草根食堂 (Closed)

趕時間, 隨意咁入咗草根食堂.因為要慳時間食快啲, 我就叫咗奶醬多士配熱奶茶, 白方包烘得香脆, 可惜煉奶同花生醬嘅份量少, 對於鍾意多醬嘅人嚟講唔太夠喉. 朋友嘅豉油皇肉絲炒麵配凍檸茶, 配料有肉絲,胡蘿蔔,韭菜等, 以下午茶嚟講算大份, 個樣都唔頹, 亦無話有太多油, 豉油都算均勻咁沾晌麵條表面.呢度嘅熱奶茶茶味較濃, 奶香稍薄, 係正常茶餐廳表現.

晚上6點半，本來諗住叫小炒食晚飯，點知呢間餐廳仲有下午茶餐，我地就轉軚，叫左茶餐!豬扒炒烏冬，加入好多洋蔥，芽菜同蔥入去炒，好香! 豬扒好鬆化，好淋，好入味，仲有好多，應該有2大塊，切成條，方便食用. 烏冬軟硬過中，不過相比係豬扒，份量就少左d.加2蚊，可以轉凍飲，凍飲仲大大杯!唔洗40蚊，抵食!

草根食堂，朕之前常常經過，成日想試下，但係就偏偏無機會，今日難得出開葵芳睇戲，朕就終於有機會試下草根食堂有幾草根！朕本住親嘗民間疾苦，體驗一下草根階層既生活，朕專登出巡一下《草根食堂》，朕一睇個餐牌，都唔算草根喎，香脆雞翼薯條配C0T總共三十六個大洋。香脆雞翼薯條，雞翼應該番炸過，望落都幾油，外皮就炸到比金黃更更金黃，即係有少少燶，咬落入面啲雞肉都幾乾，應該係番炸過龍吧！而薯條就仲過火，隻叉一叉落去成條薯條爆炸咁散哂，咬落仲要成油！諗住食左啲咁油既野，飲番杯C0T沖淡下啦，點知杯C0T好淡口，無咩茶味，仲要得三塊薄薄既0檬！原來草根係食呢啲野，朕都係食番山珍海味算喇！！！－－－－－完－－－－－

今日星期六，今次去葵芳呢頭開工，先去草根階層會去的地方 "草根食堂"嘆個早餐，原來呢度早餐去到中午12:00喎。望完餐牌後，我揀了(D)餐肉香腸蛋出前一丁配牛角包牛角包 - 微熱，好實，冇牛油味。餐肉香腸蛋出前一丁香腸  - 有煎過，似乎放左好耐，皺皮，變左靱左。午餐肉 - 有兩片，切得很薄片，雖然薄片但午餐肉不是梅梅腍腍那種，內有火腿粒有口。麵條 - 唔似係用出前一丁麵，所以覺得冇甘好食。本來叫太陽蛋，落單時阿姐仲問多我一次係咪要太陽蛋，我話係，點知黎到貨不對辦，就連煎蛋都不如，蛋王散晒和熟晒，不是我想要的。湯底- 好濃味偏咸。餐飲叫熱好立克，不是很甜，可能不是落好多好立克粉。

今日我同老婆咁岩同一日放假，去左葵芳葵涌廣場行街，行行下見肚餓又差吾多6點幾就入左去呢間草根食堂，不用等位，可能我入得早 得幾枱客坐係到食飯，之後我同老婆每人叫左個一人晚市套餐 有一個送一個飯同埋一杯野飲或例湯 我同老婆叫左個椒鹽骨同埋佢話好耐冇食過既梅菜扣肉煲，之後叫侍應落單，之後同老婆傾左一陣計 啲送好快就上 之後老婆就食左一舊扣肉 佢話好似以前丫媽整既咁，好好食（可能佢好耐都冇食過） 我覺得都吾錯 3分肥7分瘦 同埋個汁好岩送飯 而椒鹽骨就無乜特別同茶記差吾多 食到咁上下就見開始多人入黎同埋要等位 而我同老婆就埋單走人

草根固名思意係普通，但下午茶好抵食。今日叫了牛腩魚蛋河加杯熱奶茶牛腩份量都唔少,又大件，好在唔靭。魚彈有3粒,都大粒，但不是太彈牙。河粉份量以下午茶來說都足夠。奶茶都好香奶茶味,唔苦。

草根 坐落係 商場慨地下！草根緊係要連住個地下啦！！嘿嘿 菜單！ 價錢合理慨！都算抵食！ 好多時食早餐 d湯底都好似水咁！而草根慨螺絲粉就羅宋湯黎做湯底！！ 番茄慨酸甜味 帶起左強烈慨食慾！ 螺絲粉煮得岩岩好！冇過淋！！ 牛角包就好似超市級別~普通~~~ 煎蛋就弱左d 太陽蛋熟晒 冇得吸蛋汁囉 唔開心熱朱就一般 再濃d就好d 淡左少少！~！~！

媽咪又唔煮飯，今日隨便系附近搵間餐廳，呢間做街坊生意既茶餐廳價錢算幾抵，叫一個餸仲有一碗飯同野飲！ 一係送餐茶，一係送例湯，呢個豬骨粉葛老火湯都幾夠火喉，唔會好似飲水咁淡。 呢個係紅燒豆腐，冬菇幾大粒，落足料！味道唔錯，不過豆腐入面都係無味。 呢個係蝦醬通菜炒牛肉，偏咸，但我好中意，伴白飯岩岩好！牛肉唔會好多根、幾淋 呢個雞煲有豬潤同好多好多洋蔥！雖然味道唔錯，但可以唔洗俾咁多洋蔥！

晚餐食了個鹹魚鷄粒炒飯，食頭幾兩啖都會感受到疑幻似真的鹹魚味，第三啖已經無晒味道。整碟飯越食越無味，好奇怪。鷄粒份量充足，炒飯也算有心機炒。整體份量足夠。今日唔算好凍，碟飯出來時已經唔係太熱，但都凍得好快。女友叫了鷄翼炸薯條。薯條炸得略老，但未至於燶。這個是下午茶餐，星期六竟然供應至晚上七時三十分。

草根 - 地下階層的人。原本以為價錢應該比較平面化，原來只是店名上的取巧，與實際完全無關，光看汽水高達$18一罐，就可想而知配不上草根這名字。另外，好明顯店員換來一批，光顧茶餐廳已經不望有任何服務可言。我只求快點落單填飽我的五臟六腑，但是想落單都必定要費盡功夫，瘋狂揮動你的雙手。明明四目交接，但是一個侍應扮看不到，兩個侍應，甚至三個侍應都扮看你不到，繼續她們的吹水時間，有一刻我以為自己隱形了。好不容易等來一個侍應，卻告知煲仔菜沒有，燜的沒有，炒麵沒有，你可以點炒或蒸或常餐。算，我忍...常餐A - 沙爹牛肉出前一丁第一次發覺原來出前一丁也有難吃的時候，煮的時間太長，入口即溶的感覺實在令人懷疑自己是否在吃其他食物。沙爹牛肉還算可以，只是比較韌。白菌火腿菴列上枱的時候已經是微暖，內裡的白菌火腿汁，味道完全是難吃！幸好多士不錯，起碼是熱的。水煮牛肉味道辣而不麻，牛肉太韌，香味濃烈，底下配有銀芽，配上白飯還算是不錯。凍奶茶一啖喝下，糖水味，甜到入喉。以為沒有拌勻，再試，依然只有糖水味，茶味和奶味欠奉。作為茶餐廳，最基本的凍奶茶都可以如此，簡直是失敗。以前光顧的草根食堂不是這樣的，起碼位置闊落，

和紅葉小館差不多，好似姐妹餐廳，餐牌也相似，不過紅葉好味一點，可惜 已關門大吉好久了，唯有去草根吧，好耐沒有幫襯，希望有新驚喜...點知都係一成不變，沒有進步，地方淺窄，味道一般 ，以咁價錢，還可以啦，食飽就走。

屋企沒有煮晚飯，所以同媽咪喺葵涌廣場逛逛後就找間餐廳吃個晚飯，由於家母買是偏愛中式餸菜，所以就到了「草根食堂」吃點小炒，外觀上真的甚有食堂的感覺呢～舖前有一黑板寫上了當天晚餐，分為中、西兩款踏進餐廳，就是一條小走廊，兩旁設有2人卡座，再走進去，其實也有頗多座位，擺放得密密麻麻的，人多時要會椅背貼椅背呢發覺餐廳於燈飾佈置上頗花心思呢看看餐牌，食物款式還真多呢，不但有小菜類，還有炒粉麵、咖喱、焗飯、三文治、焗飯及飲品另外還有一般餐廳常見的常餐類老黃瓜湯上枱時嚇了一嚇，肥豬肉多得驚人呢！喝下去不知會增加多少個卡路里！把上方的一層油倒掉後，終於知道這是老黃瓜湯，味道尚算可以接受，入口清甜，味道頗濃，不過下了這麼多肥豬肉. . . 香口也是正常吧. . .姜蔥涼瓜魚腩煲 （$70）煲仔菜永遠也是惹味的，即使實際味道如何，但上枱時發出的「咋、咋」聲，還有那種香氣，也非常吸引。由於家母愛吃涼瓜，所以這次就揀選了一向少吃的涼瓜魚腩。打開煲蓋後，香氣四溢，涼瓜十分翠綠還泛起了油光，每片也是厚厚的，份量也不少呢，而鯇魚腩則放在底下，約有4至5件涼瓜爽脆，質感厚實，帶陣陣回甘（個人認為其實都幾苦），所以吃了

見呢間有水煮既菜式，就來試下首先叫了一個水煮雞球，跟飯，飲品雞片約有十塊多啲，小量芽菜好似$5x蚊，唔太記得，約呢啲價錢。抵唔抵就見人見智喇。雖然個樣滿堂紅，但其實唔太辣，都岩愛辣但唔食得太辣既人既口味。送飯岩岩好，又開胃。另外叫了個晚餐，焗牛扒飯。牛扒足料，呢個真係幾抵食同幾好食。雖然啲牛扒係切左一塊塊，但都有好多塊，啲牛又夠淋，個汁又好食！又有野飲同湯，我地叫左個羅宋湯，辣辣地，不過啲味就有啲假，好似好多茄膏咁。呢道都係一間茶餐廳，啲人態度一定唔會好好。為左食野既，又想平平地食到餐唔太差既，呢間都算係咁。

紅葉結業，走到其姊妹店吃一趟下午茶！ 慣常會叫的“老乾媽“，這間竟沒有供應， 只好叫別的呢!名字叫馬來炒貴刁， 實則送到後，食過會發覺根本是咖喱粉炒河粉， 最妙就是咖喱粉並沒有煮溶，點點黏在河粉上，吃的時候有點沙沙囗感. 配料包括有火腿片，青蔥，洋蔥塊，紅椒絲，炒蛋碎等等， 味道主要是咖喱(粉)味， 少辣，帶鹹， 油量高...在這兒吃飯，偶爾一次無妨，來多幾次定要換腎！

如題，以後都唔會再幫襯。D待應除了一個煲東瓜態度好D之外，其他廣東話好似我幫襯系得罪佢甘款，點兩個餸等成半粒鐘，個炒牛河系D嵌汁一pek甘淋堆蒸到淋謝谢噶粉度，个 炒面忘记落盐淡茂茂。