草根食堂 (Closed)

八號風球之後想搵間茶記食下，見呢間D位幾舒服，又唔洗等，就入左去食。坐低睇完餐牌想叫野食，但附近都唔見有員工，過左陣終於見到個阿叔就即刻舉手。然後佢好唔請願地慢慢行過黎，態度勁差，落單落到好似我殺左佢阿媽。野食到了，牛油方包勁少牛油，而且又完全唔脆，沙嗲牛麵底偏軟，不過味道尚算OK。整體黎講都伏架啦，態度太差，唔會再去

有個員工(阿叔嚟)態度差到極點。我一路點餐，個阿叔一路全和西口西面，仲要jip jip聲同勁惡，一臉嫌棄咁落餐，仲要聽到佢爆曬粗。以後唔會再幫襯，咁差態度就唔好做！

超級唔夠人手，全場得2個樓面人手，服務太差，叫左食品30分鐘都未有，真係唔會有下次，叫極落單睇到都無人應，收銀姐姐真係收銀，完全淨係坐唔會幫手落單，落單重覆問完又問，都唔知點解咁多人幫襯。

杯凍奶茶裏面有粒檸檬核 同個職員講 要換過另一杯 個職員攞番過黎就算 一句唔好意思 對唔住 都無講過而家呢個肺炎時期杯都洗唔乾淨食物衛生都做唔好既 開咩餐廳？唔會再黎呢間到食

今日去買外賣，叫咗一個腐乳通菜炒牛肉同埋椒鹽豬扒，當時我係第二個買，然後後面有一堆人排緊隊，然後我見到外賣呀姐草埋一堆單交比另一位同事！之後我一路等，一路見到佢出咗野食比排我後面嘅人先。咁我就問呀姐我個個仲有幾耐，佢叫我等多陣，沖埋野飲就有，但人地個啲野飲就唔洗沖即刻有架喎，一路包其他外賣就冇問題，結果前前後後等咗50分鐘先有。如果嫌時間多可以幫襯，間鋪出野食完全唔識跟次序Ps：個呀姐仲要質疑我係咪咁耐，開埋相比佢睇我幾點買咗先信我排咗好耐

呢間餐廳已經有一段時間無去，g前覺得佢食物好咸，服務態度差無再去，隔左一年，最近抽起條根再去幫襯過。入到去落單亞姐肥肥地態度都ok，食品嚟到覺得無以前咁咸，味道一般唔算好食，食嘢中聽到有個（4眼）待應不停講粗口，當出去櫃檯收銀處時，我俾錢個時好有禮貌講唔該，跟住我話想攞番張單，個收銀員聽到好晦氣，攞張單唔係俾我，係掉落張枱我自己執，仲黑口黑面，估唔到呢間餐廳，g前咁多符評都唔會改進，重俾以前更差，除非收銀員佢係老闆，如果唔係無理由個老闆唔知，點解呢d咁差嘅員工繼續用佢？

葵芳的葵涌廣場多嘢食就係人都知，但是要找一間有水準、有鑊氣、性價比高的茶餐廳，食炒粉麵飯，就不是那麼容易！但我終於找到了！位於葵涌廣場地下有兩間茶餐廳，一間是新超記，令一間便是草根食堂。由於前一陣子疫情關係，茶餐廳也推出抗疫外賣自取優惠，只需$38便有數樣炒粉麵飯可以選擇，送例湯再加飲品。之前試個炒貴叼，水準很好！今次叫咗一個乾炒牛河，送紅湯，熱檸水。覺得今次乾炒牛河水準下降，第一，太油膩，鑊氣不太夠！味道不算很突出，本人覺得味道可以濃一點。但始終乾炒牛河要好食堂食是最理想的，這個價錢有一碟粉、湯、野飲真的無可挑剔。總括，下次我亦會光顧，再試一試其他產品。

去葵涌廣場辦完事, LUNCH 又未食。老公話想食茶餐廳, 最就腳就係草根食堂, 見有位, 就快快手走入去食。就坐後, 餐廳職員話可以叫下午茶, 我地叫左碎牛肉蛋三文治同干炒牛河。碎牛肉蛋三文治 - 牛肉唔夠多,  只係食到蛋味, 不過包算新鮮。干炒牛河 - 唔太油, 幾好味。熱奶茶 - 不錯凍啡少奶少冰 - 好淡, 一般埋單只係HKD 66, 人均HKD 33, 真心算係平。

葵涌廣場的確好多嘢食，但係想食下小炒嘅餐廳就唔太多，執下少一間，執下有又一間。今日同老公嚟咗草根食堂食個晚餐，叫咗兩個小菜套餐。一個套餐有飯，有湯，有嘢飲，價錢就取決於你揀咩餸。啫啫蝦乾通菜煲 $70小炒鑊氣夠，上枱時熱辣辣，出晒煙咁，肉碎蝦乾都足料，只係味道偏鹹，不過送飯係一流既沙拉骨 $70即叫即整嘅關係，所以都等咗15分鐘，上到枱面嘅時候當然係熱辣辣啦，一字骨唔會炸得太乾，菠蘿係用新鮮菠蘿唔係罐頭，所以加埋沙律醬個配合係幾好食。嘢食質素可能唔太穩定，草根價錢，都係草根質素，連啲侍應都好草根，講嘢大大聲之餘又會爆粗，其實都幾影響客人嘅。

有一次放工，已經係深夜十二點幾，由於已經深夜，好多餐廳都閂咗門，唯有去呢間餐廳食嘢，主要因為好肚餓，唔想再搵其他餐廳，由於我唔知呢間餐廳收咗牌未，所以就入去問下櫃檯果個收銀女人截咗單未，姝不知我好聲好氣問佢，佢竟然用大聲夾惡既語氣問我：咩呀？等一陣啦！外賣呀？雖然佢聽緊電話，但都唔使用D咁差既語氣回應我呀？我宜家殺咗你全家呀？😡😡我咁夜放工夠攰夠受氣啦！唔通又用咁差既態度對人呀？你冇嘢呀？😡😡😡因為係住附近，所以都大概聽聞呢間野呢條櫃枱女人態度唔好，把口好似食咗屎咁！因為已經好夜，其他鋪頭已經閂左門，冇可奈何先屈就係呢間餐廳食嘢，環境已經唔🤮乾淨，食物簡直同垃圾🤢冇分別，沾污咗我個口同胃，以為呢間野會有改善啦！點知一如以往走向不知所謂既風格，呢啲餐廳都冇得救，就係因為呢一次，我冇再幫襯過👋🏻

葵芳食肆小店林立， 嗰邊其實都有好多唔同類型的餐廳 ，今日想食簡單啲， 便入了一間茶餐廳， 由於人數不多，所以不需等位， 邊簡簡單單叫了一碟炒飯和焗螺絲粉， 未道實屬正常，但令我最覺得意外的是這間餐廳是通宵營業，是開24小時，如果刻區的食家肚餓，深夜又唔想煮都可以落去食下野或者叫外賣，或是一個不錯的選擇。食落咸魚未夠鹹，雞粒都比較小，份量都層中等，相反，另一碟螺絲粉份糧較多，吞拿魚撈埋鮮茄口感都層可以，不過不失

本人今天放假經過葵涌廣場地下的草根食堂, 與媽媽入內點了兩份茶餐, 個阿姐落完單一直向門口方向行一路講要唔要碗, 然後轉頭望住我, 我答是否問我? 她說當然啦！鬼知你咩！搵個背脊對住我, 以為佢黐咗線自言自語, 仲同我講, 見你有老人家咋, 唔一定要俾碗你㗎! 我由始至終都冇問過佢攞碗囉！佢隻碗鑲咗金呀！咁巴閉, 然後上菜, 干炒牛河正常, 但咸魚雞粒炒飯只有雞粒冇咸魚, 因為冇員工過嚟, 我過去同個收銀講, 佢竟然話冇一粒粒咸魚㗎, 係咸魚容嚟, 我話連咸味都冇, 何來有咸魚容呀？佢話你只可以話廚房冇落鹽, 真係吹脹, 跟住之前攞碗俾我個阿姐仲插嘴, 話下次俾多啲咸魚我, 呢間嘢簡直不知所謂, 冇下次。

差唔多5點既時候有少少空閒就去左葵廣搵野食醫肚咁岩見到呢間叫草根飯堂既餐廳價錢又真係幾草根下38蚊一碟炒粉麵飯加杯野飲今時今日既香港好難搵到咁就入左去試今次我就叫左個豉油皇肉絲炒麵炒得都算幾上色食落味道普通 肉絲比正常餐廳少另外鍋氣都稍嫌唔夠整體黎講唔算好好既一道菜但如果睇番38蚊既價錢絕對係合理不過自己就應該唔會再黎一次會選擇食下其它葵廣既美食

早幾日收工去食草根食堂，一進門口已經覺得成塊地都係油污，衛生極差。等了很久也沒有員工幫忙落單，等了幾分鐘才有員工幫忙，而且態度惡劣，一邊自言自語，一邊幫我們落單，及後更把水杯餐具用力丢在桌上，整間餐廳的員工都十分躁狂！用餐時更發現地上有為數不少啲小強，認真惡劣！餐廳旁邊堆滿已拆封，積完灰塵的即食麵，食物的衛生程度簡直與在洗手間用餐無異！這間餐廳真的超級大伏，而且24小時營業的餐廳也波有看過員工會認真清潔，以後不會再去！

俾錢個時野又唔講 多謝都無句 面又黑 食個飯都要受氣真係傻的嗎如果唔係依間野開廿四小時真係狗都唔食 各位如果想食好野 可以過去路德圍後面 仲多好食既餐廳 唔一定要去依間垃圾 信我