌食物好滿意～鮑魚辣椒炒肉、雙椒蒸魚頭配麵條蒜蓉粉絲蝦仁 、家常炒絲瓜 認真味道一流～大家快啲嚟試吓啦😆仲有特大杯1L 香水檸檬茶～📍北角渣華道146-166號嘉威大廈地下6-10號舖

去北角行街，見到北角匯對面有間「農耕記 湖南土菜」，見佢menu幾吸引，又唔貴，決定入去試吓，好彩我夜晚6:00之前就入咗去🫣我入咗去冇幾耐就見到大排長龍，超級誇張！其實最近碌IG都有見到呢一間舖頭，話佢超受歡迎大排長龍，果然係真嘅，如果大家要嚟要預早啲嚟了😅我無聊睇Menu嘅時候，見到原來佢香港都有六間分店，再睇吓原來佢香港、廣東、北京、上海、新加坡、馬來西亞都有分店，真係好瘋狂！佢店舖環境好有特色，好靚，坐得又舒服，我見到佢可以包房，我估大約可以能容納20人左右❤️雙椒蒸魚頭（配麵條）用紅辣椒和青辣椒所蒸的魚頭，魚頭嫩滑，完全冇腥味同泥味👍🏻麵條好滑，好好味！❤️鮑魚辣椒炒肉迷你鮑魚仔、蒜頭、青辣椒、五花肉所炒成的菜，好香口惹味👍🏻❤️家常炒絲瓜絲瓜平時出面食通常係斜切，第一次食切開一片片，口感幾得意😎❤️蒜蓉粉絲蝦仁呢度餸入邊有蟲草花、乾蔥、蔥、蒜、蝦仁，漏斗計時6分鐘就可以食，蝦仁十分嫩滑，粉絲乾濕度剛剛好，正！❤️香水檸檬茶超大杯嘅香水檸檬茶，份量好夠，而且唔會太甜，好抵嗌👍🏻第一次試湖南土菜，食完之後發現佢食材好好，所有嘢都係即炒好有鑊氣，真係值得推薦！而且地點好方便，北角站A1出口

農耕記終於開到黎北角啦，勁近我屋企超方便✌🏻農耕記喺國內超高人氣，次次去都排晒長龍，今日趁住早收工即刻去試下先😆北角分店門口掛滿紅燈籠，充滿中國風嘅設計，仲有間包箱可以容納20人，我同屋企人嗌咗幾款店家嘅招牌菜，全部都係下飯神器👍🏻鮑魚辣椒炒肉必點👍🏻店員會先送上鑊仔，再用枱上嘅爐去翻熱，咁樣保證客人就可以食到熱辣辣又有鑊氣嘅餸菜😋鮑魚雖然細細粒，但份量夠多有二三十粒，軟腍腍又入味，尖椒煸到軟身，令醬汁滲透其中，再加入爽脆嘅白木耳，口感非常豐富，鑊氣十足👍🏻蒜蓉粉絲蝦仁另一招牌菜👍🏻以鐵板上枱，裏面有十二隻鮮蝦仁，加上大量蒜蓉，下面鋪滿粉絲同洋蔥，等蝦仁熟透後就可以食得，蝦肉鮮美爽口彈牙，粉絲吸收晒蝦嘅鮮味，超級好食😋雙椒蒸魚頭配麵條魚頭以泡椒同辣椒各半去蒸煮，食到兩種不同嘅口味，香港版比國內冇咁辣，迎合香港人嘅口味🙂魚肉嫩滑鮮甜，辣辣地更加惹味，加入寬麵條吸滿又辣有鮮嘅湯汁，麵條彈牙煙煙韌韌，我同屋企人都一致讚好👍🏻家常炒絲瓜食咗幾款濃味嘅菜式，我地嗌咗個清清地嘅炒絲瓜，絲瓜軟綿綿，味道清甜，啱晒炎熱夏天食嘅家常小菜香水檸檬茶大大杯嘅檸茶，茶底味道濃郁，入口帶有一種清香嘅甜味，最適合

農耕記 地址: 北角渣華道146-166號嘉威大廈地下6-10號舖湖南土菜上深圳玩時一直想試，排隊人氣店，香港開了台價錢又唔係貴湖南土菜現炒有鍋氣，叫了個有間能容納20人包房，親友食飯朋友活動都可以book鮑魚辣椒炒肉，好夠油辣，要配白飯蒜蓉粉絲蝦仁，岩香港人味道。唔辣清清地，焗6分鐘香氣慢慢滲出家常炒絲瓜，都是岩香港人，唔食辣都ok 水份充足。香水檸檬茶 ，大大杯落到香港架國內餐廳，服務水平都跟了香港！排了一個多小時先有位，見好多客都等到唔耐煩轉場！

今日lunch去咗公司附近近北角滙一間新開無耐嘅農村菜🥰 門面同裏面都紅卜卜🏮🏮🏮超級大間，坐得好舒服👍🏻👍🏻QR code自助落單，好多菜式都可以揀辣度😎我哋三個人，叫咗三個餸：酸菜鱸魚（少辣）🐟：好足料，魚好滑，湯夠香夠濃，推介😍蒜蓉羅氏蝦（少辣）🦐：即係大頭蝦，呢個真係好好味，超級多蒜蓉，撈飯一流🥰🥰茶油炒土雞（少辣）🐔：呢個味道幾好，但係啲雞肉太碎，好似冇乜嘢食咁😓另外叫咗三杯嘢飲，超級大杯，食辣嘢真係要飲凍嘢先夠爽🤪🤪