草根食堂 (Closed)

$32一客腸蛋飯, 唔知點解忽然想食雞肉腸炸香過, 兩隻煎香脆邊細蛋, 蛋黄太少了吧 可是萬萬都想不到那白飯是多麽的煙韌爽口, 粒粒分明彈牙, 想像着配個甜豉油, 一絕 可是, 送來的一樽豉油竟是普通的生抽 鹹死吉列豬扒沙律餐 $30 ... 萬年油炸豬扒, 黑過炭頭 豬扒細塊又瘦, 值唔值$30??? 還是其姊妹店------紅葉, 抵食得多~

這間茶仔，在下已經去過幾次了，上次到過的的時間為去年了。今次再來是因為想在葵方找一間較平民化的食肆，而區內亦有好幾間茶仔，不過在下不想行到智芳街那邊，只好在葵芳廣場內。在下甫坐下，夥計便問在下要甚麼吃，但是在下看過餐牌,還未選定產品，只好着夥計過一會才來，過了一會另一夥計次來到再問，於是便怱怱叫了個「泰國水蜜桃焗雞扒飯」加凍奶茶，這是一個普遍的午餐。飯還未到奶茶已到，兩三分鐘後焗飯又到，於是便開飯啦!焗飯裡的炒飯，有點像100分快餐店的焗飯裡的炒飯，雞蛋較少幾乎是沒有的，炒飯似乎好像沒有炒過的，雞扒方面卻沒有雞味，在下想雖然是冰鮮雞，不是新鮮，但是好像沒有處理過雞的。至於水蜜桃呢，就真是少得可憐，而且將水蜜桃切到一小片，根本沒有甚麼口感，更何況吃不出有甚麼水蜜桃的味道。至於凍奶茶，可能它落糖和奶過多，蓋過了茶味，因此在下不覺得在喝奶茶。如果糖和奶落得太多的話，就失去了其本身的味道，這杯茶仍有改進。環境方面，還尚算可以，服務都ＯＫ，不過產品始終沒有太大的改善，和以往食過的一樣差。因此在下實在很少很少會到這間茶仔食嘢。

早餐 : 牛角飽 + 沙爹牛丁 + 熱奶茶 牛角飽 - 凍的沙爹牛丁 - 唔使半分鐘就到，d麵黐埋一pat，湯熱麵唔熱，好明顯係淥定擺係度熱奶茶 - 飲第一啖，真係唔識形容，"酸酸suksuk"，一陣怪味，試多一啖，真係無法再飲....... 唉......我經驗之中最差的奶茶!!!!!!!!!

前幾日同左女友去左呢間店食早餐,d小二超無禮貌,佢地唔係擺d刀叉比你,係大大力扔落張枱到,而且速度好慢,仲要係咁漏單,趕時間死緊.食物方面我地叫左個牛角包加餐蛋公仔麵同麥皮,個牛角包係凍的,唔知係唔係呢頭興呢,個麵煮得太淋,d蛋d味怪怪的,個麥皮叫正常d,但都不太好,冇下次!!!

草根食堂話明草根的食堂環境當然好草不過又唔算差交通又方便係在MTR格黎食左個常餐牛油多士,多士唔夠脆林得濟白菌火腿奄列,煎都係一般般整火腿同蛋唔係咁夾沙嗲牛肉通心粉,沙嗲唔夠牛肉老,有D咬唔開通粉還好食得落凍檸檬荼都OK檸檬有味茶都有茶味

點了2個小菜, 分別係西檸雞同雜菜煲。 西檸雞約46$左右, 但份量係小到爆, 又味道係....可以講係唔多得, 好似比炸粉包住肉片咁, 食炸粉仲多過肉.... 而雜菜煲就5X$ 咁相比下就好食好多...不過其實都係一般小準....其他地方都正常係會咁既味啦.... 咁佢好在就包埋野飲...問題係= = 叫左小甜都冇小到甜囉..... 咁總之就咁既價錢... 完全唔係草根囉..... 同佢個名好唔MATCH囉....味道..真係我唸下次去番食麵都唔食佢囉....

清晨3點至中午12點都有早餐食？唔駛去外國食brunch，喺香港一樣食到，呢間餐廳個名仲好地道，叫做＂草根＂！真有趣，更何況識食嘅梗係冇富貴草根之分啦，真係有意思，究竟佢嘅食物味道如果，試下咪知囉！ 我叫左個breakfast set，包括有：牛角包，煎雙蛋，大塊炸魚柳（爽脆又唔腥），夠你點有餘嘅大匙羹沙律醬，加一杯飲品，盛惠$26，夠飽肚又好味！夠晒豪氣嘅早餐，我話一Ｄ都唔草根！

七月三十一日（星期六），在葵青劇院看完表演後，朋友們都嚷著要吃點東西，其實看表演之前已吃過東西，我未感到肚餓，不過還是陪陪佢哋找地方醫肚，9點幾，新都會廣場周圍都很多人，好多食肆都要等位，於是我們走過去葵涌廣場，經過草根食堂，見有卡位便跑進去，誰知所有四人卡位都坐了兩、三個人，我們三人唯有坐中間的散座，但那些座位很迫，椅背緊貼椅背，但那時都差不多10點，只想快D食完就走，拿拿聲叫了個套餐，白菌汁海鮮意粉配酥皮龍蝦湯，但等了很久才來我們的order，差點以為漏了單呢。酥皮龍蝦湯，那個酥皮一點都不鬆化，有點韌，湯的味道OK啦。白菌汁海鮮意粉，賣相差強人意，味道呢 . . . 都可以入口嘅。

呢篇文我都唔知叫唔叫得上食評因為根本無食過就走左事源我與朋友兩個人坐左係個4人卡位又有另外3個人到左,阿姐走過黎吩咐(按:無錯,係吩咐)我地兩位後生仔搬,咁我朋友想睇電視,咪就咁同佢講囉,我地仲要岩岩坐底落左單同一時間亦有幾枱兩個客坐4人卡位,回應:我地想睇電視,可唔可以叫其他人阿姐:咁叫你地搬比較方便(我地比較好恰)咁無計啦..好聲好氣問,都或者考慮,一係你唔比人坐卡位,應該一早講低,無理由坐地地先命令人搬.用命令態度就接受唔到,廢事食完比錢谷氣,所以雖然叫左野落左單都係即走算之前都食過數次呢間野食物算係葵涌廣場入面中下啦,如果係早餐,下午茶,都可以接受,22-28都有個茶餐,晚餐就唔好大約50蚊(連凍飲),食物算幾差下,十分比4分(用50蚊黎做標準),服務算做極差無謂比錢搵氣受

仍記得某日下午打完波, 師傅鬼咁肚餓, 一兜友又唔知食咩好, 四圍行, 行下行下見到呢間食店, 見佢個名改得咁抵死, 令到師傅好有感覺, 於是就入去試下, 話晒都叫草根, 就睇下對唔對版, 貼唔貼題先!入到去人唔多, 地方亦唔大, 求其搵個坐底後, 即刻睇下有咩好食先, 望下望下見到有個草根煎蛋飯幾吸引, 但師傅唔想食蛋喎, 於是問下可否轉其他, 結果話得, 咁師傅就柯打左個餐肉腸仔飯配黑椒汁, 而餐飲就係熱檸茶!唔使好耐就有得食, 先試下個黑椒汁先, 黑椒汁香香辣辣, 味道不錯; 而餐肉有兩片, 煎得幾香脆, 而且唔油, 可以啦; 腸仔亦有兩條, 腸仔係煎過嘅, 而且味道較咸, 但勝在香口, 可以; 熱檸茶嘅茶底唔靚, 茶味唔夠, 檸檬唔新鮮, 冇檸檬味, 杯檸檬茶最差!總括黎講餐肉腸仔飯嘅質素合格, 皆因冇難道, 如果連呢樣都唔得, 相信都冇咩人會黎, 服務普普通通, 環境一般, 價錢廿五包熱飲, 咁嘅價錢都可以啦, 但真的草根嗎? 師傅覺得真係見仁見智喇, 不過師傅就感覺唔到, 所以有d唔貼題喇! 有得再揀相信再黎嘅機會不大, 笑臉真係比唔到!

呢個就係所謂既西檸雞球，咬落只有一層勁厚既炸粉，完全分唔到炸粉同雞(見圖)，又實又乾....只食到甜味完全無檸檬味，雞球又少得可憐，咁既質數仲要收我$43服務態度又差....等極都無人理呢間餐廳出晒名貴又唔好食，琴晚去發現同一張枱竟然有兩個餐牌，但發現兩個餐牌價錢竟然有出入(見圖)，唔Check價除時俾佢收多左都唔知

草根, 代表平民百姓; 草根食堂, 就是平民百姓的飯堂, 老闆幾有心思, 在公屋同工廠林立的葵涌區, 果然是以草根居多, 所以下午茶時段來到, 都座無虛席.又是下午茶充當午餐, 叫了一個日式吉列豬扒拉麵, 賣相, 沒令我失望, 因為豬扒同麵分開上. 不過.........炸豬扒, 炸到成一個杯形的扒, 內裝食油, 第一步當然要把扒反轉, 讓油流走.....麵, 是拉麵, 但沒有彈牙的口感, 而且當食到尾的時候, 發現湯底內夾雜了, 一條通粉, 一條仔碎河粉, 一條仔碎米粉.......咦! 建議佢地來個雜麵底, 應該不太差, 亦可以盡顯大鑊飯精神, 更加草根....快快趣食完, 不好食的地方還久留什麼....轉身去Asador想訂位, 誰知, 裝修中......

宵夜 - 腸仔雞扒飯d 野飲同 d 飯都好多，係一件好事 但 d 野食真係唔夠熱，呢樣差左少少 味道ok ，擺得入口

尋晚又單拖去葵芳開餐，本來想去新釗記，但去得多有點悶，見草根飯堂晚餐有椒醬通菜炒牛肉（好多地方冇通菜賣），就決定去幫襯。晚餐$43包一碟小菜，白飯，湯或茶，價錢以葵芳區茶餐廳來講合理（但係葵芳區真係幾貴！）白飯大大碗，羅宋湯都唔錯，但通菜炒牛肉就出事勒！成碟小菜由通菜到牛肉，完全無味道！十足十好似係灼熟的牛肉通菜上面淋汁，完全唔似炒過，而牛肉仲要又多筋又Un，通菜又係無味道，食左半碟始終頂唔順。真係好後悔來呢間！

從來對這間食堂印象麻麻，十過其門而不入，竟然是阿龍介紹我去食早餐，但食後真覺有驚喜。　早餐有差不多廿款選擇，除了指定動作的多士、餐包，還有牛角包、菠蘿包及菠蘿油選擇，令人雀躍。早餐食菠蘿包/油太heavy了吧，我選了牛角包，外層不夠脆，但質感鬆化都ok的。　煎蛋肉丁公仔麵十分豐富，店方至少用上了半罐肉丁，整碗麵都飄浮著肉丁與紅油，肥膩但令人滿足~　最後一杯凍奶茶本來有點過甜，但與香辣的肉丁麵卻是絕坐配搭，而且夠茶味也得我心。　$22的這一份早餐，令人十分滿意呢，而且供應時間去到12點，再到葵芳看戲的話可以返炒!