Akayama (Closed)

職員態度差，食品款式小，唯一吸引的生蠔任食，每次黎一人一隻，叫到第4次已經話賣哂，下，收埋加一2百5十蚊黎食3隻生蠔同啲刺身，如果真係生蠔任食就話ok.睇評分講到咁好，又咁難book位，食到一肚氣。一星期一次既家庭聚餐，失望而回…Read More

一家人諗住開心食放題, 點知中伏啦, 點左刺身黎左之後先知道原來係無壽司食...無天婦羅食, 我早知道一定唔入黎食, 咁都可以叫日式放題?????刺身完全唔新鮮色澤暗淡又無魚味, 燒菠蘿又無, 串燒仲差過街邊檔, 結果小朋友最喜歡食既都無, 埋單成千銀食d咁既野.…Read More

通常食放題都離不開剌身壽司串燒天婦羅之類野食，早幾日去開新蒲崗食，呢間赤山之前都食過同其他放題一樣冇乜特別，但今次食有少少唔同，有生蠔任食，生蠔唔算好大隻但尚算新鮮肥美，另刺身款式唔算多但亦都好新鮮，特別螺有螺味帶子鮮甜，不過點同來既數量就差的，串燒天婦羅都有但都唔算多款，特別一贊係天婦羅蝦，粉漿同蝦比例好好，每次點既天婦羅蝦上枱都新鮮炸好熱喇喇，外脆內軟爽滑彈牙，特別在有雞煲，可選辣同唔辣、雞煲香囗野味，食完雞仲可點菜加入雞煲煮來食，不過比較油膩，亦可點個豬骨湯底打邊爐，湯㡳味道算濃食完的油膩野烚的菜食清清地唔錯。…Read More

朋友去完旅行話要俾手信我 但要去佢屋企附近拎～咁佢就帶左我去赤山食個放題 俾多d時間佢分享旅行趣事～1黎到門口已經見到有得任食生蠔～3-6個人share相仲送1板海膽！好正咁禾！而且都唔少人幫襯 相信區內街坊對赤山一定唔會陌生！由於我地早左到 咁就係門口坐左陣 見到糖水 雪糕 菊花蜜同柚子蜜 都係自助的 另外個雪櫃仲有汽水 紙包飲品 jelly 涼粉 沙律菜 4色珍味小食 全部都是自助的～店員好快就帶我地入座～我地被安排左係外面其中一個鋪位 相對人少清靜～仲有電視睇！！我地先order左蠔同刺身～上菜速度都好快 而且係冰底～keep住食物温度 無咁易壞～首先食生蠔先！都幾大隻 好肥美 好新鮮無腥味 師傅開蠔手勢幾好！食咁多隻都無食到蠔殼！三文魚 帆立貝全部係厚切 無雪味都係好鮮甜美味 新鮮！之後燒物都到了 有幾款真係好食 幾有驚喜 燒牛舌係必食推介！牛舌係厚切 唔會燒到好硬！反而好軟好腍 配上燒汁 好好味！我1共食左6塊 哈哈哈其次係燒年糕 睇個外表白雪雪已經好吸引!1咬落去外脆內軟 芝士味好香濃 口感極佳！叫完再叫♡而我朋友仔就好中e食羊架 因為無乜騷味 而且肉質軟腍無筋 一流！另外尤魚筒都係出面放題少見 配上醬汁好好味！食左好多樣燒物 之後店員再上一個雞煲！有得揀辣或唔辣 我地都中e食辣所以叫左辣！雞都算多 而且好香好入味 雞肉好嫩滑多肉 配菜亦不少！食完雞煲加湯 就變左打邊爐 打邊爐料都係任食 而且款式都唔少 肥牛豚肉丸類菜類 應有盡有！！1個價錢食到咁多野 今餐真係超正物超所值！！值得推薦俾大家～另外店員們都好眼利 收碟速度好快 唔會阻住晒d位～店員亦有禮貌 值得1讚！…Read More

赤山Facebook個LIKE係造假佢地話比LIKE後會送小小食物講到明係呃LIKE  其實呢間放題真係無咩食收$250真係超貴刺身選擇少   無壽司食   無天婦羅食日式放題加個九唔搭八既中式雞煲真係唔知自己係咪上左酒樓落單寫10隻甜蝦黎得4隻  再寫10隻又係黎4隻每次落單食物份量都係黎唔對  有D仲無影無蹤問店員點解竟然扮聽唔到就行開左咁樣待客我地一行6個朋友講明唔會再黎呢間食放題赤山咁做這係倒自己米以後無左既人客又點衹係我地6個人呢…Read More

放題吃過，火鍋吃過，雞煲吃過，火鍋加雞煲也吃過，但三合一放題，火鍋加雞煲就未吃過，還有生蠔任食，當然不能錯過。這個新搞作來自新蒲崗廣場赤山日本料理，今晚路過，一於試試。赤山料理在商場2樓，3樓有間公共圖書館。商場2樓有多間小店，赤山料理分佔兩個大舖位，有走廊分隔，汽水/甜品/冷食/雪糕在大舖那邊，坐小舖就要過對面大舖取用。大舖門口放了一個大冷櫃，放了汽水、甜品、蔬菜沙律/中華沙律/墨魚仔/螺肉/海哲等冷食，客人可自行取用。放題、雞煲加火鍋任食2小時收費成人$228，另加一，入坐起計，最大賣點是生蠔任食。因為地方不大，坐得頗為擠迫。入座不久，就坐滿食客。陪份食客和餐廳職員熟稔，有傾有講，有說有笑，似乎餐廳熟客不少，可能食過翻尋味。坐下先嚐生蠔和刺生。生蠔鮮甜，蠔味濃郁，還夾雜陣陣海水道味，口感不錯。刺身款式有三文魚、油甘魚、活鯛魚、甘海老、鮑魚片、榮螺、北海道帶子、松葉蟹棒和希靈魚等。三文魚入口新鮮嫩滑、油甘魚和鮑魚片肉質爽脆、甘海老蝦肉味鮮甜，整體刺身水準不錯。吃完生蠔和刺生，再攻爐端燒。爐端燒有鯖魚、魷魚筒、帶子串、羊鞍、七味雞賢、汁燒牛舌、鹽燒雞翼、雞肉串、雞軟骨串和芝士年糕等。點了數款試試，汁燒牛舌，舌肉厚身入味，味道不錯。鹽燒雞翼，肉嫩多汁，好惹味。雞肉串和雞軟骨串雞味濃，可惜燒得比較乾身。鯖魚則肉身夠厚，外皮燒得香脆，內裡仍能保留肉汁。羊鞍也燒得剛好，肉嫩味鮮。爐端燒後，輪到雞煲上陣。待應稱雞煲2人份量為鮮雞半隻。雞煲早已燜好，在爐上加熱後，即時雞香撲鼻。雞件夠大件，燜得相當入味，而且肉香嫩滑，值得一讚。雞件吃得七七八八後，待應再放入豬骨湯，開始吃火鍋了。火鍋料有各式蔬菜、菇類、黑木耳、豆腐、豆卜、山根、炸芉頭、手打烏冬和日式拉面等。肉類則有肥牛片、豚肉片、鮮雞件、海蝦、各式丸子、魚皮餃、魚片頭、腸仔和午餐肉等。叫了肥牛片和豚肉片，看上去賣相一般，但灼熟後味道不錯，都算味鮮肉嫩。至於各式丸子反而有點驚喜，魚蛋、魚片頭、貢丸、牛丸等都爽口彈牙。最後是吃甜品，甜品選擇不多，有雀巢雪糕、啫哩、涼粉、雜果和熱芝麻糊。每樣都試了少許，總算不過不失。…Read More

小時候常跟家人到新蒲崗附近食飯自從人大了就好少再來最近又跟家人來到新蒲崗廣場發現了一間放題它的賣點係任食生蠔十分抵一入內已有個大櫃放滿了飲品仲要款式不少下層仲放滿甜品,有涼粉,鮮果冰凍紅豆沙芒果布甸,啫喱各款甜品精緻,不過天氣涼,冰涼甜點還是不太想吃中層有中華沙律及螺肉鮮菜沙律有個大雪糕杯櫃另外要一提就係有自己沖調的柚子蜜或菊花蜜,可因應自己喜好而取份量講左咁耐,係時候要食野今晚賣點生蠔仲有刺身各款都十分新鮮生蠔肥美,鮮味十足,還有絲絲海水味仲有壽司,份量唔會太大,但味道不錯呢款迷你版釀蟹蓋好特別味道很不錯,唔會太鹹,而且好香烤羊架味道好入味,香味十足,但唔會烤得過韌烤粟米味鮮甜,口感十足各式天婦羅炸得外脆內軟,蝦夠鮮甜,蕃薯軟甜最後要食個紅豆沙糖水(熱)要一讚此處紅豆沙,味道適中不會太甜,仲有粒粒豆豆好好味加個冰涼紅豆味雪糕作結赤山放題任食2小時星期六每位HKD228加一服務費食物款式夠多唯獨有點美中不足係其某些食物係最少2件上如果食唔到太多又想試既朋友要留意自己個胃食唔食到了,以免做成浪費!…Read More

表妹最近好勤力咁去自修室溫書準備考DSE，見佢咁用心，作為表姐既我襯今日星期六帶佢去位於新蒲崗圖書館自修室留下既赤山日本料理食下放題。食過咁多次放題，有大約6成都有飲品任飲，呢間都唔例外，不過除左普通既飲品之外，最特別既係有即沖柚子蜜同埋菊花露，係其他食放題既地方係未見過架。其他飲品方面，都係果幾樣，汽水，綠茶等等，種類都算多。前菜好似沙律螺肉等都係以自助形式，大家可以去凍櫃到自己拎。和式前菜， 醬汁既濃度適中，如果每兜既份量多少少就更加好。刺身新鮮爽口，三文魚肥美，非常厚切，重鮮味，甜蝦都啖啖肉，至於生蠔，送黎時隻隻都好新鮮，食落唔腥，滑入口真係好滋味，加埋檸檬汁吊起個味真係好好味呀！至於帶子同蟹捧就普普通通。魚生實在太好味，所以我地都encore再一次。不過當然第二轉就無叫咁多啦。天婦羅方面，粉漿超薄，上菜時仲熱辣辣，令到成件事好好食！炸物方面全部都炸得好香口，口感特別香脆。特別一提炸蟹鉗，金黃色脆，內裏釀滿左蝦肉，爽口彈牙。酥炸雞軟脆骨表面呈金黃色，粒粒脆口又香口，夠入味。燒雞翼燒到微燶，再塗上一層蜜糖，外皮脆內裡雞肉嫩，一口咬落去，雞肉仲能保留好多肉汁，至於大蝦串燒好香，蝦肉好爽口，如果上面既七味粉落返少D好更加好。牛舌燒得好香，唔韌好淋身，配埋秘製醬汁好味道！羊架方面就普普通通，味道同火喉都算OK。甜品方面選擇都算多，好少見放題有啫喱，涼粉，布丁呢D選擇，真係估你唔到，最好味果樣當然係布丁，好味到我仲食左3個添呀。埋單每人$251 左右，咁既價錢，有生蠔食，落單既野又到齊，算唔錯架啦，期待DSE 完全之後再黎食獎表妹食多餐。…Read More

係新蒲崗做完野 當然又要OP搵食啦見到好多人介紹赤山放題 即試！勁開心 原來生蠔係任食嘅 即叫😋😋😋 生蠔size唔細 咸鮮味重👍🏼👍🏼食兩隻又點會夠 叫埋刺身先😋😋 平時出去食放題 份量多數同落單不一樣赤山堅啊 跟住落單份量出 👍🏼👍🏼👍🏼三文魚十分肥美 油脂分布平均 甜蝦爽甜又大隻👍🏼 炸物熱辣辣 香脆可口 尤其係炸蟹鉗 入口彈牙👍🏼 總結 熱食上枱速度又快 食物溫度又夠熱 重要店員好有禮貌 呢餐生蠔放題食得好開心👍🏼 …Read More

晚市任食放題 ($228*)自從新蒲崗開左mikiki之後假期人流都比平時多左今次就同朋友去左附近商場一間放題食晚飯😆呢度放題的選擇不太多 刺身串燒爐端燒等得半頁紙 前菜任拎 不過醬汁太杰身 刺身中油甘魚 帶子 鮑魚片較好吃 但三文魚等幾多筋 重點有任食生蠔 不過都幾腥 有檸檬汁會好少少 熟食方面芝士年糕用烤而非炸 香濃又不油膩有驚喜😋 最深刻的是汁燒牛脷 冇筋之餘濕潤富牛香又唔太油!!其他燒海老 豆腐鍋也不錯 其他相對如一口牛很普通😞 天婦羅熱熱的不厚皮 可惜炸蟹鉗同蟹殻粉就比較厚 地方都唔係大鋪咁企理 係轉角位仲會有少少難揾價錢係小商場算有誠意但就係市區價 當支持小店啦💨…Read More

放題，一向都係我既最愛，縱使質素未必有散叫既日式料理好，但就係中意個種咩都有得叫、咩都叫少少就可以食到好多唔同種類食物既感覺。適逢今日係新蒲崗做野，lunch既時候已經好想好想食日本野了，上openrice發現有間獨市放題，即刻抆男朋友過黎陪我食先！本來都唔太抱期望，因為一黎係新蒲崗地段，得一間放題冇競爭，質素未必好；二黎睇過食評，環境似是很普通，所以真係冇太大期望，只諗住過下口癮。但結果係，有！驚！喜！呀！18:30去到，可能仲早，不算太多人，所以就算冇訂位都可以即刻入座，舖頭分成兩邊，是打對面的，我地被安排到另一邊類似vip既房，當時就只有我地一枱。地方尚算乾淨，因為放題黎講其實有部分都係衛生麻麻，但呢都既枱枱櫈櫈餐具都幾乾淨，唔會有蟹子粒飯粒呢d物體出現。即刻睇一睇有咩食先，種類唔算太多，不過我就即時mark左幾樣我一定要試既食物喇！下面將會介紹幾樣食過我又中意既食物。飲品方面，唔係畫紙仔既，而係係出面個雪櫃度拎。款式唔多，只係好普通既盒裝同罐裝飲品。但都不要緊呀，反正我係黎食野的，所以飲品多唔多款式本身我就冇咩所謂的。首先黎番個刺身拼盤先！除左幾樣自己同男朋友都唔食既魚生冇畫之外，其他都試下先。我最中意既係三文魚同帶子，一點雪藏味都冇，超級鮮甜。生蠔雖然係呢間店既主打，生蠔任食既放題真係少之又少，都唔知有冇添呀。但好可惜我本人不吃生蠔的，呢個重任唯有較比男朋友。男朋友話質素都唔差，而且一點都唔腥呢。黎到赤山，必點既係熟食。熟食真係超高質，所以都忍唔住翻點翻點再翻點。尤其推介一項名為蝦兵蟹蓋的食物，焗得好香口，醬汁撈埋肉真係好好好好味，直頭係停唔到口。圖中既春卷亦炸得好香口，放題可以有呢個質素實在值得一讚。雞軟骨係另一樣要向大家推薦既食物，雞軟骨雖然唔係咩特別既食物，大部分放題都可以見得到，但質素差既可能會係整到好淋，食一粒已經唔想再食。但呢度既雞軟骨炸得鬆脆而且唔會太硬，調味料亦加得很恰當，大讚！…Read More

食放題有得任食生蠔 正呀🍹任食2小時 一至四$218 五六日假期前夕$228生蠔連埋刺身一齊上，味道都唔錯，可以任食食多幾隻都抵啦！之後要再encore!甜品、前菜、小食、飲品都是自助的。刺身以三文魚最好吃，厚肉肥美，條紋清晰，肉質嫩滑。個人認為天婦羅最為好吃，即叫即炸，外皮酥脆，入面熱辣辣，配上天婦羅熱汁，好好吃！蒜蓉焗雜菇牛油味突出，惹味可口，好好吃！串燒也不錯呢！雞腎煙韌爽口，很有嚼勁！  一口牛肉好吃!甜品選了涼粉和啫喱，花奶任落，味道也沒有太大特別。…Read More

這天要回到在新蒲崗的舊居想起已有多年沒有與舊鄰居朋友見面吃飯了所以特別致電她要與她吃一餐好的與及話話當年~~在OP 搜索一下後由於大家都想吃日式放題所以來到新蒲崗廣場的赤山日本料理來呢~ 雖然位於新蒲崗廣場 - 這個頗殘舊的商場但對我們老街坊而言卻多了份親切感!!!而赤山這裡都是一樣雖沒有太華麗的裝修和門面但都算坐得舒服以二百來元可以吃足二小時的日本放題都可以試試~ 門面真的較舊大家去時真的要有心理準備~不過衛生是OK的味道都不錯~ 大家大可以放心~ 說是任吃放題, 大家當然可以任點任食~選擇比起外頭的日式放題來說,相對較少這裡是失色了一點不過刺身壽身熱食一品料理炉端燒不缺生蠔更是每枱都送而且侍應服務勤快有禮房間亦有電視看感覺還不錯~ 先來點前菜吧~前菜如沙律螺肉等是自助形式大家可以移玉步到涷櫃取不過說實裝修是較舊燈光較眼, 感覺上來是不太舒服而且茶水方面更是自己來!想喝飲品要自己沖調而且水BAR 設於店鋪門口雖說沒什麼但整體感覺是怪怪的又不夠衛生希望餐廳多加改善~ 生蠔是送贈的~每人都會有一隻, 感覺細心不錯~~送來時隻隻都新鮮見光澤肥肥的蠔身很飽滿看來是新鮮貨, 好像很好味的樣子~ 口感方面亦相當Creamy!而且一點都不腥一口骨碌就滑到直達喉嚨清清甜甜, 內裡還有美味的蠔水 濃濃的蠔味不住的滲出來叫人回味~~~ 由於太肚餓的闗係我們先點了二款烏冬來填肚~上面是牛肉烏冬, 下面是清湯烏冬二款烏冬口感相當不錯!亦可以用美味來形容~烏冬又爽又滑又夠彈牙湯底異常清甜不咸吃罷全碗連湯都沒有口喝感覺 再加上它放了很多粟米紫菜在內更增加其香甜口感~實在太好吃了~份量是小飯碗的闗係一碗不太夠喉 我們是encore了3次~~ 也來了點炸物- 酥炸雞軟脆骨~炸物這裡水準中上雞軟骨夠入味炸好即上, 所以口感特別香脆沾些沙律醬來就更好吃了! 燒雞翼都沒叫我們失望外皮脆內裡雞肉嫩一口咬下去, 雞肉還能保留很多肉汁是相當香脆的佐酒小吃 !壽司方面點了好幾款整體感覺相當新鮮!魚肉顏色是有光澤的鮮色不會是死實實瘀舊看得出來是鮮貨~~個人很愛三文魚這裡的三文魚就相當不錯魚身油份分佈鮮明咬下去不會太乾身還有少許魚油增加豐溲感覺不錯~ 其它刺身如牡丹蝦和帶子都新鮮好味口感紮實又夠甜就算不沾絲毫醬油都能吃到魚生的鮮甜和甘香!輪到熱食了~~~隨便點了好幾樣包括芝士餃子, 白汁蔬菜等等芝士餃子口感會滯口一點濃濃的芝士把炸好的餃子蓋着對愛香口的人仕來說是味覺雙重享受!個人覺得味道不差芝士亦很香濃和細滑很適合和朋友一口一件分着吃~ 其它熱食都不錯首先夠熱已增加不少分數蝦夠大隻亦入味爽彈白汁調得味道剛好不會過咸搶味西蘭花不會過淋保持水準~ '最後亦試了它們的甜品點了涼粉來吃~加了花奶的涼粉更滑更香微甜的口感亦能為剛才的熱食來點暢快感覺亦為這餐敍舊飯局來個句號~整體來說, 赤山食物水準不錯二百來元來說, 不算太貴不過店子門面裝修各樣的確是殘舊了點相信要裝修一下才能吸引更多食客 …Read More

剛去五芳街陪朋友買木箱鼓，買完他說想食日本嘢，便用手機搵下附近有什麼好西食，最後選左個小商場的放題。入到去，有一個放了很多飲品的雪櫃，下面仲有雜菜沙律，中華沙律同一些甜品，自己拎，很方便！刺身十分新鮮，三文魚肥美，重鮮味，帶子亦夠大，有點爽口。而在甜蝦都啖啖肉的。二百幾蚊嘅放題竟然有生蠔食，仲要質素幾好大隻又甜，好彩無錯過咋！其他熟食都出色，尤其係天婦羅，個皮做得好好，夠薄之餘又唔覺太油。今晚好多野都叫完再叫, encore到連餐廳都想再encore嚟多次添啊！ …Read More

邊個話新蒲崗無好野食？！一於試下放題～赤山！最吸引係有。。生蠔任食！即叫～來了來了！生蠔好新鮮～食落唔腥，滑入口真係好滋味！加上檸檬汁最吊起個味呀！三文魚同蟹棒都係一樣，好新鮮ge！好味好滑口～之後到壽司～三文魚壽司、帶子壽司和刺身一樣，鮮味！可口～火炙三文魚壽司是露比最愛～半熟的三文魚在口中溶化，火炙過的地方更好香！更一最愛蟹子！唔腥～一啖一啖好可口呢！之後。。燒牛舌！牛舌燒得好香～唔韌好淋身，配合秘製醬汁好味道！果蓉鐵板豆腐！豆腐經過鐵板燒煮好香好可口，加上果蓉中和番個熱氣就更好味！七味虎蝦！大蝦串燒完好香，蝦肉仲好爽口！來到炸物～全部都炸得好香口！特別一提炸蟹蓋仔，個名都好得意叫～蝦兵蟹蓋～ lol菜蓉混和蝦肉蟹肉一起炸。。各不搶了大家的味～加上千島醬。。美味！蒜片一口牛！牛牛好香好淋，加埋蒜片一齊焗～最後加上蔥花，成個配搭好和味呀！來到最後清一下。。濃湯野菜煮什菌！濃濃的湯但飲落好清新～野菜和什菌用料豐富，火候又煮得岩岩好，食落夠淋夠味，健康又解膩！ …Read More