但結果係，有！驚！喜！呀！
18:30去到，可能仲早，不算太多人，所以就算冇訂位都可以即刻入座，舖頭分成兩邊，是打對面的，我地被安排到另一邊類似vip既房，當時就只有我地一枱。地方尚算乾淨，因為放題黎講其實有部分都係衛生麻麻，但呢都既枱枱櫈櫈餐具都幾乾淨，唔會有蟹子粒飯粒呢d物體出現。即刻睇一睇有咩食先，種類唔算太多，不過我就即時mark左幾樣我一定要試既食物喇！
下面將會介紹幾樣食過我又中意既食物。飲品方面，唔係畫紙仔既，而係係出面個雪櫃度拎。款式唔多，只係好普通既盒裝同罐裝飲品。但都不要緊呀，反正我係黎食野的，所以飲品多唔多款式本身我就冇咩所謂的。
首先黎番個刺身拼盤先！除左幾樣自己同男朋友都唔食既魚生冇畫之外，其他都試下先。
我最中意既係三文魚同帶子，一點雪藏味都冇，超級鮮甜。
生蠔雖然係呢間店既主打，生蠔任食既放題真係少之又少，都唔知有冇添呀。但好可惜我本人不吃生蠔的，呢個重任唯有較比男朋友。男朋友話質素都唔差，而且一點都唔腥呢。
黎到赤山，必點既係熟食。熟食真係超高質，所以都忍唔住翻點翻點再翻點。尤其推介一項名為蝦兵蟹蓋的食物，焗得好香口，醬汁撈埋肉真係好好好好味，直頭係停唔到口。圖中既春卷亦炸得好香口，放題可以有呢個質素實在值得一讚。
雞軟骨係另一樣要向大家推薦既食物，雞軟骨雖然唔係咩特別既食物，大部分放題都可以見得到，但質素差既可能會係整到好淋，食一粒已經唔想再食。但呢度既雞軟骨炸得鬆脆而且唔會太硬，調味料亦加得很恰當，大讚！
