Video
Read full review
2019-02-25
321 views
椒鹽九肚魚因為我冇食到就講唔到味道啦～但係見到咬開果陣有煙噴出黎，係即叫即炸既；見到粉都唔算太厚，加上每台都必嗌椒鹽xxx，所以唔伏，可以一試。栗子雞煲雞既份量較其他餐廳多，而且唔會係得骨冇肉，算有良心。雞就一定係冰鮮雞嫁啦，雖然肉質較淋，但冇雪藏味都收貨啦。栗子份量亦多，夠粉但唔夠甜，如果增加煲既時間，栗子會更入味同更粉。味道方面，唔送飯食會鹹，少油，不過食哩種餐館就預左嫁啦。黑椒薯仔牛柳粒每台必嗌item!薯仔炸既時間啱啱好，外脆內粉。炸後表面沾上蜜糖，鹹得黎帶點甜味，好食！牛柳粒切得大細適中，一粒一啖；質地軟淋又不失口感，牛味就唔算太突出。Btw，最好趁熱食呀，攤凍左牛柳粒會變韌嫁～荔芋油鴨煲芋頭好粉！好好食！加左椰汁去煮，細粒既芋頭煲成芋蓉，個汁好綿好滑，淋上白飯到撈黎食，無論味道定口感都一流，好快就ko一碗飯><哩個煲既甜味同油鴨既鹹香味配合得幾好，可以和平相處，唔會互搶風頭。油鴨數量唔算多，但起左帶出鹹香既作用，功不可沒。哩道餸係一股清泉，冇其他餸菜咁油同咁鹹整體而言，餸菜份量較足，唔會冇啖好食；有鑊氣，惹味；但較重口味同偏油膩。水準中上，不過就冇第一次食果
$98
30 views
0 likes
0 comments
椒鹽九肚魚
因為我冇食到就講唔到味道啦～
但係見到咬開果陣有煙噴出黎，係即叫即炸既；
見到粉都唔算太厚，加上每台都必嗌椒鹽xxx，所以唔伏，可以一試。
$108
27 views
0 likes
0 comments
栗子雞煲
雞既份量較其他餐廳多，而且唔會係得骨冇肉，算有良心。
雞就一定係冰鮮雞嫁啦，雖然肉質較淋，但冇雪藏味都收貨啦。
栗子份量亦多，夠粉但唔夠甜，如果增加煲既時間，栗子會更入味同更粉。
味道方面，唔送飯食會鹹，少油，不過食哩種餐館就預左嫁啦。
$108
32 views
0 likes
0 comments
黑椒薯仔牛柳粒
每台必嗌item!
薯仔炸既時間啱啱好，外脆內粉。
炸後表面沾上蜜糖，鹹得黎帶點甜味，
好食！
牛柳粒切得大細適中，一粒一啖；
質地軟淋又不失口感，
牛味就唔算太突出。
Btw，最好趁熱食呀，攤凍左牛柳粒會變韌嫁～
$108
31 views
0 likes
0 comments
荔芋油鴨煲
芋頭好粉！好好食！
加左椰汁去煮，細粒既芋頭煲成芋蓉，個汁好綿好滑，淋上白飯到撈黎食，無論味道定口感都一流，好快就ko一碗飯><
哩個煲既甜味同油鴨既鹹香味配合得幾好，可以和平相處，唔會互搶風頭。
油鴨數量唔算多，但起左帶出鹹香既作用，功不可沒。
哩道餸係一股清泉，冇其他餸菜咁油同咁鹹
整體而言，餸菜份量較足，唔會冇啖好食；
有鑊氣，惹味；但較重口味同偏油膩。
水準中上，不過就冇第一次食果陣咁驚艷
有冇留意到薯仔、栗子、芋頭都係飽肚既澱粉，但我中意！哩餐飯因為佢地既存在，單單就口福而言，好滿足~
不過，環境同服務就真係不值一提
環境差就預左嫁啦，
亦唔期望有咩高質素既服務態度，
但啲侍應落order果陣不抽不睬，叫佢黎加單都好唔願意咁，全程黑口黑面，感覺真係好差
連最基本既尊重都無，就算唔憂做都唔係咁啊？
餸菜已經冇咁驚艷，亦較重口味，加上史上最差服務態度，我覺得我唔會再去幫襯。
依家香港同類型既餐廳數不勝數，性價比相近，但服務、環境、味道做得更出色既大有人在，何必再自尋苦吃、去比錢買難受呢？
Post
